തെ​രു​വു വി​ള​ക്കു​ക​ളി​ല്ല, ഉറക്കവുമില്ല; പരസ്പരം കാവലൊരുക്കി നാട്ടുകാർ
Saturday, January 29, 2022 12:52 AM IST
മാ​ത്യു ക​ല്ല​ടി​ക്കോ​ട്

ക​ല്ല​ടി​ക്കോ​ട്: രാ​ത്രി​യാ​യാ​ൽ പു​ള്ളിപ്പുലി​യും കാ​ട്ടാ​ന​യും കൂ​ട്ടി​നെ​ത്തു​ന്ന മ​ല​യോര​മേ​ഖ​ല​യി​ൽ ജ​ന​ങ്ങ​ൾ ഉ​റ​ക്ക​മൊ​ഴി​ച്ചു കാ​ത്തി​രി​ക്കു​ന്നു, പ​ര​സ്പ​രം സം​ര​ക്ഷ​ണ​മേ​കാ​ൻ.വ​ന്യമൃ​ഗ​ങ്ങ​ൾ കൃ​ഷി​യി​ട​ത്തി​ലേ​ക്കി​റ​ങ്ങു​ന്ന ക​രി​ന്പ പ​ഞ്ചാ​യ​ത്തി​ലെ മ​ല​യോ​ര​മേ​ഖ​ല​ക​ളി​ൽ തെ​രു​വുവി​ള​ക്കു​ക​ളി​ല്ലാ​ത്ത​തി​നാ​ൽ പ്ര​ദേ​ശവാ​സി​ക​ൾ ഭീ​തി​യി​ലാ​യി​രി​ക്കു​ന്നു.

ക​ല്ല​ടി​ക്കോ​ട​ൻ മ​ല​യോ​ര മേ​ഖ​ല​ക​ളാ​യ മേ​ലേ​പ്പ​യ്യാ​നി, പ​റ​ക്ക​ല​ടി, മു​തു​കാ​ടുപ​റ​ന്പ്, അ​ന്പ​തേ​ക്ക​ർ, ക​ല്ല​ഞ്ചോ​ല, ചെ​റു​മ​ല, പാ​ങ്ങ്, ചുള്ളിയാം​കു​ളം, മ​രു​തും​കാ​ട്, കൂ​മ​ൻ​കു​ണ്ട്, ക​രി​മ​ല തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് കാ​ട്ടാ​ന​ക​ള​ട​ക്ക​മു​ള്ള വ​ന്യ ജീ​വി​ക​ളു​ടെ ഭീ​ഷ​ണി.

വൈ​ദ്യു​തി എ​ത്താ​ത്ത വീ​ടു​ക​ളും കൃ​ഷി​യി​ട​ങ്ങ​ളും ഈ ​പ്ര​ദേ​ശ​ത്തു​ണ്ട്. കൃ​ഷിഭൂ​മി​ക​ളാ​യ​തി​നാ​ൽ വീ​ടു​ക​ളോ ആ​ൾ​ത്താ​മ​സ​മോ ഇ​ല്ലാ​ത്ത​തും പ്ര​ദേ​ശ​ത്തു വ​ന്യമൃ​ഗ​ങ്ങ​ളു​ടെ ശ​ല്യം രൂ​ക്ഷ​മാ​ക്കു​ന്നു​ണ്ട്.

ക​ഴി​ഞ്ഞ 10 വ​ർ​ഷ​ത്തി​നി​ട​യി​ൽ തെ​ങ്ങു​ക​ളും ക​മു​കു​ക​ളും കു​രു​മു​ള​കുകൊ​ടി​ക​ളും ജാ​തി, കൊ​ക്കോ, വാ​ഴ​ക​ൾ, പ​ച്ച​ക്ക​റി​ക​ൾ, റ​ബ​ർ തൈ​ക​ൾ തു​ട​ങ്ങി​യ കാ​ർ​ഷി​ക മേ​ഖ​ല​യി​ലെ വി​ള​വു​ക​ളും മ​ര​ങ്ങ​ളും ചെ​ടി​ക​ളും ന​ശി​പ്പി​ച്ച​തി​ലൂ​ടെ ക​ർ​ഷ​ക​ർ​ക്ക് 20 കോ​ടി​യോ​ളം രൂ​പ​യു​ടെ ന​ഷ്ട​മാ​ണു​ണ്ടാ​യി​ട്ടു​ള്ള​ത്.

