7

ഇ​ന്ത്യ സാ​മ്പ​ത്തി​ക​മാ​യി വ​ള​രു​ന്നോ ഇ​ല്ല​യോ എ​ന്ന​ത​ല്ല ത​ർ​ക്കം. പ​റ​യു​ന്ന ക​ണ​ക്കു​ക​ളു​ടെ വി​ശ്വാ​സ്യ​ത​യാ​ണു ത​ർ​ക്ക​വി​ഷ​യം. പ​ല കാ​ര്യ​ങ്ങ​ളി​ലും വി​ശ്വാ​സ്യ​ത ഉ​റ​പ്പാ​ക്കു​ന്ന തു​റ​വി ക​ണ​ക്കു​ക​ളി​ലി​ല്ല. വേ​ണ്ട​ത്ര ഒ​രു​ക്ക​മി​ല്ലാ​തെ മാ​റ്റ​ങ്ങ​ൾ വ​രു​ത്തു​ന്നു. ആ ​മാ​റ്റ​ങ്ങ​ൾ വി​ല​യി​രു​ത്താ​ൻ ത​ക്ക ഡാ​റ്റാ ശേ​ഖ​ര​ങ്ങ​ൾ വി​ദ​ഗ്ധ​ർ​ക്കു​പോ​ലും ല​ഭി​ക്കു​ന്നി​ല്ല. അ​താ​ണു ത​ർ​ക്ക​ത്തി​ന് ആ​ധാ​രം.

ഏ​പ്രി​ൽ-​ജൂ​ൺ പാ​ദ​ത്തി​ലെ ജി​ഡി​പി (മൊ​ത്ത ആ​ഭ്യ​ന്ത​ര ഉ​ത്പാ​ദ​നം) ക​ണ​ക്കു​ക​ളാ​ണു വി​വാ​ദ​ത്തി​ലാ​യ​ത്. 2022-23ലെ ​വി​ല​യി​ൽ (സ്ഥി​ര​വി​ല) 7.8 ശ​ത​മാ​നം വ​ള​ർ​ന്നു എ​ന്ന് നാ​ഷ​ണ​ൽ സ്റ്റാ​റ്റി​സ്റ്റി​ക്ക​ൽ ഓ​ഫീ​സ് (എ​ൻ​എ​സ്ഒ) പ​റ​ഞ്ഞു. ഇ​റാ​നി​ലെ യു​ദ്ധ​വും മ​റ്റും മൂ​ലം സാ​മ്പ​ത്തി​ക വെ​ല്ലു​വി​ളി​ക​ൾ നി​റ​ഞ്ഞ അ​വ​സ​ര​ത്തി​ൽ ഇ​ത്ര​യും വ​ള​ർ​ച്ച അ​ധി​ക​മാ​രും പ്ര​തീ​ക്ഷി​ച്ചി​ല്ല. റി​സ​ർ​വ് ബാ​ങ്ക് ഏ​ഴു ശ​ത​മാ​ന​മാ​ണു പ്ര​തീ​ക്ഷി​ച്ച​ത്. വി​വി​ധ സ്വ​കാ​ര്യ ക്രെ​ഡി​റ്റ് റേ​റ്റിം​ഗ് ഏ​ജ​ൻ​സി​ക​ളും ബ്രോ​ക്ക​റേ​ജു​ക​ളും ഏ​ഴു മു​ത​ൽ 7.5 വ​രെ ശ​ത​മാ​നം പ്ര​തീ​ക്ഷി​ച്ചു. അ​പ്പോ​ഴാ​ണ് 7.8% എ​ന്ന ക​ണ​ക്കു വ​ന്ന​ത്.
കു​റേ​ക്കാ​ല​മാ​യി സ​ർ​ക്കാ​ർ ക​ണ​ക്കു​ക​ളു​ടെ വി​ശ്വാ​സ്യ​ത​യി​ൽ രാ​ജ്യ​ത്തും പു​റ​ത്തും സ​ന്ദേ​ഹ​ങ്ങ​ൾ ഉ​യ​രു​ന്നു​ണ്ട്. ന​മ്മു​ടെ ക​ണ​ക്കി​ന്‍റെ വി​ശ്വാ​സ്യ​ത ഐ​എം​എ​ഫ് (അ​ന്താ​രാ​ഷ്‌​ട്ര നാ​ണ്യ​നി​ധി) റേ​റ്റിം​ഗ് സൂ​ചി​ക​യി​ൽ ബി​യി​ൽ​നി​ന്നു സി​യി​ലേ​ക്കു താ​ഴ്ത്തി​യി​രു​ന്നു. ഈ ​സാ​ഹ​ച​ര്യ​ത്തി​ൽ വി​മ​ർ​ശ​ന​ങ്ങ​ൾ സ്വാ​ഭാ​വി​കം.

