നോ​വ​ലി​സ്റ്റ്, ജേ​ർ​ണ​ലി​സ്റ്റ്, ക​വി, ത​ത്വ​ചി​ന്ത​ക​ൻ, രാ​ഷ്ട്രീ​യ​ക്കാ​ര​ൻ എ​ന്നി​ങ്ങ​നെ വി​വി​ധ നി​ല​ക​ളി​ൽ പ്ര​ശോ​ഭി​ച്ച ഗ്രീ​ക്ക് സാ​ഹി​ത്യ​കാ​ര​നാ​ണ് നി​ക്കോ​സ് ക​സാ​ന്‍റ്സാ​ക്കി​സ് (1883-1957). യൂ​ണി​വേ​ഴ്സി​റ്റി ഓ​ഫ് ആ​ഥ​ൻ​സ്, യൂ​ണി​വേ​ഴ്സി​റ്റി ഓ​ഫ് പാ​രി​സ് എ​ന്നി​വി​ട​ങ്ങ​ളി​ൽ​നി​ന്ന് ഉ​ന്ന​ത​ബി​രു​ദ​ങ്ങ​ൾ നേ​ടി​യി​ട്ടു​ള്ള അ​ദ്ദേ​ഹം എ​ഴു​തി​യ പ്ര​സി​ദ്ധ​മാ​യ നോ​വ​ലാ​ണ് "സോ​ർ​ബ ദ ​ഗ്രീ​ക്ക്'. 1946ൽ ​ആ​ദ്യ​മാ​യി പ്ര​സി​ദ്ധീ​ക​രി​ച്ച ഈ ​നോ​വ​ലി​നെ ആ​ധാ​ര​മാ​ക്കി 1964ൽ ​നി​ർ​മി​ക്ക​പ്പെ​ട്ട ഹോ​ളി​വു​ഡ് സി​നി​മ വ​ൻ​വി​ജ​യ​മാ​യി​രു​ന്നു.

സോ​ർ​ബ ദ ​ഗ്രീ​ക്ക് എ​ന്ന നോ​വ​ലി​ലെ പ്ര​ധാ​ന​ക​ഥാ​പാ​ത്ര​ത്തി​ന്‍റെ പേ​ര് അ​ല​ക്സി​സ് സോ​ർ​ബ എ​ന്നാ​ണ്. ര​ണ്ടാ​മ​ത്തെ പ്ര​ധാ​ന ക​ഥാ​പാ​ത്ര​മാ​ക​ട്ടെ ക​ഥ പ​റ​യു​ന്ന ആ​ളും. എ​ന്നാ​ൽ അ​ദ്ദേ​ഹ​ത്തി​ന് ക​ഥാ​കാ​ര​ൻ പേ​രു ന​ൽ​കി​യി​ട്ടി​ല്ല. ബോ​സ് എ​ന്നാ​ണ് സോ​ർ​ബ അ​ദ്ദേ​ഹ​ത്തെ വി​ളി​ക്കു​ക. കാ​ര​ണം ക്രീ​റ്റി​ൽ ബോ​സ് ആ​രം​ഭി​ച്ച ഒ​രു ക​ൽ​ക്ക​രി ഖ​നി​യി​ലെ ജീ​വ​ന​ക്കാ​ര​നാ​ണ് സോ​ർ​ബ.

പു​സ്ത​ക​വാ​യ​ന​യി​ലും ത​ത്വ​ചി​ന്ത​യി​ലു​മാ​യി ജീ​വി​തം ത​ള്ളി​നീ​ക്കി​യി​രു​ന്ന ഒ​രു​വ​നാ​യി​രു​ന്നു ബോ​സ്. ആ ​ജീ​വി​ത​രീ​തി​യി​ൽ​നി​ന്നു പു​റ​ത്തു​ക​ട​ക്കാ​ൻ വേ​ണ്ടി​യാ​യി​രു​ന്നു ബോ​സ് ക​ൽ​ക്ക​രി ഖ​നി ആ​രം​ഭി​ച്ച​ത്. ക്രീ​റ്റി​ലേ​ക്കു​ള്ള യാ​ത്രാ​മ​ധ്യേ​യാ​ണ് ബോ​സ് സോ​ർ​ബ​യെ ക​ണ്ടു​മു​ട്ടി​യ​ത്. ഏ​തു ജോ​ലി​യും ചെ​യ്യാ​ൻ ത​യാ​റാ​യി​രു​ന്ന അ​യാ​ളെ ബോ​സ് ത​ന്‍റെ ജീ​വ​ന​ക്കാ​ര​നാ​ക്കി.

ഒൗ​ദ്യോ​ഗി​ക വി​ദ്യാ​ഭ്യാ​സ​മി​ല്ലാ​തി​രു​ന്നി​ട്ടും ജീ​വ​ത​ത്തെ​ക്കു​റി​ച്ച് വ​ലി​യ ഉ​ൾ​ക്കാ​ഴ്ച​ക​ൾ സോ​ർ​ബ​യ്ക്കു​ണ്ടാ​യി​രു​ന്നു. അ​തു​പോ​ലെ​ത്ത​ന്നെ ജീ​വി​ത​ത്തെ വ​ലി​യ ആ​വേ​ശ​ത്തോ​ടെ സ​മീ​പി​ച്ചി​രു​ന്ന ആ​ളാ​യി​രു​ന്നു സോ​ർ​ബ. അ​യാ​ൾ ക​ഥ​ക​ൾ പ​റ​യും. പാ​ട്ടു​പാ​ടും. നൃ​ത്തം​ചെ​യ്യും. ഭ​യം​കൂ​ടാ​തെ ജീ​വി​ത​യാ​ഥാ​ർ​ഥ്യ​ങ്ങ​ളെ സ​മീ​പി​ക്കു​ക എ​ന്ന​താ​യി​രു​ന്നു അ​യാ​ളു​ടെ നി​ല​പാ​ട്.

ക​ൽ​ക്ക​രി ഖ​ന​നം ആ​രം​ഭി​ക്കാ​ൻ ക്രീ​റ്റി​ലെ​ത്തി​യ അ​വ​ർ അ​വി​ടെ​യു​ണ്ടാ​യി​രു​ന്ന ഗ്രാ​മീ​ണ​രു​മാ​യി സൗ​ഹൃ​ദം സ്ഥാ​പി​ച്ചു. എ​ന്നാ​ൽ ഖ​ന​ന​പ​ദ്ധ​തി പ്ര​തീ​ക്ഷി​ച്ച​തു​പോ​ലെ മു​ന്നോ​ട്ടു​പോ​യി​ല്ല. എ​ന്നു​മാ​ത്ര​മ​ല്ല അ​തു വ​ൻ പ​രാ​ജ​യ​മാ​യി ക​ലാ​ശി​ക്കു​ക​യും ചെ​യ്തു. സാ​ന്പ​ത്തി​ക​മാ​യി ബോ​സ് പാ​ടേ ത​ക​ർ​ന്നു. കാ​ര്യ​ങ്ങ​ൾ ഇ​ങ്ങ​നെ ഏ​റെ പ്ര​തി​കൂ​ല​മാ​യ​പ്പോ​ൾ സോ​ർ​ബ എ​ന്താ​ണു ചെ​യ്ത​തെ​ന്നോ.

അ​യാ​ൾ പൊ​ട്ടി​ച്ചി​രി​ക്കാ​നും നൃ​ത്തം​ചെ​യ്യാ​നും തു​ട​ങ്ങി. അ​തു​മാ​ത്ര​മ​ല്ല സോ​ർ​ബ ചെ​യ്ത​ത്. പൊ​ട്ടി​ച്ചി​രി​ച്ച് നൃ​ത്ത​മാ​ടാ​ൻ അ​യാ​ൾ ബോ​സി​നെ ക്ഷ​ണി​ച്ചു. അ​തു​വ​രെ എ​ല്ലാം ക​ണ​ക്കു​കൂ​ട്ടി വി​ല​യി​രു​ത്തി ചെ​യ്തി​രു​ന്ന വ്യ​ക്തി​യാ​യി​രു​ന്നു ബോ​സ്.

പാ​ട്ടു​പാ​ടു​ക​യും നൃ​ത്തം​ച​വി​ട്ടു​ക​യും ചെ​യ്യു​ക​യെ​ന്ന​ത് അ​ദ്ദേ​ഹ​ത്തി​ന് അ​പ​രി​ചി​ത​മാ​യി​രു​ന്നു. എ​ന്നാ​ൽ ജീ​വി​ത​ത്തി​ൽ ത​ക​ർ​ച്ച നേ​രി​ട്ട​പ്പോ​ഴും ത​ന്‍റെ ആ​ത്മാ​വി​ൽ അ​തു പോ​റ​ലേ​ല്പി​ക്കാ​ൻ അ​നു​വ​ദി​ക്കാ​തെ പാ​ട്ടു​പാ​ടു​ക​യും നൃ​ത്തം​ച​വി​ട്ടു​ക​യും ചെ​യ്യു​ന്ന സോ​ർ​ബ​യെ ക​ണ്ട​പ്പോ​ൾ, ബോ​സും താ​ൻ അ​റി​യാ​തെ​ത​ന്നെ പൊ​ട്ടി​ച്ചി​രി​ച്ചു​കൊ​ണ്ട് നൃ​ത്തം​ചെ​യ്യാ​ൻ ത​യാ​റാ​യി.

അ​തോ​ടെ​യാ​ണ് നോ​വ​ലി​ലും സി​നി​മ​യി​ലും ക​ഥ അ​വ​സാ​നി​ക്കു​ന്ന​ത്.​ജീ​വി​ത​ത്തി​ലെ സ​ന്തോ​ഷ​ങ്ങ​ൾ ആ​ഹ്ലാ​ദ​ത്തോ​ടെ നാം ​സ്വാ​ഗ​തം ചെ​യ്യും. എ​ന്നാ​ൽ ക​ഷ്ട​പ്പാ​ടു​ക​ളെ തു​റ​ന്ന മ​ന​സോ​ടെ നാം ​സ്വീ​ക​രി​ക്കു​മോ? സം​ശ​യ​മാ​ണ്. എ​ന്നാ​ൽ സോ​ർ​ബ​യു​ടെ കാ​ര്യ​ത്തി​ൽ സം​ഭ​വി​ച്ച​ത് അ​ങ്ങ​നെ​യാ​യി​രു​ന്നി​ല്ല.

ജീ​വി​ത​ത്തി​ലെ ക​ഷ്ട​പ്പാ​ടു​ക​ളും പ​രാ​ജ​യ​ങ്ങ​ളും അ​യാ​ളെ ത​ള​ർ​ത്തി​യി​ല്ല. അ​വ​യെ നേ​രി​ടേ​ണ്ടി​വ​ന്ന​പ്പോ​ഴും ത​ന്നി​ലെ സ​ന്തോ​ഷ​ഭാ​വം അ​യാ​ൾ കാ​ത്തു​സൂ​ക്ഷി​ച്ചു. അ​തോ​ടൊ​പ്പം, അ​വ​യെ​ക്കു​റി​ച്ച് ആ​ഹ്ലാ​ദി​ച്ച് നൃ​ത്തം​ചെ​യ്യാ​ൻ​വ​രെ അ​യാ​ൾ ത​യാ​റാ​യി. ദൈ​വ​വ​ച​നം പ​റ​യു​ന്നു: ""എ​പ്പോ​ഴും സ​ന്തോ​ഷ​ത്തോ​ടെ​യി​രി​ക്കു​വി​ൻ. ഇ​ട​വി​ടാ​തെ പ്രാ​ർ​ഥി​ക്കു​വി​ൻ. എ​ല്ലാ കാ​ര്യ​ങ്ങ​ളി​ലും ന​ന്ദി പ്ര​കാ​ശി​പ്പി​ക്കു​വി​ൻ. ഇ​താ​ണ് യേ​ശു​ക്രി​സ്തു​വി​ൽ നി​ങ്ങ​ളെ​ക്കു​റി​ച്ചു​ള്ള ദൈ​വ​ഹി​തം''- (1 തെ​സ 5:16-18).

