കോട്ടയം: കൈറ്റ്‌സ് വിക്ടേഴ്‌സ് ചാനലിലെ ഹരിത വിദ്യാലയം വിദ്യാഭ്യാസ റിയാലിറ്റി ഷോയുമായി കോട്ടയം മൗണ്ട് കാര്‍മല്‍ സ്‌കൂള്‍ ഇന്ന് എത്തും. പുത്തന്‍ ആശയങ്ങളുമായി റിയാലിറ്റി ഷോയില്‍ എത്തുന്ന സ്‌കൂള്‍ അംഗങ്ങള്‍ കോവിഡ് കാല പ്രവര്‍ത്തനങ്ങളും കോവിഡാനന്തര പ്രവര്‍ത്തനങ്ങളും പങ്കുവയ്ക്കും. എസ്പിസി, എന്‍സിസി, റെഡ് ക്രോസ്, ഗൈഡ്‌സ്, സീഡ്, സാമൂഹ്യ ശാസ്ത്ര പ്രവൃത്തി പരിചയ ക്ലബ്ബുകള്‍ വിദ്യാലയത്തിലും സമൂഹത്തിലും നടപ്പിലാക്കിയ പ്രകൃതി സംരക്ഷണ സാമൂഹ്യ സേവന പ്രവര്‍ത്തനങ്ങളും ചര്‍ച്ച ചെയ്യും.
ഓണ്‍ലൈനില്‍ അപേക്ഷിച്ച 753 സ്‌കൂളുകളില്‍നിന്ന് പ്രാഥമിക റൗണ്ടിലേക്ക് തെരഞ്ഞെടുത്ത 110 സ്‌കൂളുകളില്‍ ഒന്നായിരുന്നു കോട്ടയം മൗണ്ട് കാര്‍മല്‍ ഹയര്‍സെക്കന്‍ഡറി സ്‌കൂള്‍. ഹെഡ്മിസ്ട്രസ് സിസ്റ്റര്‍ ജെയിന്‍, പിടിഎ പ്രസിഡന്‍റ് ജിജോ ചാക്കോ, അധ്യാപകരായ സുമിനാമോള്‍, എല്‍സമ്മ വിദ്യാര്‍ഥിനികളായ അപര്‍ണ, ശിവഗംഗ, ആതിര, സാനിയ, ഫാത്തിമ, എയ്ഞ്ചല്‍, നീരജ എന്നിവര്‍ റിയാലിറ്റി ഷോയില്‍ പങ്കെടുക്കും.