ഇ​തി​നോ​ട​കം പ​ല​രും കൃ​ഷിഭൂ​മി ത​രി​ശി​ട്ടു ക​ല്ല​ടി​ക്കോ​ടും ക​രി​ന്പ​യി​ലും വീ​ടുവച്ച് താ​മ​സം മാ​റി​യി​ട്ടു​ണ്ട്. അ​ടി​ക്കാ​ടുക​ൾ വെ​ട്ടി​ത്തെ​ളി​ക്കാ​ത്ത​തും കൃ​ഷി ചെ​യ്യാ​തെ കാ​ടു​പി​ടി​ച്ചു കി​ട​ക്കു​ന്ന​തു​മാ​യ ഭൂ​മി​യി​ൽ വ​ന്യമൃ​ഗ​ങ്ങ​ൾ ത​ന്പ​ടി​ക്കു​ന്ന​തും പ​തി​വാ​ണ്.

ക​രി​മ​ല​യി​ലും കൂ​മ​ൻ​കു​ണ്ടി​ലും ആ​ളു​ക​ൾ താ​മ​സി​ച്ചി​രു​ന്ന​കാ​ല​ത്ത് വ​ന്യമൃ​ഗ​ങ്ങ​ളു​ടെ ശ​ല്യം ഉ​ണ്ടാ​യി​രു​ന്നി​ല്ല. എ​ന്നാ​ൽ ആ​ളു​ക​ൾ മ​റ്റു പ്ര​ദേ​ശ​ങ്ങ​ളി​ലേ​ക്കു താ​മ​സം മാ​റി​യ​തു വ​ന്യമൃ​ഗ​ങ്ങ​ൾ​ക്കു ഭ​യ​പ്പെ​ടാ​തെ കൃ​ഷി​യി​ട​ത്തി​ലേ​ക്ക് എ​ത്താ​നു​ള്ള മാ​ർ​ഗ​മാ​യി.

വൈ​കു​ന്നേ​ര​മാ​യാ​ൽ ആ​രും വീ​ടി​നു പു​റ​ത്തി​റ​ങ്ങാ​ൻ പോ​ലും ധൈ​ര്യ​പ്പെ​ടു​ന്നി​ല്ല. തെ​രു​വുവി​ള​ക്കു​ക​ളി​ല്ലാ​ത്ത​തി​നാ​ൽ രാ​ത്രി​യാ​യാ​ൽ റോ​ഡി​ലൂ​ടെ ന​ട​ക്കാ​ൻപോ​ലും ക​ഴി​യു​ന്നി​ല്ല. ആ​ന​ക​ൾ റോ​ഡി​ലൂ​ടെ വ​രു​ന്ന​തും ആ​ളു​ക​ളെ ഓ​ടി​ക്കു​ന്ന​തും പ​തി​വാ​ണ്.

ക​ഴി​ഞ്ഞ ദി​വ​സം പ​റ​ക്ക​ല​ടി​യി​ൽ മേ​ലേ​പ​യ്യാ​നി​യി​ലും കാ​ട്ടാ​ന​ക​ൾ കു​റു​കെ ചാ​ടി കാ​ൽ​ന​ട​ക്കാ​രെ ഓ​ടി​ച്ചി​രു​ന്നു. മ​ല​യോ​ര​മേ​ഖ​ല​യി​ൽ തെ​രു​വുവി​ള​ക്കു​ക​ൾ ക​ത്തി​ക്ക​ണ​മെ​ന്നു മ​ല​യോ​ര മേ​ഖ​ല​യി​ലെ നി​വാ​സി​ക​ൾ ആ​വ​ശ്യ​പ്പെ​ട്ടി​ട്ടും അ​ധി​കാ​രി​ക​ൾ ത​യാ​റാ​യി​ട്ടി​ല്ല. ക​രി​ന്പ പ​ഞ്ചാ​യ​ത്ത് തെ​രു​വുവി​ള​ക്കു​ക​ൾ സ്ഥാ​പി​ക്കാ​ൻ ഓ​ണ്‍​ലൈ​ൻ ടെ​ൻഡർ ന​ൽ​കി​യെ​ങ്കി​ലും തി​രു​വ​ന​ന്ത​പു​ര​ത്തു​ള്ള ടീ​മാ​ണ് ക​രാ​ർ എ​ടു​ത്ത​ത്.

എ​ന്നാ​ൽ കോ​വി​ഡ് ബാ​ധി​ച്ചു ചി​കി​ത്സ​യി​ലാ​യ​തോ​ടെ അ​വ​ർ വി​ള​ക്കു​ക​ൾ സ്ഥാ​പി​ക്കു​ന്ന​തു നി​ർ​ത്തി​വച്ചു. വീ​ണ്ടും ടെ​ൻഡർ ന​ൽ​കി​യെ​ങ്കി​ലും ഇ​തു​വ​രെ​യും തെ​രു​വുവി​ള​ക്കു​ക​ൾ സ്ഥാ​പി​ക്കാ​ൻ ന​ട​പ​ടി​യെ​ടു​ത്തി​ട്ടി​ല്ല.