ര​ണ്ടു ത​രം വി​മ​ർ​ശ​ന​ങ്ങ​ൾ

ര​ണ്ടു ത​രം വി​മ​ർ​ശ​ന​ങ്ങ​ളു​യ​ർ​ന്നു. ഒ​രു കൂ​ട്ട​ർ ക​ണ​ക്കി​ൽ കൃ​ത്രി​മം ഉ​ണ്ടെ​ന്ന സം​ശ​യ​മു​ന്ന​യി​ച്ചു. ര​ണ്ടാ​മ​ത്തെ കൂ​ട്ട​ർ ഈ ​ഉ​യ​ർ​ന്ന വ​ള​ർ​ച്ച​യെ സാ​ധൂ​ക​രി​ക്കു​ന്ന തൊ​ഴി​ൽ വ​ള​ർ​ച്ച​യും മൂ​ല​ധ​ന നി​ക്ഷേ​പ​വും കാ​ണാ​ത്ത​തു ചൂ​ണ്ടി​ക്കാ​ണി​ക്കു​ന്നു.

ക​ണ​ക്കി​ലെ ത​ട്ടി​പ്പു പ​റ​യു​ന്ന​വ​രു​ടെ പ്ര​ധാ​ന ആ​ക്ഷേ​പം പ​ഴ​യ ധ​ന​കാ​ര്യ സെ​ക്ര​ട്ട​റി സു​ഭാ​ഷ് ച​ന്ദ്ര ഗാ​ർ​ഗ് ഉ​ന്ന​യി​ച്ച​താ​ണ്. 2025 ഏ​പ്രി​ൽ-​ജൂ​ണി​ൽ ന​ട​പ്പു​വി​ല​യി​ലെ (Current Price) ജി​ഡി​പി 86.05 ല​ക്ഷം കോ​ടി (ട്രി​ല്യ​ൺ) രൂ​പ ആ​ണെ​ന്ന് എ​ൻ​എ​സ്ഒ ക​ണ​ക്കാ​ക്കി. 2011-12 അ​ടി​സ്ഥാ​ന വ​ർ​ഷ​മാ​യി എ​ടു​ത്ത ക​ണ​ക്കാ​ണ​ത്. ഈ ​ഫെ​ബ്രു​വ​രി​യി​ൽ 2022-23 അ​ടി​സ്ഥാ​ന വ​ർ​ഷ​മാ​ക്കി ക​ണ​ക്ക് പ​രി​ഷ്ക​രി​ച്ചു. അ​ത​നു​സ​രി​ച്ചു 2025 ജൂ​ൺ പാ​ദ​ത്തി​ലെ ജി​ഡി​പി സം​ഖ്യ 80.10 ട്രി​ല്യ​ൺ രൂ​പ ആ​ക്കി. ഇ​ക്കൊ​ല്ലം ജൂ​ൺ പാ​ദ​ത്തി​ൽ ന​ട​പ്പു​വി​ല​യി​ലെ ജി​ഡി​പി 88.27 ട്രി​ല്യ​ൺ. വ​ർ​ധ​ന 10.3 ശ​ത​മാ​നം. പ​ക്ഷേ 2011-12ലെ ​വി​ല​യി​ലു​ള്ള 86.05 ട്രി​ല്യ​ണി​ൽ​നി​ന്നു വ​ർ​ധ​ന 2.6 ശ​ത​മാ​നം മാ​ത്ര​മേ ഉ​ള്ളൂ. ഇ​താ​ണ് ഗാ​ർ​ഗ് പ​റ​ഞ്ഞ​ത്.

