മു​ഖാ​ച്ചേ​വി​ലെ കോ​ണ്‍​വെ​ന്‍റും ചേ​ർ​ന്നു​ള്ള കെ​ട്ടി​ട​വും ഇ​ന്ന് അ​നേ​ക​ർ​ക്ക് അ​ഭ​യ​കേ​ന്ദ്ര​മാ​ണ്. ബ​ങ്ക​റു​ക​ളി​ലെ ഭീ​തി​യു​ടെ ഒ​ളി​ച്ചി​രി​പ്പ​ല്ല, ആ​ശ്വാ​സ​ത്തി​ന്‍റെ​യും ആ​ഹ്ലാ​ദ​ത്തി​ന്‍റെ​യും കു​ടും​ബ​സ​മാ​ന​മാ​യ അ​നു​ഭ​വ​മാ​ണ് ഇ​വി​ടെ​യെ​ത്തു​ന്ന​വ​ർ​ക്കു​ള്ള​ത്.

ത​ല​യ്ക്കു മീ​തെ പാ​യു​ന്ന മി​സൈ​ലു​ക​ളി​ൽ​നി​ന്ന് ജീ​വ​നു​മാ​യി പ​ലാ​യ​നം ചെ​യ്ത​വ​രെ​ക്കൊ​ണ്ടു നി​റ​ഞ്ഞ റെ​യി​ൽ​വേ സ്റ്റേ​ഷ​ൻ. നെ​ടു​വീ​ർ​പ്പും നി​ല​വി​ളി​യും ഉ​യ​രു​ന്ന ആ​ൾ​ക്കൂ​ട്ട​ത്തി​ന​പ്പു​റം, ഒ​ഴി​ഞ്ഞ കോ​ണി​ൽ ദു​ഖ​ഭാ​ര​ത്തോ​ടെ ഒ​രു അ​മ്മ. അ​വ​രു​ടെ വി​റ​യാ​ർ​ന്ന ക​ര​ങ്ങ​ളി​ൽ ബ​ലം​പ​ക​ർ​ന്ന് മൂ​ന്നും പ​ത്തും വ​യ​സു​ള്ള ര​ണ്ടു കു​ഞ്ഞു​മ​ക്ക​ൾ.

യു​ക്രെ​യ്നി​ലെ നി​ല​യ്ക്കാ​ത്ത വെ​ടി​യൊ​ച്ച​ക​ളു​ടെ​യും അ​ര​ക്ഷി​ത ജീ​വി​ത​ങ്ങ​ളു​ടെ​യും ആ​കു​ല​ത​യും ഭീ​തി​യും ഇ​വ​രു​ടെ മു​ഖ​ങ്ങ​ളി​ൽ നി​ഴ​ലി​ക്കു​ന്നു​ണ്ട്. യു​ദ്ധ​ഭൂ​മി​യി​ൽ നി​ന്നു ര​ക്ഷ​പ്പെ​ട്ടോ​ടു​ന്ന അ​നേ​ക​ർ​ക്കൊ​പ്പ​മാ​ണ് അ​മ്മ​യും മ​ക്ക​ളും റെ​യി​ൽ​വെ സ്റ്റേ​ഷ​നി​ൽ എ​ത്തി​പ്പെ​ട്ട​ത്. ഭാ​ണ്ഡ​ങ്ങ​ൾ പു​റ​ത്തും ത​ല​യി​ലും ക​രു​തി പാ​യു​ന്ന​വ​രു​ടെ വേ​ഗ​ത്തി​ന് അ​ടു​ത്തെ​ത്താ​ൻ അ​മ്മ​യ്ക്കു സാ​ധി​ക്കു​ന്നി​ല്ല. കാ​റ്റി​ൽ ഉ​ല​യു​ന്ന പ​ഞ്ഞി​മ​രം പോ​ലെ ഏ​ന്തി​ന​ട​ക്കു​ന്ന അ​മ്മ​യു​ടെ കൈ​ക​ൾ മ​ക്ക​ളെ വ​ക​ഞ്ഞു നെ​ഞ്ചോ​ടു ചേ​ർ​ത്തു പി​ടി​ച്ചി​ട്ടു​ണ്ട്.

അ​പ​രി​ചി​ത​യാ​യ ആ ​സ്ത്രീ​യോ​ടു സി​സ്റ്റ​ർ ലി​ജി പ​യ്യ​പ്പ​ള്ളി സ്നേ​ഹാ​ർ​ദ്ര​ത​യോ​ടെ ചോ​ദി​ച്ചു.
ഇ​നി എ​ങ്ങോ​ട്ടാ​ണ്..?

