റോ​സാ​പ്പൂ​വും ആ​ന്‍റി​ന​യും ഭീ​ഷ​ണി
Friday, December 4, 2020 12:45 AM IST
കോ​ഴി​ക്കോ​ട്: ത​ദ്ദേ​ശ​തെ​ര​ഞ്ഞെ​ടു​പ്പി​ന് ദി​വ​സ​ങ്ങ​ള്‍ അ​വ​ശേ​ഷി​ക്കെ മു​ന്ന​ണി​ക​ള്‍​ക്ക് ഭീ​ഷ​ണി​യു​മാ​യി അ​പ​ര​ന്‍​മാ​ര്‍. പേ​രി​ലും ചി​ഹ്ന​ത്തി​ലും ഭീ​ഷ​ണി ഉ​യ​ര്‍​ത്തി​യാ​ണ് അ​പ​ര​ന്‍​മാരുടെ വരവ്. കോ​ര്‍​പ്പ​റേ​ഷ​നി​ലെ പ്ര​മു​ഖ മു​ന്ന​ണി സ്ഥാ​നാ​ര്‍​ഥി​ക​ള്‍​ക്കെ​ല്ലാം അ​പ​ര​ന്‍​മാ​രു​ണ്ട് . 75 വാ​ര്‍​ഡു​ക​ളി​ല്‍ 44 ഇ​ട​ത്തും മു​ഖ്യ സ്ഥാ​നാ​ര്‍​ഥി​ക​ളു​ടെ അ​തേ​പേ​രു​ള്ള സ്ഥാ​നാ​ര്‍​ഥി​ക​ളാ​ണ് മ​ത്സ​ര​രം​ഗ​ത്തു​ള്ള​ത്. ഇ​വ​രു​ടെ ചി​ഹ്ന​ത്തി​നും മു​ന്ന​ണി സ്ഥാ​നാ​ര്‍​ഥി​ക​ളു​ടെ ചി​ഹ്ന​വു​മാ​യി സാ​മ്യ​മു​ള്ള​ത് മു​ന്ന​ണി​ക​ളെ ആ​ശ​ങ്ക​യി​ലാ​ക്കു​ന്നു.
ചു​റ്റി​ക അ​രി​വാ​ള്‍ ന​ക്ഷ​ത്ര​ത്തി​ന് പാ​ര​യാ​യി ര​ണ്ടു വാ​ളും പ​രി​ച​യും ആ​ന്‍റി​ന​യും കൈ​ക്ക് പ​ക​രം ആ​പ്പി​ളും കോ​ണി​ക്ക് പ​ക​രം ഓ​ട​ക്കു​ഴ​ലും താ​മ​ര​യ്ക്ക് പ​ക​രം റോ​സാ​പ്പൂ​വു​മൊ​ക്കെ​യാ​യാ​ണ് അ​പ​ര​ന്‍​മാ​രു​ടെ നി​ല്‍​പ്പ്. 2015ലെ ​തെ​ര​ഞ്ഞെ​ടു​പ്പി​ല്‍ 75 വാ​ര്‍​ഡു​ക​ളി​ല്‍ 34 ഇ​ട​ത്താ​യി​രു​ന്നു അ​പ​ര​ന്‍​മാ​ര്‍. ര​ണ്ട് വാ​ര്‍​ഡു​ക​ളി​ല്‍ അ​പ​ര​ന്‍​മാ​ര്‍ ഉ​യ​ര്‍​ത്തി​യ ഭീ​ഷ​ണി മു​ന്ന​ണി​ക​ളെ ഞെ​ട്ടി​ച്ചു. മ​ലാ​പ്പ​റ​മ്പ് വാ​ര്‍​ഡി​ല്‍ കൗ​ണ്‍​സി​ല​ര്‍​മാ​ര്‍ ത​മ്മി​ലു​ള്ള പോ​രാ​ട്ട​ത്തി​ല്‍ കെ.​സി.​ശോ​ഭി​ത​യു​ടെ അ​പ​ര ശോ​ഭ​ന​ക്ക് 25 വോ​ട്ടും അ​ന്ന​ത്തെ കൗ​ണ്‍​സി​ല​ര്‍ കെ.​സി​നി​യു​ടെ അ​പ​ര പി.​സി​നി​ക്ക് 69 വോ​ട്ടും കി​ട്ടി​യി​രു​ന്നു. 50 വോ​ട്ടി​ന്‍െ ഭൂ​രി​പ​ക്ഷ​ത്തി​നാ​ണ് ശോ​ഭി​ത സി​നി​യെ തോ​ല്‍​പ്പി​ച്ച​ത്. പാ​ള​യ​ത്ത് സി​പി​എ​മ്മി​ന്‍റെ പി.​ജ​യ​ശ്രീ​യു​ടെ അ​പ​ര വി.​വി​ജ​യ​ശ്രീ​ക്ക് 54 വോ​ട്ട് കി​ട്ടി. 60 വോ​ട്ടി​നാ​ണ് അ​ന്ന് ഇ​പ്പോ​ഴ​ത്തെ കോ​ണ്‍​ഗ്ര​സി​ന്‍റെ മേ​യ​ര്‍ സ്ഥാ​നാ​ര്‍​ഥി​ക​ളി​ലൊ​രാ​ളാ​യ പി.​ഉ​ഷാ​ദേ​വി ജ​യി​ച്ചു​ക​യ​റി​യ​ത്.
