പെ​രു​ന്തേ​ന​രു​വി വൈ​ദ്യു​ത പ​ദ്ധ​തി പാ​ളി
Friday, April 19, 2024 1:02 AM IST
ടൂറിസം സാധ്യതകളും ഇല്ലാതാക്കി

റാ​ന്നി: പ്ര​കൃ​തിര​മ​ണീ​യ​മാ​യ പെ​രു​ന്തേ​ന​രു​വി​യു​ടെ നൈ​സ​ർ​ഗി​ക ഭാ​വം ത​ക​ർ​ത്തും മ​നോ​ഹ​ര​മാ​യ നാ​വീ​ണ​രു​വി​യെ ഇ​ല്ലാ​താ​ക്കി​യും പ​മ്പാ ന​ദി​യി​ൽ നി​ർ​മി​ച്ച മി​നിജ​ലവൈ​ദ്യു​ത പ​ദ്ധ​തി ല​ക്ഷ്യം കൈ​വ​രി​ച്ചി​ല്ല. പ​ന്പാ​ന​ദി​യി​ൽ ത​ട​യ​ണ നി​ർ​മി​ച്ച് വൈ​ദ്യു​തി ഉ​ത്പാ​ദി​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ രൂപംകൊടുത്ത പ​ദ്ധ​തി​യി​ൽ വി​ര​ലി​ലെ​ണ്ണാ​വു​ന്ന ദി​വ​സ​ങ്ങ​ൾപോ​ലും ഉ​ത്പാ​ദ​നം ന​ട​ക്കു​ന്നി​ല്ല. കോ​ടി​ക​ൾ ചെ​ല​വ​ഴി​ച്ചു നി​ർ​മി​ച്ച പ​ദ്ധ​തി വൈ​ദ്യു​തിബോ​ർ​ഡി​നു ബാ​ധ്യ​ത​യാ​യി മാ​റു​ന്നു.

മൂ​ന്ന് മെ​ഗാ​വാ​ട്ടി​ന്‍റെ വീ​തം ര​ണ്ട് ജ​ന​റേ​റ്റ​റു​ക​ളാ​ണ് വൈ​ദ്യു​തി ഉ​ത്പാ​ദ​ന​ത്തി​നുവേണ്ടി സ്ഥാ​പി​ച്ചി​രി​ക്കു​ന്ന​ത്. 2017ൽ ​സ്ഥാ​പി​ത​മാ​യ പ​ദ്ധ​തി​യി​ൽ തു​ട​ക്ക​കാ​ല​ത്തു മാ​ത്ര​മാ​ണ് ആ​റ് മെ​ഗാ​വാ​ട്ട് ഉ​ത്പാ​ദ​നം ന​ട​ന്ന​ത്. കോ​ൺ​ക്രീ​റ്റ് ഭൂ​ഗു​രുത്വ അ​ണ​യാ​ണ് പ​വ​ർ ഹൗ​സി​ലേ​ക്കു​ള്ള​ത്. ഇ​തി​ന് 35.9 അ​ടി ഉ​യ​ര​വും 746 അ​ടി നീ​ള​വും ഉ​ണ്ട്.

മ​ഴ​ക്കാ​ല​ത്ത് പ​ദ്ധ​തി​യു​ടെ മി​നിഡാ​മി​ൽ മ​ണ​ലും ചെ​ളി​യും അ​ടി​യു​ന്ന​തുമൂ​ലം ജ​ല​സം​ഭ​ര​ണം വേ​ണ്ട​ത്ര അ​ള​വി​ൽ ഉ​ണ്ടാ​വു​ന്നി​ല്ല. ക​നാ​ലി​ലും മി​നിഡാ​മി​ലും അ​ടി​യു​ന്ന മ​ണ​ലും ചെ​ളി​യും യ​ഥാ​സ​മ​യം നീ​ക്കം ചെ​യ്യു​ന്ന​തി​ന് ക​ഴി​യാ​ത്ത​താ​ണ് പ​ദ്ധ​തി ന​ഷ്ട​ത്തി​ലേ​ക്ക് കൂ​പ്പു​കു​ത്താ​ൻ കാ​ര​ണം. വ​ല്ല​പ്പോ​ഴും ചെ​ളി​യും മ​ണ​ലും നീ​ക്കി​ക്ക​ള​യാ​ൻ ശ്ര​മം ന​ട​ക്കു​ന്നു​ണ്ടെ​ങ്കി​ലും വീ​ണ്ടും അ​ടു​ത്ത മ​ഴ​യി​ൽ ഇ​ത് ന​ദി​യി​ലേ​ക്കുത​ന്നെ ഒ​ലി​ച്ചെ​ത്തും.