‘എ​ങ്ങോ​ട്ടെ​ന്ന് അ​റി​യി​ല്ല. എ​ന്‍റെ കു​ഞ്ഞു​ങ്ങ​ൾ ബോം​ബു​വ​ർ​ഷ​ത്തി​ൽ മ​രി​ക്ക​രു​തെ​ന്നു മാ​ത്ര​മാ​ണ് ആ​ഗ്ര​ഹം. മ​ക്ക​ൾ​ക്കു വേ​ണ്ടി, അ​വ​ർ മ​രി​ക്കാ​തി​രി​ക്കാ​ൻ, ത​ല ചാ​യി​ക്കാ​ൻ സു​ര​ക്ഷി​ത​മാ​യ അ​ൽ​പം ഇ​ടം..! അ​തു മാ​ത്ര​മേ ആ​ഗ്ര​ഹ​മു​ള്ളൂ.

ഇ​ന്ന​ലെ വ​രെ ജീ​വി​ക്കാ​ൻ വേ​ണ്ട​തെ​ല്ലാം ഉ​ണ്ടാ​യി​രു​ന്നു. പ​ക്ഷേ ഇ​ന്ന് മ​ക്ക​ൾ വി​ശ​ന്നു ക​ര​യു​ന്ന​തു കാ​ണേ​ണ്ടി​വ​രു​ന്ന അ​മ്മ​യാ​ണു ഞാ​ൻ. എ​ല്ലാം ന​ഷ്ട​പ്പെ​ടു​ത്തി ഓ​ടി​പ്പോ​രേ​ണ്ടി വ​ന്ന​വ​രാ​ണ് ഞ​ങ്ങ​ൾ!

എ​നി​ക്കു മു​പ്പ​ത്തി​ര​ണ്ടു വ​യ​സാ​യി. ഇ​ത്ര​യും വ​ർ​ഷം ഞാ​ൻ ജീ​വി​ച്ചു. എ​ന്നാ​ൽ എ​ന്‍റെ മ​ക്ക​ൾ, ജീ​വി​ച്ചു തു​ട​ങ്ങി​യി​ട്ടേ​യു​ള്ളൂ. സ്വ​ത്തു​വ​ക​യെ​ല്ലാം മി​സൈ​ൽ പ​തി​ച്ചു ന​ഷ്ട​മാ​യി. എ​ന്‍റെ കു​ഞ്ഞു​ങ്ങ​ൾ ഇ​നി​യും ജീ​വി​ക്ക​ണം..’

ക​ണ്ണീ​ർ വ​റ്റി നെ​ഞ്ചു പി​ട​യു​ന്ന അ​മ്മ​യു​ടെ ക​ണ്ണു​ക​ളി​ലെ ആ​ശ​ങ്ക​യും ചു​ണ്ടി​ലെ വി​തു​ന്പ​ലും യു​ക്രെ​യ്നി​ലെ അ​നേ​കാ​യി​രം അ​മ്മ​മാ​രി​ൽ ക​ണ്ട​റി​യു​ക​യാ​ണ് മ​ല​യാ​ളി​യാ​യ സി​സ്റ്റ​ർ ലി​ജി പ​യ്യ​പ്പ​ള്ളി.

പി​റ​ന്ന മ​ണ്ണി​ൽ നി​ന്നു ജീ​വ​നു​മാ​യി ഓ​ടി​പ്പാ​ഞ്ഞു​വ​ന്ന യു​ക്രെ​യ്ൻ​കാ​രി​യാ​യ ഈ ​അ​മ്മ​യെ​യും കു​ഞ്ഞു​ങ്ങ​ളെ​യും കൈ​പി​ടി​ച്ച് സി​സ്റ്റ​ർ ത​ന്‍റെ കാ​റി​ൽ ക​യ​റ്റി കോ​ണ്‍​വെ​ന്‍റ് ല​ക്ഷ്യ​മാ​ക്കി നീ​ങ്ങി.

പ​ലാ​യ​നം, പാ​ല​നം

പ​ടി​ഞ്ഞാ​റ​ൻ യു​ക്രെ​യ്നി​ലെ മു​ഖാ​ച്ചേ​വി​ൽ, അ​ങ്ക​മാ​ലി​ക്കാ​രി​യാ​യ സി​സ്റ്റ​ർ ലി​ജി പ​യ്യ​പ്പി​ള്ളി​യ്ക്കും സി​സ്റ്റേ​ഴ്സ് ഓ​ഫ് സെ​ന്‍റ് ജോ​സ​ഫ്സ് ഓ​ഫ് സെ​ന്‍റ് മാ​ർ​ക്ക് (എ​സ്ജെ​എ​സ്എം) കോ​ണ്‍​വെ​ന്‍റി​ലെ മ​ല​യാ​ളി​ക​ൾ ഉ​ൾ​പ്പ​ടെ​യു​ള്ള മ​റ്റു സ​ന്യാ​സി​നി​മാ​ർ​ക്കും ഒ​രു മാ​സ​ത്തി​ലേ​റെ​യാ​യി വി​ശ്ര​മ​മി​ല്ല. യു​ദ്ധ​ഭൂ​മി​യി​ൽ നി​ന്നു വി​തു​ന്പി​യും വി​റ​ങ്ങ​ലി​ച്ചും ഓ​ടി​വ​രു​ന്ന​വ​ർ​ക്കു സ്നേ​ഹ​ത്തി​ന്‍റെ​യും സാ​ന്ത്വ​ന​ത്തി​ന്‍റെ​യും ത​ണ​ലൊ​രു​ക്കു​ക​യാ​ണി​വ​ർ. പ്ര​ത്യാ​ശ​യു​ടെ പു​ല​രി​ക​ളി​ലേ​ക്കു കൈ​പി​ടി​ക്കു​ക​യാ​ണി​വ​ർ. രാ​ജ്യം, മ​തം, വ​ർ​ഗം, വ​ർ​ണം തു​ട​ങ്ങി​യ ക​ന​പ്പെ​ട്ട മ​തി​ലു​ക​ളൊ​ന്നും ഈ ​ക​ന്യാ​സ്ത്രീ​ക​ളു​ടെ കാ​രു​ണ്യ​ക്ക​ട​ലി​ൽ പ്ര​തി​ബ​ന്ധ​ങ്ങ​ളാ​വു​ന്നി​ല്ല.

