ടെ​ൽ അ​വീ​വ്: പ​ശ്ചി​മേ​ഷ്യ​ൻ സം​ഘ​ർ​ഷ​ങ്ങ​ളും ഇ​റാ​ൻ വി​രു​ദ്ധ യു​ദ്ധാ​ന്ത​രീ​ക്ഷ​വും തു​ട​രു​ന്ന​തി​നി​ടെ ഇ​സ്ര​യേ​ൽ പാ​ർ​ല​മെ​ന്‍റാ​യ നെ​സെ​റ്റി​ലെ 120 സീ​റ്റു​ക​ളി​ലേ​ക്ക് നാ​ളെ പൊ​തു​തെ​ര​ഞ്ഞെ​ടു​പ്പ് ന​ട​ക്കും. ഏ​റ്റ​വും കൂ​ടു​ത​ൽ കാ​ലം ഇ​സ്ര​യേ​ൽ പ്ര​ധാ​ന​മ​ന്ത്രി​യാ​യി​രു​ന്ന ബെ​ഞ്ച​മി​ൻ നെ​ത​ന്യാ​ഹു​വി​ന് ഈ ​തെ​ര​ഞ്ഞെ​ടു​പ്പ് രാ​ഷ്ട്രീ​യ ഭാ​വി നി​ശ്ച​യി​ക്കു​ന്ന അ​ഗ്നി​പ​രീ​ക്ഷ​യാ​യി​രി​ക്കും. മു​ൻ സൈ​നി​ക മേ​ധാ​വി ഗാ​ഡി ഐ​സ​ൻ​കോ​ട്ടി​ന്‍റെ നേ​തൃ​ത്വ​ത്തി​ലു​ള്ള പ്ര​തി​പ​ക്ഷ കൂ​ട്ടു​കെ​ട്ടി​ൽ നി​ന്ന് ക​ടു​ത്ത വെ​ല്ലു​വി​ളി​യാ​ണ് നെ​ത​ന്യാ​ഹു നേ​രി​ടു​ന്ന​ത്.

2023 ഒ​ക്ടോ​ബ​ർ ഏ​ഴി​ലെ ഹ​മാ​സ് ആ​ക്ര​മ​ണം ത​ട​യു​ന്ന​തി​ലു​ണ്ടാ​യ സു​ര​ക്ഷാ വീ​ഴ്ച​യും തു​ട​ർ​ന്നു​ണ്ടാ​യ ഗാ​സ യു​ദ്ധ​ത്തി​ന്‍റെ പ​ശ്ചാ​ത്ത​ല​ത്തി​ലും നെ​ത​ന്യാ​ഹു​വി​ന്‍റെ ജ​ന​പ്രീ​തി​യി​ൽ വ​ലി​യ ഇ​ടി​വു​ണ്ടാ​യ​താ​യി അ​ഭി​പ്രാ​യ സ​ർ​വേ​ക​ൾ സൂ​ചി​പ്പി​ക്കു​ന്നു. ഹ​മാ​സ് ആ​ക്ര​മ​ണ​ത്തെ തു​ട​ർ​ന്നു​ള്ള തി​രി​ച്ച​ടി​ക​ളും ഇ​റാ​ന് നേ​രെ​യു​ള്ള സൈ​നി​ക നീ​ക്ക​ങ്ങ​ളും വോ​ട്ടാ​ക്കി മാ​റ്റാ​നാ​ണ് നെ​ത​ന്യാ​ഹു ശ്ര​മി​ക്കു​ന്ന​ത്. താ​ൻ അ​ധി​കാ​ര​ത്തി​ൽ വ​ന്നി​ല്ലെ​ങ്കി​ൽ "ര​ണ്ടാം ഹോ​ളോ​കോ​സ്റ്റ്" ന​ട​ക്കു​മെ​ന്ന ത​ര​ത്തി​ലു​ള്ള പ്ര​ചാ​ര​ണ​ങ്ങ​ൾ നെ​ത​ന്യാ​ഹു ന​ട​ത്തു​ന്നു​ണ്ട്.

