നാ​ട്ടി​ലി​റ​ങ്ങി​യ കാ​ട്ടാ​ന വ​ന​ത്തി​ലേ​ക്കി​ല്ല, ഭീ​തി​യി​ൽ വാ​റു​ചാ​ൽ ഗ്രാ​മം ‌
Wednesday, February 26, 2020 11:06 PM IST
റാ​ന്നി: കാ​ട്ടാ​ന ഇ​റ​ങ്ങി​യ വാ​ർ​ത്ത​യു​മാ​യാ​ണ് ഇ​ന്ന​ലെ രാ​വി​ലെ മ​ട​ന്ത​മ​ണ്‍ വാ​റു​ചാ​ലി​ൽ ഗ്രാ​മം ഉ​ണ​ർ​ന്ന​ത്. ഉ​ച്ച​ക​ഴി​ഞ്ഞ് ആ​ന​യെ ഓ​ടി​ക്കാ​നെ​ത്തി​യ വ​ന​പാ​ല​ക​നെ കൊ​ല​പ്പെ​ടു​ത്തി​യ​തു കൂ​ടി അ​റി​ഞ്ഞ​തോ​ടെ ഭീ​തി വ​ർ​ധി​ച്ചു.

ആ​ന തി​രി​കെ പോ​യി​ട്ടി​ല്ലാ​ത്ത​തി​നാ​ൽ ഭീ​തി​യു​ടെ നി​ഴ​ലി​ലാ​ണ് വെ​ച്ചൂ​ച്ചി​റ, മ​ട​ന്ത​മ​ണ്‍ അ​തി​ർ​ത്തി​യി​ലെ വാ​റു​ചാ​ൽ നി​വാ​സി​ക​ൾ.നാ​റാ​ണം​മൂ​ഴി പ​ഞ്ചാ​യ​ത്തി​ലെ മ​ട​ന്ത​മ​ണ്ണി​നു മു​ക​ൾ ഭാ​ഗ​ത്ത് വെ​ച്ചൂ​ച്ചി​റ വാ​റു​ചാ​ലി​ൽ ഇ​ന്ന​ലെ രാ​വി​ലെ റ​ബ​ർ ടാ​പ്പിം​ഗി​നെ​ത്തി​യ​വ​രാ​ണ് കാ​ട്ടാ​ന​യെ ആ​ദ്യം ക​ണ്ട​ത്.

മ​ട​ന്ത​മ​ണ്‍ ക​രി​ന്പി​ൽ സ​ദാ​ശി​വ​ൻ രാ​വി​ലെ റ​ബ​ർ ടാ​പ്പു ചെ​യ്യാ​നെ​ത്തി​യ​പ്പോ​ൾ സ​മീ​പ​ത്ത് കാ​ട്ടാ​ന​യെ ക​ണ്ട് ഓ​ടി ര​ക്ഷ​പെ​ടു​ക​യാ​യി​രു​ന്നു. തു​ട​ർ​ന്ന് അ​വി​ടെ നി​ന്നു മാ​റി​യ ആ​ന ജ​ന​വാ​സ മേ​ഖ​ല​യി​ലൂ​ടെ ക​ട്ടി​ക്ക​ൽ ഭാ​ഗ​ത്തേ​ക്ക് നീ​ങ്ങു​ക​യാ​യി​രു​ന്നു. ഇ​തി​നി​ട​യി​ലാ​ണ് ക​ട്ടി​ക്ക​ൽ ഭാ​ഗ​ത്ത് റ​ബ​ർ സ്ലോ​ട്ട​ർ ടാ​പ്പു ചെ​യ്തു കൊ​ണ്ടി​രു​ന്ന വി​മു​ക്ത​ഭ​ട കോ​ള​നി​യി​ൽ താ​മ​സ​ക്കാ​ര​നാ​യ പൗ​ലോ​സി​നു നേ​രെ ആ​ക്ര​മ​ണ​മു​ണ്ടാ​യ​ത്. ര​ക്ഷ​പെ​ടാ​ൻ ശ്ര​മി​ക്കു​ന്ന​തി​നി​ടെ അ​ടു​ത്തെ​ത്തി​യ ആ​ന പൗ​ലോ​സി​നെ ച​വി​ട്ടു​ക​യാ​യി​രു​ന്നു.