ജ​നി​ച്ചു വ​ള​ർ​ന്ന രാ​ജ്യ​ത്തു യു​ദ്ധം സ്വ​സ്ഥ​വും സു​ര​ക്ഷി​ത​വു​മാ​യ ജീ​വി​തം അ​ന്യ​മാ​ക്കി​യ​പ്പോ​ൾ, എ​ങ്ങോ​ട്ടെ​ന്നി​ല്ലാ​തെ ചി​ത​റി​യോ​ടേ​ണ്ടി​വ​ന്ന എ​ത്ര​യോ അ​മ്മ​മാ​രെ​യും കു​ഞ്ഞു​ങ്ങ​ളെ​യും വി​വി​ധ രാ​ജ്യ​ക്കാ​രാ​യ അ​ഭ​യാ​ർ​ഥി​ക​ളെ​യു​മാ​ണ് ഇ​പ്പോ​ഴ​ത്തെ ഭീ​തി​യു​ടെ രാ​പ​ക​ലു​ക​ളി​ൽ സ​ന്യാ​സി​നി​മാ​ർ ക​ണ്ടെ​ടു​ത്ത​ത്. അ​വ​രെ​യൊ​ക്കെ കോ​ൺ​വ​ന്‍റി​ന്‍റെ സു​ര​ക്ഷ​യ്ക്കു​ള്ളി​ൽ പ​രി​ച​രി​ച്ചും വി​ശ​പ്പ​ട​ക്കി​യും ആ​ശ്വ​സി​പ്പി​ച്ചും ഇ​വ​ർ കാ​രു​ണ്യ​ത്തി​ന്‍റെ മാ​ലാ​ഖ​മാ​രാ​യി മാ​റി​യി​രി​ക്കു​ന്നു.

ഭൂ​മി​യി​ലെ കാ​വ​ൽ​മാ​ലാ​ഖ​മാ​ർ

മു​ഖാ​ച്ചേ​വി​ലെ ക​ന്യാ​സ്ത്രീ​മ​ഠ​വും ചേ​ർ​ന്നു​ള്ള കെ​ട്ടി​ട​വും ഇ​പ്പോ​ൾ അ​നേ​ക​ർ​ക്ക് അ​ഭ​യ​കേ​ന്ദ്ര​മാ​ണ്. ബ​ങ്ക​റു​ക​ളി​ലെ ഭീ​തി​യു​ടെ ഒ​ളി​ച്ചി​രി​പ്പ​ല്ല, ആ​ശ്വാ​സ​ത്തി​ന്‍റെ​യും ആ​ഹ്ലാ​ദ​ത്തി​ന്‍റെ​യും കു​ടും​ബ​സ​മാ​ന​മാ​യ അ​നു​ഭ​വ​മാ​ണ് ഇ​വി​ടെ​യെ​ത്തു​ന്ന​വ​ർ​ക്കു​ള്ള​ത്.

അ​ങ്ക​മാ​ലി നാ​യ​ത്തോ​ട് സ്വ​ദേ​ശി​നി​യാ​യ സി​സ്റ്റ​ർ ലി​ജി​ക്കൊ​പ്പം എ​ള​വൂ​ർ സ്വ​ദേ​ശി​നി സി​സ്റ്റ​ർ അ​മ​ല, ചാ​ല​ക്കു​ടി മേ​ലൂ​ർ സ്വ​ദേ​ശി​നി സി​സ്റ്റ​ർ ജ​യ​തി എ​ന്നീ മ​ല​യാ​ളി സ​ന്യാ​സി​നി​മാ​രും പ​ലാ​യ​ന​വ​ഴി​ക​ളി​ലൂ​ടെ ഓ​ടി​യെ​ത്തു​ന്ന​വ​രെ പ​രി​പാ​ലി​ക്കാ​നു​ണ്ട്.