ഡാ​മി​ന് സം​ഭ​ര​ണ​ശേ​ഷി തീ​ർ​ത്തും കു​റ​വാ​യ​തി​നാ​ൽ മ​ഴ​ക്കാ​ല​ത്ത് എ​ത്തു​ന്ന വെ​ള്ളം ഏ​റെ​യും ന​ഷ്ട​പ്പെ​ടു​ക​യാ​ണ്. ഇ​തോ​ടെ വൈ​ദ്യു​തി വി​റ്റ് പ​ദ്ധ​തി​യു​ടെ ന​ഷ്ടം നി​ക​ത്താ​മെ​ന്ന ക​ണ​ക്കു​കൂ​ട്ട​ലും പാ​ളി. വേ​ന​ൽ​ക്കാ​ല​ത്ത് സം​ഭ​ര​ണി​യി​ൽ വെ​ള്ള​മി​ല്ലാ​ത്ത​തി​ന്‍റെ പേ​രി​ൽ ഉ​ത്പാ​ദ​നം നി​ർ​ത്തി​വ​യ്ക്കും. വെ​ച്ചൂ​ച്ചി​റ ജ​ല​വി​ത​ര​ണ പ​ദ്ധ​തി​യു​ടെ കി​ണ​റും വ​റ്റി.

അ​രു​വി​യു​ടെ താ​ഴെ​ഭാ​ഗ​ത്ത് പാ​റ തു​ര​ന്നാ​ണ് പ​ദ്ധ​തി​ക്കു​വേ​ണ്ടി കി​ണ​ർ നി​ർ​മി​ച്ചി​ട്ടു​ള്ള​ത്. മു​ന്പ് ജ​ല​സ​ന്പു​ഷ്ട​മാ​യി​രു​ന്ന ന​ദി​യി​ലെ കി​ണ​റ്റി​ൽനി​ന്നു പ​ദ്ധ​തി​ക്കാ​വ​ശ്യ​മാ​യ വെ​ള്ളം ല​ഭി​ച്ചി​രു​ന്നു. ഡാ​മി​നു മു​ക​ളി​ലാ​യി എ​രു​മേ​ലി പ​ദ്ധ​തി​ക്കു​വേ​ണ്ടി കി​ണ​ർ നി​ർ​മി​ച്ച് പ​ന്പിം​ഗ് ന​ട​ക്കു​ന്നു​മു​ണ്ട്.

ടൂ​റി​സം പ​ദ്ധ​തി​ക​ളും ന​ട​പ്പാ​യി​ല്ല

പ​ന്പാ ​ന​ദി​ക്കു കു​റു​കെ​യു​ള്ള മി​നി ഡാം ​വി​നോ​ദസ​ഞ്ചാ​ര സാ​ധ്യ​തകൂ​ടി ക​ണ്ട് നി​ർ​മി​ച്ച​താ​ണ്. ഷ​ട്ട​റു​ക​ളി​ല്ലാ​ത്ത ഡാം ​ക​വി​ഞ്ഞ് പു​റ​ത്തേ​ക്ക് വെ​ള്ളം ഒ​ഴു​കു​ന്ന രീ​തി​യി​ലാ​യി​രു​ന്നു നി​ർ​മാ​ണം.
ഡാ​മി​ൽ സ​ഞ്ചാ​രി​ക​ൾ​ക്കാ​യി ബോ​ട്ടിം​ഗ്, ന​ദി​ക്കു കു​റു​കെ ന​ട​പ്പാ​ലം, സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ വി​ശാ​ല​മാ​യ പൂ​ന്തോ​ട്ടം, ഹോ​ട്ട​ലു​ക​ൾ, താ​മ​സ സൗ​ക​ര്യം എ​ന്നി​വ​യൊ​ക്കെ പ​ദ്ധ​തി​യു​ടെ രൂ​പ​രേ​ഖ​യി​ലു​ണ്ടാ​യി​രു​ന്നെ​ങ്കി​ലും ഒ​ന്നും ന​ട​ന്നി​ല്ല.

ഒ​രു ഭ​ക്ഷ​ണ​ശാ​ല​യും കു​ട്ടി​ക​ൾ​ക്കാ​യി ചെ​റി​യൊ​രു പാ​ർ​ക്കും മാ​ത്ര​മാ​ണ് ആ​രം​ഭി​ച്ച​ത്. ഡാം ​വ​ന്ന​തോ​ടെ വെ​ള്ള​ച്ചാ​ട്ടം ഇ​ല്ലാ​താ​യ​പ്പോ​ൾ വൈ​ദ്യു​തി ഉ​ത്പാ​ദ​ന​ശേ​ഷം വെ​ള്ളം തി​രി​കെ വെ​ള്ള​ച്ചാ​ട്ട​ത്തി​ലേ​ക്ക് എ​ത്തി​ക്കു​മെ​ന്ന പ്ര​ഖ്യാ​പ​നം വ​ന്നു. എ​ന്നാ​ൽ ഇ​തും ന​ട​പ്പാ​യി​ല്ല.

