ആ​ശ​യ​ക്കു​ഴ​പ്പ​ത്തി​ല്‍ ആ​ദ്യ​ദി​നം
Friday, June 2, 2023 12:44 AM IST
കൊ​ച്ചി: ന​ഗ​ര​ത്തി​ലെ മാ​ലി​ന്യ നീ​ക്കം സ്വ​കാ​ര്യ ക​മ്പ​നി​ക​ള്‍ ഏ​റ്റെ​ടു​ത്ത ആ​ദ്യ​ദി​നം സ​ര്‍​വ​ത്ര ആ​ശ​യ​ക്കു​ഴ​പ്പം. ക​ള​ക്ഷ​ന്‍ പോ​യി​ന്‍റു​ക​ളി​ല്‍ ക​മ്പ​നി​ക​ളു​ടെ വാ​ഹ​ന​ങ്ങ​ള്‍ വൈ​കി​വ​ന്ന​തു മു​ത​ല്‍ മാ​ലി​ന്യ​ങ്ങ​ള്‍ ത​രം​തി​രി​ച്ച് കൊ​ണ്ടു​പോ​കു​ന്ന​തി​ല്‍ വ​രെ ആ​ശ​യ​ക്കു​ഴ​പ്പ​വും കാ​ല​താ​മ​സ​വും ഉ​ണ്ടാ​യി. ഇ​തേ തു​ട​ര്‍​ന്ന് 70 ശ​ത​മാ​നം ജൈ​വ​മാ​ലി​ന്യ​ങ്ങ​ള്‍ മാ​ത്ര​മേ ക​മ്പ​നി​ക​ള്‍​ക്ക് കൊ​ണ്ടു​പോ​കാ​ന്‍ സാ​ധി​ച്ചു​ള്ളു. ശേ​ഷി​ക്കു​ന്ന മാ​ലി​ന്യ​ങ്ങ​ള്‍ ഇ​ന്ന​ലെ ബ്ര​ഹ്പു​ര​ത്തേ​ക്കു ത​ന്നെ കൊ​ണ്ടു​പോ​കേ​ണ്ടി​വ​ന്നു.
32 ലോ​ഡ് ജൈ​വ മാ​ലി​ന്യ​മാ​ണ് ദി​വ​സേ​ന ബ്ര​ഹ്മ​പു​ര​ത്തേ​ക്ക് എ​ത്തി​ച്ചു​വ​ന്നി​രു​ന്ന​ത്. മാ​ലി​ന്യ നീ​ക്കം സ്വ​കാ​ര്യ ക​മ്പ​നി​യെ ഏ​ല്‍​പ്പി​ക്കു​ക വ​ഴി ബ്ര​ഹ്മ​പു​ര​ത്തേ​ക്ക് ജൈ​വ​മാ​ലി​ന്യം കൊ​ണ്ടു​പോ​കു​ന്ന​ത് പൂ​ര്‍​ണ​മാ​യും നി​ര്‍​ത്ത​ലാ​ക്കാ​ന്‍ ക​ഴി​യു​മെ​ന്നാ​യി​രു​ന്നു മേ​യ​ര്‍ എം. ​അ​നി​ല്‍​കു​മാ​ര്‍ അ​വ​കാ​ശ​പ്പെ​ട്ടി​രു​ന്ന​ത്. ഇ​ന്ന​ലെ പ​ക്ഷേ 22 ലോ​ഡ് മാ​ത്ര​മാ​ണ് ക​മ്പ​നി​ക​ള്‍ കൊ​ണ്ടു​പോ​യ​ത്. ശേ​ഷി​ച്ച 10 ലോ​ഡ് മാ​ലി​ന്യം ബ്ര​ഹ്മ​പു​ര​ത്തേ​ക്ക് എ​ത്തി​ക്കേ​ണ്ടി​വ​ന്നു. ഇ​തി​ല്‍ ആ​റു ലോ​ഡും പ​ശ്ചി​മ കൊ​ച്ചി​യി​ല്‍ നി​ന്നു​ള്ള​താ​യി​രു​ന്നു. ഒ​രാ​ഴ്ച​യ്ക്കു​ള്ളി​ല്‍ കു​റ്റ​മ​റ്റ നി​ല​യി​ല്‍ മാ​ലി​ന്യ നീ​ക്കം ന​ട​പ്പാ​ക്കാ​നാ​കു​മെ​ന്ന് മേ​യ​ർ പ​റ​ഞ്ഞു.
ടെ​ക് ഫാം ​ഇ​ന്ത്യ, ഹൈ​റേ​ഞ്ച് ഫാം ​ആ​ന്‍​ഡ് പോ​ളി​മ​ര്‍ സൊ​ല്യൂ​ഷ​ന്‍, വി ​കെ​യ​ര്‍ ഷോ​പ്പിം​ഗ് എ​ന്നീ ഏ​ജ​ന്‍​സി​ക​ളു​മാ​യാ​ണ് ജൈ​വ മാ​ലി​ന്യം ശേ​ഖ​രി​ച്ച് സം​സ്‌​ക​രി​ക്കാ​ന്‍ ന​ഗ​ര​സ​ഭ ക​രാ​ര്‍ ഒ​പ്പി​ട്ട​ത്. വീ​ടു​ക​ളി​ലെ​യും ചെ​റു​കി​ട ഭ​ക്ഷ​ണ ശാ​ല​ക​ളി​ലെ​യും സാ​ഥാ​പ​ന​ങ്ങ​ളി​ലെ​യും ജൈ​വ മാ​ലി​ന്യം ശേ​ഖ​രി​ച്ച് ഹ​രി​ത​ക​ര്‍​മ​സേ​ന കൊ​ച്ചി​യി​ലെ 21 ക​ള​ക്ഷ​ന്‍ പോ​യ​ന്‍റു​ക​ളി​ല്‍ എ​ത്തി​ക്കും. ഇ​വി​ടെ നി​ന്നും ഈ ​ഏ​ജ​ന്‍​സി​ക​ള്‍ മാ​ലി​ന്യം ശേ​ഖ​രി​ച്ച് കൊ​ണ്ടു​പോ​കും. എ​ന്നാ​ല്‍ വ​ന്‍​തോ​തി​ല്‍ മാ​ലി​ന്യം ഉ​ണ്ടാ​കു​ന്ന ഫ്‌​ളാ​റ്റു​ക​ള്‍, ക​ല്യാ​ണ​മ​ണ്ഡ​പ​ങ്ങ​ള്‍, ഹോ​ട്ട​ലു​ക​ള്‍ എ​ന്നി​വി​ട​ങ്ങ​ളി​ല്‍ നി​ന്ന് ഈ ​ഏ​ജ​ന്‍​സി​ക​ള്‍ മാ​ലി​ന്യം ശേ​ഖ​രി​ക്കി​ല്ല.
ഒ​രു ട​ണ്ണി​ന് 4,000 രൂ​പ​യാ​ണു മാ​ലി​ന്യം കൊ​ണ്ടു​പോ​കാ​ന്‍ ക​മ്പ​നി​ക​ള്‍​ക്കു കോ​ര്‍​പ​റേ​ഷ​ന്‍ ന​ല്‍​കേ​ണ്ട​ത്. പ്ര​തി​ദി​നം ശ​രാ​ശ​രി 150 ട​ണ്‍ മാ​ലി​ന്യം കൊ​ണ്ടു​പോ​കു​ന്നു​വെ​ങ്കി​ല്‍ പ്ര​തി​ദി​നം കോ​ര്‍​പ​റേ​ഷ​ന്‍ ആ​റ് ല​ക്ഷം രൂ​പ ക​മ്പ​നി​ക​ള്‍​ക്കു ന​ല്‍​ക​ണം. ഒ​രു വ​ര്‍​ഷ​ത്തി​ന് 22 കോ​ടി രൂ​പ​യാ​കും. ബ്ര​ഹ്മ​പു​ര​ത്തു പു​തി​യ പ്ലാ​ന്‍റ് പ​ണി​യാ​നെ​ടു​ക്കു​ന്ന ര​ണ്ടു വ​ര്‍​ഷ​ത്തേ​ക്കെ​ങ്കി​ലും ഇ​ത് തു​ട​രും. ആ ​നി​ല​യ്ക്ക് വ​ലി​യ സാ​മ്പ​ത്തി​ക ഭാ​ര​മാ​കും കോ​ര്‍​പ​റേ​ഷ​ന് ഉ​ണ്ടാ​കു​ക.
എ​റ​ണാ​കു​ളം മാ​ര്‍​ക്ക​റ്റി​ലെ മാ​ലി​ന്യ​വും നാ​ളെ മു​ത​ല്‍ ഏ​ജ​ന്‍​സി​ക​ള്‍​ക്കു ന​ല്‍​കു​മെ​ന്ന് വ്യാ​പാ​രി​ക​ള്‍ അ​റി​യി​ച്ചു. അ​തേ​സ​മ​യം ന​ഗ​ര​സ​ഭ​യു​മാ​യി ക​രാ​റാ​യ ഏ​ജ​ന്‍​സി​ക​ള്‍ മാ​ലി​ന്യം എ​വി​ടെ സം​സ്‌​ക​രി​ക്കു​മെ​ന്ന കാ​ര്യ​ത്തി​ല്‍ വ്യ​ക്ത​ത​യി​ല്ല. ഇ​തേ​ക്കു​റി​ച്ച് ക​ഴി​ഞ്ഞ കൗ​ണ്‍​സി​ലി​ല്‍ ഭ​ര​ണ​പ്ര​തി​പ​ക്ഷ​ങ്ങ​ള്‍ ഏ​റ്റു​മു​ട്ടി​യ​തോ​ടെ​യാ​ണ് അ​ക്കാ​ര്യം ശു​ചി​ത്വ മി​ഷ​ന്‍ ഉ​റ​പ്പാ​ക്കു​മെ​ന്ന് മേ​യ​ര്‍ പ​റ​ഞ്ഞ​ത്.

Copyright @ 2022 , Rashtra Deepika Ltd.