ഇ​ത്ത​വ​ണ ഒ​ന്നാം വാ​ര്‍​ഡാ​യ എ​ല​ത്തൂ​രി​ല്‍ സി​പി​എ​മ്മി​ന്‍റെ കെ.​വി ഫെ​ബി​ന ടീ​ച്ച​ര്‍​ക്ക് വെ​ല്ലു​വി​ളി​യാ​യി മു​ബീ​ന ടീ​ച്ച​ര്‍ മ​ത്സ​ര രം​ഗ​ത്തു​ണ്ട്. കോ​ണ്‍​ഗ്ര​സി​ന്‍റെ മ​നോ​ഹ​ര​ന്‍ മാ​ങ്ങാ​റി​യി​ലി​ന് ഭീ​ഷ​ണി​യാ​യി മ​റ്റൊ​രു മ​നോ​ഹ​ര​നും മ​ത്സ​ര രം​ഗ​ത്തു​ണ്ട്. ര​ണ്ടാം വാ​ര്‍​ഡാ​യ ചെ​ട്ടി​കു​ള​ത്ത് സി​പി​എ​മ്മി​ന്‍റെ ഒ.​പി.ഷി​ജി​ന​യ്ക്ക് അ​പ​ര​രാ​യി ഷി​ജി​ന​യും ഷിം​ന​യു​മു​ണ്ട്. കോ​ണി ചി​ഹ്ന​ത്തി​ല്‍ മ​ത്സ​രി​ക്കു​ന്ന സു​മ​തി ടീ​ച്ച​ര്‍​ക്ക് പാ​ര​യാ​യി എ​രി​യു​ന്ന പ​ന്ത​വു​മാ​യി മ​റ്റൊ​രു സു​മ​തി​യാ​ണു​ള്ള​ത്.
എ​ര​ഞ്ഞി​ക്ക​ല്‍ മൂ​ന്നാം വാ​ര്‍​ഡി​ല്‍ സി​പി​എ​മ്മി​ന്‍റെ ഇ.​പി സ​ഫീ​ന​യ്ക്ക് ര​ണ്ടു​വാ​ളും പ​രി​ച​യും ചി​ഹ്ന​ത്തി​ല്‍ മ​ത്സ​രി​ക്കു​ന്ന സ​ഫ​റീ​ന​യും കോ​ണ്‍​ഗ്ര​സി​ന്‍റെ റ​ജു​ല തെ​റ്റ​ത്തി​ന് ബ​ക്ക​റ്റ് അ​ട​യാ​ള​ത്തി​ല്‍ മ​ത്സ​രി​ക്കു​ന്ന ര​ജി​ത​യും അ​പ​ര​ഭീ​ഷ​ണി​യാ​ണ്. പു​ത്തൂ​ര്‍ നാ​ലാം വാ​ര്‍​ഡി​ല്‍ സി​പി​എ​മ്മി​ന്‍റെ വി.​പി.മ​നോ​ജി​ന് പാ​ര​യാ​യി ഒ.​പി.മ​നോ​ജ്കു​മാ​റു​ണ്ട്. താ​മ​ര ചി​ഹ്ന​ത്തി​ല്‍ മ​ത്സ​രി​ക്കു​ന്ന ബി​ജെ​പി​യു​ടെ സ​തീ​ഷ് വെ​മ്പാ​ല​യ്ക്ക് റോ​സാ​പ്പൂ ചി​ഹ്ന​വു​മാ​യി മ​റ്റൊ​രു സ​തീ​ഷും ഭീ​ഷ​ണി​യു​യ​ര്‍​ത്തു​ന്നു.