തെ​ര​ഞ്ഞെ​ടു​പ്പ് മു​ന്നി​ൽ ക​ണ്ട് ഇ​റാ​നെ​തി​രെ വീ​ണ്ടും ശ​ക്ത​മാ​യ ആ​ക്ര​മ​ണ​ത്തി​ന് നെ​ത​ന്യാ​ഹു ന​ട​ത്തി​യ നീ​ക്ക​ങ്ങ​ളെ ഇ​സ്രേ​ലി പ്ര​തി​രോ​ധ സേ​ന ത​ട​ഞ്ഞ​താ​യി ഇ​സ്രേ​ലി മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. മു​ൻ സൈ​നി​ക മേ​ധാ​വി ഗാ​ഡി ഐ​സ​ൻ​കോ​ട്ടി​ന്‍റെ 'യ​ഷാ​ർ' പാ​ർ​ട്ടി​യാ​ണ് പ്ര​ധാ​ന എ​തി​രാ​ളി. ഒ​ക്ടോ​ബ​ർ ഏ​ഴി​ലെ സു​ര​ക്ഷാ വീ​ഴ്ച​ക​ളെ​ക്കു​റി​ച്ച് ഔ​ദ്യോ​ഗി​ക അ​ന്വേ​ഷ​ണ ക​മ്മീ​ഷ​ൻ പ്ര​ഖ്യാ​പി​ക്ക​ൽ, സൈ​നി​ക സേ​വ​ന​ത്തി​ൽ തു​ല്യ​ത, വി​ല​ക്ക​യ​റ്റം ത​ട​യ​ൽ തു​ട​ങ്ങി​യ​വ​യാ​ണ് പ്ര​തി​പ​ക്ഷ​ത്തി​ന്‍റെ പ്ര​ധാ​ന വാ​ഗ്ദാ​ന​ങ്ങ​ൾ. ഗാ​സ യു​ദ്ധ​ത്തി​ൽ മ​ക​നെ​യും ര​ണ്ട് അ​ന​ന്ത​ര​വ​ൻ​മാ​രെ​യും ന​ഷ്ട​പ്പെ​ട്ട ഗാ​ഡി ഐ​സ​ൻ​കോ​ട്ടി​ന് വ​ൻ ജ​ന​പി​ന്തു​ണ​യാ​ണു​ള്ള​ത്.

രാ​ജ്യ​ത്തെ ഒ​റ്റ മ​ണ്ഡ​ല​മാ​യി പ​രി​ഗ​ണി​ച്ച് വോ​ട്ട​ർ​മാ​ർ രാ​ഷ്ട്രീ​യ പാ​ർ​ട്ടി​ക​ളു​ടെ ലി​സ്റ്റി​നാ​ണ് വോ​ട്ട് ചെ​യ്യു​ന്ന​ത്. കേ​വ​ല ഭൂ​രി​പ​ക്ഷ​ത്തി​ന് 61 സീ​റ്റു​ക​ൾ വേ​ണം. കു​റ​ഞ്ഞ​ത് 3.25% വോ​ട്ട് നേ​ടു​ന്ന പാ​ർ​ട്ടി​ക​ൾ​ക്ക് മാ​ത്ര​മാ​ണ് പാ​ർ​ല​മെ​ന്‍റി​ൽ സീ​റ്റു​ക​ൾ വി​ഭ​ജി​ച്ച് ന​ൽ​കു​ക.
1948-ൽ ​ഇ​സ്ര​യേ​ൽ നി​ല​വി​ൽ വ​ന്ന​തി​ന് ശേ​ഷം ഇ​തു​വ​രെ ഒ​രു പാ​ർ​ട്ടി​ക്കും ഒ​റ്റ​യ്ക്ക് കേ​വ​ല ഭൂ​രി​പ​ക്ഷം ല​ഭി​ച്ചി​ട്ടി​ല്ലാ​ത്ത​തി​നാ​ൽ ഇ​ത്ത​വ​ണ​യും കൂ​ട്ടു​മ​ന്ത്രി​സ​ഭ​യ്ക്കാ​ണ് സാ​ധ്യ​ത. അ​ര​ല​ക്ഷ​ത്തോ​ളം ക​ന്നി വോ​ട്ട​ർ​മാ​രും വി​ദേ​ശ​ത്തു​ള്ള 70,000-ത്തോ​ളം ഇ​സ്രേ​ലി​ക​ളും തെ​ര​ഞ്ഞെ​ടു​പ്പി​ൽ വോ​ട്ട് രേ​ഖ​പ്പെ​ടു​ത്തും. ന​വം​ബ​ർ നാ​ലോ​ടെ ഔ​ദ്യോ​ഗി​ക ഫ​ല​പ്ര​ഖ്യാ​പ​നം ഉ​ണ്ടാ​കും.

Tags : BenjaminNetanyahu Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash