നിലമ്പൂര്: പങ്കാളിത്ത പെന്ഷന് പിന്വലിച്ച് സ്റ്റാറ്റ്യൂട്ടറി പെന്ഷന് പുനഃസ്ഥാപിക്കണമെന്ന് എന്ജിഒ സംഘ് ജില്ലാ സമ്മേളനം സര്ക്കാരിനോട് ആവശ്യപ്പെട്ടു. പിഎഫ്ആര്ഡിഎ ബില് പിന്വലിച്ചാലേ സ്റ്റാറ്റിയൂട്ടറി പെന്ഷന് പുനഃസ്ഥാപിക്കാനാകൂ എന്ന ഇടതുയൂണിയനുകളുടെ വാദം തീര്ത്തും അടിസ്ഥാനരഹിതമാണെന്നു സമ്മേളനം അംഗീകരിച്ച പ്രമേയത്തില് പറഞ്ഞു. ജീവനക്കാരുടെ തൊഴില്സുരക്ഷ, ശമ്പളം, ശമ്പള പരിഷ്കരണ കുടിശിക, ക്ഷാമബത്ത, മെഡിസെപ്പ്, ലീവ് സറണ്ടര്, ലാസ്റ്റ് ഗ്രേഡ് ജീവനക്കാര്ക്ക് 40 ശതമാനം വകുപ്പുതല പ്രമോഷന് തുടങ്ങി മുഴുവന് അവകാശങ്ങളും പുന:സ്ഥാപിച്ച് സര്ക്കാര് ഉത്തരവിറക്കണമെന്നും സമ്മേളനം ആവശ്യപ്പെട്ടു.
സംസ്ഥാന വൈസ് പ്രസിഡന്റ് അനിതാ രവീന്ദ്രന് സമ്മേളനം ഉദ്ഘാടനം ചെയ്തു. ജില്ലാ പ്രസിഡന്റ് ടി.ജെ. സ്വാതി അധ്യക്ഷത വഹിച്ചു. പി. വിജയകുമാര്, പ്രകാശന്, വിജയന്, എ.പി. രാധാകൃഷ്ണന്, പി.എന്. ശ്രീകല , ഇ.എം. സുധാകരന്, വിജയനാരായണന്, ജില്ലാ സെക്രട്ടറി പ്രദീപ് പാപ്പനൂര്, ജില്ലാ ഖജാന്ജി എ.പി. മോഹന്ദാസ് എന്നിവര് പ്രസംഗിച്ചു.
സാംസ്കാരിക സമ്മേളനം ബിഎംഎസ് സംസ്ഥാന സെക്രട്ടറി സിബി വര്ഗീസ് ഉദ്ഘാടനം ചെയ്തു. വി.കെ. വിനോദ് കുമാര്, ശരത്ചന്ദ്രന്, ഇ. സുധീഷ്, വി.ടി. രാജീവ് എന്നിവര് പ്രസംഗിച്ചു. സമാപനസഭ എന്ജിഒ സംഘ് സംസ്ഥാന വൈസ് പ്രസിഡന്റ് സി. ബാബുരാജ് ഉദ്ഘാടനം ചെയ്തു. പി.വി. മുരളീധരന് മുഖ്യഭാഷണം നടത്തി. കെ അജിത്ത്, കെ. ജിജേഷ് എന്നിവര് പ്രസംഗിച്ചു. ഭാരവാഹികള്: ടി.ജെ. സ്വാതി (പ്രസിഡന്റ്), പ്രദീപ് പാപ്പനൂര് (സെക്രട്ടറി), എ.പി. മോഹന്ദാസ് (ഖജാന്ജി).