മ​ട​ന്ത​മ​ണ്‍- വാ​റു​ചാ​ലി​ൽ ഇ​ന്ന​ലെ രാ​വി​ലെ കാ​ട്ടാ​ന​യെ ക​ണ്ട​തു മു​ത​ൽ മ​റ്റു​ള്ള​വ​ർ​ക്ക് വി​വ​രം ന​ൽ​കാ​നാ​യി നാ​ട്ടു​കാ​ർ പ്ര​ദേ​ശ​ത്ത് സം​ഘ​ടി​ച്ചെ​ത്തി​യി​രു​ന്നു. വി​വ​രം അ​റി​ഞ്ഞ​തി​നെ​ത്തു​ട​ർ​ന്ന് വ​ന​പാ​ല​ക സം​ഘ​വും വെ​ച്ചൂ​ച്ചി​റ പോ​ലീ​സും സ്ഥ​ല​ത്തെ​ത്തി. വ​ന​പാ​ല​ക​ർ സ​ർ​വ​സ​ന്നാ​ഹ​ങ്ങ​ളോ​ടെ​യാ​ണ് കാ​ട്ടി​ലേ​ക്കു ക​യ​റി​യ​ത്.

പ​ട​ക്കം പൊ​ട്ടി​ച്ചും വെ​ടി​ശ​ബ്ദം ഉ​ണ്ടാ​ക്കി​യും വ​ന​പാ​ല​ക​ർ വ​ന​മേ​ഖ​ല​യി​ലും ജ​ന​വാ​സ മേ​ഖ​ല​യി​ലു​മൊ​ക്കെ തെ​ര​ച്ചി​ൽ ന​ട​ത്തി. പ​രി​ശോ​ധ​ന​യ്ക്കി​ടെ ഒ​ന്നു ര​ണ്ടു​ത​വ​ണ ആ​ന​യെ ക​ണ്ടു​വെ​ങ്കി​ലും വ​ന​പാ​ല​ക​ർ ശ​ബ്ദ​മു​ണ്ടാ​ക്കി​യ​തോ​ടെ ഓ​ടി​മ​റ​ഞ്ഞു.വാ​റു​ചാ​ൽ ഭാ​ഗ​ത്ത് റ​ബ​ർ തോ​ട്ട​ത്തി​നു സ​മീ​പ​മു​ള്ള കാ​ട്ടി​ലേ​ക്ക് ആ​ന ക​യ​റി​യ​തി​നാ​ൽ കു​റെ നേ​ര​ത്തേ​ക്ക് കാ​ണാ​നി​ല്ലാ​യി​രു​ന്നു. ഇ​തോ​ടെ ആ​ന​യു​ടെ ശ​ല്യം താ​ത്കാ​ലി​ക​മാ​യി ഒ​ഴി​ഞ്ഞെ​ന്ന് ക​രു​തി​യി​രി​ക്കു​ന്പോ​ഴാ​ണ് വ​ന​പാ​ല​ക​രും നാ​ട്ടു​കാ​രും തെ​ര​ച്ചി​ൽ ന​ട​ത്തി​വ​ന്ന സ്ഥ​ല​ത്തി​ന് സ​മീ​പ​ത്ത് ഉ​ച്ച​ക​ഴി​ഞ്ഞ് 2.45 ഓ​ടെ ആ​ന വീ​ണ്ടും എ​ത്തി​യ​ത്.

ആ​ന ജ​ന​വാ​സ മേ​ഖ​ല​യി​ലേ​ക്ക് ക​ട​ന്നേ​ക്കു​മെ​ന്ന ആ​ശ​ങ്ക​യി​ൽ വ​ന​പാ​ല​ക സം​ഘം പ​ട​ക്കം പൊ​ട്ടി​ച്ചും വെ​ടി ശ​ബ്ദ​മു​ണ്ടാ​ക്കി​യും ആ​ന​യെ പി​ന്തി​രി​പ്പി​ക്കാ​ൻ ശ്ര​മി​ച്ചു. എ​ന്നാ​ൽ 150 മീ​റ്റ​റി​ലേ​റെ തോ​ട്ട​ത്തി​ലൂ​ടെ ഓ​ടി​യ ആ​ന​പി​ന്തി​രി​ഞ്ഞു വ​ന്ന് സ​മീ​പ​ത്ത് ക​ണ്ട വ​ന​പാ​ല​ക​ൻ ബി​ജു​വി​നെ ആ​ക്ര​മി​ക്കു​ക​യാ​യി​രു​ന്നു. പി​ൻ​ഭാ​ഗ​ത്ത് കു​ത്തേ​റ്റു വീ​ണ ബി​ജു​വി​നെ വ​ന​പാ​ല​ക​ർ ചേ​ർ​ന്ന് താ​ലൂ​ക്കാ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചു.

ആ​ക്ര​മ​ണ​ത്തി​നു ശേ​ഷം പി​ൻ​വ​ലി​ഞ്ഞ ആ​ന പ്ര​ദേ​ശം വി​ട്ടു പോ​കാ​തെ ജ​ന​വാ​സ മേ​ഖ​ല​ക്ക് സ​മീ​പം നി​ല​കൊ​ള്ളു​ക​യാ​യി​രു​ന്നു. സ​ന്ധ്യ മ​യ​ങ്ങു​ന്പോ​ഴും ആ​ന വ​ന​ത്തി​ലേ​ക്കു ക​യ​റാ​ൻ ത​യാ​റാ​യി​ട്ടി​ല്ല.

