പാറശാല: മറ്റുള്ളവർക്കു നമ്മൾ ചെയ്യുന്ന നന്മ എക്കാലവുംനിലനിൽക്കുമെന്നും അതിന്റെ ഏറ്റവും വലിയ ഉദാഹരണമാണ് സെന്റ് വിൻസന്റ് ഡി പോൾ സൊസൈറ്റിയുടെ പ്രവർത്തനങ്ങൾക്കു ലോകമെങ്ങും ലഭിക്കുന്ന സ്വീകാര്യതയെന്നും പുനലൂർ ബിഷപ് ഡോ.സെൽവിസ്റ്റർ പൊന്നുമുത്തൻ. സെന്റ് വിൻസന്റ് ഡി.പോൾ സൊസൈറ്റിയുടെ പാറശാല നെടുവാൻവിള ഹോളി ട്രിനിറ്റി ദേവാലയത്തിലെ ഘടകമായ ഹോളി ട്രിനിറ്റി കോൺഫറൻസിന്റെ സിൽവർ ജൂബിലി സമ്മേളനം ഉദ്ഘാടനം ചെയ്യുകയായിരുന്നു ബിഷപ്. ഇടവക വികാരി ഫാ.ജോസഫ് ഷാജി അധ്യക്ഷത വഹിച്ചു. മോൺ.വിൻസന്റ് കെ.പീറ്റർ, മുൻ എംഎൽഎ എ.ടി.ജോർജ്, സിൽവർ ജൂബിലി കമ്മിറ്റി ജനറൽ കൺവീനർ എം.വർഗീസ്, സെൻട്രൽ കൗൺസിൽ പ്രസിഡന്റ് റോബിൻ സെൽവരാജ്, കോൺഫറൻസ് സെക്രട്ടറി ടി.സെലസ്റ്റിൻ രാജ്, സിസ്റ്റർ മേഴ്സി, ജെ.ഐ.സന്തോഷ്കുമാർ, ടി.ആർ.അജിത്കുമാർ, എസ്.ലില്ലി, ടി.പ്രേം, ജി.അജീഷ്, എൻ.പ്രവീൺ, ടി.സി.ഷീലാറാണി,എൽ.സുനി എന്നിവർ പ്രസംഗിച്ചു.
സെൻട്രൽ കൗൺസിലിന്റെയും കോൺഫറൻസിന്റെയും മുൻ പ്രസിഡന്റുമാരായ പി.സെബാസ്റ്റ്യൻ, എ.ബാലരാജ്, നേശമണി, റോബിൻ സെൽവരാജ്, എം.വർഗീസ് എന്നിവരെ ആദരിച്ചു. ആർ.സത്യനേശൻ സ്മാരക എൻഡോവ്മെന്റ്, വിദ്യാജ്യോതി പദ്ധതി, സ്ഥിരനിക്ഷേപ പദ്ധതി എന്നിവയ്ക്ക് ബിഷപ് തുടക്കം കുറിച്ചു. സഹായ വിതരണ സമ്മേളനം സി.കെ.ഹരീന്ദ്രൻ എംഎൽഎ ഉദ്ഘാടനം ചെയ്തു. പാറശാല പഞ്ചായത്ത് പ്രസിഡന്റ് എൽ.മഞ്ജു സ്മിത, നെയ്യാറ്റിൻകര രൂപത അൽമായ ശുശ്രൂഷഡയറക്ടർ ഫാ.അനിൽകുമാർ, സെൻട്രൽ കൗൺസിൽ സെക്രട്ടറി അഡ്വ.പി.സി.വിജയകുമാർ,വൈ.കെ.വിമലാംബിക, സി.അലക്സ്, എസ്.എ.റോസ്മേരി എന്നിവർ പ്രസംഗിച്ചു. ബിഷപ്പിന്റെ കാർമികത്വത്തിൽ പൊന്തിഫിക്കൽ ദിവ്യബലിയും അർപ്പിച്ചു.