മാ​റ്റം അ​ത്ര ചെ​റു​ത​ല്ല

അ​ടി​സ്ഥാ​ന​വ​ർ​ഷം (Base year) മാ​റ്റി​യ​പ്പോ​ൾ തു​ക​യി​ലും വ​ള​ർ​ച്ച​ാനി​ര​ക്കി​ലും മാ​റ്റം വ​ന്നു. അ​തു മു​ന്പും സം​ഭ​വി​ച്ചി​ട്ടു​ള്ള​താ​ണ്. ര​ണ്ടോ മൂ​ന്നോ ശ​ത​മാ​നം മാ​റ്റ​മാ​ണു സാ​ധാ​ര​ണ വ​രാ​റ്. ഇ​ത്ത​വ​ണ ജി​ഡി​പി തു​ക ഏ​ഴു ശ​ത​മാ​ന​ത്തോ​ളം കു​റ​ഞ്ഞു. അ​തു​പോ​ലെ സ്ഥി​ര​വി​ല​യി​ലെ ജി​ഡി​പി​യും ഗ​ണ്യ​മാ​യി മാ​റി. ആ ​മാ​റ്റ​മാ​ണ് ഉ​യ​ർ​ന്ന വ​ള​ർ​ച്ച ഉ​ണ്ടെ​ന്നു തോ​ന്നാ​ൻ കാ​ര​ണ​മെ​ന്നു ഗാ​ർ​ഗ് പ​റ​യു​ന്നു.

ര​ണ്ടു കാ​ര്യ​ങ്ങ​ളു​ണ്ട്. ഒ​ന്ന്: അ​ടി​സ്ഥാ​ന​വ​ർ​ഷം ഇ​ട​യ്ക്കി​ടെ മാ​റ്റും. അ​തു സാ​ധാ​ര​ണ​മാ​ണ്. സ​മൂ​ഹം ഉ​പ​യോ​ഗി​ക്കു​ന്ന സാ​ധ​ന​ങ്ങ​ളും സേ​വ​ന​ങ്ങ​ളും മാ​റു​ന്ന​ത​നു​സ​രി​ച്ചു ക​ണ​ക്കു ശേ​ഖ​ര​ണം മാ​റ്റ​ണം. എ​ങ്കി​ലേ ക​ണ​ക്ക് കാ​ലി​ക​മാ​കൂ.

ര​ണ്ട്: ഇ​ങ്ങ​നെ മാ​റു​മ്പോ​ൾ ന​ട​പ്പു​വി​ല​യി​ലെ ജി​ഡി​പി തു​ക കൂ​ടു​ന്ന​താ​ണു പ​തി​വ്. കൂ​ടു​ത​ൽ സാ​ധ​ന​ങ്ങ​ളും സേ​വ​ന​ങ്ങ​ളും ക​ണ​ക്കെ​ടു​പ്പി​ൽ ഉ​ൾ​പ്പെ​ടു​മ്പോ​ൾ വ​ർ​ധ​ന സ്വാ​ഭാ​വി​ക​മാ​ണ്. കു​റ​യു​ന്ന​താ​ണ് അ​സ്വാ​ഭാ​വി​കം.
അ​ന്നു ചെ​യ്ത​ത്

മോ​ദി സ​ർ​ക്കാ​ർ ഭ​ര​ണ​മേ​റ്റ ശേ​ഷം ര​ണ്ടു ത​വ​ണ അ​ടി​സ്ഥാ​ന​വ​ർ​ഷം മാ​റ്റി. ര​ണ്ടു ത​വ​ണ​യും ജി​ഡി​പി വ​ള​ർ​ച്ച​യും തു​ക​യും കു​റ​ഞ്ഞു. ആ​ദ്യം അ​ടി​സ്ഥാ​ന​വ​ർ​ഷം 2004-05ൽ ​നി​ന്ന് 2011-12 ലേ​ക്കു മാ​റ്റി. അ​ത് മ​ൻ​മോ​ഹ​ൻ സിം​ഗ് സ​ർ​ക്കാ​രി​ന്‍റെ കാ​ല​ത്തെ വ​ള​ർ​ച്ചാ നി​ര​ക്ക് കു​റ​ച്ചു കാ​ണി​ക്കാ​നു​ള്ള ശ്ര​മ​മാ​യി​ട്ടാ​ണ് പ​ല​രും ക​ണ്ട​ത്. സ്റ്റ​ാറ്റി​സ്റ്റീ​ഷ്യ​ന്മാ​ർ നി​രീ​ക്ഷി​ക്കു​ന്ന പ​ല അ​ടി​സ്ഥാ​ന വി​വ​ര​ങ്ങ​ളും പു​തി​യ ക​ണ​ക്കി​ൽ മ​റ​ച്ചു​വ​ച്ച​തിനാൽ സം​ശ​യ​ക​ര​മാ​യ പ​ല കാ​ര്യ​ങ്ങ​ളും ഉ​ണ്ടാ​യി. അ​ന്ന​ത്തെ വി​വാ​ദ​പ​ര​മാ​യ തി​രു​ത്ത​ൽ ഇ​ങ്ങ​നെ

