മു​ന്നി​ൽ ബാ​റ്റു​മാ​യി 14 വ​യ​സ് മാ​ത്ര​മു​ള്ള ഒ​രു പ​യ്യ​ൻ. അ​ന്താ​രാ​ഷ്‌​ട്ര മ​ത്സ​ര പ​രി​ച​യ​മൊ​ന്നും കാ​ര്യ​മാ​യി​ല്ല. ആ​ളെ ഇ​പ്പോ​ൾ​ത്ത​ന്നെ കൂ​ടാ​രം ക​യ​റ്റി​യേ​ക്കാം എ​ന്ന ആ​ത്മ​വി​ശ്വാ​സ​ത്തി​ലാ​ണ് ശാ​ർ​ദൂ​ൽ ഠാ​ക്കൂ​ർ പ​ന്തെ​റി​ഞ്ഞ​ത്. എ​ന്നാ​ൽ, പ​യ്യ​ന്‍റെ പ​ത​ർ​ച്ച പ്ര​തീ​ക്ഷി​ച്ച ബൗ​ള​ർ​ക്ക് മ​ന​ക്ക​രു​ത്തി​ന്‍റെ മു​ര​ൾ​ച്ച​യാ​ണ് കേ​ൾ​ക്കാ​നാ​യ​ത്.

ക​ണ്ണ​ട​ച്ചു തു​റ​ക്കും​മു​ന്പേ എ​ക്സ്‌​ട്രാ ക​വ​റി​നു മു​ക​ളി​ലൂ​ടെ സി​ക്സ​ർ! നേ​രി​ടു​ന്ന ആ​ദ്യ ബോ​ൾ എ​ന്ന ബ​ഹു​മാ​ന​മൊ​ന്നും 14 വ​യ​സും 23 ദി​വ​സം മാ​ത്രം പ്രാ​യ​മു​ള്ള ആ ​കൗ​മാ​ര​ക്കാ​ര​ൻ ന​ൽ​കി​യ​തേ​യി​ല്ല. സ​ഭാ​ക​ന്പ​മോ പ​രി​ഭ്ര​മ​മോ ഇ​ല്ലാ​തെ ബോ​ള​ർ​മാ​രെ നേ​രി​ടു​ന്ന പ​യ്യ​നെ ക​ണ്ട് എ​തി​രാ​ളി​ക​ൾ അ​ന്പ​ര​ന്നു. ഒ​രു ചാ​ന്പ്യ​ന്‍റെ ശ​രീ​ര​ഭാ​ഷ.

ആ​ദ്യ​മ​ത്സ​ര​ത്തി​ൽ 34 റ​ൺ​സു​മാ​യി പു​റ​ത്താ​യ​പ്പോ​ൾ ആ ​ക​ണ്ണു​ക​ളി​ൽ​നി​ന്ന് ര​ണ്ടു തു​ള്ളി​ക​ൾ അ​ട​ർ​ന്നു ഗ്രൗ​ണ്ടി​ലേ​ക്കു വീ​ണു. അ​തു നി​രാ​ശ​യു​ടെ തു​ള്ളി​ക​ളാ​ണെ​ന്നു പ​ല​രും ക​രു​തി. എ​ന്നാ​ൽ, റ​ൺ ഒ​ഴു​ക്കി​നു ചാ​ലു വെ​ട്ടു​ക​യാ​യി​രു​ന്നെ​ന്ന് അ​റി​യാ​ൻ അ​ധി​കം കാ​ത്തി​രി​ക്കേ​ണ്ടി വ​ന്നി​ല്ല... ഇ​തു വൈ​ഭ​വ് സൂ​ര്യ​വം​ശി... ഈ ​ഐ​പി​എ​ല്ലി​ന്‍റെ സെ​ൻ​സേ​ഷ​നാ​യി മാ​റി​യ ര​ണ്ടു കൗ​മാ​ര​ക്കാ​രി​ൽ ഒ​രാ​ൾ. 2025 ഐ​പി​എ​ല്ലി​ൽ രാ​ജ​സ്ഥാ​ൻ റോ​യ​ൽ​സി​ന്‍റെ വൈ​ഭ​വം.

ര​ണ്ടാ​മ​ൻ ആ​യു​ഷ് മാ​ത്രേ. മ​ധു​ര​പ്പ​തി​നേ​ഴി​ന്‍റെ മ​ധു​രം റ​ൺ​മ​ഴ​യാ​യി പെ​യ്യി​ക്കു​ന്ന ചെ​ന്നൈ സൂ​പ്പ​ർ കിം​ഗ്സി​ന്‍റെ ഇ​ള​മു​റ​ത്ത​ന്പു​രാ​ൻ. വി​രാ​ട് കോ‌​ഹ്‌​ലി​യും രോ​ഹി​ത് ശ​ർ​മ​യും അ​ര​ങ്ങൊ​ഴി​യു​ന്പോ​ൾ പ്ര​തി​ഭാ​ദാ​രി​ദ്ര്യ​മി​ല്ലാ​ത്ത ഇ​ന്ത്യ​ൻ ക്രി​ക്ക​റ്റി​ന്‍റെ മു​ന്ന​ണി​പ്പോ​രാ​ളി​ക​ളാ​കാ​ൻ ഒ​രു​ങ്ങു​ന്ന​വ​ർ.

ഒ​രു പൊ​ട്ടി​ത്തെ​റി

ക​ളി​ക്ക​ള​ത്തി​ലേ​ക്കു കാ​ലെ​ടു​ത്തു​വ​ച്ച​പ്പൊ​ഴേ റി​ക്കാ​ർ​ഡി​ട്ട് വൈ​ഭ​വി​ന്‍റെ തു​ട​ക്കം. രാ​ജ​സ്ഥാ​ൻ റോ​യ​ൽ​സി​നു​വേ​ണ്ടി അ​ര​ങ്ങേ​റി​യ​പ്പോ​ൾ ഐ​പി​എ​ൽ ച​രി​ത്ര​ത്തി​ലെ ഏ​റ്റ​വും പ്രാ​യം കു​റ​ഞ്ഞ ക​ളി​ക്കാ​ര​നാ​യി. സ​യ്യി​ദ് മു​ഷ്താ​ഖ് അ​ലി ടൂ​ർ​ണ​മെ​ന്‍റി​ലും 19ൽ ​താ​ഴെ​യു​ള്ള​വ​രു​ടെ ഇ​ന്ത്യ​ൻ ടീ​മി​ലും ഒ​ക്കെ​യു​ള്ള വൈ​ഭ​വി​ന്‍റെ മി​ക​വി​ൽ സം​തൃ​പ്ത​രാ​യ രാ​ജ​സ്ഥാ​ൻ റോ​യ​ൽ​സി​ന്‍റെ സ്കൗ​ട്ടിം​ഗ് ടീ​മാ​ണ് താ​ര​ലേ​ല​ത്തി​ൽ കൊ​ച്ചു​പ​യ്യ​നെ വ​ല വീ​ശി​പ്പി​ടി​ച്ച​ത്. ഒ​രു കോ​ടി പ​ത്തു​ല​ക്ഷം രൂ​പ വി​ല!

