വാ​ഹ​നം മോ​ഡ​ൽ മാ​റി ന​ൽ​കി; ഉ​ട​മ​യ്ക്ക് ന​ഷ്ട​പ​രി​ഹാ​രം ന​ൽ​കാ​ൻ വി​ധി
Friday, January 21, 2022 12:36 AM IST
മ​ല​പ്പു​റം: സ്വ​കാ​ര്യ ക​ന്പ​നി വാ​ഹ​നം മോ​ഡ​ൽ മാ​റി ന​ൽ​കി​യെ​ന്ന പ​രാ​തി​യി​ൽ വാ​ഹ​ന ഉ​ട​മ​യ്ക്ക് ന​ഷ്ട​പ​രി​ഹാ​രം ന​ൽ​കാ​ൻ ജി​ല്ലാ ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മ്മീ​ഷ​ൻ വി​ധി​ച്ചു.

മ​ഞ്ചേ​രി തു​റ​ക്ക​ലെ പൂ​ള​ക്കു​ന്ന​ൻ മു​ഹ​മ്മ​ദ് റി​യാ​സി​ന്‍റെ പ​രാ​തി​യി​ൽ ജി​ല്ലാ ഉ​പ​ഭോ​ക്തൃ ക​മ്മീ​ഷ​ൻ 4,40,000 രൂ​പ ഹ​ര​ജി​ക്കാ​ര​ന് ന​ൽ​കാ​നും എ​തി​ർ​ക്ഷി ബോ​ധ​പൂ​ർ​വം കാ​ല​വി​ള​ബം വ​രു​ത്തി​യ​തി​നാ​ൽ 1,00,000 രൂ​പ ന​ഷ്ട​പ​രി​ഹാ​ര​വും 20,000 രൂ​പ കോ​ട​തി ചെ​ല​വും ഒ​രു മാ​സ​ത്തി​ന​കം ന​ൽ​ക​ണ​മെ​ന്ന് കെ. ​മോ​ഹ​ൻ​ദാ​സ് പ്ര​സി​ഡ​ന്‍റും പ്രീ​തി ശി​വ​രാ​മ​ൻ അം​ഗ​വു​മാ​യ ജി​ല്ലാ ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മ്മീ​ഷ​ൻ വി​ധി​ക്കു​ക​യാ​യി​രു​ന്നു. ഉ​ത്ത​ര​വ് ന​ട​പ്പാ​ക്കി​യി​ല്ലെ​ങ്കി​ൽ വി​ധി സം​ഖ്യ​ക്ക് ഒ​ന്പ​തു ശ​ത​മാ​നം പ​ലി​ശ ന​ൽ​ക​ണം.

2014 ജ​നു​വ​രി​യി​ലാ​ണ് മാ​രു​തി​യു​ടെ എ​ർ​ട്ടി​ഗ 2013 മോ​ഡ​ൽ കാ​ർ താ​ൻ വാ​ങ്ങി​യ​തെ​ന്നും 20 ദി​വ​സം ക​ഴി​ഞ്ഞ് സ​ർ​വീ​സ് ചെ​യ്യാ​ൻ കൊ​ണ്ടു​പോ​യ​പ്പോ​ൾ വാ​ഹ​ന​ത്തി​ന്‍റെ ഗ്ലാ​സു​ക​ളി​ൽ 2012 എ​ന്നെ​ഴു​തി ക​ണ്ട​തെ​ന്നും തു​ട​ർ​ന്നു വാ​ഹ​നം മാ​റ്റി ത​രാ​ൻ ആ​വ​ശ്യ​പ്പെ​ട്ടെ​ങ്കി​ലും ക​ന്പ​നി വി​സ​മ്മ​തി​ച്ചെ​ന്നു​മാ​യി​രു​ന്നു മു​ഹ​മ്മ​ദ് റി​യാ​സി​ന്‍റെ പ​രാ​തി. തു​ട​ർ​ന്നു ജി​ല്ലാ ഉ​പ​ഭോ​ക്തൃ ഫോ​റ​ത്തി​ൽ പ​രാ​തി ബോ​ധി​പ്പി​ച്ചു അ​നു​കൂ​ല വി​ധി നേ​ടി​യെ​ങ്കി​ലും എ​തൃ​ക​ക്ഷി​യാ​യ മാ​രു​തി ക​ന്പ​നി സം​സ്ഥാ​ന ഉ​പ​ഭോ​ക്തൃ ക​മ്മീ​ഷ​നി​ൽ നി​ന്നു പു​ന​ർ​വി​ചാ​ര​ണ​യ്ക്ക് ഉ​ത്ത​ര​വ് സ​ന്പാ​ദി​ച്ചു.

എ​ന്നാ​ൽ തു​ട​ർ വി​ചാ​ര​ണ വേ​ള​യി​ൽ ക​ന്പ​നി പ്ര​തി​നി​ധി​ക​ൾ ഉ​പ​ഭോ​ക്തൃ ക​മ്മീ​ഷ​നി​ൽ ഹാ​ജ​രാ​യി​ല്ല. അ​തി​നി​ടെ പ​രാ​തി​ക്കാ​ര​ൻ 2014 ൽ ​വാ​ങ്ങി​യ വാ​ഹ​നം വി​ൽ​പ്പ​ന ന​ട​ത്തി​യി​രു​ന്നു. ഇ​തോ​ടെ 2021 മോ​ഡ​ൽ കാ​ർ വാ​ങ്ങു​ന്ന​തി​നു​ള്ള തു​ക ക​ണ​ക്കാ​ക്കി ജി​ല്ലാ ഉ​പ​ഭോ​ക്തൃ ക​മ്മീ​ഷ​ൻ ഹ​ര​ജി​ക്കാ​ര​ന് ന​ഷ്ട​പ​രി​ഹാ​ര തു​ക ന​ൽ​കാ​ൻ വി​ധി​ക്കു​ക​യാ​യി​രു​ന്നു.