2011-12ൽ ​നി​ന്നു 2022 -23ലേ​ക്ക് അ​ടി​സ്ഥാ​ന വ​ർ​ഷം മാ​റ്റി​യ​പ്പോ​ൾ മോ​ദി​യു​ടെ ഭ​ര​ണ​കാ​ല​ത്തെ വ​ള​ർ​ച്ച​ാനി​ര​ക്കി​ലാ​ണു കു​റ​വു വ​ന്ന​ത്. 2012നു ​ശേ​ഷം ജി​ഡി​പി​യി​ലെ യ​ഥാ​ർ​ഥ വ​ള​ർ​ച്ച​യേ​ക്കാ​ൾ കൂ​ടു​ത​ലാ​ണ് സ​ർ​ക്കാ​ർ പു​റ​ത്തു​വി​ട്ട ക​ണ​ക്കി​ൽ ഉ​ണ്ടാ​യി​രു​ന്ന​തെ​ന്നാ​ണു പു​തി​യ കു​റ​യ്ക്ക​ൽ കാ​ണി​ക്കു​ന്ന​ത്.

എ​ന്നാ​ൽ ആ ​കു​റ​വ് ഇ​പ്പോ​ഴ​ത്തെ വ​ള​ർ​ച്ച കൂ​ടു​ത​ലാ​ണെ​ന്നു വ​രു​ത്താ​ൻ സ​ഹാ​യി​ക്കു​ന്നു. പ​ഴ​യ ക​ണ​ക്ക് കൂ​ടി​യോ കു​റ​ഞ്ഞോ എ​ന്നു സാ​ധാ​ര​ണ ജ​നം നോ​ക്കി​ല്ല​ല്ലോ. അ​പ്പോ​ൾ വ​മ്പ​ൻ വ​ള​ർ​ച്ച പ​റ​ഞ്ഞ് എ​തി​രാ​ളി​ക​ളെ അ​ടി​ച്ച​മ​ർ​ത്താ​ൻ ക​ണ​ക്കി​ലെ ക​ളി സ​ഹാ​യി​ക്കും. അ​തി​ലേ​ക്കാ​ണ് ഗാ​ർ​ഗ് വി​ര​ൽ ചൂ​ണ്ടി​യ​ത്. ഒ​ന്നാം മോ​ദി സ​ർ​ക്കാ​രി​ന്‍റെ കാ​ല​ത്തെ മു​ഖ്യ​സാ​മ്പ​ത്തി​ക ഉ​പ​ദേ​ഷ്ടാ​വ് അ​ര​വി​ന്ദ് സു​ബ്ര​ഹ്മ​ണ്യ​ന്‍റെ​യും മ​റ്റും വി​മ​ർ​ശ​ന​വും ക​ണ​ക്കി​ൽ വി​ശ്വാ​സ്യ​ത ഇ​ല്ലെ​ന്നു​ത​ന്നെ​യാ​ണ്.

എ​ങ്കി​ൽ തൊ​ഴി​ൽ എ​വി​ടെ?