പ​തി​മൂ​ന്നാം വ​യ​സി​ൽ ഇ​ന്ത്യ അ​ണ്ട​ർ 19 ടീ​മി​നു വേ​ണ്ടി ഓ​സ്ട്രേ​ലി​യ​യ്ക്കെ​തി​രെ 58 പ​ന്തി​ൽ സെ​ഞ്ചു​റി. പി​ന്നീ​ട് ഫ​സ്റ്റ് ക്ലാ​സ് മ​ത്സ​ര​ത്തി​ൽ ബി​ഹാ​റി​നു വേ​ണ്ടി ക​ളി. ഐ​പി​എ​ല്ലി​ൽ ച​ങ്കു​റ​പ്പി​ന്‍റെ തു​ട​ക്കം. ആ​ദ്യ മ​ത്സ​ര​ത്തി​ൽ ക​ണ്ണീ​ര​ണി​ഞ്ഞാ​ണ് വൈ​ഭ​വ് കൂ​ടാ​രം ക​യ​റി​യ​തെ​ങ്കി​ൽ ര​ണ്ടാം മ​ത്സ​ര​ത്തി​ൽ പ​ന്തെ​റി​യാ​ൻ എ​ത്തി​യ​വ​രെ​ല്ലാ​മാ​ണ് ക​ണ്ണീ​ര​ണി​ഞ്ഞ​ത്.

ഇ​ന്ത്യ​യു​ടെ ഓ​പ്പ​ണിം​ഗ് ബൗ​ള​ർ​മാ​രാ​യി​രു​ന്ന മു​ഹ​മ്മ​ദ് സി​റാ​ജ്, ഇ​ഷാ​ന്ത് ശ​ർ​മ, പ്ര​സി​ദ്ധ് കൃ​ഷ്ണ തു​ട​ങ്ങി​യ​വ​ർ ആ ​ദി​നം പെ​ട്ടെ​ന്നൊ​ന്നും മ​റ​ക്കി​ല്ല. നി​ഷ്ഠു​ര​മാ​യ ആ​ക്ര​മ​ണം. അ​ഫ്ഗാ​ൻ​കാ​ര​ൻ ക​രിം ജ​ന​റ്റി​ന്‍റെ ഒ​രോ​വ​റി​ൽ 30 റ​ൺ​സാ​ണ് പ​യ്യ​ൻ വാ​രി​ക്കൂ​ട്ടി​യ​ത്. ത​ല​ങ്ങും വി​ല​ങ്ങും പ​തി​നൊ​ന്ന് സി​ക്സ​റു​ക​ളും ഏ​ഴ് ബൗ​ണ്ട​റി​ക​ളും. സ​വാ​യ് മാ​ൻ​സിം​ഗ് സ്റ്റേ​ഡി​യം ആ​ദ്യം സ്തം​ഭി​ച്ചു. പി​ന്നെ പൊ​ട്ടി​ത്തെ​റി​ച്ചു. 35 പ​ന്തി​ൽ സെ​ഞ്ചു​റി!

അ​സാ​ധാ​ര​ണം

ഗു​ജ​റാ​ത്ത് വീ​ര​ൻ​മാ​ർ​ക്ക് മ​ഹാ​ഭാ​ര​ത​യു​ദ്ധ​ത്തി​ൽ അ​ഭി​മ​ന്യു വീ​ണ ആ​ശ്വാ​സ​മാ​യി​രു​ന്നു പ്ര​സി​ദ്ധ് കൃ​ഷ്ണ​യു​ടെ പ​ന്തി​ൽ വൈ​ഭ​വ് പു​റ​ത്താ​കു​മ്പോ​ൾ. ഏ​റ്റ​വും വേ​ഗ​മേ​റി​യ ഐ​പി​എ​ൽ സെ​ഞ്ചു​റി​യി​ൽ ക്രി​സ് ഗെ​യി​ലി​നു തൊ​ട്ടു​പി​ന്നി​ൽ ഇ​ടം. ഐ​പി​എ​ല്ലി​ൽ സെ​ഞ്ചു​റി അ​ടി​ക്കു​ന്ന ഏ​റ്റ​വും പ്രാ​യം കു​റ​ഞ്ഞ ക​ളി​ക്കാ​ര​നെ​ന്ന, പെ​ട്ടെ​ന്നൊ​ന്നും ത​ക​ർ​ക്കാ​നാ​വാ​ത്ത റി​ക്കാ​ർ​ഡും.