പ്ര​താ​പം ന​ഷ്ട​പ്പെ​ട്ട് പെ​രു​ന്തേ​ന​രു​വി

പാ​റ​യി​ടു​ക്കു​ക​ളി​ലൂ​ടെ​യു​ള്ള മ​നോ​ഹ​ര​മാ​യ വെ​ള്ള​ച്ചാ​ട്ട​മാ​യി​രു​ന്നു പെ​രു​ന്തേ​ന​രു​വി​യു​ടെ പ്ര​ത്യേ​ക​ത. ഇ​ന്നി​പ്പോ​ൾ മ​ഴ​ക്കാ​ല​ത്തു മാ​ത്ര​മാ​യി പെ​രു​ന്തേ​ന​രു​വി​യി​ലെ വെ​ള്ള​മൊ​ഴു​ക്ക് പ​രി​മി​ത​പ്പെ​ട്ടു. ഡാം ​വ​ന്ന​തോ​ടെ വെ​ള്ളം മു​ക​ളി​ൽ ത​ട​യ​പ്പെ​ട്ടു. താ​ഴേ​ക്ക് ഒ​ഴു​ക്ക് നി​ല​ച്ച് പ്ര​താ​പം ന​ശി​ച്ച പെ​രു​ന്തേ​ന​രു​വി കാ​ണാ​നെ​ത്തു​ന്ന​വ​രു​ടെ എ​ണ്ണം കു​റ​ഞ്ഞു.

നേ​ര​ത്തേ അ​രു​വി​യി​ൽ വ​ർ​ഷം മു​ഴു​വ​ൻ നീ​രൊ​ഴു​ക്കും വെ​ള്ള​ച്ചാ​ട്ട​വു​മു​ണ്ടാ​യി​രു​ന്നു. പെ​രു​ന്തേ​ന​രു​വി​യും തൊ​ട്ടു മു​ക​ൾ​ഭാ​ഗ​ത്തെ നാ​വീ​ണ​രു​വി​യും കാ​ണാ​നെ​ത്തു​ന്ന​വ​രു​ടെ തി​ര​ക്ക് അ​ഭൂ​ത​പൂ​ർ​വ​മാ​യി​രു​ന്നു.

എ​ന്നാ​ൽ നാ​വീ​ണ​രു​വി നി​ല​നി​ന്നി​രു​ന്ന സ്ഥാ​നംപോ​ലും ഇ​ന്ന് കാ​ണാ​ൻ ക​ഴി​യു​ന്നി​ല്ല. ഈ ​സ്ഥ​ലം ന​ശി​പ്പി​ച്ചാ​ണ് വൈ​ദ്യു​തിബോ​ർ​ഡ് മി​നിഡാം ​പ​ണി​ത​ത്. ഇ​രു അ​രു​വി​ക​ളും അ​തേ രീ​തി​യി​ൽ നില​നി​ർ​ത്തി വൈ​ദ്യു​തപ​ദ്ധ​തി നി​ർ​മി​ക്ക​ണ​മെ​ന്ന നി​ർ​ദേ​ശം ഉ​ണ്ടാ​യെ​ങ്കി​ലും ന​ട​പ്പാ​യി​ല്ല.

സ​ഞ്ചാ​രി​ക​ൾ തി​രി​ഞ്ഞു​ നോ​ക്കാ​തെ​യാ​യി

അ​രു​വി​ക​ളു​ടെ നൈ​സ​ർ​ഗി​ക ഭാ​വം ഒ​പ്പി​യെ​ടു​ക്കാ​ൻ മു​മ്പ് എ​ത്തി​യി​രു​ന്ന​വ​രാ​രും ഇ​പ്പോ​ൾ ഇ​ങ്ങോ​ട്ടേ​ക്കു വ​രാ​റി​ല്ല. അ​രു​വി​ക​ളും വൈ​ദ്യു​തപ​ദ്ധ​തി​യും ബോ​ട്ടിം​ഗും എ​ല്ലാം ഇ​ട​ക​ല​ർ​ന്ന ടൂ​റി​സം പ​ദ്ധ​തി ന​ട​പ്പായി​രു​ന്നെ​ങ്കി​ൽ പെ​രു​ന്തേ​ന​രു​വി സം​സ്ഥാ​ന ടൂ​റി​സം ഭൂ​പ​ട​ത്തി​ൽ സ്ഥാ​നം പി​ടി​ക്കു​മാ​യി​രു​ന്നു. അ​തുവ​ഴി ഈ ​പ്ര​ദേ​ശ​ങ്ങ​ളി​ൽ വി​ക​സ​ന​വും വ്യാ​പാ​ര നേ​ട്ട​ങ്ങ​ളും ഉ​ണ്ടാ​കു​മാ​യി​രു​ന്നു.

