എരുമേലി: എരുമേലി - ചന്ദനക്കമ്പാറ കെഎസ്ആർടിസി ദീർഘ ദൂര സൂപ്പർ ഫാസ്റ്റ് ഇനി സൂപ്പർ എക്സ്പ്രസ് ആയി സർവീസ് തുടരുമെന്ന് അധികൃതർ അറിയിച്ചു. മികച്ച കളക്ഷനും ഏറെ പതിവ് യാത്രക്കാരുമുള്ള സർവീസ് എന്ന നിലയ്ക്കാണ് സൂപ്പർ എക്സ്പ്രസ് പദവി. ദിവസവും പുലർച്ചെ 4.30 നാണ് എരുമേലി സെന്ററിൽ നിന്നു സർവീസ് തുടങ്ങുക. മണിമല, കാഞ്ഞിരപ്പള്ളി വഴി 5.45ന് ഈരാറ്റുപേട്ടയിലും ആറിന് പാലായിലും ഉഴവൂർ, കൂത്താട്ടുകുളം വഴി വൈറ്റിലയിൽ 8.10നും എറണാകുളത്ത് 8.20നും കൊടുങ്ങല്ലൂർ, തൃപ്പയാർ വഴി 11.05ന് ഗുരുവായൂർ എത്തും.
തുടർന്ന് കുന്നംകുളം, എടപ്പാൾ, കോട്ടക്കൽ വഴി ഉച്ചയ്ക്ക് 2.35ന് കോഴിക്കോട് എത്തും. തുടർന്ന് വടകര, തലശേരി,വഴി വൈകുന്നേരം 5.20ന് കണ്ണൂരിലും തളിപ്പറമ്പ്, ശ്രീകണ്ഠപുരം, ചെമ്പേരി, പയ്യാവൂർ, വഴി രാത്രി 7.20ന് ചന്ദനക്കാംപാറയിൽ എത്തിച്ചേരും. ഇവിടെനിന്നു പുലർച്ചെ അഞ്ചിന് ആരംഭിക്കുന്ന സർവീസ് 7.05ന് കണ്ണൂർ, 7.50ന് തലശേരി, 9.35ന് കോഴിക്കോട്, ഉച്ചയ്ക്ക് ഒന്നിന് ഗുരുവായൂർ, 2.40ന് കൊടുങ്ങല്ലൂർ, 3.20ന് എറണാകുളം, വൈകുന്നേരം നാലിന് വൈറ്റില, 4.35ന് പിറവം, 5.15ന് കൂത്താട്ടുകുളം, ആറിന് പാലാ, 6.15ന് ഈരാറ്റുപേട്ട, കാഞ്ഞിരപ്പള്ളി വഴി മണിമലയിലെത്തി രാത്രി 7.30ന് എരുമേലിയിൽ സർവീസ് അവസാനിക്കും. അന്വേഷണങ്ങൾക്ക് എരുമേലി കെഎസ്ആർടിസി ഒപ്പറേറ്റിംഗ് സെന്ററിലെ ഫോൺ നമ്പറിൽ ബന്ധപ്പെടാവുന്നതാണ്.
ഫോൺ - 04828 212345.