ഫോര്ട്ട്കൊച്ചി: ദൈവത്തോടു ചേര്ന്നുനിന്ന് ദൈവത്തിന്റെ ഹൃദയം സ്വന്തമാക്കിയ ഇടയനാണു കൊച്ചിയുടെ പുതിയ മെത്രാന് ഡോ. ആന്റണി കാട്ടിപ്പറമ്പിലെന്ന് സീറോമലബാര് സഭാ മേജര് ആര്ച്ച്ബിഷപ് മാര് റാഫേല് തട്ടില്.
മുറിവേറ്റവനെ തോളിലേറ്റുന്ന ക്രിസ്തുവിന്റെ സ്നേഹം അദ്ദേഹത്തിന്റെ പൗരോഹിത്യജീവിതത്തിലാകെയും കണ്ടുമുട്ടാനാകും. എല്ലാവരെയും ചേര്ത്തു നിര്ത്തുന്ന അജപാലന ശുശ്രൂഷയാണ് പുതിയ മെത്രാന്റേത്.
കുലീനമായ കുടുംബപശ്ചാത്തലം അദ്ദേഹത്തിന്റെ സാക്ഷ്യജീവിതത്തില് വലിയ പങ്ക് വഹിച്ചിട്ടുണ്ട്.
ദൈവത്തോടു നിരന്തരം ചേര്ന്നുനില്ക്കുകയും മറ്റുള്ളവരെ ചേര്ത്തു നിര്ത്തുകയും ചെയ്യുന്ന മെത്രാനെ ലഭിച്ചത് കൊച്ചി രൂപതയ്ക്ക് ആഹ്ലാദവും അനുഗ്രഹവുമാണെന്നും മാര് തട്ടില് പുതിയ മെത്രാന്റെ സ്ഥാനാരോഹണ ശുശ്രൂഷകള്ക്കുശേഷം നടന്ന അനുമോദന സമ്മേളനത്തില് പറഞ്ഞു.
Tags : Mar Thattil