നി​ർ​ഭ​യ​ത്വ​വും ഏ​കാ​ഗ്ര​ത​യും വൈ​ഭ​വി​ന്‍റെ ക​രു​ത്ത്. സാ​ങ്കേ​തി​ക​ത്വ​ത്തി​ലേ​ക്കു വ​ന്നാ​ൽ മ​റ്റാ​ർ​ക്കു​മി​ല്ലാ​ത്ത ത​ര​ത്തി​ലു​ള്ള ബാ​ക്ക് ലി​ഫ്റ്റ് ഷോ​ട്ടു​ക​ൾ. ബ്ര​യ​ൻ ലാ​റ, വി​നോ​ദ് കാം​ബ്ലി എ​ന്നി​വ​രെ​പ്പോ​ലെ അ​സാ​ധാ​ര​ണ ബാ​ക്ക്‌​ലി​ഫ്റ്റ്. സാ​ധാ​ര​ണ​യി​ൽ കൂ​ടു​ത​ൽ പ​വ​റു​ള്ള ബാ​ക്ക് ലി​ഫ്റ്റു​ക​ൾ. എ​ന്നാ​ൽ, ക​ളി​ച്ചു​തു​ട​ങ്ങു​ന്ന​വ​ർ​ക്കു പ​രി​ശീ​ല​ക​ർ അ​ത്ത​രം ബാ​ക്ക് ലി​ഫ്റ്റ് ഉ​പ​ദേ​ശി​ക്കാ​റി​ല്ല. കാ​ര​ണം അ​തി​വേ​ഗ​ത്തി​ലു​ള്ള ഡൗ​ൺ സ്വിം​ഗ് കൂ​ടി​യി​ല്ലെ​ങ്കി​ൽ പ​ണി പാ​ളും. അ​മ്പേ പ​രാ​ജ​യ​പ്പെ​ടാ​നു​ള്ള സാ​ധ്യ​ത.

സെ​ഞ്ചു​റി വ​ര​വ്

ചെ​ന്നൈ സൂ​പ്പ​ർ കിം​ഗ്സി​നു വേ​ണ്ടി​യി​റ​ങ്ങി​യ ആ​യു​ഷ് മാ​ത്രെ​യാ​ക​ട്ടെ 2024- 25 സീ​സ​ണി​ൽ ര​ഞ്ജി​ട്രോ​ഫി​യി​ൽ മും​ബൈ​യ്ക്കു വേ​ണ്ടി മ​ഹാ​രാ​ഷ്‌​ട്ര​യ്ക്കെ​തി​രേ സെ​ഞ്ചു​റി അ​ടി​ച്ചാ​ണ് വ​ര​വ​റി​യി​ച്ച​ത്. ആ​ദ്യ​ത്തെ ഫ​സ്റ്റ് ക്ലാ​സ് സെ​ഞ്ചു​റി​യി​ൽ 171 റ​ൺ​സ്!

ഐ​പി​എ​ൽ മെ​ഗാ ലേ​ല​ത്തി​ൽ ശ്ര​ദ്ധി​ക്ക​പ്പെ​ടാ​തെ​പോ​യ ആ​യു​ഷി​നെ പ​രി​ക്കേ​റ്റ റി​തു​രാ​ജ് ഗെ​യ്ക്‌​വാ​ദി​നു പ​ക​ര​ക്കാ​ര​നാ​യി കൊ​ണ്ടു​വ​രു​ന്ന​ത് കേ​വ​ലം മു​പ്പ​തു ല​ക്ഷം രൂ​പ​യ്ക്ക്. എ​ന്നാ​ൽ, ആ​ദ്യം കി​ട്ടി​യ അ​വ​സ​ര​ത്തി​ൽ​ത്ത​ന്നെ മും​ബെ ഇ​ന്ത്യ​ൻ​സി​നെ​തി​രെ 15 പ​ന്തി​ൽ 32 റ​ൺ​സെ​ടു​ത്ത് ശ്ര​ദ്ധാ​കേ​ന്ദ്രം. തു​ട​ർ​ന്ന് സ​ൺ റൈ​സേ​ഴ്സി​നെ​തി​രെ 19 പ​ന്തി​ൽ 30 റ​ൺ​സ്.