യു​ദ്ധ​ഭൂ​മി​യി​ൽ​നി​ന്നെ​ത്തു​ന്ന മ​ല​യാ​ളി​ക​ൾ ഉ​ൾ​പ്പെ​ടെ ഏ​റെ​പ്പേ​ർ​ക്ക് താ​മ​സ​വും ഭ​ക്ഷ​ണ​വും സു​ര​ക്ഷി​ത​സ്ഥ​ല​ങ്ങ​ളി​ലേ​ക്കു​ള്ള യാ​ത്രാ​സൗ​ക​ര്യ​ങ്ങ​ളും ഈ ​സ​ഹോ​ദ​രി​മാ​ർ ഒ​രു​ക്കി ന​ൽ​കു​ക​യാ​ണ്. രാ​പ​ക​ൽ വ്യ​ത്യാ​സ​മി​ല്ലാ​തെ ഉ​ണ്ണാ​തെ​യും ഉ​റ​ങ്ങാ​തെ​യും ഇ​വ​ർ അ​നേ​കാ​യി​ര​ങ്ങ​ളു​ടെ കാ​വ​ൽ​സേ​ന​യാ​യി മാ​റി​യി​രി​ക്കു​ന്നു. സി​സ്റ്റ​ർ ക്രി​സ്റ്റീ​ന​യും യു​ക്രെ​യ്ൻ​കാ​രാ​യ മ​റ്റു സ​ന്യാ​സി​നി​ക​ളും ഇ​വ​രോ​ടു കൈ​കോ​ർ​ക്കു​ന്നു.

അ​യ​ൽ​രാ​ജ്യ​ങ്ങ​ളാ​യ പോ​ള​ണ്ട്, റു​മേ​നി​യ തു​ട​ങ്ങി പ്ര​ദേ​ശ​ങ്ങ​ളി​ലൂ​ടെ സ്വ​ന്തം നാ​ടു​ക​ളി​ലേ​ക്കും വീ​ടു​ക​ളി​ലേ​ക്കും സു​ര​ക്ഷി​ത​രാ​യി മ​ട​ങ്ങാ​ൻ ആ​ഗ്ര​ഹി​ക്കു​ന്ന​വ​രെ ക​ന്യാ​സ്ത്രീ​ക​ൾ അ​വ​രു​ടെ വാ​ഹ​ന​ങ്ങ​ളി​ൽ അ​തി​ർ​ത്തി​ക​ളി​ലെ​ത്തി​ക്കു​ന്നു. ഇ​ന്ത്യ​ക്കാ​രും പ്ര​ത്യേ​കി​ച്ചു മ​ല​യാ​ളി വി​ദ്യാ​ർ​ഥി​ക​ളും ഉ​ൾ​പ്പെ​ടെ നൂ​റു​ക​ണ​ക്കി​നാ​ളു​ക​ളെ ഇ​വ​ർ സാ​ഹ​സി​ക​മാ​യി രാ​ജ്യാ​തി​ർ​ത്തി​ക​ളി​ലേ​ക്കെ​ത്തി​ച്ചു. യു​ക്രെ​യി​ൻ​കാ​രി​യാ​യ സി​സ്റ്റ​ർ ക്രി​സ്റ്റീ​ന​യാ​ണ് ഈ ​യാ​ത്ര​ക​ളു​ടെ സാ​ര​ഥി.

തേ​ടി​യെ​ത്തു​ന്ന​വ​ർ​ക്കും പാ​ത​യോ​ര​ങ്ങ​ളി​ൽ അ​ഭ​യാ​ർ​ഥി​ക​ളാ​യി ക​ട​ന്നു​പോ​കു​ന്ന​വ​ർ​ക്കും അ​ഭ​യം ന​ൽ​കി കോ​ണ്‍​വെ​ന്‍റി​ൽ ര​ക്ഷ ഒ​രു​ക്കു​ക​യാ​ണി​വ​ർ. വി​വി​ധ രാ​ജ്യ​ക്കാ​രും ഭാ​ഷ​ക്കാ​രു​മാ​യ ജ​ന​സ​മൂ​ഹ​മാ​ണ് ഇ​വ​രു​ടെ സു​ര​ക്ഷാ​വ​ല​യ​ത്തി​ൽ ക​ഴി​യു​ന്ന​ത്. എ​ല്ലാ​വ​രെ​യും സ്വീ​ക​രി​ക്കാ​നും ആ​വ​ശ്യ​മാ​യ സൗ​ക​ര്യ​ങ്ങ​ളൊ​രു​ക്കാ​നും ഞ​ങ്ങ​ൾ സ​ജ്ജ​രാ​ണ്. യു​ദ്ധ​ത്തി​ന്‍റെ കെ​ടു​തി​ക​ൾ അ​നു​ഭ​വി​ക്കു​ന്ന​വ​ർ​ക്ക് ആ​ശ്വാ​സ​വും സു​ര​ക്ഷി​ത​ത്വ​വും ന​ൽ​കു​ക​യാ​ണ് ഇ​പ്പോ​ൾ ഞ​ങ്ങ​ളു​ടെ പ്രേ​ഷി​ത ശു​ശ്രൂ​ഷ.