എ​ന്തു​കൊ​ണ്ടാ​ണ് ഈ ​വ​ച​ന​ത്തി​ലൂ​ടെ എ​പ്പോ​ഴും സ​ന്തോ​ഷി​ക്കു​വാ​ൻ പൗ​ലോ​സ് അ​പ്പ​സ്തോ​ല​ൻ പ​ഠി​പ്പി​ക്കു​ന്ന​ത്? ന​മ്മു​ടെ ജീ​വ​ൻ ദൈ​വ​ത്തി​ന്‍റെ വ​ലി​യ ഒ​രു ദാ​ന​മ​ല്ലേ? ജീ​വി​ത​ത്തി​ൽ എ​ന്തു സം​ഭ​വി​ച്ചാ​ലും ജീ​വ​ൻ എ​ന്ന ദൈ​വ​ദാ​ന​ത്തെ ഓ​ർ​മി​ച്ച് നാം ​സ​ന്തോ​ഷി​ക്കേ​ണ്ട​ത​ല്ലേ? അ​തു​മാ​ത്ര​മോ, ന​മു​ക്ക് എ​ന്തു ത​ക​ർ​ച്ച നേ​രി​ട്ടാ​ലും ന​മ്മെ താ​ങ്ങു​വാ​ൻ സ്നേ​ഹ​സ​ന്പ​ന്ന​നാ​യ ദൈ​വ​മി​ല്ലേ? അ​പ്പോ​ൾ​പ്പി​ന്നെ അ​തേ​ക്കു​റി​ച്ചോ​ർ​ത്ത് നാം ​സ​ന്തോ​ഷി​ക്കേ​ണ്ട​ത​ല്ലേ?


അ​തു​പോ​ലെ​ത്ത​ന്നെ ഏ​തു ത​ക​ർ​ച്ച​യ്ക്കി​ട​യി​ലും ന​മ്മു​ടെ ജീ​വി​ത​ത്തി​ൽ സ​ന്തോ​ഷി​ക്കാ​ൻ എ​ത്ര​യോ കാ​ര്യ​ങ്ങ​ളു​ണ്ട്. അ​വ ഓ​ർ​മി​ക്കാ​ൻ സാ​ധി​ച്ചാ​ൽ ഏ​തു പ്ര​തി​സ​ന്ധി​ക്കി​ട​യി​ലും സോ​ർ​ബ​യെ​പ്പോ​ലെ നാം ​സ​ന്തോ​ഷി​ക്കു​ക​യും നൃ​ത്തം​ച​വി​ട്ടു​ക​യും ചെ​യ്യും. സോ​ർ​ബ പൊ​ട്ടി​ച്ചി​രി​ച്ച​ത് വ​ലി​യൊ​രു വി​ജ​യ​ത്തെ തു​ട​ർ​ന്നാ​യി​രു​ന്നി​ല്ല. പ്ര​ത്യു​ത, ഖ​നി​യി​ലെ അ​പ​ക​ട​ത്തെ തു​ട​ർ​ന്നാ​യി​രു​ന്നു. ആ ​അ​പ​ക​ട​ത്തി​ൽ ത​ന്‍റെ ജീ​വ​ൻ ന​ഷ്ട​പ്പെ​ടാ​ത്ത​തി​നെ​ക്കു​റി​ച്ചാ​യി​രു​ന്നി​രി​ക്ക​ണം അ​യാ​ൾ ആ​ഹ്ലാ​ദി​ച്ച​ത്.

സോ​ർ​ബ​യു​ടെ നൃ​ത്തം​ച​വി​ട്ട​ൽ ഒ​രു പ്രാ​ർ​ഥ​ന​യാ​യി​ട്ട് ന​മു​ക്ക് കാ​ണാ​വു​ന്ന​താ​ണ്. അ​തു​പോ​ലെ​ത്ത​ന്നെ അ​തൊ​രു ന​ന്ദി​പ്ര​ക​ട​ന​വു​മാ​യി ന​മു​ക്കു വി​ല​യി​രു​ത്താം. സോ​ർ​ബ​യു​ടെ ബോ​സ് അ​യാ​ളോ​ടൊ​പ്പം നൃ​ത്തം​ചെ​യ്യാ​നാ​രം​ഭി​ക്കു​ന്പോ​ൾ അ​ത​യാ​ൾ​ക്കൊ​രു ആ​ത്മീ​യ ബോ​ധോ​ദ​യം​ത​ന്നെ​യാ​യി മാ​റു​ന്നു. ഈ ​ആ​ത്മീ​യ ബോ​ധോ​ദ​യ​മാ​ണ് ന​മു​ക്കും വേ​ണ്ട​ത്.