ലീ​ഗ് സ്വ​ത​ന്ത്ര​നാ​യ സി​റാ​ജു​ദ്ദീ​ന് സി​റാ​ജ് എ​ന്ന പേ​രി​ല്‍ അ​പ​ര​നു​ണ്ട്. സി​വി​ല്‍ സ്റ്റേ​ഷ​ന്‍ വാ​ര്‍​ഡി​ല്‍ സി​പി​എ​മ്മി​ന്‍റെ എം.​എ​ന്‍ പ്ര​വീ​ണി​നെ​തി​രേ മ​റ്റൊ​രു പ്ര​വീ​ണും കോ​ണ്‍​ഗ്ര​സി​ലെ കെ.സ​ത്യ​നാ​ഥ​നെ​തി​രേ സ​ത്യ​നാ​ഥ​നും മ​ത്സ​രി​ക്കു​ന്നു. മൂ​ഴി​ക്ക​ലി​ല്‍ സി​പി​എ​മ്മി​ലെ എം.​പി.ഹ​മീ​ദി​ന് ഭീ​ഷ​ണി​യാ​യി ഹ​മീ​ദും യു​ഡി​എ​ഫ് സ്വ​ത​ന്ത്ര​നാ​യ സ​ലീം മൂ​ഴി​ക്ക​ലി​ന് അ​പ​ര​നാ​യി കെ.​പി സ​ലീ​മും രം​ഗ​ത്തു​ണ്ട്. ചെ​ല​വൂ​രി​ല്‍ സി​പി​എം സ്ഥാ​നാ​ര്‍​ഥി​യാ​യി അ​ഡ്വ. സി.​എം. ജം​ഷീ​റി​ന് ഭീ​ഷ​ണി​യു​മാ​യി ജം​ഷീ​ര്‍.കെ​യും കോ​ണ്‍​ഗ്ര​സി​ലെ പി. ​ഷി​നോ​ജ്കു​മാ​റി​നെ കു​ടു​ക്കാ​ന്‍ ഷി​നോ​ജും ഷി​നോ​ജ്കു​മാ​റു​മു​ണ്ട്.
കോ​വൂ​രി​ല്‍ സി​പി​എ​മ്മി​ന്‍റെ ടി. ​സു​രേ​ഷ്‌​കു​മാ​റി​നും അ​പ​ര​ഭീ​ഷ​ണി​യു​ണ്ട്. കോ​ട്ടൂ​ളി​യി​ല്‍ കോ​ണ്‍​ഗ്ര​സി​ലെ കെ.കാ​ര്‍​ത്യാ​യ​നി പ​ട്ടാ​ട​ത്തും അ​പ​ര​യെ ത​ടു​ക്കാ​ന്‍ ത​ന്ത്രം മെ​ന​യു​ക​യാ​ണ്. കു​തി​ര​വ​ട്ട​ത്ത് സി​പി​എ​മ്മി​ന്‍റെ എം.​സി അ​നി​ല്‍​കു​മാ​റി​നു ര​ണ്ട് അ​നി​ല്‍​കു​മാ​ര്‍ അ​പ​ര​ന്‍​മാ​രാ​യി ഉ​ണ്ട്.
ഇ​വി​ടെ ബി​ജെ​പി​യു​ടെ ബി​ന്ദു ഉ​ദ​യ​കു​മാ​റി​നും അ​പ​ര​ഭീ​ഷ​ണി​യു​ണ്ട്. കൊ​മ്മേ​രി​യി​ല്‍ സി​പി​എ​മ്മി​ന്‍റെ ടി.അ​ഞ്ജു​വി​നും കു​ണ്ടു​പ്പ​റ​മ്പി​ല്‍ കോ​ണ്‍​ഗ്ര​സി​ലെ എ​ന്‍.പു​ഷ്പ​ല​ത​യെ വെ​ല്ലു​വി​ളി​യാ​യി പു​ഷ്പ​ല​ത​യും രം​ഗ​ത്തു​ണ്ട്.