മ​ട​ന്ത​മ​ണ്‍, വാ​റു​ചാ​ൽ പ്ര​ദേ​ശ​ങ്ങ​ളും തൊ​ട്ടു കി​ട​ക്കു​ന്ന വി​മു​ക്ത​ഭ​ട കോ​ള​നി​യും ജ​ന​വാ​സ മേ​ഖ​ല​ക​ളാ​ണ്.

പ​ന്പാ​ന​ദി​യി​ൽ ക​ട്ടി​ക്ക​ൽ ഭാ​ഗ​ത്ത് ചേ​രു​ന്ന വാ​റു​ചാ​ൽ തോ​ടി​ന്‍റെ ക​ര​ക​ളി​ൽ കു​റെ സ്ഥ​ല​ങ്ങ​ളി​ൽ റ​ബ​ർ തോ​ട്ട​ങ്ങ​ളും ആ​ൾ​ത്താ​മ​സ​മി​ല്ലാ​ത്ത സ്വ​കാ​ര്യ സ്ഥ​ല​ങ്ങ​ളു​മു​ണ്ട്്.

റാ​ന്നി വ​ന​മേ​ഖ​ല​യി​ലെ പെ​രു​ന്തേ​ന​രു​വി ഭാ​ഗ​ത്തു നി​ന്നും ന​ദി ക​ട​ന്ന് എ​ത്തി​യ​താ​ണ് ആ​ന​യെ​ന്ന് വ​ന​പാ​ല​ക​ർ പ​റ​ഞ്ഞു. സ​ഹ​പ്ര​വ​ർ​ത്ത​ക​നെ കാ​ട്ടാ​ന ആ​ക്ര​മി​ച്ച​പ്പോ​ഴും വ​ന​പാ​ല​ക​ർ നാ​ട്ടു​കാ​രെ കൈ​യൊ​ഴി​ഞ്ഞി​ട്ടി​ല്ല. നാ​ട്ടു​കാ​രു​ടെ ഭീ​തി അ​ക​റ്റാ​നാ​യി വ​ന​പാ​ല​ക​ർ സ്ഥ​ല​ത്തു ക്യാ​ന്പ് ചെ​യ്യു​ന്നു​ണ്ട്. പ​ട​ക്കം പൊ​ട്ടി​ച്ചും തീ ​കൂ​ട്ടി​യും ആ​ന​യെ അ​ക​റ്റാ​നു​ള്ള ശ്ര​മ​ത്തി​ലാ​ണ് അ​വ​ർ. ‌
‌ജി​ല്ലാ ക​ള​ക്ട​ർ സ്ഥ​ലം സ​ന്ദ​ർ​ശി​ച്ചു ‌‌

റാ​ന്നി: കാ​ട്ടാ​ന​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ് റാ​ന്നി താ​ലൂ​ക്ക് ആ​ശു​പ​ത്രി​യി​ൽ ക​ഴി​യു​ന്ന കെ.പി. പൗ​ലോ​സി​നെ ജി​ല്ലാ ക​ള​ക്ട​ർ പി.​ബി. നൂ​ഹ് സ​ന്ദ​ർ​ശി​ച്ചു. ഇ​ദ്ദേ​ഹ​ത്തി​ന്‍റെ ചി​കി​ത്സാ വി​വ​ര​ങ്ങ​ൾ ക​ള​ക്ട​ർ ആ​രാ​ഞ്ഞു.

കാ​ട്ടാ​ന ഇ​റ​ങ്ങി​യ വാ​റു​ചാ​ൽ പ്ര​ദേ​ശ​ത്തും ക​ള​ക്ട​ർ എ​ത്തി​യി​രു​ന്നു. ഉ​ന്ന​ത വ​ന​പാ​ല​ക​രും സം​ഭ​വം അ​റി​ഞ്ഞു സ്ഥ​ല​ത്തെ​ത്തി. വെ​ച്ചൂ​ച്ചി​റ പോ​ലീ​സും രാ​വി​ലെ മു​ത​ൽ സ്ഥ​ല​ത്തെ​ത്തി​യി​രു​ന്നു. ജ​ന​ങ്ങ​ളു​ടെ ഭീ​തി അ​ക​റ്റാ​നും സം​ര​ക്ഷ​ണം ഉ​റ​പ്പാ​ക്കാ​നും ന​ട​പ​ടി​ക​ളെ​ടു​ക്കു​മെ​ന്ന് അ​ധി​കൃ​ത​ർ പ​റ​ഞ്ഞു.