മൂ​വാ​റ്റു​പു​ഴ: ജീ​വി​ത​ശൈ​ലീ രോ​ഗ​മു​ള്ള​വ​രി​ൽ രോ​ഗം സ​ങ്കീ​ർ​ണ​മാ​കാ​തി​രി​ക്കാ​ൻ ആ​വ​ശ്യ​മാ​യ പ​രി​ശോ​ധ​ന​യും ചി​കി​ത്സ​യും ല​ഭ്യ​മാ​ക്കു​ന്ന​തി​ന് മൂ​വാ​റ്റു​പു​ഴ ജ​ന​റ​ൽ ആ​ശു​പ​ത്രി​യി​ൽ 360 ഡി​ഗ്രി മെ​റ്റ​ബോ​ളി​ക് സെ​ന്‍റ​ർ തു​റ​ക്കും. 15-ാം ധ​ന​കാ​ര്യ ക​മ്മീ​ഷ​ൻ ന​ഗ​ര​സ​ഭ​യ്ക്ക് അ​നു​വ​ദി​ച്ച 45 ല​ക്ഷം ചെ​ല​വ​ഴി​ച്ചാ​ണ് എ​ൻ​സി​ഡി കെ​യ​ർ സെ​ന്‍റ​ർ ആ​രം​ഭി​ക്കു​ന്ന​തെ​ന്ന് ന​ഗ​ര​സ​ഭാ​ധ്യ​ക്ഷ​ൻ പി.​പി. എ​ൽ​ദോ​സ് പ​റ​ഞ്ഞു. ജീ​വി​ത​ശൈ​ലി രോ​ഗ​മു​ള്ള​വ​രി​ൽ രോ​ഗം സ​ങ്കീ​ർ​ണ​മാ​കാ​ൻ സാ​ധ്യ​ത​യു​ള്ള​വ​രെ ക​ണ്ടെ​ത്തി ചി​കി​ത്സി​ക്കു​ക​യാ​ണ് ല​ക്ഷ്യം.
തു​ട​ക്ക​ത്തി​ൽ നി​സാ​ര​മെ​ന്ന് ക​രു​തു​ന്ന ജീ​വി​ത​ശൈ​ലി രോ​ഗ​ങ്ങ​ൾ പി​ന്നീ​ട് സ​ങ്കീ​ർ​ണ​മാ​യി മാ​റു​ന്ന​ത് പ​തി​വാ​ണ്. രോ​ഗ നി​ർ​ണ​യ​വും കൃ​ത്യ​സ​മ​യ​ത്തു​ള്ള ചി​കി​ത്സ​യു​ടെ കു​റ​വു​മാ​ണ് ഇ​ത്ത​രം പ്ര​തി​സ​ന്ധി​ക​ൾ​ക്ക് കാ​ര​ണ​മാ​കു​ന്ന​ത്. ഇ​ത് ഫ​ല​പ്ര​ദ​മാ​യി ത​ട​യു​ക​യാ​ണ് സെ​ന്‍റ​ർ തു​റ​ക്കു​ന്ന​തി​ലൂ​ടെ ല​ക്ഷ്യ​മി​ടു​ന്ന​ത്. വൃ​ക്ക ത​ക​രാ​റി​ലാ​യ​വ​ർ​ക്ക് കൃ​ത്യ​സ​മ​യ​ത്ത് ആ​വ​ശ്യ​മാ​യ ചി​കി​ത്സ ല​ഭ്യ​മാ​ക്കി​യാ​ൽ ഡ​യാ​ലി​സി​സി​ലേ​ക്ക് എ​ത്താ​തി​രി​ക്കാ​ൻ ക​ഴി​യും. ഇ​ത്ത​രം രോ​ഗി​ക​ൾ​ക്കു​ള്ള പ​രി​ശോ​ധ​ന​യും തു​ട​ർ ചി​കി​ത്സ​യും ഇ​വി​ടെ ല​ഭ്യ​മാ​കും.
ചെ​റി​യ രീ​തി​യി​ലു​ള്ള കാ​ഴ്ച കു​റ​വു​ക​ൾ അ​ന്ധ​ത​യി​ലേ​ക്ക് നീ​ങ്ങു​ന്ന​ത് ത​ട​യു​ന്ന​തി​നും കൈ​കാ​ൽ ത​രി​പ്പ്, സ്പ​ർ​ശ​ന​ശേ​ഷി ന​ഷ്ട​പ്പെ​ട്ടു തു​ട​ങ്ങ​ൽ എ​ന്നീ രോ​ഗ​ങ്ങ​ൾ പി​ടി​പെ​ട്ട​വ​ർ​ക്ക് ക്ര​മേ​ണ അ​വ​യ​വം മു​റി​ച്ചു​മാ​റ്റ​ൽ ഒ​ഴി​വാ​ക്കാ​ൻ ന്യൂ​റോ​പ്പ​തി വി​ഭാ​ഗ​വും ഇ​തോ​ട​നു​ബ​ന്ധി​ച്ച് പ്ര​വ​ർ​ത്തി​ക്കും. പെ​രി​ഫ​റ​ൽ ന്യൂ​റോ​പ്പ​തി സ​മ​യ​ത്ത് ക​ണ്ടെ​ത്തി ചി​കി​ത്സി​ക്കു​ന്ന​തി​നു​ള്ള സം​വി​ധാ​ന​വും ഒ​രു​ക്കും. ശ്വാ​സ​കോ​ശ സം​ബ​ന്ധ​മാ​യ രോ​ഗ​മു​ള്ള​വ​ർ​ക്ക് പ​ൾ​മ​ന​റി പ​രി​ശോ​ധ​ന ന​ട​ത്തു​ന്ന​തി​നും സൗ​ക​ര്യം ഒ​രു​ക്കി​യി​ട്ടു​ണ്ട്. ഫി​സി​യോ തെ​റാ​പ്പി​സ്റ്റ്, ഡോ​ക്ട​ർ തു​ട​ങ്ങി​യ​വ​രു​ടെ സേ​വ​നം ആ​ഴ്ച​യി​ൽ ആ​റു ദി​വ​സ​വു​മു​ണ്ടാ​കും. സെ​ന്‍റ​റി​ലേ​ക്ക് ആ​വ​ശ്യ​മാ​യ ജീ​വ​ന​ക്കാ​രെ ദേ​ശീ​യ ആ​രോ​ഗ്യ ദൗ​ത്യം(​എ​ൻ​ആ​ർ​എ​ച്ച്എം) നി​യ​മി​ക്കും.
ഈ ​മാ​സം അ​വ​സാ​ന​ത്തോ​ടെ ജ​ന​റ​ൽ ആ​ശു​പ​ത്രി​യി​ലെ പേ ​വാ​ർ​ഡ് കോം​പ്ല​ക്സി​നോ​ട് ചേ​ർ​ന്നാ​വും 360 ഡി​ഗ്രി മെ​റ്റ​ബോ​ളി​ക് സെ​ന്‍റ​ർ പ്ര​വ​ർ​ത്ത​ന​മാ​രം​ഭി​ക്കു​ക.