റി​സ​ർ​വ് ബാ​ങ്ക് മു​ൻ ഗ​വ​ർ​ണ​ർ ര​ഘു​റാം രാ​ജ​ന്‍റെ വി​മ​ർ​ശ​നം കാ​ത​ലാ​യ മ​റ്റൊ​രു വി​ഷ​യം ഉ​യ​ർ​ത്തു​ന്നു. ഇ​ത്ര​യും വ​ലി​യ ജി​ഡി​പി വ​ള​ർ​ച്ച​യ്ക്കു ത​ക്ക തൊ​ഴി​ൽ എ​വി​ടെ? ഇ​ങ്ങ​നെ വ​ള​ർ​ച്ച​യു​ണ്ടെ​ങ്കി​ൽ സ്വ​ദേ​ശി​ക​ളും വി​ദേ​ശി​ക​ളും മൂ​ല​ധ​ന​നി​ക്ഷേ​പ​ത്തി​ന് ഓ​ടി​ക്കൂ​ടേ​ണ്ട​ത​ല്ലേ? ര​ണ്ടു​മി​ല്ല. എ​ന്നു മാ​ത്ര​മ​ല്ല യു​വാ​ക്ക​ളു​ടെ തൊ​ഴി​ലി​ല്ലാ​യ്മ വി​ഷ​യ​മാ​യി ഉ​ന്ന​യി​ച്ച കോ​ക്രോ​ച്ച് ജ​ന​താ പാ​ർ​ട്ടി (സി​ജെ​പി) എ​ന്നൊ​രു പ്ര​സ്ഥാ​നം ചു​രു​ങ്ങി​യ നാ​ൾ കൊ​ണ്ട് രാ​ജ്യ​ത്തു വ​ലി​യ സ്വാ​ധീ​ന​ശ​ക്തി​യാ​കു​ക​യും ചെ​യ്തു.

പു​തി​യ ക​മ്പ​നി​ക​ൾ ക​രാ​ർ​ജോ​ലി​ക​ളേ ന​ൽ​കൂ എ​ന്നോ വ​ള​ർ​ച്ച​യു​ടെ പി​ന്നാ​ലെ​യാ​ണു തൊ​ഴി​ൽ വ​ർ​ധ​ന എ​ന്നോ ഒ​ക്കെ ന്യാ​യീ​ക​രി​ക്കാ​ൻ കു​റേ പേ​ർ ശ്ര​മി​ച്ചു നാ​ണം​കെ​ട്ടു. വ​ലി​യ വ​ള​ർ​ച്ച കാ​ണു​ന്ന രാ​ജ്യ​ത്തെ വി​പ​ണി​യി​ൽ​നി​ന്നു വി​ദേ​ശ​നി​ക്ഷേ​പ​ക​ർ പ​ണം പി​ൻ​വ​ലി​ക്കു​ന്ന​തി​നോ സ്വ​ദേ​ശ​വ്യ​വ​സാ​യി​ക​ൾ മൂ​ല​ധ​ന നി​ക്ഷേ​പം കൂ​ട്ടാ​ത്ത​തി​നോ യു​ക്തി​സ​ഹ​മാ​യ വി​ശ​ദീ​ക​ര​ണം സ​ർ​ക്കാ​ർ വ​ക്താ​ക്ക​ൾ​ക്കു ന​ൽ​കാ​ൻ ക​ഴി​ഞ്ഞി​ട്ടു​മി​ല്ല. ന​ല്ല വ​ള​ർ​ച്ച​യു​ണ്ടെ​ങ്കി​ൽ ബി​സി​ന​സ് ലാ​ഭ​ക​ര​മാ​യി വ​ള​രും. ലാ​ഭം കി​ട്ടു​മെ​ന്നു ക​ണ്ടാ​ൽ ക​മ്പ​നി​ക​ൾ പ​ണം​മു​ട​ക്കി ഉ​ത്പാ​ദ​ന​ശേ​ഷി വ​ർ​ധി​പ്പി​ക്കും. അ​തു ന​ട​ക്കു​ന്നി​ല്ലെ​ങ്കി​ൽ അ​ത്ര​യും വ​ള​ർ​ച്ച​യി​ല്ലെ​ന്നു​ത​ന്നെ​യാ​ണ് അ​ർ​ഥം.

