ഓ​സ്ക​റി​ന​ടു​ത്തെ​ത്തി​യ ബോ​ളി​വു​ഡി​ന്‍റെ "അ​മ്മ'
ഇ​ന്ത്യ​യി​ൽ ആ​ദ്യ​മാ​യി ഓ​സ്ക​ർ അ​വാ​ർ​ഡി​ന്‍റെ വ​ര​വ് വ​സ്ത്രാ​ല​ങ്കാ​രം വ​ഴി​യാ​യി​രു​ന്നു. ഭാ​നു അ​ത​യ്യ​യ്ക്കു ഗാ​ന്ധി (1982) സി​നി​മ​യി​ലാ​ണ് വ​സ്ത്രാ​ല​ങ്കാ​ര​ത്തി​ന് ഓ​സ്ക​ർ ല​ഭി​ച്ച​ത്.

എ​ന്നാ​ൽ, 1958ൽ ​ആ​ദ്യ​മാ​യി ഒ​രു ബോ​ളി​വു​ഡ് ച​ല​ച്ചി​ത്രം മി​ക​ച്ച അ​ന്ത​ർ​ദേ​ശീ​യ ചി​ത്രം എ​ന്ന നി​ല​യി​ൽ ഓ​സ്ക​ർ നോ​മി​നേ​ഷ​ൻ നേ​ടി​യി​രു​ന്നു. മെ​ഹ​ബൂ​ബ് ഖാ​ന്‍റെ "മ​ദ​ർ ഇ​ന്ത്യ’ എ​ന്ന ടെ​ക്നി​ക​ള​ർ മെ​ലോ​ഡ്രാ​മ മ​റ്റു പ​ല കാ​ര​ണ​ങ്ങ​ളാ​ലും ഇ​ന്ത്യ​ൻ സി​നി​മാ​ച​രി​ത്ര​ത്തി​ലെ ഒ​രു നാ​ഴി​ക​ക്ക​ല്ലാ​ണ്. വ​ൻ സാ​ന്പ​ത്തി​ക വി​ജ​യ​ത്തി​ന​പ്പു​റം ഒ​രു യു​ഗ​സം​ക്ര​മ​ത്തെ നാ​ട​കീ​യ​മാ​യും പ്ര​തീ​കാ​ത്മ​ക​മാ​യും അ​ട​യാ​ള​പ്പെ​ടു​ത്തു​ന്ന "മ​ദ​ർ ഇ​ന്ത്യ’ പ​ല കാ​ര​ണ​ങ്ങ​ളാ​ൽ ച​ല​ച്ചി​ത്ര ച​ർ​ച്ച​ക​ളി​ൽ ഇ​ന്നും ഇ​ടം പി​ടി​ക്കു​ന്നു.

ഭാ​ര​ത് മാ​താ കീ ​ജ​യ്

സാ​റ്റ​ലൈ​റ്റ് യു​ഗം എ​ത്തും​വ​രെ തി​യ​റ്റ​റു​ക​ളി​ൽ പ്ര​ദ​ർ​ശി​പ്പി​ക്ക​പ്പെ​ട്ടി​രു​ന്ന ഈ ​ചി​ത്രം എ​ങ്ങ​നെ​യാ​ണ് ച​രി​ത്ര​ത്തി​ലി​ടം നേ​ടി​യ​ത്? ഇം​ഗ്ലീ​ഷ് ശീ​ർ​ഷ​കം പേ​റു​ന്ന ഈ ​ഹി​ന്ദി ചി​ത്രം ഇ​ന്ത്യ​ൻ സ്വാ​ത​ന്ത്ര്യ​സ​മ​ര കാ​ല സ്മ​ര​ണ​ക​ൾ ഉ​ണ​ർ​ത്തു​ന്നു. ബ​ങ്കിം ച​ന്ദ്ര ച​തോ​പാ​ധ്യാ​യ​യു​ടെ ആ​ന​ന്ദ​മ​ഠം (1882) എ​ന്ന നോ​വ​ലി​ൽ​നി​ന്ന് ഇ​ന്ത്യ​ൻ സ്വാ​ത​ന്ത്ര്യ​സ​മ​ര മു​ദ്രാ​വാ​ക്യ​മാ​യി ക​ട​ന്നു​വ​ന്ന "ഭാ​ര​ത് മാ​താ കീ ​ജ​യ്’ ആ​ണ് ഇ​തി​ന്‍റെ ഉ​റ​വി​ടം.

