വൈക്കം: തലയാഴം പഞ്ചായത്തിൽ ആറ്, ഏഴ്, എട്ട് വാർഡുകളുമായി ബന്ധപ്പെട്ട് കടന്നുപോകുന്ന മണ്ണാറകണ്ടം -കുരുന്നകട തോട്ടിലെ പോളയും പായലും നീക്കം ചെയ്ത് നീരൊഴുക്ക് സുഗമമാക്കണമെന്ന ആവശ്യം ശക്തമായി.
പുല്ലും പായലും നിറഞ്ഞ് മലിനമായ തോടിന്റെ ഓരങ്ങളിൽ താമസിക്കുന്നവർക്ക് വിഷപാമ്പുകളുടെ ശല്യവുമുണ്ട്. തോടു ശുചീകരിച്ച് പ്രദേശവാസികളുടെ ജീവിതം സുരക്ഷിതമാക്കുന്നതിന് അധികൃതർ നടപടി സ്വീകരിക്കണമെന്ന് യൂത്ത് ഫ്രണ്ട് എം തലയാഴം മണ്ഡലം കമ്മിറ്റി ആവശ്യപ്പെട്ടു.
യൂത്ത് ഫ്രണ്ട് എം മണ്ഡലം പ്രസിഡന്റ പ്രദീപ് ആയില്യം അധ്യക്ഷത വഹിച്ചു യോഗം പാർട്ടി നിയോജകമണ്ഡലം പ്രസിഡന്റ് ബേപ്പിച്ചൻ തുരുത്തിയിൽ ഉദ്ഘാടനം ചെയ്തു . പാർട്ടി വൈക്കം നിയോജകമണ്ഡലം പ്രസിഡന്റായി തെരഞ്ഞെടുക്കപ്പെട്ട ബേപ്പിച്ചൻ തുരുത്തിക്കും തലയാഴം 509 നമ്പർ സർവീസ് സഹകരണ ബാങ്ക് ഡയറക്ടർ ബോർഡ് മെംബറായി തെരഞ്ഞെടുക്കപ്പെട്ട പ്രദീപ് ആയില്യത്തിനും സ്വീകരണം നൽകി. ബിജുപറപ്പള്ളി, ജോസ് കാട്ടിപ്പറമ്പിൽ, എൻ. സോമൻ, ഷാജിചില്ലക്കൽ, ജോമോൻ കൈതക്കാട്ട്, അഭിലാഷ് പുത്തൻ തറ, അനന്തു സോമൻ, സാംസംഗ് പുത്തൻ തറ, ജോബി പുഞ്ചിരികാട്ടു, ഗോകുൽ തോട്ടത്തിൽ,സണ്ണി മലയിൽ, സദാനന്ദൻ തുണ്ടിയിൽ, ജിജി പുഞ്ചിരിക്കാട്ട്, രാജേന്ദ്രൻ നാലുപറയിൽ, ബിനീഷ് തൈത്തറ, അപ്പച്ചൻ കിഴക്കേ മറ്റത്തിൽ എന്നിവർ പ്രസംഗിച്ചു.