ന​ഗ​ര​ത്തി​ലെ പാ​ര്‍​ക്കു​ക​ള്‍ തു​റ​ക്കു​ന്നു
Sunday, October 18, 2020 11:10 PM IST
കോ​ഴി​ക്കോ​ട‌് : കോ​വി​ഡ് വ്യാ​പ​ന​ത്തെ​തു​ട​ര്‍​ന്ന് ആ​റു​മാ​സ​ത്തോ​ള​മാ​യി അ​ട​ച്ചി​ട്ട മാ​നാ​ഞ്ചി​റ പാ​ര്‍​ക്ക് 22-ന് ​തു​റ​ന്നു​കൊ​ടു​ക്കും.​ഇ​തോ​ടൊ​പ്പം ന​വീ​ക​രി​ച്ച പാ​ര്‍​ക്കി​ന്‍റെ ഉ​ദ്ഘാ​ട​ന​വും ന​ട​ക്കും.​പാർക്കിൽ‌ വെ​ള്ള​വും വെ​ളി​ച്ച​വു​മ​ട​ക്ക​മു​ള്ള സൗ​ക​ര്യ​ങ്ങ​ൾ മു​ട​ങ്ങാ​തെ ല​ഭ്യ​മാ​ക്കാ​നു​ള്ള ന​ട​പ​ടി ക്ര​മ​ങ്ങ​ള്‍ പൂ​ര്‍​ത്തി​യാ​യി. കോ​വി​ഡ് പ്രോ​ട്ടോ​ക്കോ​ളു​മാ​യി ബ​ന്ധ​പ്പെ​ട്ട് മ​റ്റ് പ്ര​ശ്‌​ന​ങ്ങ​ള്‍ ഒ​ന്നും ഇ​ല്ലെ​ങ്കി​ല്‍ 22മു​ത​ല്‍ ന​ഗ​ര​ത്തി​ലെ മ​റ്റു​പാ​ര്‍​ക്കു​ക​ളും തു​റ​ന്നു​കൊ​ടു​ക്കാ​നാ​ണ് ഉ​ദ്ദേ​ശി​ക്കു​ന്ന​തെ​ന്ന് മേ​യ​ര്‍ തോ​ട്ട​ത്തി​ല്‍ ര​വീ​ന്ദ്ര​ന്‍ അ​റി​യി​ച്ചു.​നി​ല​വി​ല്‍ സ​രോ​വ​രം പാ​ര്‍​ക്ക് മാ​ത്ര​മാ​ണ് തു​റ​ന്നു​കൊ​ടു​ത്തി​രി​ക്കു​ന്ന​ത്.

മാ​നാ​ഞ്ചി​റ ഉ​ൾ​പ്പെ​ടെ ന​ഗ​ര​പ​രി​ധി​യി​ലെ ഓ​രോ പാ​ർ​ക്കി​നെ​യും അ​ഞ്ചുവ​ർ​ഷം പ​രി​പാ​ലി​ക്കു​ന്ന​തി​നാ​യി പ്ര​ത്യേ​ക ഏ​ജ​ൻ​സി​ക​ളെ നി​യോ​ഗി​ക്കും. ഇ​തി​നാ​യി താ​ത്പര്യ​പ​ത്രം ക്ഷ​ണി​ച്ചി​ട്ടു​ണ്ട‌്.​അ​മൃ​ത‌് പ​ദ്ധ​തി​യി​ൽ ന​വീ​ക​രി​ച്ച മാ​നാ​ഞ്ചി​റ പാ​ർ​ക്ക‌്, എ​ര​വ​ത്ത‌് കു​ന്ന‌്, എ​ല​ത്തൂ​ർ ജ​ട്ടി പാ​ർ​ക്ക‌്, ത​ട​മ്പാ​ട്ടു​താ​ഴം, ഗ​രു​ഡ​ൻ കു​ളം, മ​ലാ​പ്പ​റ​മ്പ‌്, ചെ​റു​വ​ണ്ണൂ​ർ, എ​സ‌് കെ ​പാ​ർ​ക്ക‌് എ​ന്നി​വ​യാ​ണ‌് പ​രി​പാ​ല​ന​ത്തി​നാ​യി വ്യ​ക്തി​ക​ളെ​യോ സ്ഥാ​പ​ന​ങ്ങ​ളെ​യോ ഏ​ൽ​പ്പി​ക്ക‌ു​ക. ശു​ചീ​ക​ര​ണം, മ​ര​ങ്ങ​ളു​ടെ​യും പു​ൽ​ത്ത​കി​ടി​ക​ളു​ടെ​യും സം​ര​ക്ഷ​ണം, വൈ​ദ്യു​തി ഉ​പ​ക​ര​ണ​ങ്ങ​ൾ പ്ര​വ​ർ​ത്ത​ന ക്ഷ​മ​മാ​യി നി​ല​നി​ർ​ത്ത​ൽ, കു​ടി​വെ​ള്ള ല​ഭ്യ​ത, ക​ളി​യു​പ​ക​ര​ണ​ങ്ങ​ളു​ടെ സം​ര​ക്ഷ​ണം തു​ട​ങ്ങി​യ ചു​മ​ത​ല​ക​ളാ​ണ‌് ലൈ​സ​ൻ​സി​ക​ൾ നി​ർ​വ​ഹി​ക്കേ​ണ്ട​ത‌്.

കോ​ർ​പ​റേ​ഷ​ൻ അം​ഗീ​കാ​ര​ത്തോ​ടെ പാ​ർ​ക്കു​ക​ളി​ലെ സ‌്റ്റേ​ജു​ക​ളി​ൽ വി​നോ​ദ പ​രി​പാ​ടി​ക​ൾ, ക​ഫ്‌​റ്റീ​രി​യ സ്ഥാ​പി​ക്ക​ൽ എ​ന്നി​വ​യും ന​ട​പ്പാ​ക്കാം. പ​ര​സ്യ​ങ്ങ​ൾ, വി​നോ​ദ പ​രി​പാ​ടി​ക​ൾ എ​ന്നി​വ​യി​ലൂ​ടെ ഈ ​ഏ​ജ​ൻ​സി​ക​ൾ​ക്ക‌് വ​രു​മാ​നം ക​ണ്ടെ​ത്താം. ഇ​ത​നു​സ​രി​ച്ച‌് മാ​നാ​ഞ്ചി​റ പാ​ർ​ക്കി​ൽ ആ​റ‌് ഇ​ല​ക‌്ട്രോ​ണി​ക‌്സ‌് ഡി​സ‌്പ്ലേ ഹോ​ർ​ഡി​ങ്ങു​ക​ൾ, ഐ​സ‌്ക്രീം, സ‌്നാ​ക‌്സ‌്, പോ​പ‌്കോ​ൺ വി​ൽ​ക്കു​ന്ന​തി​നു​ള്ള നാ​ല‌് കി​യോ​സ‌്കു​ക​ൾ, ഡി​ജി​റ്റ​ൽ പ​ര​സ്യ ബോ​ർ​ഡു​ക​ൾ എ​ന്നി​വ ഉ​ണ്ടാ​കും. പ്ര​വേ​ശ​ന ക​വാ​ട​ത്തി​ൽ ര​ണ്ട‌് സെ​ക്യൂ​രി​റ്റി​ക്കാ​രെ​യും നി​യോ​ഗി​ക്കും. രാ​ത്രി​യും ഇ​വ​രു​ടെ സേ​വ​നം ഉ​റ​പ്പാ​ക്കും. പ്ര​വ​ർ​ത്ത​ന സ​മ​യം കോ​ർ​പ​റേ​ഷ​ൻ കൗ​ൺ​സി​ൽ തീ​രു​മാ​നി​ക്കും. കോ​വി​ഡ‌് സാ​ഹ​ച​ര്യ​ത്തി​ൽ പൊ​തു​ജ​ന പ്ര​വേ​ശ​നം നി​യ​ന്ത്രി​ക്കും. പു​ൽ​ത്ത​കി​ടി, പൂ​ക്ക​ൾ എ​ന്നി​വ കൃ​ത്യ​മാ​യി പ​രി​പാ​ലി​ക്ക​ണം. മ​ണി​ക്കൂ​റു​ക​ളി​ൽ പാ​ർ​ക്ക‌് വൃ​ത്തി​യാ​ക്ക​ണം.