ഭാ​ര​ത് മാ​താ​യെ "മ​ദ​ർ ഇ​ന്ത്യ’ ആ​ക്കി​യ​തു വ​ഴി സം​വി​ധാ​യ​ക​ൻ 1927ൽ ​ഇ​ന്ത്യ​ൻ സ്വാ​ത​ന്ത്ര്യ​സ​മ​രം കൊ​ടു​ന്പി​രി കൊ​ണ്ടു​വ​രു​ന്പോ​ൾ പ്ര​സി​ദ്ധീ​ക​രി​ക്ക​പ്പെ​ട്ട ഒ​രു പു​സ്ത​കം ഉ​യ​ർ​ത്തി​യ ചി​ല ദേ​ശീ​യ സ്വ​ത്വ​പ്ര​ശ്ന​ങ്ങ​ൾ​ക്കു മ​റു​പ​ടി പ​റ​യു​ക​യാ​യി​രു​ന്നു.

മേ​യോ​യു​ടെ മ​ഞ്ഞ​ക്ക​ണ്ണ​ട

1927ൽ ​കാ​ത​റൈ​ൻ മേ​യോ എ​ന്ന അ​മേ​രി​ക്ക​ൻ ച​രി​ത്ര​കാ​രി ഇ​ന്ത്യ സ​ന്ദ​ർ​ശി​ച്ചു. ഗാ​ന്ധി​യ​ട​ക്ക​മു​ള്ള സ്വാ​ത​ന്ത്ര്യ​സ​മ​ര നേ​താ​ക്ക​ളെ ക​ണ്ടു. അ​ഞ്ചു മാ​സം ചു​റ്റി​സ​ഞ്ച​രി​ച്ച് ഇ​ന്ത്യ​യി​ലെ പ​ല പ്ര​ദേ​ശ​ങ്ങ​ളി​ലു​മു​ള്ള നാ​നാ​വി​ഭാ​ഗ​ത്തി​ൽ​പ്പെ​ട്ട മ​നു​ഷ്യ​രു​മാ​യി ഇ​ട​പെ​ടു​ക​യും ചെ​യ്ത മേ​യോ നാ​ട്ടി​ൽ തി​രി​കെ ചെ​ന്നു "മ​ദ​ർ ഇ​ന്ത്യ’ എ​ന്ന പേ​രി​ൽ പ്ര​സി​ദ്ധീ​ക​രി​ച്ച ഗ്ര​ന്ഥം "ഭാ​ര​ത് മാ​താ’ എ​ന്ന പ​ദ​മു​ൾ​ക്കൊ​ള്ളു​ന്ന വൈ​കാ​രി​ക​വും സാം​സ്കാ​രി​ക​വു​മാ​യ ധ്വ​നി​ക​ളെ ശ​രി​ക്കും അ​പ​നി​ർ​മി​ച്ചു എ​ന്നു പ​റ​യ​ണം.

അ​മേ​രി​ക്ക​ൻ വെ​ള്ള​ക്കാ​രി​യു​ടെ വം​ശീ​യ ധാ​ർ​ഷ്ട്യ​വും വ​ർ​ണ-​മ​ത മു​ൻ​വി​ധി​ക​ളും തു​റ​ന്നു​പ്ര​ക​ടി​പ്പി​ച്ചി​രു​ന്ന മേ​യോ ഇ​ന്ത്യ​ൻ ജീ​വി​ത​ത്തി​ന്‍റെ ഇ​രു​ണ്ട മേ​ഖ​ല​ക​ളെ ആ​വ​ശ്യ​ത്തി​ലേ​റെ പ്രാ​ധാ​ന്യ​ത്തോ​ടെ പെ​രു​പ്പി​ച്ചു കാ​ട്ടി​യ​തു ക​ടു​ത്ത വി​മ​ർ​ശ​നം ക്ഷ​ണി​ച്ചു​വ​രു​ത്തി.

രോ​ഷം​കൊ​ണ്ട ഗാ​ന്ധി
ആ​നി ബ​സ​ന്‍റും ഗാ​ന്ധി​യും മാ​ത്ര​മ​ല്ല അ​മേ​രി​ക്ക​യി​ലും ബ്രി​ട്ട​നി​ലും പ​ല​രും മേ​യോ​യു​ടെ പു​സ്ത​ക​ത്തെ വെ​റു​തെ​വി​ട്ടി​ല്ല. ഇ​ന്ത്യ​യി​ലെ നീ​ച​മാ​യ ജീ​വി​താ​വ​സ്ഥ​ക​ൾ, ദാ​രി​ദ്ര്യം, പ​ര​ന്പ​രാ​ഗ​ത​മാ​യ ദു​രാ​ചാ​ര​ങ്ങ​ൾ, ബാ​ല​വി​വാ​ഹ​മ​ട​ക്കം സ്ത്രീ​ക​ൾ നേ​രി​ടു​ന്ന ചൂ​ഷ​ണം, ആ​ക​മാ​ന​മാ​യ വൃ​ത്തി​ഹീ​ന​ത - ഇ​തൊ​ക്കെ​യാ​യി​രു​ന്നു പു​സ്ത​കം വി​സ്ത​രി​ച്ചു പ​റ​ഞ്ഞ​ത്.