ഇ​തു ഞ​ങ്ങ​ളു​ടെ ക​ട​മ​യും ക്രി​സ്തീ​യ ദൗ​ത്യ​വു​മാ​ണ്. ദൈ​വ​ത്തി​ന്‍റെ ഇ​ട​പെ​ട​ലും സ്നേ​ഹ​മു​ള്ള യു​ക്രെ​യ്ൻ ജ​ന​ത​യു​ടെ സ​ഹാ​യ​വും ഞ​ങ്ങ​ളെ ബ​ല​പ്പെ​ടു​ത്തു​ന്നു. ക്രൂ​ശി​ത​നാ​യ ക്രി​സ്തു​വി​ന്‍റെ സ​ഹ​ന​ങ്ങ​ളെ​പ്ര​തി ഞ​ങ്ങ​ൾ സ​ഹ​ന​ദാ​സി​ക​ളാ​യി ഈ ​ജ​ന​ത​യു​ടെ ക​ണ്ണീ​രൊ​പ്പു​ക​യാ​ണ്- സി​സ്റ്റ​ർ ലി​ജി പ​റ​ഞ്ഞു.

ഇ​തോ​ട​കം ഘ​ട്ട​ങ്ങ​ളി​ലാ​യി മ​ല​യാ​ളി കു​ടും​ബ​ങ്ങ​ൾ ഉ​ൾ​പ്പ​ടെ ഒ​ട്ടേ​റെ​പ്പേ​ർ​ക്ക് കോ​ണ്‍​വെ​ന്‍റി​നോ​ട​നു​ബ​ന്ധി​ച്ചു​ള്ള കെ​ട്ടി​ട​ത്തി​ൽ അ​ഭ​യ​മൊ​രു​ക്കി​യി​ട്ടു​ണ്ട്. ഇ​വി​ടെ സു​ര​ക്ഷി​ത​ത്വം ​അ​റി​ഞ്ഞ മ​ല​യാ​ളി മെ​ഡി​ക്ക​ൽ വി​ദ്യാ​ർ​ഥി​ക​ൾ ആ​യി​ര​ത്തോ​ളം പേ​രാ​ണ്. ആ​ഴ്ച​ക​ൾ പി​ന്നി​ടു​ന്പോ​ഴും മ​റ്റെ​ങ്ങോ​ട്ടും പോ​കാ​ൻ മാ​ർ​ഗ​മി​ല്ലാ​താ​യ നൂ​റോ​ളം അ​ഭ​യാ​ർ​ഥി​ക​ൾ ഇ​വി​ടെ​യു​ണ്ട്. ഇ​വ​ർ​ക്കൊ​പ്പം 25 കു​ഞ്ഞു​ങ്ങ​ളു​മു​ണ്ട്. ഇ​ന്ത്യാ​ക്കാ​ർ ഏ​റെ​പ്പേ​രും നാ​ട്ടി​ലേ​ക്കു മ​ട​ങ്ങു​ക​യോ സു​ര​ക്ഷി​ത​മാ​യ മ​റ്റു രാ​ജ്യ​ങ്ങ​ളി​ലേ​ക്കു മാ​റു​ക​യോ ചെ​യ്തി​ട്ടു​ണ്ടെ​ന്നു സി​സ്റ്റ​ർ ലി​ജി പ​യ്യ​പ്പ​ള്ളി പ​റ​ഞ്ഞു.

അ​തി​ർ​ത്തി​ക​ളി​ലെ ആ​ശ്വാ​സം

‘അ​തി​രു​ക​ളി​ലെ’ സു​വി​ശേ​ഷ ദൗ​ത്യ​ത്തെ തി​രി​ച്ച​റി​ഞ്ഞ​വ​രാ​ണു സ​ന്യാ​സി​നി​മാ​ർ. യ​ഥാ​ർ​ഥ​ത്തി​ൽ ഉ​ക്രെ​യ്നി​ൽ പ്ര​ധാ​ന ന​ഗ​ര​ങ്ങ​ളി​ലു​ള്ള​വ​രെ ആ ​രാ​ജ്യ​ത്തി​ന്‍റെ അ​തി​രു​ക​ളി​ലേ​ക്കും അ​തി​ർ​ത്തി പ​ങ്കി​ടു​ന്ന രാ​ജ്യ​ങ്ങ​ളി​ലേ​ക്കും ഓ​ടി​പ്പോ​കാ​ൻ നി​ർ​ബ​ന്ധി​ത​രാ​ക്കു​ക​യാ​ണ് യു​ദ്ധം.

