8

ന്യൂ​യോ​ർ​ക്ക്: ലോ​ക​ക​പ്പ് ഫു​ട്ബോ​ൾ മ​ത്സ​ര​ങ്ങ​ൾ തു​ട​ങ്ങാ​ൻ ദി​വ​സ​ങ്ങ​ൾ മാ​ത്രം ശേ​ഷി​ക്കെ, സ്റ്റേ​ഡി​യ​ങ്ങ​ളി​ൽ ആ​രാ​ധ​ക​ർ വാ​ട്ട​ർ ബോ​ട്ടി​ലു​ക​ൾ കൊ​ണ്ടു​വ​രു​ന്ന​തി​ൽ ഫി​ഫ നി​യ​ന്ത്ര​ണം ഏ​ർ​പ്പെ​ടു​ത്തി.

നേ​ര​ത്തെ പു​ന​രു​പ​യോ​ഗി​ക്കാ​വു​ന്ന പ്ലാ​സ്റ്റി​ക് വാ​ട്ട​ർ ബോ​ട്ടി​ലു​ക​ൾ അ​നു​വ​ദി​ക്കു​മെ​ന്ന് അ​റി​യി​ച്ചി​രു​ന്നെ​ങ്കി​ലും അ​വ​സാ​ന നി​മി​ഷം ന​യം മാ​റ്റി പൂ​ർ​ണ നി​രോ​ധ​നം കൊ​ണ്ടു​വ​ന്നു.

സു​ര​ക്ഷാ കാ​ര​ണം

ക​ളി​ക്കാ​ർ​ക്കും കാ​ണി​ക​ൾ​ക്കും പ​രി​ക്കേ​ൽ​ക്കാ​നു​ള്ള സാ​ധ്യ​ത ഒ​ഴി​വാ​ക്കാ​നാ​ണ് തീ​രു​മാ​ന​മെ​ന്ന് ഫി​ഫ റോ​യി​ട്ടേ​ഴ്സി​നോ​ട് വ്യ​ക്ത​മാ​ക്കി.

ബോ​ട്ടി​ലു​ക​ൾ എ​റി​ഞ്ഞാ​ൽ ഉ​ണ്ടാ​കാ​വു​ന്ന അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്താ​ണ് കു​പ്പി​ക​ൾ, കാ​ൻ, ജാ​റു​ക​ൾ എ​ന്നി​വ​യ്ക്ക് നി​രോ​ധ​ന​മെ​ന്ന് ഫി​ഫ അ​റി​യി​ച്ചു.

എ​ന്ത് കൊ​ണ്ടു​വ​രാം, എ​ന്ത് പാ​ടി​ല്ല

അ​നു​വ​ദി​ക്കി​ല്ല: ഹാ​ർ​ഡ് സൈ​ഡ​ഡ്, റീ​യൂ​സ​ബി​ൾ വാ​ട്ട​ർ ബോ​ട്ടി​ലു​ക​ൾ​ക്ക് പൂ​ർ​ണ നി​രോ​ധ​നം.

അ​നു​വ​ദി​ക്കും: അ​മേ​രി​ക്ക​യി​ലും കാ​ന​ഡ​യി​ലും ന​ട​ക്കു​ന്ന മ​ത്സ​ര​ങ്ങ​ളി​ൽ 20 ഔ​ൺ​സ് (590 എംഎൽ) വ​രെ ശേ​ഷി​യു​ള്ള, ഫാ​ക്ട​റി സീ​ൽ ചെ​യ്ത, സോ​ഫ്റ്റ് പ്ലാ​സ്റ്റി​ക് ഡി​സ്പോ​സ​ബി​ൾ വാ​ട്ട​ർ ബോ​ട്ടി​ൽ ഒ​രെ​ണ്ണം കൊ​ണ്ടു​വ​രാം.

മെ​ക്സി​ക്കോ​യി​ലെ വേ​ദി​ക​ളി​ൽ ഈ ​ഇ​ള​വ് ബാ​ധ​ക​മ​ല്ല.

ആ​രാ​ധ​ക​ർ​ക്ക് സൗ​ജ​ന്യ കു​ടി​വെ​ള്ളം

സ്റ്റേ​ഡി​യ​ങ്ങ​ളി​ൽ ആ​രാ​ധ​ക​ർ​ക്ക് സൗ​ജ​ന്യ​മാ​യി കു​ടി​വെ​ള്ളം ല​ഭ്യ​മാ​ക്കു​മെ​ന്ന് ഫി​ഫ ഉ​റ​പ്പു​ന​ൽ​കി​യ​താ​യി ഇം​ഗ്ലീ​ഷ് ടീ​മി​ന്‍റെ ഫാ​ൻ​സ് അ​സോ​സി​യേ​ഷ​നാ​യ "ഫ്രീ ​ല​യ​ൺ​സ്' അ​റി​യി​ച്ചു.

മി​സ്റ്റിം​ഗ് സ്റ്റേ​ഷ​നു​ക​ൾ, ഫാ​നു​ക​ൾ, ഹൈ​ഡ്രേ​ഷ​ൻ സ്റ്റേ​ഷ​നു​ക​ൾ, കൂ​ളിം​ഗ് ടെ​ന്‍റു​ക​ൾ എ​ന്നി​വ സ്റ്റേ​ഡി​യ​ത്തി​ന് പു​റ​ത്ത് ഒ​രു​ക്കു​മെ​ന്നും ഫി​ഫ വ്യ​ക്ത​മാ​ക്കി.

ചൂ​ട് വ​ലി​യ വെ​ല്ലു​വി​ളി

ക​ഴി​ഞ്ഞ വ​ർ​ഷ​ത്തെ ക്ല​ബ് ലോ​ക​ക​പ്പി​ൽ ക​ടു​ത്ത ചൂ​ടി​നെ​ക്കു​റി​ച്ച് ക​ളി​ക്കാ​രും കോ​ച്ചു​മാ​രും പ​രാ​തി​പ്പെ​ട്ടി​രു​ന്നു. ഇ​ത്ത​വ​ണ​യും 16 വേ​ദി​ക​ളി​ൽ 11-ലും ​മേ​ൽ​ക്കൂ​ര ഇ​ല്ലാ​ത്ത​തി​നാ​ൽ താ​പ​നി​ല 26-28 ഡി​ഗ്രി സെ​ൽ​ഷ്യ​സ് വ​രെ ഉ​യ​രാ​ൻ സാ​ധ്യ​ത​യു​ണ്ട്.

104 മ​ത്സ​ര​ങ്ങ​ളി​ൽ 26 എ​ണ്ണം അ​ത്യു​ഷ്ണ​ത്തി​ൽ ന​ട​ക്കു​മെ​ന്നാ​ണ് കാ​ലാ​വ​സ്ഥാ റി​പ്പോ​ർ​ട്ട്.

ക​ളി​ക്കാ​ർ​ക്ക് കൂ​ളിം​ഗ് ബ്രേ​ക്ക്

ചൂ​ട് ക​ണ​ക്കി​ലെ​ടു​ത്ത് ക​ളി​ക്കാ​ർ​ക്കാ​യി ഓ​രോ പ​കു​തി​യി​ലും 22-ാം മി​നി​റ്റി​ൽ മൂന്ന് മി​നി​റ്റ് വീ​തം കൂ​ളിം​ഗ് ബ്രേ​ക്ക് അ​നു​വ​ദി​ക്കും. സൈ​ഡ് ലൈ​നു​ക​ളി​ൽ എ​യ​ർ ക​ണ്ടീ​ഷ​ണ​റു​ക​ളും സ്ഥാ​പി​ക്കും.

വെ​ള്ള​ത്തി​ന് വി​ല കൂ​ട്ടി​ല്ല

സ്റ്റേ​ഡി​യ​ത്തി​നു​ള്ളി​ൽ വി​ൽ​ക്കു​ന്ന വെ​ള്ള​ത്തി​ന്‍റെ വി​ല മ​റ്റ് ഇ​വ​ന്റു​ക​ളി​ലെ നി​ര​ക്കി​ന് തു​ല്യ​മാ​യി​രി​ക്കു​മെ​ന്നും ഫി​ഫ പ​ങ്കാ​ളി​യാ​യ കൊ​ക്ക​കോ​ള​യു​ടെ ദ​സാ​നി ബ്രാ​ൻ​ഡ് വെ​ള്ളം ല​ഭ്യ​മാ​ക്കു​മെ​ന്നും ഫി​ഫ അ​റി​യി​ച്ചു.

ലോ​ക​ക​പ്പ് തു​ട​ങ്ങു​ന്ന​ത് വ്യാ​ഴാ​ഴ്ച

48 ​ടീ​മു​ക​ൾ പ​ങ്കെ​ടു​ക്കു​ന്ന ലോ​ക​ക​പ്പ് വ്യാ​ഴാ​ഴ്ച മെ​ക്സി​ക്കോ സി​റ്റി​യി​ൽ തു​ട​ങ്ങും. ഉ​ദ്ഘാ​ട​ന മ​ത്സ​ര​ത്തി​ൽ മെ​ക്സി​ക്കോ ദ​ക്ഷി​ണാ​ഫ്രി​ക്ക​യെ നേ​രി​ടും.

ജൂ​ലൈ 19ന് ​ന്യൂ​ജ​ഴ്സി​യി​ലെ മെ​റ്റ്‌​ലൈ​ഫ് സ്റ്റേ​ഡി​യ​ത്തി​ലാ​ണ് ഫൈ​ന​ൽ.

Tags : Fifa Water Bbottles Stadium Football