പ​ഞ്ചാ​ബി​നെ​തി​രെ തി​ള​ങ്ങാ​നാ​യി​ല്ലെ​ങ്കി​ലും റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വി​നെ ച​വി​ട്ടി​മെ​തി​ച്ചു. ഓ​പ്പ​ണ​റാ​യി ഇ​റ​ങ്ങി​യ ആ​യു​ഷ് മാ​ത്രെ, 48 പ​ന്തി​ൽ 94 റ​ൺ​സെ​ടു​ത്തു പു​റ​ത്താ​കു​മ്പോ​ൾ, എ​ല്ലാ ഫോ​ർ​മാ​റ്റി​ലേ​ക്കും യോ​ജി​ക്കു​ന്ന ക​ളി​ക്കാ​ര​ൻ എ​ന്ന ലേ​ബ​ലാ​ണ് പ​തി​ഞ്ഞ​ത്.

പ​ക്വ​ത, കൃ​ത്യ​ത

വൈ​ഭ​വി​നെ അ​പേ​ക്ഷി​ച്ച്, ഷോ​ട്ടു​ക​ളു​ടെ തെ​ര​ഞ്ഞെ​ടു​പ്പി​ൽ കു​റെ​ക്കൂ​ടി പ​ക്വ​ത​യും ആ‍‍​യു​ഷി​നു​ണ്ട്. റോ​യ​ൽ ച​ല​ഞ്ചേ​ഴ്സു​മാ​യു​ള്ള മ​ത്സ​ര​ത്തി​ൽ ഭു​വ​നേ​ഷ് കു​മാ​റി​നെ നേ​രി​ട്ട രീ​തി നോ​ക്കു​ക. പ​ന്തി​ന്‍റെ ഗ​തി​ക്ക​നു​സ​രി​ച്ച്, കൃ​ത്യ​ത​യോ​ടെ ഫീ​ൽ​ഡി​ലെ വി​ട​വു​ക​ൾ ക​ണ്ടെ​ത്തി ബൗ​ണ്ട​റി പാ​യി​ക്കു​ന്ന​തി​ൽ പ​രി​ച​യ​സ​ന്പ​ന്ന​ന്‍റെ പാ​ട​വം. പോ​യി​ന്‍റി​നും ഗ​ള്ളി​ക്കും ഇ​ട​യി​ൽ വി​ട​വു ക​ണ്ടെ​ത്തി ക​ട​ത്തി​വി​ടു​ന്ന ഷോ​ട്ടു​ക​ളി​ൽ ക്രി​യാ​ത്മ​ക​മാ​യ ഒ​രു ശൈ​ലി​യു​ടെ തി​ള​ക്കം.

പ​തി​ന​ഞ്ചാം ഓ​വ​റി​ലെ അ​വ​സാ​ന പ​ന്ത് എ​ക്സ്ട്രാ ക​വ​റി​ലൂ​ടെ ഫ്ലാ​റ്റാ​യി സി​ക്സ് അ​ടി​ക്കു​ന്ന​ത് ക​ണ്ട​തി​ന്‍റെ അ​ന്പ​ര​പ്പ് പെ​ട്ടെ​ന്നൊ​ന്നും മാ​റി​ല്ല. സി​ക്സ​റി​നോ​ട് അ​മി​താ​സ​ക്തി കാ​ണാ​തി​രു​ന്ന​പ്പോ​ൾ ഓ​ർ​മ വ​ന്ന​ത് കോ​ഹ്‌​ലി​യു​ടെ ബാ​റ്റിം​ഗാ​ണ്. ഏ​തൊ​രു സാ​ഹ​ച​ര്യ​ത്തി​ലും വി​ട്ടു​വീ​ഴ്ച​യി​ല്ലാ​തെ ക്രി​ക്ക​റ്റിം​ഗ് ഷോ​ട്ടു​ക​ളി​ലൂ​ടെ​യാ​ണ് കോ​ഹ്‌​ലി​യു​ടെ റ​ൺ​യാ​ത്ര. ആ​യു​ഷ് മാ​ത്രെ​യി​ലും അ​ത്ത​ര​മൊ​രു ക്ലാ​സ് മി​ന്നു​ന്നു​ണ്ട്.