സ്ലോ​വാ​ക്യ​യു​ടെ​യും ഹം​ഗ​റി​യു​ടെ​യും അ​തി​ർ​ത്തി​യോ​ട​ടു​ത്താ​ണു മ​ല​യാ​ളി സ​ന്യാ​സി​നി​മാ​ർ സേ​വ​നം ചെ​യ്യു​ന്ന പ​ടി​ഞ്ഞാ​റ​ൻ യു​ക്രെ​യ്നി​ലെ മു​ഖാ​ച്ചേ​വ്. ത​ല​സ്ഥാ​ന​മാ​യ കീ​വി​ൽ​നി​ന്നു 800 കി​ലോ​മീ​റ്റ​ർ മാ​റി​യാ​ണ് മ​ഞ്ഞു​പു​ത​ച്ച ഈ ​പ്ര​ദേ​ശം . ഇ​വി​ടു​ന്നു 30 കി​ലോ​മീ​റ്റ​ർ യാ​ത്ര​ചെ​യ്താ​ൽ സ്ലോ​വാ​ക്യ​ൻ അ​തി​ർ​ത്തി​യാ​യി.

45 കി​ലോ​മീ​റ്റ​ർ ഹം​ഗ​റി​യു​ടേ​യും 60 കി​ലോ​മീ​റ്റ​ർ റു​മേ​നി​യ​യു​ടെ​യും അ​തി​ർ​ത്തി​ക​ളി​ലേ​ക്ക്. നി​ല​വി​ലെ സാ​ഹ​ച​ര്യ​ത്തി​ൽ താ​ര​ത​മ്യേ​ന സു​ര​ക്ഷി​ത മേ​ഖ​ല​യാ​ണ് മു​ഖാ​ച്ചേ​വ് ഉ​ൾ​പ്പെ​ടു​ന്ന പ​ടി​ഞ്ഞാ​റ​ൻ ഉ​ക്രെ​യ്നെ​ങ്കി​ലും, ക​ഴി​ഞ്ഞ ദി​വ​സ​ങ്ങ​ളി​ൽ സ​ന്യാ​സി​നി​മാ​ർ താ​മ​സി​ക്കു​ന്ന സ്ഥ​ല​ങ്ങ​ളി​ലും മു​ന്ന​റി​യി​പ്പു​ക​ൾ ന​ൽ​കി​ത്തു​ട​ങ്ങി​യി​ട്ടു​ണ്ട്.

‘യു​ദ്ധം എ​ത്ര​നാ​ൾ നീ​ണ്ടു​പോ​യാ​ലും ഞ​ങ്ങ​ൾ എ​ങ്ങോ​ട്ടേ​ക്കു​മി​ല്ല. ഞ​ങ്ങ​ളു​ടെ ക​രു​ത​ലും അ​ഭ​യ​വും പ്ര​തീ​ക്ഷി​ച്ച് ഇ​വി​ടെ​യു​ള്ള​വ​രെ വി​ട്ട് ഞ​ങ്ങ​ൾ എ​വി​ടേ​ക്കു​മി​ല്ല.’ സ​ന്യാ​സി​നി​മാ​രു​ടെ തീ​ക്ഷ്ണ​ത​യു​ള്ള വാ​ക്കു​ക​ൾ. സി​സ്റ്റ​ർ ലി​ജി പ​യ്യ​പ്പി​ള്ളി യു​ക്രെ​യി​നി​ൽ സേ​വ​നം ആ​രം​ഭി​ച്ചി​ട്ടു ഇ​രു​പ​താം വ​ർ​ഷ​മാ​ണി​ത്. സു​വി​ശേ​ഷ പ്ര​ഘോ​ഷ​ണ​രം​ഗ​ത്താ​ണ് പ്ര​ധാ​ന​മാ​യും സേ​വ​നം.

പ്രാ​ർ​ഥ​നാ സ​ഹാ​യം തേ​ടി ഇ​വ​രെ തേ​ടി​യെ​ത്തു​ന്ന​തി​ലേ​റെ​യും യു​ക്രേ​നി​യ​ക്കാ​രാ​ണ്. കോ​ണ്‍​വെ​ന്‍റി​നോ​ട​നു​ബ​ന്ധി​ച്ചു ധ്യാ​ന​കേ​ന്ദ്ര​ത്തി​ന്‍റെ നി​ർ​മാ​ണം ന​ട​ക്കു​ന്നു. അ​വി​ടെ​യും ഇ​പ്പോ​ൾ യു​ദ്ധ​ഭൂ​മി​ക​ളി​ൽ നി​ന്നെ​ത്തു​ന്ന​വ​രെ പാ​ർ​പ്പി​ച്ചി​രി​ക്കു​ക​യാ​ണ്.

ഇ​വാ​നോ ഫ്രാ​ങ്ക്വി​സ്; ഒ​രു വി​ലാ​പം

യു​ദ്ധ​ത്തി​ൽ മാ​താ​പി​താ​ക്ക​ൾ ന​ഷ്ട​മാ​യ കു​ഞ്ഞു​ങ്ങ​ളെ പാ​ർ​പ്പി​ച്ചി​രി​ക്കു​ന്ന ഇ​വാ​നോ ഫ്രാ​ങ്ക്വി​സ് ഇ​ന്ന​ത്തെ യു​ക്രെ​യ്ന്‍റെ ഹൃ​ദ​യം നു​റു​ങ്ങു​ന്ന വി​ലാ​പ​ഭൂ​മി​യാ​ണ്. ഒ​ന്നും ര​ണ്ടും വ​യ​സാ​യ നാ​ൽ​പ​തി​ലേ​റെ കു​ഞ്ഞു​ങ്ങ​ളെ​യാ​ണ് ഇ​വി​ടെ പാ​ർ​പ്പി​ച്ചി​രി​ക്കു​ന്ന​ത്. എ​ല്ലാ​വ​രും മാ​താ​പി​താ​ക്ക​ൾ ന​ഷ്ട​മാ​യ​വ​ർ. അ​വ​രെ നി​ര​ത്തി​ക്കി​ട​ത്തി​യി​രി​ക്കു​ന്ന കാ​ഴ്ച ആ​രെ​യും ക​ര​യി​പ്പി​ക്കും. ആ​രു​ടെ​യൊ​ക്കെ​യോ യു​ദ്ധ​ക്കൊ​തി അ​നാ​ഥ​മാ​ക്കി​യ കു​രു​ന്നു ജീ​വി​ത​ങ്ങ​ൾ.!

മ​ക്ക​ളെ സ്നേ​ഹി​ച്ചു കൊ​തി​തീ​ർ​ന്നി​ട്ടി​ല്ലാ​ത്ത എ​ത്ര​യോ അ​മ്മ​മാ​ർ, പി​താ​ക്ക​ന്മാ​ർ... വെ​ടി​യേ​റ്റും ഷെ​ൽ​വ​ർ​ഷ​ത്തി​ലും മി​സൈ​ൽ ആ​ക്ര​മ​ണ​ങ്ങ​ളി​ലും നി​ര​പ​രാ​ധി​ക​ളാ​യ ഇ​വ​ർ കൊ​ല്ല​പ്പെ​ടു​ന്പോ​ൾ, ആ​രു​മി​ല്ലാ​താ​യി മാ​റു​ന്ന കു​ഞ്ഞു​ങ്ങ​ളെ​ക്കു​റി​ച്ച് യു​ദ്ധ​ക്കൊ​തി​യ​ന്‌ മാ​ർ ഒ​രു നി​മി​ഷം ആ​ലോ​ചി​ച്ചി​രു​ന്നെ​ങ്കി​ൽ...! സി​സ്റ്റ​ർ ലി​ജി​യു​ടെ വാ​ക്കു​ക​ൾ.

ഈ ​കു​ഞ്ഞു​ങ്ങ​ളെ ദ​ത്തെ​ടു​ക്കാ​ൻ കു​ടും​ബ​ങ്ങ​ളെ​ത്തേ​ടി​യു​ള്ള വീ​ഡി​യോ​ക​ൾ യു​ക്രെ​യ്നി​ൽ വൈ​റ​ലാ​ണെ​ന്നു മാ​ത്ര​മ​ല്ല, ആ ​നാ​ടി​ന്‍റെ വ​ലി​യ വി​ലാ​പ​ക്കാ​ഴ്ച കൂ​ടി​യാ​ണ്.

ഈ ​അ​മ്മ​മാ​രെ​യും കു​ഞ്ഞു​ങ്ങ​ളെ​യും ഓ​ർ​ത്ത്...

യു​ക്രെ​യ്ൻ ജ​ന​ത​യു​ടെ സ​ങ്ക​ടം തി​രി​ച്ച​റി​യു​ന്ന മ​ല​യാ​ളി സ​മൂ​ഹ​ത്തോ​ടും ലോ​ക​ത്തോ​ടും ന​ന്ദി അ​റി​യി​ക്കു​ക​യാ​ണ് സി​സ്റ്റ​ർ ലി​ജി. ഇ​ന്ത്യ​യി​ൽ നി​ന്നു​ള്ള എ​ല്ലാ​വ​രും ത​ന്നെ നാ​ട്ടി​ലേ​ക്കു മ​ട​ങ്ങി​യെ​ത്തി. ദൈ​വ​ത്തി​നു സ്തു​തി.

ഈ ​യു​ദ്ധ​മൊ​ന്നു തീ​ർ​ന്നി​രു​ന്നെ​ങ്കി​ൽ എ​ന്നാ​ശി​ക്കു​ന്ന യു​ക്രെ​യ്ൻ ജ​ന​ത​യെ​പ്പോ​ലെ, ലോ​ക​ത്തി​ലെ​വി​ടെ​യും സ​മാ​ധാ​ന​ത്തി​നാ​യി ആ​ഗ്ര​ഹി​ക്കു​ന്ന​വ​രു​ണ്ട്. ഇ​വി​ടെ ഇ​പ്പോ​ഴും മ​രി​ച്ചു വീ​ഴു​ന്ന​വ​രും യു​ദ്ധ​ത്തി​ന്‍റെ കെ​ടു​തി​ക​ൾ അ​നു​ഭ​വി​ക്കു​ന്ന​വ​രും പ​റ​യാ​തെ പ​റ​യു​ന്ന​തും അ​തു​ത​ന്നെ. പ​ലാ​യ​നം ചെ​യ്യു​ന്ന​വ​ർ തി​ങ്ങി​നി​റ​ഞ്ഞ റെ​യി​ൽ​വേ സ്റ്റേ​ഷ​നു​ക​ളി​ലെ തി​ക്കി​ലും തി​ര​ക്കി​ലും​പെ​ട്ട് എ​ത്ര​യോ പേ​രാ​ണു മ​രി​ക്കു​ന്ന​ത്!

