സാ​യു​ധ സേ​ന​ക​ൾ​ക്കു പ്ര​ത്യേ​കാ​ധി​കാ​രം ന​ൽ​കു​ന്ന അ​ഫ്സ്പ വീ​ണ്ടും പു​നഃ​സ്ഥാ​പി​ച്ച​ത​ട​ക്കം ബി​രേ​ൻ സിം​ഗ് സ​ർ​ക്കാ​രി​ന്‍റെ ന​ട​പ​ടി​ക​ളെ​ല്ലാം ഏ​ക​പ​ക്ഷീ​യ​വും വി​വേ​ച​ന​പ​ര​വു​മാ​ണ്. അ​ക്ര​മം രൂ​ക്ഷ​മാ​യ ഇം​ഫാ​ലി​നെ​യും താ​ഴ്‌വ​ര പ്ര​ദേ​ശ​ങ്ങ​ളെ​യും മാ​ത്രം അ​ഫ്സ്പ​യി​ൽ​നി​ന്ന് ഒ​ഴി​വാ​ക്കി​യ​തു പ​ക്ഷ​പാ​ത​പ​ര​മാ​യി. വി​ക​സ​ന​പ​ദ്ധ​തി​ക​ളി​ൽ മു​ത​ൽ ദു​രി​താ​ശ്വാ​സ​ത്തി​ൽ വ​രെ ക​ടു​ത്ത വി​വേ​ച​ന​മാ​ണു ഗോ​ത്ര​ജ​ന​ത നേ​രി​ടു​ന്ന​തെ​ന്ന കു​ക്കി​ക​ളു​ടെ പ​രാ​തി​യി​ൽ ക​ഴ​ന്പി​ല്ലെ​ന്ന് ആ​ർ​ക്കും പ​റ​യാ​നാ​കി​ല്ല.

സ​മ​യം പാ​ഴാ​ക്കി മോ​ദി

വ​ന്ദേ​ഭാ​ര​ത് ട്രെ​യി​നു​ക​ൾ ആ​ഴ്ച​തോ​റും ഉ​ദ്ഘാ​ട​നം ചെ​യ്യാ​ൻ ഓ​ടി​ന​ട​ക്കു​ന്ന പ്ര​ധാ​ന​മ​ന്ത്രി മ​ണി​പ്പു​ർ സ​ന്ദ​ർ​ശി​ക്കാ​ൻ ത​യാ​റാ​കാ​ത്ത​ത് അ​തി​ലേ​റെ തെ​റ്റാ​ണ്. തെ​ര​ഞ്ഞെ​ടു​പ്പു പ്ര​ചാ​ര​ണ​ങ്ങ​ൾ​ക്കാ​യി മ​ണി​പ്പു​രി​ലും വ​ട​ക്കു-​കി​ഴ​ക്ക​ൻ സം​സ്ഥാ​ന​ങ്ങ​ളി​ലു​മ​ട​ക്കം രാ​ജ്യം മു​ഴു​വ​ൻ പ​റ​ന്നു​ന​ട​ക്കു​ന്ന മോ​ദി​ മ​ണി​പ്പു​രി​ലെ ജ​ന​ത ദു​രി​ത​ത്തി​ലാ​യ​പ്പോ​ൾ കാ​ണാ​ൻ​പോ​ലും വി​സ​മ്മ​തി​ക്കു​ന്ന​തി​ന് ന്യാ​യ​മേ​തു​മി​ല്ല. മ​ണി​പ്പു​ർ ക​ലാ​പ​ത്തെ​ക്കു​റി​ച്ചു പ്ര​ധാ​ന​മ​ന്ത്രി തു​ട​രു​ന്ന ദു​രൂ​ഹമൗ​ന​വും നി​യ​മ​സം​വി​ധാ​നം നി​ല​വി​ലു​ള്ള ഒ​രു രാ​ജ്യ​ത്തി​നും അം​ഗീ​ക​രി​ക്കാ​നു​മാ​കി​ല്ല.