"മാ​ലി​ന്യ​നി​ർ​ഗ​മ​ന ദ്വാ​ര​ങ്ങ​ൾ മാ​ത്രം പ​രി​ശോ​ധി​ക്കാ​ന​യ​യ്ക്ക​പ്പെ​ട്ട ഒ​രു മാ​ലി​ന്യ പ​രി​ശോ​ധ​ക​ന്‍റെ റി​പ്പോ​ർ​ട്ട്’ എ​ന്നാ​ണ് ഗാ​ന്ധി​ജി പു​സ്ത​ക​ത്തെ വി​ല​യി​രു​ത്തി​യ​ത്. വി​രോ​ധാ​ഭാ​സ​മെ​ന്നു പ​റ​യ​ണം മേ​യോ മ​ദാ​മ്മ​യു​ടെ പു​സ്ത​കം ഉ​ണ​ർ​ത്തി​യ പ്ര​തി​ഷേ​ധ​ജ്വാ​ല​ക​ൾ സ്വാ​ത​ന്ത്ര്യ​സ​മ​ര സേ​നാ​നി​ക​ൾ​ക്കു കൂ​ടു​ത​ൽ വീ​ര്യം പ​ക​ർ​ന്നു.

മ​ദ​ർ ഇ​ന്ത്യ പ​റ​ഞ്ഞ​ത്

സ്വാ​ത​ന്ത്ര്യാ​ന​ന്ത​ര​വും ദേ​ശീ​യ ബോ​ധ​ത്തി​ലു​യ​ർ​ന്നു​നി​ന്ന അ​ഭി​മാ​ന​ബോ​ധ​വും പു​രോ​ഗ​മ​ന​ത്വ​ര​യും പ​രി​വ​ർ​ത്ത​നാ​ഭി​മു​ഖ്യ​വു​മൊ​ക്കെ കെ​ടാ​തെ​നി​ന്നു. നെ​ഹ്റു​വി​ന്‍റെ ഇ​ന്ത്യ ഫ്യൂ​ഡ​ൽ മൂ​ല്യ​ങ്ങ​ളെ തി​ര​സ്ക​രി​ച്ചും ഗ്രാ​മീ​ണ മേ​ഖ​ല​യി​ൽ ആ​ധു​നി​ക​ത​യെ വ​ര​വേ​റ്റും മു​ന്നേ​റാ​ൻ തു​ട​ങ്ങി. ഹ​രി​ത​വി​പ്ല​വം അ​തി​ന്‍റെ മു​ഖ്യ​ഭാ​ഗ​മാ​ണ്.

ഈ​യൊ​രു യു​ഗ​സം​ക്ര​മ​ത്തി​ന്‍റെ അ​ട​യാ​ള​പ്പെ​ടു​ത്ത​ലാ​ണ് മ​ദ​ർ ഇ​ന്ത്യ നി​ർ​വ​ഹി​ച്ച​ത്. 1930ക​ളി​ൽ ബോ​ളി​വു​ഡി​ൽ വ​ന്നെ​ത്തി​യ മെ​ഹ​ബൂ​ബ് ഖാ​ൻ താ​ൻ നി​ർ​മി​ച്ച ’ഔ​ര​ത്’ (1940) എ​ന്ന ചി​ത്ര​ത്തി​ന്‍റെ ക​ഥാ​ത​ന്തു പ്ര​മേ​യ​പ​ര​മാ​യി വി​പു​ലീ​ക​രി​ച്ചും ക​ഥ​യി​ൽ ചി​ല മാ​റ്റ​ങ്ങ​ൾ വ​രു​ത്തി​യും ഇ​തി​ഹാ​സ​ഭാ​വം ചാ​ർ​ത്തി ’മ​ദ​ർ ഇ​ന്ത്യ’​യാ​ക്കി തി​യ​റ്റ​റു​ക​ളി​ലെ​ത്തി​ച്ചു. പി​ന്നീ​ടു​ള്ള കാ​ല​ത്ത് ബോ​ളി​വു​ഡ് സി​നി​മ​യു​ടെ സ​മ​വാ​ക്യ​ങ്ങ​ളെ നി​ർ​ണാ​യ​ക​മാ​യി അ​തു സ്വാ​ധീ​നി​ക്കു​ക​യും ചെ​യ്തു. ’എ​ല്ലാ ഇ​ന്ത്യ​ൻ സി​നി​മ​യും മ​ദ​ർ ഇ​ന്ത്യ​യി​ൽ​നി​ന്നാ​ണു വ​രു​ന്ന​ത്’ എ​ന്നു സു​വേ​ദ് അ​ക്‌​ത​ർ പ്ര​സ്താ​വി​ക്കാ​ൻ കാ​ര​ണ​മി​താ​ണ്.