ഇ​ര​ട്ട​ക്കു​ത്തി​ലെ പൊ​രു​ത്ത​ക്കേ​ട്

ജി​ഡി​പി ക​ണ​ക്കാ​ക്കു​ന്ന രീ​തി​യി​ൽ മാ​റ്റം വ​രു​ത്തി​യ രീ​തി​യാ​ണ് വി​ദ​ഗ്ധ​രെ അ​സ്വ​സ്ഥ​രാ​ക്കി​യ​ത്. പ്ര​ത്യേ​കി​ച്ചും വി​ല​ക്ക​യ​റ്റ​ത്തി​ന്‍റെ പ്ര​ത്യാ​ഘാ​തം കു​റ​യ്ക്കാ​ൻ ഇ​ര​ട്ട​ക്കു​ത്ത് (Double deflation) ഏ​ർ​പ്പെ​ടു​ത്തി​യ​ത്. നേ​ര​ത്തേ വി​ല​ക്ക​യ​റ്റ​ത്തി​ന്‍റെ പ്ര​ഭാ​വം കു​റ​യ്ക്കാ​ൻ ന​ട​പ്പു​വി​ല​യി​ൽ വി​ല​ക്ക​യ​റ്റ സൂ​ചി​ക ഉ​പ​യോ​ഗി​ച്ച് ഒ​രു ത​വ​ണ കു​റ​വു വ​രു​ത്തി​യി​രു​ന്നു. ഇ​പ്പോ​ൾ ര​ണ്ടു​ഘ​ട്ട​ത്തി​ൽ ര​ണ്ടു വ്യ​ത്യ​സ്ത സൂ​ചി​ക​ക​ൾ ഉ​പ​യോ​ഗി​ക്കും. ഉ​ത്പ​ന്ന​ത്തി​ന്‍റെ ഘ​ട​ക​വ​സ്തു​ക്ക​ളു​ടെ വി​ല​ക്ക​യ​റ്റം ഒ​രു ഘ​ട്ട​ത്തി​ൽ കു​റ​യ്ക്കും. ഉ​ത്പ​ന്ന​ത്തി​ന്‍റെ വി​ല​ക്ക​യ​റ്റം അ​ടു​ത്ത ഘ​ട്ട​ത്തി​ലും. ഐ​എം​എ​ഫ് നി​ർ​ദേ​ശി​ച്ചി​ട്ടാ​ണു മാ​റ്റം വ​രു​ത്തി​യ​ത്. മാ​റ്റം വ​ന്ന​പ്പോ​ൾ ക​ഥ വ്യ​ത്യ​സ്ത​മാ​യി. ക​ഴി​ഞ്ഞ പാ​ദ​ത്തി​ൽ ചി​ല്ല​റ വി​ല​ക്ക​യ​റ്റം മൂ​ന്ന​ര ശ​ത​മാ​നം. മൊ​ത്ത വി​ല​ക്ക​യ​റ്റം ഒ​ന്പ​തു ശ​ത​മാ​നം. പ​ക്ഷേ വി​ല​ക്ക​യ​റ്റം വെ​റും 2.5 ശ​ത​മാ​നം എ​ന്നു തോ​ന്നു​ന്ന വി​ധ​മാ​ണ് ഇ​ര​ട്ട​ക്കു​ത്ത് ന​ട​ത്തി​യ​ത്. അ​തി​ന്‍റെ വി​ശ​ദാം​ശ​ങ്ങ​ൾ ഇ​നി​യും പു​റ​ത്തു​വി​ട്ടി​ട്ടി​ല്ല. ഇ​ര​ട്ട​ക്കു​ത്തി​ൽ അ​ങ്ങ​നെ സം​ഭ​വി​ക്കും എ​ന്ന ഒ​ഴു​ക്ക​ൻ ന്യാ​യ​മേ അ​ധി​കൃ​ത​ർ​ക്കു പ​റ​യാ​നു​ള്ളൂ.