വെ​ടി​വ​യ്പു​ക​ളും ബോം​ബേ​റു​ക​ളും വെ​ട്ടി​ക്കൊ​ല​ക​ളും തു​ട​ർ​ക്ക​ഥ​യാ​യി​ട്ടും മു​ഖ്യ​മ​ന്ത്രി എ​ൻ. ബി​രേ​ൻ സിം​ഗും മ​ന്ത്രി​മാ​രും നാ​ണ​മി​ല്ലാ​തെ ക​സേ​ര​യി​ൽ അ​ള്ളി​പ്പി​ടി​ച്ചി​രി​ക്കു​ക​യാ​ണ്. ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കാ​ൻ ഭ​ര​ണ​ഘ​ട​നാ​പ​ര​മാ​യ ഉ​ത്ത​ര​വാ​ദി​ത്വം നി​റ​വേ​റ്റു​ന്ന​തി​ൽ വീ​ഴ്ച വ​രു​ത്തി​യ സം​സ്ഥാ​ന സ​ർ​ക്കാ​രി​നെ പി​രി​ച്ചു​വി​ടാ​ൻ കേ​ന്ദ്ര​വും ത​യാ​റ​ല്ല. ബി​ജെ​പി മു​ഖ്യ​മ​ന്ത്രി​യെ പു​റ​ത്താ​ക്കാ​ൻ ബി​ജെ​പി നേ​തൃ​ത്വ​ത്തി​നു ക​ഴി​വി​ല്ലാ​ത്ത നി​ല. മ​ണി​പ്പു​രി​ക​ളു​ടെ ക​ണ്ണീ​രൊ​പ്പാ​ൻ രാ​ജ്യം ഒ​റ്റ​ക്കെ​ട്ടാ​യി ശ​ബ്‌​ദ​മു​യ​ർ​ത്തേ​ണ്ട സ​മ​യ​മാ​യി.

നി​യ​ന്ത്ര​ണ​മി​ല്ലാ​തെ അ​ക്ര​മം

ഇ​ന്‍റ​ർ​നെ​റ്റ് വി​ല​ക്കു നീ​ക്കി​യ​തി​നു പി​ന്നാ​ലെ ക​ഴി​ഞ്ഞ 23നാ​ണ് സോ​ഷ്യ​ൽ മീ​ഡി​യ​യി​ൽ ജൂ​ലൈ ആ​റി​നു കാ​ണാ​താ​യ മെ​യ്തെ​യ് വി​ദ്യാ​ർ​ഥി​ക​ൾ കൊ​ല്ല​പ്പെ​ട്ട ചി​ത്ര​ങ്ങ​ൾ വൈ​റ​ലാ​യ​ത്. പ്ര​തി​ഷേ​ധ​ക്കാ​ർ തെ​രു​വി​ലി​റ​ങ്ങി​യ​തോ​ടെ മേ​യ് ആ​ദ്യം നി​ർ​ത്ത​ലാ​ക്കി​യ മൊ​ബൈ​ൽ ഇ​ന്‍റ​ർ​നെ​റ്റ് സേ​വ​നം വീ​ണ്ടും സ​സ്പെ​ൻ​ഡ് ചെ​യ്തു. കു​ക്കി ഭീ​ക​ര​രാ​ണു കൊ​ല​യ്ക്കു പി​ന്നി​ലെ​ന്ന് മെ​യ്തെ​യ്ക​ൾ പ​റ​യു​ന്നു. എ​ന്നാ​ൽ കൊ​ല​യ്ക്കു പി​ന്നി​ൽ ത​ങ്ങ​ള​ല്ലെ​ന്നും മെ​യ്തെ​യ് ഭൂ​രി​പ​ക്ഷ ബി​ഷ്ണു​പു​രി​ലാ​ണ് ക​മി​താ​ക്ക​ളാ​യ ര​ണ്ടു വി​ദ്യാ​ർ​ഥി​ക​ളെ​യും അ​വ​സാ​നം ക​ണ്ട​തെ​ന്നു​മാ​ണ് കു​ക്കി​ക​ൾ പ​റ​യു​ന്ന​ത്.

വി​ദ്യാ​ർ​ഥി​ക​ളു​ടെ കൊ​ല​പാ​ത​ക​ത്തി​ൽ പ്ര​തി​ഷേ​ധി​ച്ച് ഇം​ഫാ​ലി​ൽ ര​ണ്ടു ദി​വ​സ​ത്തി​ലേ​റെ​യാ​യി തു​ട​രു​ന്ന അ​ക്ര​മ​ങ്ങ​ൾ പൂ​ർ​ണ​മാ​യി നി​യ​ന്ത്രി​ക്കാ​നാ​യി​ട്ടി​ല്ല. പ്ര​തി​ഷേ​ധ​ക്കാ​രും പോ​ലീ​സും ത​മ്മി​ലു​ള്ള ഏ​റ്റു​മു​ട്ട​ലി​ൽ അ​റു​പ​തോ​ളം പേ​ർ​ക്കു പ​രി​ക്കേ​റ്റു. വി​ദ്യാ​ഭ്യാ​സ​സ്ഥാ​പ​ന​ങ്ങ​ൾ​ക്ക് ര​ണ്ടു ദി​വ​സ​ത്തെ അ​വ​ധി പ്ര​ഖ്യാ​പി​ക്കേ​ണ്ടി വ​ന്നു.

മു​ഖ്യ​മ​ന്ത്രി ബി​രേ​ൻ സിം​ഗി​ന്‍റെ ഇം​ഫാ​ലി​ന്‍റെ പ്രാ​ന്ത​പ്ര​ദേ​ശ​ത്തു​ള്ള ആ​ളൊ​ഴി​ഞ്ഞ ത​റ​വാ​ട്‌വീ​ട് ആ​ക്ര​മി​ക്കാ​നും ശ്ര​മം ന​ട​ന്നു. ഇം​ഫാ​ൽ വെ​സ്റ്റി​ലെ ഡെ​പ്യൂ​ട്ടി പോ​ലീ​സ് ക​മ്മീ​ഷ​ണ​റു​ടെ ഓ​ഫീ​സ് മെ​യ്തെ​യ് ജ​ന​ക്കൂ​ട്ടം ത​ക​ർ​ത്തു. ര​ണ്ടു വാ​ഹ​ന​ങ്ങ​ൾ ക​ത്തി​ക്കു​ക​യും ചെ​യ്തു. തൗ​ബ​ലി​ലെ ബി​ജെ​പി ഓ​ഫീ​സും പ്ര​തി​ഷേ​ധ​ക്കാ​ർ ക​ത്തി​ച്ചു. കാം​ഗ്ല കോ​ട്ട​യ്ക്കു മു​ന്നി​ൽ സ്ത്രീ​ക​ളു​ടെ നേ​തൃ​ത്വ​ത്തി​ൽ മെ​ഴു​കു​തി​രി ക​ത്തി​ച്ചു പ്ര​തി​ഷേ​ധ​വും ന​ട​ന്നു.