ഇ​തു രാ​ധ​യു​ടെ വീ​ര​ഗാ​ഥ

ത​ന്‍റെ ഗ്രാ​മ​ത്തി​ൽ പു​തു​താ​യി നി​ർ​മി​ച്ച ജ​ല​സേ​ച​ന ക​നാ​ലി​ന്‍റെ ഉ​ദ്ഘാ​ട​നം നി​ർ​വ​ഹി​ക്കാ​നെ​ത്തു​ന്ന ’രാ​ധ’ എ​ന്ന വ​യോ​ധി​ക​യാ​യ അ​മ്മ​യ്ക്കു നാ​ട്ടു​കാ​ർ കൊ​ടു​ക്കു​ന്ന സ്വീ​ക​ര​ണ​ത്തോ​ടെ​യാ​ണ് ക​ഥ തു​ട​ങ്ങു​ന്ന​ത്. രാ​ധ എ​ന്ന മു​ഖ്യ ക​ഥാ​പാ​ത്ര​ത്തി​ന്‍റെ പ്ര​തീ​ക സ്വ​ഭാ​വ​ത്തി​ലാ​ണ് ക​ഥ​യു​ടെ പ്ര​മേ​യം ഉ​റ​പ്പി​ച്ചി​രി​ക്കു​ന്ന​ത്.

1960 ക​ളി​ലെ സൂ​പ്പ​ർ താ​ര​ങ്ങ​ളാ​യ ന​ർ​ഗീ​സ്, സു​നി​ൽ ദ​ത്ത്, രാ​ജേ​ന്ദ്ര​കു​മാ​ർ, രാ​ജ്കു​മാ​ർ എ​ന്നി​വ​രും ക​ന​യ്യാ​ലാ​ലും ച​ഞ്ച​ലും മു​ഖ്യ​വേ​ഷ​ങ്ങ​ളി​ൽ വ​രു​ന്നു. ഹി​ന്ദി സി​നി​മ​യു​ടെ അ​വി​ഭാ​ജ്യ​ഘ​ട​ക​മാ​യ നൃ​ത്ത​ങ്ങ​ളും പാ​ട്ടു​ക​ളും ഇ​തി​നെ​യും സ​ന്പ​ന്ന​മാ​ക്കു​ന്നു. മൂ​ന്നു മ​ണി​ക്കൂ​റോ​ള​മു​ള്ള ചി​ത്ര​ത്തി​ന്‍റെ 40 മി​നി​റ്റു​ക​ൾ 12 ഗാ​ന​ങ്ങ​ൾ​ക്കാ​യി നീ​ക്കി​വ​ച്ചി​രി​ക്കു​ന്നു.

പി​ന്ന​ണി ഗാ​ന​രം​ഗ​ത്തെ ആ​ചാ​ര്യ​നാ​യ നൗ​ഷാ​ദാ​ണ് സം​ഗീ​ത​സം​വി​ധാ​നം. ഹി​ന്ദു​സ്ഥാ​നി സം​ഗീ​ത​ത്തി​നൊ​പ്പം പാ​ശ്ചാ​ത്യ ക്ലാ​സി​ക്ക​ൽ സം​ഗീ​ത​വും മേ​ന്പൊ​ടി​ക്ക് ചേ​ർ​ത്തി​ട്ടു​ണ്ട്. പി​ന്ന​ണി പാ​ടി​യ​വ​രെ​ല്ലാം ഈ ​രം​ഗ​ത്തെ സൂ​പ്പ​ർ താ​ര​ങ്ങ​ൾ, മ​ങ്കേ​ഷ്ക​ർ സ​ഹോ​ദ​രി​മാ​ർ, ഷം​ഷ​ദ്ബീ​ഗം, മു​ഹ​മ്മ​ദ് റാ​ഫി, മ​ന്നാ​ഡേ എ​ന്നി​വ​ർ.

ജി​ജി ജോ​സ​ഫ് കൂ​ട്ടു​മ്മേ​ൽ


Copyright @ 2022 , Rashtra Deepika Ltd.