ര​ണ്ടു ശൈ​ലി​ക്കാ​രാ​യ​തി​നാ​ൽ വൈ​ഭ​വി​നെ​യും ആ​യു​ഷി​നെ​യും താ​ര​ത​മ്യം ചെ​യ്യു​ന്ന​ത് അ​നു​ചി​ത​മാ​കും. മൂ​ന്നു വ​ർ​ഷ​ത്തെ പ​രി​ശീ​ല​ന​ക്കൂ​ടു​ത​ൽ ആ​യു​ഷി​ൽ കു​റ​ച്ചു​കൂ​ടി പ​ക്വ​ത വ​രു​ത്തി. ധോ​ണി ആ​യു​ഷി​നെ ഉ​പ​ദേ​ശി​ച്ച​ത് ഒ​രി​ക്ക​ലും വൈ​ഭ​വി​നെ അ​നു​ക​രി​ക്കാ​ൻ നോ​ക്ക​രു​തെ​ന്നാ​ണ്. ഇ​രു​വ​രു​ടെ​യും ശൈ​ലി ധോ​ണി സൂ​ക്ഷ്മ​മാ​യി നി​രീ​ക്ഷി​ച്ചെ​ന്നു വ്യ​ക്തം.

രാ​ഹു​ൽ ദ്രാ​വി​ഡ് വൈ​ഭ​വി​നെ​ക്കു​റി​ച്ച് പ​റ​ഞ്ഞ​ത്, ആ ​കു​ട്ടി​യെ കൂ​ടു​ത​ൽ നി​യ​ന്ത്രി​ക്കാ​തെ സ്വ​ത​സി​ദ്ധ​മാ​യ രീ​തി​യി​ൽ ക​ളി​ക്കാ​ൻ അ​നു​വ​ദി​ക്കു​ക എ​ന്നാ​ണ്. ചേ​ർ​ത്തു​പി​ടി​ക്കാ​ൻ ധോ​ണി, ദ്രാ​വി​ഡ് തു​ട​ങ്ങി​യ​വ​രു​ണ്ടാ​കു​ന്പോ​ൾ ഈ ​കു​ട്ടി​ക​ൾ കു​തി​ക്കു​ക ത​ന്നെ ചെ​യ്യും.