അ​തി​വേ​ഗം സി​ബി​ഐ

യു​വാ​വി​നെ​യും കൂ​ട്ടു​കാ​രി​യെ​യും കൊ​ല​പ്പെ​ടു​ത്തി​യ സം​ഭ​വ​ത്തി​ൽ ന​ട​പ​ടി ആ​വ​ശ്യ​പ്പെ​ട്ട് 22 മെ​യ്തെ​യ് എം​എ​ൽ​എ​മാ​ർ കേ​ന്ദ്ര ആ​ഭ്യ​ന്ത​രമ​ന്ത്രി അ​മി​ത് ഷാ​യ്ക്ക് ക​ത്തെ​ഴു​തി. തു​ട​ർ​ന്ന് ഷാ​യും ബി​രേ​ൻ സിം​ഗും സം​സാ​രി​ച്ചു. ഉ​ട​ൻ ന​ട​പ​ടി​യു​മാ​യി. സി​ബി​ഐ മേ​ധാ​വി പ്ര​വീ​ണ്‍ സൂ​ദ് നേ​രി​ട്ടു കേ​സ​ന്വേ​ഷ​ണ​ത്തി​ന് നി​ർ​ദേ​ശം ന​ൽ​കി. സി​ബി​ഐ സ്പെ​ഷ​ൽ ഡ​യ​റ​ക്‌​ട​ർ അ​ജ​യ് ഭ​ട്ന​ഗ​ർ ഉ​ൾ​പ്പെ​ടെ​യു​ള്ള ഉ​ദ്യോ​ഗ​സ്ഥ​ർ ഇം​ഫാ​ലി​ൽ ത​ങ്ങി​യാ​ണ് അ​ന്വേ​ഷ​ണം ന​ട​ത്തു​ന്ന​ത്. മെ​യ്ത​യ് യു​വാ​വി​ന്‍റെ ത​ല​യ​റ​ത്ത​പ്പോ​ഴും നേ​ര​ത്തേ കു​ക്കി യു​വാ​വ് സ​മാ​ന​രീ​തി​യി​ൽ കൊ​ല്ല​പ്പെ​ട്ട​പ്പോ​ഴുമുള്ള സ​ർ​ക്കാ​രി​ന്‍റെ നി​ല​പാ​ടി​ൽ വ്യ​ത്യാ​സം പ്ര​ക​ട​മാ​യി.

മ​ണി​പ്പു​ർ കേ​ഡ​റി​ൽ​പ്പെ​ട്ട ഐ​പി​എ​സ് ഉ​ദ്യോ​ഗ​സ്ഥ​ൻ രാ​കേ​ഷ് ബ​ൽ​വാ​ളി​നെ ശ്രീ​ന​ഗ​റി​ൽ​നി​ന്ന് ഇം​ഫാ​ലി​ലേ​ക്കു മാ​റ്റി നി​യ​മി​ച്ച​തി​നെ​യും കു​ക്കി​ക​ൾ സം​ശ​യ​ത്തോ​ടെ​യാ​ണു കാ​ണു​ന്ന​ത്. 2019ൽ 40 ​സി​ആ​ർ​പി​എ​ഫ് ജ​വാ​ന്മാ​ർ കൊ​ല്ല​പ്പെ​ട്ട പു​ൽ​വാ​മ ഭീ​ക​രാ​ക്ര​മ​ണം അ​ന്വേ​ഷി​ച്ച സം​ഘ​ത്തി​ലെ പ്ര​ധാ​നി​ക​ളി​ലൊ​രാ​ളാ​യി​രു​ന്നു ബ​ൽ​വാ​ൾ.

ഇം​ഫാ​ലി​ൽ പ്ര​തി​ഷേ​ധ​ക്കാ​രെ തു​ര​ത്താ​ൻ ക​ണ്ണീ​ർ​വാ​ത​ക ഷെ​ല്ലും പെ​ല്ല​റ്റും പ്ര​യോ​ഗി​ച്ച​താ​യി പ​റ​യു​ന്നു. ഇ​തി​നെ​തി​രേ​യും മെ​യ്തെ​യ്ക​ൾ പ്ര​തി​ഷേ​ധി​ച്ച​തോ​ടെ പ്ര​തി​ഷേ​ധ​ക്കാ​ർ​ക്കെ​തി​രേ അ​നാ​വ​ശ്യ ബ​ല​പ്ര​യോ​ഗം ന​ട​ന്നു​വെ​ന്ന ആ​രോ​പ​ണം അ​ന്വേ​ഷി​ക്കാ​ൻ ഡി​ജി​പി രാ​ജീ​വ് സിം​ഗ് പ്ര​ത്യേ​ക ഉ​ത്ത​ര​വി​റ​ക്കി. കു​ക്കി മേ​ഖ​ല​യി​ലെ പ്ര​തി​ഷേ​ധ​ങ്ങ​ളു​ടെ കാ​ര്യ​ത്തി​ൽ ഇ​തൊ​ന്നും ഉ​ണ്ടാ​യ​തു​മി​ല്ല.