വൈ​പ്പി​ൻ: മ​ത്സ്യ​ബ​ന്ധ​ന​ത്തി​നി​ടെ വ​ള്ളം മ​റി​ഞ്ഞ് ക​ട​ലി​ൽ മു​ങ്ങി​യ മൂ​ന്ന് മ​ൽ​സ്യ​ത്തൊ​ഴി​ലാ​ളി​ക​ളെ അ​തു​വ​ഴി​വ​ന്ന മ​റ്റൊ​രു മ​ത്സ്യ​ബ​ന്ധ​ന ബോ​ട്ടി​ലെ തൊ​ഴി​ലാ​ളി​ക​ൾ ര​ക്ഷ​പ്പെ​ടു​ത്തി. ഇ​ന്ന​ലെ രാ​വി​ലെ ചെ​ല്ലാ​നം മ​റ​വു​ക്കാ​ട് ഭാ​ഗ​ത്ത് പ​ടി​ഞ്ഞാ​റാ​ണ് അ​പ​ക​ട​മു​ണ്ടാ​യ​ത്. ശ്രീ​മു​ത്ത​പ്പ​ൻ എ​ന്ന വ​ള്ള​മാ​ണ് തി​ര​യി​ൽ​പ്പെ​ട്ട് മു​ങ്ങി​യ​ത്. മാ​ലി​പ്പു​റം വ​ള​പ്പ് അ​ഞ്ച​ല​ശേ​രി എ.​പി. ര​മ​ണ​ൻ (50), കൊ​ല്ല​മ്പ​റ​മ്പി​ൽ കെ.​ബി. ന​ടേ​ശ​ൻ (52) , ഞാ​റ​ക്ക​ൽ യ​ശോ​ദ പ​റ​മ്പി​ൽ ഷാ​ജി (54) എ​ന്നി​വ​രെ​യാ​ണ് ര​ക്ഷ​പ്പെ​ടു​ത്തി​യ​ത്.

വ​ള്ള​ത്തി​ലു​ണ്ടാ​യി​രു​ന്ന​വ​ർ നീ​ന്തു​ന്ന​ത് ക​ണ്ട അ​തു​വ​ഴി​വ​ന്ന അ​നി​ൽ എ​ന്ന മ​ത്സ്യ ബ​ന്ധ​ന ബോ​ട്ടി​ലെ തൊ​ഴി​ലാ​ളി​ക​ളാ​ണ് ര​ക്ഷ​പ്പെ​ടു​ത്തി​യ​ത്. വി​വ​രം വൈ​പ്പി​നി​ലെ ഫി​ഷ​റീ​സ് സ്റ്റേ​ഷ​ൻ അ​റി​യി​ച്ച​തി​നെ തു​ട​ർ​ന്ന് പ്ര​ത്യാ​ശ മ​റൈ​ൻ ആം​മ്പു​ല​ൻ​സി​ൽ ഫി​ഷ​റീ​സ് മ​റൈ​ൻ എ​ൻ​ഫോ​ഴ്സ്മെ​ന്‍റ് അ​ധി​കൃ​ത​രും ര​ക്ഷാ പ്ര​വ​ർ​ത്ത​ന​ത്തി​നാ​യി സം​ഭ​വ​സ്ഥ​ല​ത്തെ​ത്തി. തൊ​ഴി​ലാ​ളി​ക​ൾ​ക്ക് പ്രാ​ഥ​മി​ക ശു​ശ്രൂ​ഷ ന​ൽ​കി​യ​ശേ​ഷം പ​രി​ശോ​ധ​ന​യ്ക്കാ​യി മാ​ലി​പ്പു​റം ആ​ശു​പ​ത്രി​യി​ലേ​ക്ക് മാ​റ്റി. പി​ന്നീ​ട് മൂ​വ​രും ആ​ശു പ​ത്രി വി​ട്ടു.

മു​ങ്ങി​പ്പോ​യ വ​ള്ള​വും മ​റൈ​ൻ ആം​ബു​ല​ൻ​സി​ന്‍റെ സ​ഹാ​യ​ത്തോ​ടെ കെ​ട്ടി​വ​ലി​ച്ച് ക​ര​യി​ലെ​ത്തി​ച്ചി​രു​ന്നു. ഫി​ഷ​റീ​സ് സ്റ്റേ​ഷ​ൻ അ​സി​സ്റ്റ​ന്‍റ് ഡ​യ​റ​ക്ട​ർ പി. ​അ​നീ​ഷ്, സ​ബ് ഇ​ൻ​സ്പെ​ക്ട​ർ സം​ഗീ​ത് ജോ​ബ് എ​ന്നി​വ​രു​ടെ നി​ർ​ദേ​ശ പ്ര​കാ​രം മ​റൈ​ൻ എ​ൻ​ഫോ​ഴ്സ്മെ​ന്‍റ് എ​എ​സ്ഐ ഷി​ജു, റെ​സ്ക്യൂ ഗാ​ർ​ഡു​മാ​രാ​യ ഷെ​ല്ല​ൻ, ഷെ​യ്ക്ക് എ​ന്നി​വ​രാ​ണ് ര​ക്ഷാ​പ്ര​വ​ർ​ത്ത​ന​ത്തി​നാ​യി പോ​യ​ത്.