ബാ​റ്റിം​ഗി​ലെ മി​ന്നും വേ​ഗം

പ്രാ​യ​ത്തി​ൽ ക​വി​ഞ്ഞ പ്ര​ക​ട​നം ഇ​താ​ദ്യ​മ​ല്ല. ക്രി​ക്ക​റ്റി​ൽ​ത​ന്നെ സ​ച്ചി​നും കാം​ബ്ലി​യും കോ​ഹ്ലി​യും ലാ​റ​യും ഉ​ദാ​ഹ​ര​ണം. സ്വ​ത​സി​ദ്ധ​മെ​ന്നു വി​ളി​ക്കു​ന്ന ജൈ​വ​ഘ​ട​ക​ങ്ങ​ൾ ഒ​രു ബൗ​ള​റേ​ക്കാ​ൾ കൂ​ടു​ത​ൽ വേ​ണ്ട​ത് ബാ​റ്റ​ർ​ക്കാ​ണ്. പ്ര​തി​ഭാ​സ​മാ​യി അ​വ​ത​രി​ക്കു​ന്ന ചി​ല ക​ളി​ക്കാ​രി​ൽ പ്ര​ക​ട​മാ​യ ചി​ല ന്യൂ​റോ​പ​തി​ക് സാ​ധ്യ​ത ഉ​ണ്ടെ​ന്നു പ​ഠ​ന​ങ്ങ​ൾ പ​റ​യു​ന്നു. ഏ​റ്റ​വും പ്ര​ധാ​നം ശ​രീ​ര​ത്തി​ലെ ന്യൂ​റോ​ൺ വി​ന്യാ​സ​ത്തി​ലെ ചി​ല പ്ര​ത്യേ​ക​ത​ക​ളാ​ണെ​ന്ന് ആ​ധു​നി​ക ശാ​സ്ത്രം ചൂ​ണ്ടി​ക്കാ​ട്ടു​ന്നു.

ഒ​രു ബാ​റ്റ​റെ​ക്കു​റി​ച്ചു മാ​ത്ര​മാ​യി പ​റ​യു​മ്പോ​ൾ എ​ടു​ത്തു പ​റ​യേ​ണ്ട കാ​ര്യം ഒ​രു ഷോ​ട്ട് ക​ളി​ക്കാ​നെ​ടു​ക്കു​ന്ന സ​മ​യ​മാ​ണ്. മ​ണി​ക്കൂ​റി​ൽ 140 കി​ലോ​മീ​റ്റ​ർ ശ​രാ​ശ​രി വേ​ഗ​ത്തി​ൽ വ​രു​ന്ന ഒ​രു പ​ന്ത് ക​ളി​ക്കാ​ൻ ഒ​രു ബാ​റ്റ​ർ​ക്കു കി​ട്ടു​ക ഏ​ക​ദേ​ശം 0.5 സെ​ക്ക​ൻ​ഡ് മാ​ത്രം. അ​താ​യ​ത് ഒ​രു സെ​ക്ക​ൻ​ഡി​ൽ 40 മീ​റ്റ​ർ! ക്രീ​സി​ന്‍റെ നീ​ള​വും ബാ​റ്റ​റു​ടെ സ്ഥാ​ന​വും ഒ​ക്കെ കി​ഴി​ച്ചാ​ൽ 20 മീ​റ്റ​ർ ആ​ണ് ബാ​റ്റി​ലെ​ത്താ​ൻ പ​ന്ത് സ​ഞ്ച​രി​ക്കു​ന്ന​ത്.

ബൗ​ള​റു​ടെ കൈ​യി​ൽ​നി​ന്നു വി​ടു​ന്ന വേ​ള​യി​ൽ​ത്ത​ന്നെ പ​ന്തി​ന്‍റെ വേ​ഗം, ദി​ശ, സ്ഥാ​നം എ​ന്നി​വ ക​ണ​ക്കു​കൂ​ട്ടാ​ൻ ക​ഴി​യ​ണം. സെ​ക്ക​ൻ​ഡി​ൽ 30 മു​ത​ൽ 60 വ​രെ ഫ്രെ​യി​മു​ക​ളാ​യാ​ണ് ദൃ​ശ്യ​ങ്ങ​ൾ ക​ണ്ണി​ൽ പ​തി​ക്കു​ന്ന​ത്. എ​ല്ലാ ക്രി​യ​ക​ൾ​ക്കു​മാ​യി കി​ട്ടു​ന്ന​ത് ഒ​രു സെ​ക്ക​ൻ​ഡി​ന്‍റെ പ​കു​തി മാ​ത്ര​മാ​ണെ​ന്നു മ​ന​സി​ലാ​ക്കി​യാ​ൽ ബാ​റ്റിം​ഗി​നു വേ​ണ്ട ഏ​കാ​ഗ്ര​ത​യു​ടെ ആ​ഴ​മ​റി​യാം.