ഇ​ന്ന​ത്തെ കാ​ല​ത്ത് പ​ല​രും എ​ത്ര​യോ എ​ത്ര​യോ പ്ര​തി​സ​ന്ധി​ക​ളി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. അ​വ​ർ താ​ങ്ങു​ന്ന ഭാ​രം പ​ല​പ്പോ​ഴും ഏ​റെ വ​ലു​താ​യി​രി​ക്കും. സാ​ന്പ​ത്തി​ക​പ്ര​ശ്ന​ങ്ങ​ളും രോ​ഗ​ങ്ങ​ളും വ്യ​ക്തി​ബ​ന്ധ​ങ്ങ​ളി​ലെ ത​ക​ർ​ച്ച​ക​ളു​മൊ​ക്കെ അ​തി​ൽ ഉ​ൾ​പ്പെ​ടാം. എ​ന്നാ​ൽ ഈ ​ദുഃ​ഖ​ദു​രി​ത​ങ്ങ​ൾ​ക്കി​ട​യി​ലും സ​ന്തോ​ഷി​ക്കാ​നും നി​ര​ന്ത​രം പ്രാ​ർ​ഥി​ക്കാ​നും ന​ന്ദി​യു​ള്ള​വ​രാ​യി​രി​ക്കാ​നും ന​മു​ക്കു സാ​ധി​ക്ക​ണം. എ​ങ്കി​ൽ മാ​ത്ര​മേ ജീ​വി​ത​പ്ര​ശ്ന​ങ്ങ​ൾ ന​മ്മു​ടെ ആ​ത്മാ​വി​ൽ പോ​റ​ലേ​ല്പി​ക്കാ​തി​രി​ക്കൂ.

ബ്രി​ട്ടീ​ഷ് എ​ഴു​ത്തു​കാ​ര​നും ചി​ന്ത​ക​നു​മാ​യ ജി.​കെ. ചെ​സ്റ്റ​ർ​ട്ട​ൻ എ​ഴു​തി: ""ലോ​ക​ത്തി​ൽ ഒ​രി​ക്ക​ലും അ​ദ്ഭു​ത​ങ്ങ​ളു​ടെ അ​ഭാ​വം ഉ​ണ്ടാ​കി​ല്ല, എ​ന്നാ​ൽ അ​ദ്ഭു​ത​ങ്ങ​ൾ കാ​ണു​ന്ന ക​ണ്ണു​ക​ളു​ടെ അ​ഭാ​വം ഉ​ണ്ടാ​കും''. ജീ​വി​ത​ത്തി​ലെ ക​ഷ്ട​പ്പാ​ടു​ക​ൾ​ക്കും സ​ങ്ക​ട​ങ്ങ​ൾ​ക്കു​മി​ട​യി​ലും ചു​റ്റു​മു​ള്ള അ​ദ്ഭു​ത​ങ്ങ​ൾ കാ​ണാ​ൻ നാം ​മ​ടി​ക്ക​രു​ത്. അ​തി​നാ​യി ന​മ്മു​ടെ ക​ണ്ണു​ക​ൾ എ​പ്പോ​ഴും തു​റ​ന്നു​വ​യ്ക്കാം. അ​പ്പോ​ൾ ഏ​തു സ​ങ്ക​ടാ​വ​സ്ഥ​യി​ലും സോ​ർ​ബ​യെ​പ്പോ​ലെ ന​മു​ക്കും പൊ​ട്ടി​ച്ചി​രി​ക്കാ​നും നൃ​ത്തം​ചെ​യ്യാ​നും സാ​ധി​ക്കും.