മു​മ്പേ​ചെ​യ്യേ​ണ്ട​ത് പി​മ്പേ

ഐ​എം​എ​ഫ് പ​റ​ഞ്ഞ​ത് ഉ​ത്പാ​ദ​ക വി​ല​സൂ​ചി​ക (Producer Price Index - PPI) ഉ​പ​യോ​ഗി​ക്കാ​നാ​ണ്. ഫാ​ക്ട​റി​യി​ൽ​നി​ന്ന് ഉ​ത്പ​ന്നം പു​റ​ത്തേ​ക്കു ന​ൽ​കു​മ്പോ​ൾ ഈ​ടാ​ക്കു​ന്ന വി​ല​യാ​ണ് ഇ​തി​നു വേ​ണ്ട​ത്. അ​തു ന​ൽ​കാ​ൻ മു​മ്പ് ഫാ​ക്ട​റി ഉ​ട​മ​ക​ൾ​ക്കു സ​മ്മ​ത​മി​ല്ലാ​യി​രു​ന്നു. അ​തു​കൊ​ണ്ടാ​ണ് പി​പി​ഐ ത​യാ​റാ​ക്കാ​ത്ത​തെ​ന്ന് എ​ൻ​എ​സ്ഒ​യു​ടെ മു​ൻ ത​ല​വ​ൻ പ്ര​ണ​ബ് സെ​ൻ പ​റ​ഞ്ഞ​ത്. ഇ​പ്പോ​ൾ പി​പി​ഐ എ​ങ്ങ​നെ ഉ​ണ്ടാ​ക്കി എ​ന്നു വ്യ​ക്ത​മ​ല്ല. അ​തി​ന്‍റെ ഡാ​റ്റാ ശേ​ഖ​ര​വും ല​ഭ്യ​മ​ല്ല. ഇ​പ്പോ​ൾ സ​ർ​ക്കാ​ർ പ​റ​യു​ന്ന​തു നാ​ല​ഞ്ചു വ​ർ​ഷം പു​തി​യ രീ​തി​യും പ​ഴ​യ​രീ​തി​യും സ​മാ​ന്ത​ര​മാ​യി നി​ല​നി​ർ​ത്തി പോ​രാ​യ്മ​ക​ൾ ക​ണ്ടെ​ത്തി പ​രി​ഹാ​രം കാ​ണാ​മെ​ന്നാ​ണ്. പു​തി​യ രീ​തി ന​ട​പ്പാ​ക്കും മു​മ്പു ചെ​യ്യേ​ണ്ട കാ​ര്യ​മാ​യി​രു​ന്നു അ​ത്. 

ഏ​തു വി​ശ്വ​സി​ക്കും?

പാ​ച​ക​വാ​ത​ക വി​ത​ര​ണം നി​യ​ന്ത്രി​ച്ച​തു മൂ​ലം ഹോ​ട്ട​ലു​ക​ളും ചെ​റു​കി​ട വ്യ​വ​സാ​യ​ങ്ങ​ളും ഏ​റെ പ്ര​യാ​സ​പ്പെ​ട്ട ഒ​രു പാ​ദ​ത്തി​ൽ ഉ​യ​ർ​ന്ന ജി​ഡി​പി വ​ള​ർ​ച്ച അ​ത്ര എ​ളു​പ്പം പ്ര​തീ​ക്ഷി​ക്കു​ന്നി​ല്ല. ഇ​തി​നൊ​രു മ​റു​വ​ശ​മു​ണ്ട്. ബാ​ങ്ക് വാ​യ്പ​ക​ൾ 16.5 ശ​ത​മാ​നം ഉ​യ​ർ​ന്നു. വാ​ണി​ജ്യ വാ​ഹ​ന വി​ൽ​പ​ന 18.3 ശ​ത​മാ​നം കൂ​ടി. വൈ​ദ്യു​തി ഉ​ത്പാ​ദ​നം 9.3ഉം ​സി​മ​ന്‍റ് 8.9 ഉം ​ശ​ത​മാ​നം വ​ർ​ധി​ച്ചു. യ​ന്ത്ര​സാ​മ​ഗ്രി​ക​ളു​ടെ ഉ​ത്പാ​ദ​നം 15.20 ശ​ത​മാ​നം ഉ​യ​ർ​ന്നു. ക​യ​റ്റു​മ​തി 12 ശ​ത​മാ​നം കു​തി​ച്ചു. ഇ​ങ്ങ​നെ വ​ള​ർ​ന്ന ഒ​രു പാ​ദ​ത്തി​ൽ 7.8 ശ​ത​മാ​നം വ​ള​ർ​ച്ച അ​വി​ശ്വ​സ​നീ​യ​മ​ല്ല താ​നും.