കാ​ഴ്ച​യു​ടെ സെ​ൻ​സ​റി ന്യൂ​റോ​ണു​ക​ളും ത​ല​ച്ചോ​റും ത​മ്മി​ലു​ള്ള ഏ​കോ​പ​ന​മാ​ണ് നി​ർ​ണാ​യ​കം. ചി​ല​ർ​ക്കു ജ​ന്മ​സി​ദ്ധ​മാ​യി കി​ട്ടു​ന്ന ക​ഴി​വി​ൽ ഈ ​സി​ഗ്ന​ലു​ക​ളു​ടെ പ്ര​യാ​ണ​ത്തി​നെ​ടു​ക്കു​ന്ന സ​മ​യം വ​ള​രെ കു​റ​വാ​യി​രി​ക്കും.

പ്ര​തി​ഭ​ക​ൾ ര​ണ്ടു​ത​രം. ജ​ന്മ​സി​ദ്ധ ജ​നി​ത​ക​ഘ​ട​ന​യു​ള്ള​വ​ർ. നി​ര​ന്ത​ര പ​രി​ശീ​ല​ന​ത്തി​ലൂ​ടെ സ്വാ​യ​ത്ത​മാ​ക്കി​യ ക​ഴി​വു​ള്ള​വ​ർ‌. ര​ണ്ടി​നും നേ​ട്ട​വും കോ​ട്ട​വും ഉ​ണ്ട്. ജ​ന്മ​സി​ദ്ധ ജ​നി​ത​ക​ഘ​ട​ന​യു​ള്ള​വ​ർ ചെ​റു​പ്രാ​യ​ത്തി​ൽ​ത്ത​ന്നെ കു​തി​ക്കും. ജ​ന്മ​സി​ദ്ധ​മാ​യ ക​ഴി​വു​ള്ള​യാ​ൾ​ക്കു പ​രി​ശീ​ല​നം​കൂ​ടി ചേ​രു​ന്പോ​ൾ അ​മാ​നു​ഷി​ക പ്ര​തി​ഭ​ക​ളാ​കും. സ​ച്ചി​ൻ ടെ​ണ്ടു​ൽ​ക്ക​ർ, ബ്ര​യ​ൻ ലാ​റ, മാ​റ​ഡോ​ണ, മെ​സി...

ഇ​ത്ത​വ​ണ ഐ​പി​എ​ല്ലി​ൽ വേ​റെ​യും യു​വ​പ്ര​തി​ഭ​ക​ളെ ക​ണ്ടു. കേ​ര​ള​ത്തി​ൽ​നി​ന്നു​ള്ള 24കാ​ര​ൻ വി​ഗ്നേ​ഷ് പു​തൂ​ർ. ആ​ദ്യ മ​ത്സ​ര​ത്തി​ൽ മും​ബൈ ഇ​ന്ത്യ​ൻ​സി​നാ​യി മൂ​ന്നു വി​ക്ക​റ്റെ​ടു​ത്തു ഈ ​ഇ​ടം കൈ​യ​ൻ ലെ​ഗ് സ്പി​ന്ന​ർ (ചൈ​നാ​മാ​ൻ). കൂ​ടാ​തെ പ്രി​യാ​ൻ​ഷ് ആ​ര്യ, ദേ​വ​ദ​ത്ത് പ​ടി​ക്ക​ൽ, റി​യാ​ൻ പ​രാ​ഗ്, അ​ങ്ക്രി​ഷ് ര​ഘു​വം​ശി എ​ന്നി​ങ്ങ​നെ 25 വ​യ​സി​ൽ താ​ഴെ​യു​ള്ള ഒ​രു ഡ​സ​നി​ല​ധി​കം പേ​ർ. ക​ളി​ക്കാ​രെ വി​ര​മി​ക്കു​ന്നു​ള്ളൂ, പ്ര​തി​ഭ തു​ട​രും.