കാലിക്കറ്റ് സർവകലാശാലയുടെ മഞ്ചേരി ടീച്ചർ എജ്യുക്കേഷൻ സെന്‍ററിലെ (സിയുടിഇസി) കരാറടിസ്ഥാനത്തിലുള്ള അസിസ്റ്റന്‍റ് പ്രഫസർ നിയമനത്തിന് ഓൺലൈനായി അപേക്ഷിച്ചവരിൽ യോഗ്യരായി കണ്ടെത്തിയവർക്കുള്ള അഭിമുഖം 24ന് സർവകലാശാലാ ഭരണകാര്യാലയത്തിൽ നടക്കും. കൂടുതൽ വിവരങ്ങൾ വെബ്‌സൈറ്റിൽ.

വാക് ഇൻ ഇന്‍റർവ്യൂ

കാലിക്കട്ട് സർവകലാശാലാ ലൈഫ് സയൻസ് പഠനവകുപ്പിൽ കരാറടിസ്ഥാനത്തിലുള്ള വെറ്റിനറി സർജൻ നിയമനത്തിന് വാക് ഇൻ ഇന്‍റർവ്യൂ ഒക്ടോബർ 30ന് നടക്കും. യോഗ്യത: ബിവിഎസ്‌സി ആൻഡ് എഎച്ച്, 1984ലെ ഇന്ത്യൻ വെറ്റിനറി ആക്ട് പ്രകാരം കേരളാ സ്റ്റേറ്റ് വെറ്റിനറി കൗൺസിലിൽ രജിസ്‌ട്രേഷൻ. ഉയർന്ന പ്രായപരിധി: 45. താത്പര്യമുള്ളവർ അസൽ യോഗ്യതാ സർട്ടിഫിക്കറ്റുകൾ സഹിതം രാവിലെ 10.30ന് സിൻഡിക്കേറ്റ് കോൺഫറൻസ് ഹാളിൽ ഹാജരാകണം.

ഒറ്റത്തവണ റഗുലർ സപ്ലിമെന്‍ററി പരീക്ഷ

എല്ലാ അവസരങ്ങളും നഷ്ടമായവർക്കുള്ള അഞ്ചാം സെമസ്റ്റർ പാർട്ട് ടൈം ബിടെക് (2009 സ്‌കീം 2014 പ്രവേശനം) സെപ്റ്റംബർ 2024 ഒറ്റത്തവണ റഗുലർ സപ്ലിമെന്‍ററി പരീക്ഷകൾ ഒക്ടോബർ 15ന് തുടങ്ങും. കേന്ദ്രം: ടാഗോർ നികേതൻ, കാലിക്കട്ട് സർവകലാശാലാ ക്യാമ്പസ്. വിശദമായ സമയക്രമം വെബ്സൈറ്റിൽ.