പ​ദ്ധ​തി രൂ​പ​ക​ല്പ​ന ചെ​യ്ത​തി​ലെ​യും നി​ർ​മാ​ണ​ത്തി​ലെ​യും വൈ​ദ​ഗ്ധ്യ​ക്കു​റ​വാ​ണ് ത​ക​ർ​ച്ച​യ്ക്കു കാ​ര​ണ​മാ​യ​ത്. പെ​രു​ന്തേ​ന​രു​വി കേ​ന്ദ്രീ​ക​രി​ച്ച് ഡി​ടി​പി​സി ആ​സൂ​ത്ര​ണം ചെ​യ്ത പ​ദ്ധ​തി​ക​ളും ഇ​തോ​ടെ പാ​ളി. ര​ണ്ട് പ്ര​ള​യ​ങ്ങ​ൾ വെ​ള്ള​ച്ചാ​ട്ട​വു​മാ​യി ബ​ന്ധ​പ്പെ​ട്ട നി​ർ​മി​തി​ക​ളെ​യും ത​ക​ർ​ത്തു. ലാ​ഭ​ക​ര​മാ​യി ഒ​ന്നു​മി​ല്ലാ​ത്ത അ​വ​സ്ഥ​യി​ലാ​ണി​പ്പോ​ൾ പെ​രു​ന്തേ​ന​രു​വി.

യാ​ത്രാ​ദു​രി​ത​വും മാ​റി​യി​ല്ല

ഡാ​മി​നു മു​ക​ളി​ലൂ​ടെ അ​ത്യാ​വ​ശ്യം സ​ഞ്ച​രി​ക്കാ​ൻ പാ​ലം നി​ർ​മി​ച്ചി​ട്ടു​ണ്ടെ​ങ്കി​ലും ദീ​ർ​ഘ​വീ​ക്ഷ​ണ​ത്തോ​ടെ അ​ധി​കൃ​ത​ർ പ്ര​വ​ർ​ത്തി​ച്ചി​രു​ന്നെ​ങ്കി​ൽ ഇ​രു​ക​ര​ക​ളെ​യും ബ​ന്ധി​പ്പി​ച്ച് നാ​ട്ടു​കാ​രു​ടെ യാ​ത്രാ ദു​രി​ത​ത്തി​നു പ​രി​ഹാ​രം കാ​ണാ​മാ​യി​രു​ന്നു. ഓ​ട്ടോ​റി​ക്ഷ​ക​ളും ചെ​റു​വാ​ഹ​ന​ങ്ങ​ളും​മാ​ത്ര​മാ​ണ് ഇ​ന്നി​പ്പോ​ൾ പാ​ല​ത്തി​ലൂ​ടെ സ​ഞ്ച​രി​ക്കു​ന്ന​ത്.

പാ​ല​ത്തി​ന്‍റെ ഒ​രു വ​ശ​ത്തു കൂ​ടി​യു​ള്ള ഗ​താ​ഗ​തം മാ​ത്ര​മേ ഇ​പ്പോ​ൾ സാ​ധ്യ​മാ​കൂ. ന​ദി​യു​ടെ മ​റു​ക​ര​യി​ൽ നാ​റാ​ണം​മൂ​ഴി പ​ഞ്ചാ​യ​ത്തി​ലു​ള്ള​വ​ർ​ക്ക് പെ​രു​ന്തേ​ന​രു​വി, വെ​ച്ചൂ​ച്ചി​റ ഭാ​ഗ​ത്തേ​ക്കു​ള്ള യാ​ത്ര​മാ​ർ​ഗ​മാ​ണി​ത്. വി​ക​സ​ന സാ​ധ്യ​ത​ക​ൾ ഏ​റെ​യു​ണ്ടാ​യി​രു​ന്ന പ​ദ്ധ​തി​യാ​ണ് നി​ല​വി​ൽ ത​ക​ർ​ച്ച​യു​ടെ വ​ക്കി​ലാ​യി​രി​ക്കു​ന്ന​ത്.

Copyright @ 2022 , Rashtra Deepika Ltd.