മ​ലാ​പ്പ​റ​മ്പി​ല്‍ സി​പി​എ​മ്മി​ലെ കെ.​പി മ​മ്മ​ദ് കോ​യ​യ്ക്ക് വെ​ല്ലു​വി​ളി​യു​മാ​യി എം.​പി.മ​മ്മ​ദ്കോ​യ രം​ഗ​ത്തു​ണ്ട്. കോ​ണ്‍​ഗ്ര​സി​ലെ കെ.​പി. രാ​ജേ​ഷ്‌​കു​മാ​റി​ന് പാ​ര​യാ​കാ​ന്‍ എ​ന്‍.​കെ രാ​ജേ​ഷ്, കെ.​ടി.രാ​ജേ​ഷ് എ​ന്നി​വ​രു​ണ്ട്. വേ​ങ്ങേ​രി​യി​ല്‍ സി​പി​എ​മ്മി​ലെ ഒ. ​സ​ദാ​ശി​വ​ന് സ​ദാ​ശി​വ​നാ​ണ് അ​പ​ര​ന്‍. പാ​റോ​പ്പ​ടി​യി​ല്‍ എ​ന്‍​സി​പി​യു​ടെ വി.​പി.ഷീ​ജ​ക്കെ​തി​രേ മ​റ്റൊ​രു ഷീ​ജ​യും ബി​ജെ​പി​യു​ടെ അ​ഡ്വ. സ​ബി​ത​ക്കെ​തി​രേ മ​റ്റൊ​രു സ​ബി​ത​യു​മു​ണ്ട്.
ക​ല്ലാ​യി​യി​ല്‍ ഇ​ട​ത് സ്ഥാ​നാ​ര്‍​ഥി അ​ഡ്വ. എം.​കെ.സ​റീ​ന​ക്കും കോ​ണ്‍​ഗ്ര​സി​ലെ എം.​സി സു​ധാ​മ​ണി​ക്കും അ​പ​ര​ന്‍​മാ​രു​ണ്ട്. പ​ന്നി​യ​ങ്ക​ര​യി​ല്‍ സി​പി​എം സ്ഥാ​നാ​ര്‍​ഥി മു​ന്‍ മേ​യ​ര്‍ ഒ.രാ​ജ​ഗോ​പാ​ലി​നും അ​പ​ര​നു​ണ്ട്. ഇ​വി​ടെ ലീ​ഗ് സ്വ​ത​ന്ത്ര നി​ര്‍​മ​ല​ക്കും അ​പ​ര​യു​ണ്ട്. കൊ​മ്മേ​രി​യി​ല്‍ സി​പി​എ​മ്മി​ന്‍റെ ടി.അ​ഞ്ജു​വി​നും പൊ​ക്കു​ന്നി​ല്‍ ലീ​ഗി​ലെ സ​ക്കീ​ര്‍ പു​ളി​ങ്ങ​ഞ്ചേ​രി​ക്കും കി​ണാ​ശേ​രി​യി​ല്‍ എ​ല്‍​ഡി​എ​ഫി​ലെ എ​ന്‍.​എം.ഷിം​ന​ക്കും ലീ​ഗി​ലെ സാ​ഹി​ദ സു​ലൈ​മാ​നും മാ​ങ്കാ​വി​ല്‍ കോ​ണ്‍​ഗ്ര​സി​ലെ ഓ​മ​ന മ​ധു​വി​നും ആ​ഴ്ച​വ​ട്ട​ത്ത് കോ​ണ്‍​ഗ്ര​സി​ലെ കെ.​സ​ന്തോ​ഷി​നും അ​പ​ര​ഭീ​ഷ​ണി​യു​ണ്ട്.
മീ​ഞ്ച​ന്ത​യി​ലും തി​രു​വ​ണ്ണൂ​ര്‍, അ​രീ​ക്കാ​ട് നോ​ര്‍​ത്ത്, അ​രീ​ക്കാ​ട്, ന​ല്ല​ളം, കൊ​ള​ത്ത​റ, കു​ണ്ടാ​യി​ത്തോ​ട്, ചെ​റു​വ​ണ്ണൂ​ര്‍ ഈ​സ്റ്റ്, ചെ​റു​വ​ണ്ണൂ​ര്‍ വെ​സ്റ്റ്, ബേ​പ്പൂ​ര്‍ പോ​ര്‍​ട്ട്, ബേ​പ്പൂ​ര്‍, മാ​റാ​ട്, ച​ക്കും​ക​ട​വ്, മു​ഖ​ദാ​ര്‍, കു​റ്റി​ച്ചി​റ വ​ലി​യ​ങ്ങാ​ടി, വെ​ള്ള​യി​ല്‍, തോ​പ്പ​യി​ല്‍, ഈ​സ്റ്റ്ഹി​ല്‍, വെ​സ്റ്റ്ഹി​ല്‍, എ​ട​ക്കാ​ട്, പു​തി​യ​ങ്ങാ​ടി എ​ന്നി​വി​ട​ങ്ങ​ളി​ലും പ്ര​മു​ഖ​ര്‍​ക്ക് അ​പ​ര​രു​ണ്ട്.