എ​ഐ കാ​ല​ഘ​ട്ട​ത്തി​ൽ ഒ​ന്നും വി​ശ്വ​സ​നീ​യ​മ​ല്ല എ​ന്നാ​ണ​ല്ലോ ക​രു​തു​ന്ന​ത്. ക​ണ​ക്കു​ക​ളു​ടെ കാ​ര്യ​വും അ​ങ്ങ​നെ​ത​ന്നെ. ക​ണ​ക്കി​ൽ കൃ​ത്രി​മം കാ​ണി​ക്കാ​ൻ ഉ​ദ്ദേ​ശി​ക്കു​ന്ന​വ​ർ ക​ണ​ക്കി​ന്‍റെ പ​ല ഉ​പ​ക​ണ​ക്കു​ക​ളും അ​ത​നു​സ​രി​ച്ചു ക്ര​മീ​ക​രി​ക്കും. തൊ​ഴി​ലും നി​ക്ഷേ​പ​വും പോ​ലു​ള്ള യ​ഥാ​ർ​ഥ ഫ​ല​ങ്ങ​ൾ നോ​ക്കി​വേ​ണം ക​ണ​ക്കു​ക​ളെ വി​ല​യി​രു​ത്താ​ൻ.

ജി​ഡി​പി (Gross Domestic Product)

നി​ശ്ചി​ത കാ​ല​യ​ള​വി​ൽ രാ​ജ്യ​ത്തു മൊ​ത്തം ഉ​ണ്ടാ​ക്കു​ന്ന ഉ​ത്പ​ന്ന​ങ്ങ​ളു​ടെ​യും ന​ട​ത്തു​ന്ന സേ​വ​ന​ങ്ങ​ളു​ടെ​യും വി​ല. ഇ​തു ര​ണ്ടു ത​ര​ത്തി​ൽ ക​ണ​ക്കാ​ക്കു​ന്നു. നി​ല​വി​ലെ (ന​ട​പ്പ്) വി​ല​യി​ലും (Nominal or Current) സ്ഥി​ര (Constant) വി​ല​യി​ലും. നി​ല​വി​ലെ വി​ല​യി​ൽ​നി​ന്നു വി​ല​ക്ക​യ​റ്റം കു​റ​ച്ചു സ്ഥി​ര​വി​ല​യി​ലെ ജി​ഡി​പി ക​ണ​ക്കാ​ക്കു​ന്നു. സ്ഥി​ര​വി​ല​യി​ലെ വ​ള​ർ​ച്ച രാ​ജ്യ​ത്തെ യ​ഥാ​ർ​ഥ സാ​മ്പ​ത്തി​ക വ​ള​ർ​ച്ച​യാ​യി പ​രി​ഗ​ണി​ക്കു​ന്നു.

ഡീ​ഫ്ലേ​റ്റ​ർ (Deflator) 

ജി​ഡി​പി ത​യാ​റാ​ക്കു​മ്പോ​ൾ വി​ല​ക്ക​യ​റ്റ​ത്തി​ന്‍റെ പ്ര​ഭാ​വം കു​റ​യ്ക്കാ​ൻ ഉ​പ​യോ​ഗി​ക്കു​ന്ന സൂ​ചി​ക. ചി​ല്ല​റ വി​ല​ക്ക​യ​റ്റം, മൊ​ത്ത വി​ല​ക്ക​യ​റ്റം ഉ​ത്പാ​ദ​ക വി​ല​സൂ​ചി​ക (പി​പി​ഐ) എ​ന്നി​വ ഉ​പ​യോ​ഗി​ച്ചാ​ണ് ഇ​തു ത​യാ​റാ​ക്കു​ന്ന​ത്.

അ​ടി​സ്ഥാ​ന വ​ർ​ഷം (Base year)

ഏ​തു വ​ർ​ഷം അ​ടി​സ്ഥാ​ന​മാ​ക്കി സ്ഥി​ര​വി​ല​യി​ലെ ജി​ഡി​പി തു​ക​യും അ​തി​ലെ മാ​റ്റ​വും നി​ർ​ണ​യി​ക്കു​ന്നു എ​ന്നു കാ​ണി​ക്കു​ന്നു. 2011-12ൽ ​നി​ന്ന് 2022-23 ലേ​ക്ക് അ​ടി​സ്ഥാ​ന വ​ർ​ഷം മാ​റ്റി​യ​താ​ണ് ഇ​പ്പോ​ഴ​ത്തെ വി​വാ​ദ​ത്തി​ന് ഒ​രു കാ​ര​ണം.

Tags : Growth Controversy Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash