അ​ന്വേ​ഷ​ണ​ത്തി​ന് മ​നു​ഷ്യാ​വ​കാ​ശ ക​മ്മീ​ഷ​ൻ ഉ​ത്ത​ര​വ്
Tuesday, April 13, 2021 1:12 AM IST
ക​ൽ​പ്പ​റ്റ: വീ​ട് ത​രാ​മെ​ന്നു പ​റ​ഞ്ഞ് ആ​ദി​വാ​സി​യാ​യ വ​യോ​ധി​ക​നെ അ​ധി​കൃ​ത​ർ പ​ത്തു​വ​ർ​ഷ​ത്തി​ല​ധി​ക​മാ​യി ക​ബ​ളി​പ്പി​ക്കു​ക​യാ​ണെ​ന്ന പ​രാ​തി​യി​ൽ മ​നു​ഷ്യാ​വ​കാ​ശ ക​മ്മീ​ഷ​ൻ ന​ട​പ​ടി തു​ട​ങ്ങി. ക​ൽ​പ്പ​റ്റ പ​ട്ടി​ക​വ​ർ​ഗ വി​ക​സ​ന ഓ​ഫീ​സ​റും ത​വി​ഞ്ഞാ​ൽ പ​ഞ്ചാ​യ​ത്ത് സെ​ക്ര​ട്ട​റി​യും നാ​ലാ​ഴ്ച​യ്ക്ക​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മ്മീ​ഷ​ൻ ജു​ഡീ​ഷ്യ​ൽ അം​ഗം കെ.​ബൈ​ജു​നാ​ഥ് ആ​വ​ശ്യ​പ്പെ​ട്ടു.
വാ​ള്യാ​ട് പേ​ര്യ കാ​ലി​മ​ന്നം ആ​ദി​വാ​സി കോ​ള​നി​യി​ലെ ത​ക​ര​പ്പാ​ടി രാ​മ​കൃ​ഷ്ണ​ൻ എ​ന്ന അ​റു​പ​തു​കാ​ര​നാ​ണ് ഭാ​ര്യ​യ്ക്കും മ​ക​നു​മൊ​പ്പം ഏ​തു നി​മി​ഷ​വും ഇ​ടി​ഞ്ഞു​വീ​ഴാ​വു​ന്ന വീ​ട്ടി​ൽ താ​മ​സി​ക്കു​ന്ന​ത്. ത​വി​ഞ്ഞാ​ൽ പ​ഞ്ചാ​യ​ത്തി​ലെ 20 ാം വാ​ർ​ഡി​ലാ​ണ് കാ​ലി​മ​ന്നം കോ​ള​നി.
1981 ൽ ​സ​ർ​ക്കാ​ർ പ​തി​ച്ചു ന​ൽ​കി​യ ഭൂ​മി​യി​ലാ​ണ് രാ​മ​കൃ​ഷ്ണ​നും കു​ടും​ബ​വും താ​മ​സി​ക്കു​ന്ന​ത്. 20 വ​ർ​ഷം മു​ന്പ് പ​ഞ്ചാ​യ​ത്ത് ന​ൽ​കി​യ 35000 രൂ​പ​യു​ടെ ധ​ന​സ​ഹാ​യ​ത്താ​ൽ നി​ർ​മി​ച്ച വീ​ടി​ന്‍റെ ഭി​ത്തി​യും മേ​ൽ​ക്കൂ​ര​യും ത​ക​ർ​ന്നു വീ​ണു. പു​തി​യ വീ​ടി​ന് 10 വ​ർ​ഷ​മാ​യി അ​പേ​ക്ഷ ന​ൽ​കി കാ​ത്തി​രി​ക്കു​ക​യാ​ണ് അ​ദ്ദേ​ഹം.
ലൈ​ഫ് മി​ഷ​നി​ൽ അ​പേ​ക്ഷ ന​ൽ​കി​യി​ട്ടും യാ​തൊ​രു ന​ട​പ​ടി​യും പ​ഞ്ചാ​യ​ത്ത് സ്വീ​ക​രി​ച്ചി​ല്ലെ​ന്ന് രാ​മ​കൃ​ഷ്ണ​ന്‍റെ മ​ക​ൻ ശ്രീ​ജി​ത്ത് പ​റ​യു​ന്നു. രാ​മ​കൃ​ഷ്ണ​ൻ അ​നു​ഭ​വി​ക്കു​ന്ന മ​നു​ഷ്യാ​വ​കാ​ശ ലം​ഘ​നം അ​ന്വേ​ഷി​ക്കാ​നാ​ണ് ക​മ്മീ​ഷ​ൻ ഉ​ത്ത​ര​വ്. ​മാ​ധ്യ​മ വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ സ്വ​മേ​ധ​യ ര​ജി​സ്റ്റ​ർ ചെ​യ്ത കേ​സി​ലാ​ണ് ന​ട​പ​ടി.