ജ​ന​വാ​സ മേ​ഖ​ല​ക​ളി​ലേ​ക്കാ​ണ് റ​ഷ്യ​ൻ സേ​ന ഇ​പ്പോ​ൾ മി​സൈ​ൽ ആ​ക്ര​മ​ണം ന​ട​ത്തു​ന്ന​ത്. ക​ഴി​ഞ്ഞ ദി​വ​സം ന​വ​ജാ​ത​ശി​ശു​ക്ക​ൾ ഏ​റെ​യു​ള്ള ആ​ശു​പ​ത്രി​ക്കു നേ​രെ ആ​ക്ര​മ​ണ​മു​ണ്ടാ​യി. അ​വി​ടെ​യും അ​മ്മ​മാ​രും കു​ഞ്ഞു​ങ്ങ​ളും മ​രി​ച്ചു​വീ​ണു. കാ​ല​ങ്ങ​ൾ​ക്കു മു​ന്പേ ര​ക്ത​പ​ങ്കി​ല​മാ​യ യു​ക്രെ​യ്ന്‍റെ മ​ണ്ണ് സ​ർ​വ​വും ത​ക​ർ​ന്ന യു​ദ്ധ​ഭൂ​മി​യാ​യി​ക്ക​ഴി​ഞ്ഞു.

യു​ക്രെ​യ്നി​ലെ ക്രൈ​സ്ത​വ​ർ, സ്വ​ർ​ഗ​സ്ഥ​നാ​യ ഞ​ങ്ങ​ളു​ടെ പി​താ​വേ... എ​ന്നാ​രം​ഭി​ക്കു​ന്ന പ്രാ​ർ​ഥ​ന ദി​വ​സ​വും 40 ത​വ​ണ ചൊ​ല്ലു​ന്നു​ണ്ട്. യു​ദ്ധം അ​വ​സാ​നി​ക്കാ​നും സ​മാ​ധാ​നം പു​ല​രാ​നും ആ​ഗ്ര​ഹി​ക്കു​ന്ന ലോ​ക​ത്തി​ലെ​ല്ലാ​യി​ട​ത്തു​മു​ള്ള വി​ശ്വാ​സി​ക​ളും അ​തേ​റ്റു​ചൊ​ല്ല​ണ​മെ​ന്നാ​ണ് അ​പേ​ക്ഷ. ഓ​രോ മ​ത​വി​ശ്വാ​സി​ക​ളും ത​ങ്ങ​ളു​ടെ ദൈ​വ​ത്തോ​ടു ത​ങ്ങ​ളു​ടേ​താ​യ ഭാ​ഷ​യി​ൽ പ്രാ​ർ​ഥി​ക്ക​ണം.

ഒ​രു കാ​ര്യം ഉ​റ​പ്പാ​ണ്. യു​ക്രെ​യ്നി​ൽ മ​രി​ച്ചു​വീ​ഴു​ന്ന നി​ഷ്ക​ള​ങ്ക​രാ​യ അ​നേ​ക​രു​ടെ​യും അ​വ​രു​ടെ ബ​ന്ധു​ക്ക​ളു​ടെ​യും വി​ലാ​പം ദൈ​വം കേ​ൾ​ക്കും. ലോ​കം തി​രി​ച്ച​റി​യും. യു​ദ്ധ​ത്തി​നെ​തി​രെ ലോ​ക​മ​ന​സാ​ക്ഷി​യെ വീ​ണ്ടും ഉ​ണ​ർ​ത്താ​ൻ അ​തു കാ​ര​ണ​മാ​കും.

ക​ര​ഞ്ഞു ത​ള​ർ​ന്ന, ക​ണ്ണീ​രു വ​റ്റി​യ യു​ക്രെ​യ്നി​ലെ അ​മ്മ​മാ​രും കു​ഞ്ഞു​ങ്ങ​ളും ഈ ​നോ​ന്പു​കാ​ല​ത്ത് ന​മ്മു​ടെ എ​ല്ലാ​വ​രു​ടെ​യും മ​ന​സു​ക​ളി​ലു​ണ്ടാ​വ​ട്ടെ​യെ​ന്നാ​ണ് യു​ക്രെ​യി​നി​ലെ ഈ ​ക​ന്യാ​സ്ത്രീ​ക​ളു​ടെ പ്രാ​ർ​ഥ​ന.

സി​ജോ പൈ​നാ​ട​ത്ത്