ശബരിമല: മണ്ഡല-മകരവിളക്ക് തീര്‍ഥാടനത്തോടനുബന്ധിച്ച് പമ്പ, നിലയ്ക്കല്‍, സന്നിധാനം ഭാഗങ്ങളില്‍ എക്‌സൈസ് റെയ്ഡുകള്‍ ശക്തമാക്കി. സീസണ്‍ പ്രമാണിച്ച് നിലയ്ക്കല്‍, പമ്പ, സന്നിധാനം കേന്ദ്രീകരിച്ച് എക്‌സൈസിന്‍റെ താത്കാലിക റേഞ്ച് ഓഫീസുകള്‍ പ്രവര്‍ത്തിക്കുന്നുണ്ട്.
പമ്പ കേന്ദ്രീകരിച്ച് അസിസ്റ്റന്‍റ് എക്‌സസൈസ് കമ്മീഷണറാണ് പ്രവര്‍ത്തനങ്ങളെ ഏകോപിപ്പിക്കുന്നത്. നിലക്കയ്ല്‍, പമ്പ, സന്നിധാനം എന്നിവിടങ്ങളില്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍, എക്‌സൈസ് ഇന്‍സ്‌പെക്ടര്‍ ഉള്‍പ്പെടെ 56 ജീവനക്കാരാണ് 24 മണിക്കൂറും പ്രവര്‍ത്തനസജ്ജരായിട്ടുള്ളത്. എക്‌സൈസ് ഇന്‍റലിജന്‍സ് വിഭാഗവും പ്രവര്‍ത്തിക്കുന്നുണ്ട്.
കഴിഞ്ഞ ദിവസങ്ങളില്‍ പമ്പ, നിലയ്ക്കല്‍, സന്നിധാനം എന്നിവിടങ്ങളില്‍ നടത്തിയ വിവിധ റെയ്ഡുകളിലായി പുകയില ഉത്പന്നങ്ങള്‍ കൈവശം വച്ചതും ഉപയോഗിച്ചതുമായി ബന്ധപ്പെട്ട് ആകെ 40 കോട്പാ കേസുകള്‍ രജിസ്റ്റര്‍ ചെയ്തിട്ടുണ്ട്. ചാലക്കയം അട്ടത്തോട് ഭാഗങ്ങളിലെ വനമേഖലകളില്‍ കഴിഞ്ഞ ദിവസം ഐബിയുമായി ചേര്‍ന്ന് തിരച്ചില്‍ നടത്തി.
മദ്യം, മയക്കുമരുന്ന്, പുകയില ഉത്പന്നങ്ങള്‍ എന്നിവ സംബന്ധിച്ച പരാതികള്‍ താഴെപ്പറയുന്ന നമ്പരുകളില്‍ അറിയിക്കാം. വുന്നതാണ്.
എക്‌സൈസ് റേഞ്ച് ഓഫീസ്, നിലയ്ക്കല്‍- 04735205010, എക്‌സൈസ് റേഞ്ച് ഓഫീസ്, പമ്പ- 04735203432, എക്‌സൈസ് റേഞ്ച് ഓഫീസ്, സന്നിധാനം- 04735202203.