ആ​ല​പ്പു​ഴ: പാ​റ​ശാ​ല​യി​ൽ ഷാ​രോ​ണ്‍ എ​ന്ന യു​വാ​വി​നെ ക​ഷാ​യ​ത്തി​ൽ വി​ഷം ക​ല​ർ​ത്തി ന​ൽ​കി കൊ​ല​പ്പെ​ടു​ത്തി​യ കേ​സി​ലെ മു​ഖ്യ​പ്ര​തി ഗ്രീ​ഷ്മ ജ​യി​ൽ​മോ​ചി​ത​യാ​യി. കേ​സി​ൽ ജാ​മ്യം ല​ഭി​ച്ച ഗ്രീ​ഷ്മ രാ​ത്രി ഏ​ഴോ​ടെ​യാ​ണ് ജ​യി​ലി​ൽ നി​ന്ന് പു​റ​ത്തി​റ​ങ്ങി​യ​ത്.

തി​ങ്ക​ളാ​ഴ്ച​യാ​ണ് ഗ്രീ​ഷ്മ​യ്ക്ക് ഹൈ​ക്കോ​ട​തി ജാ​മ്യം അ​നു​വ​ദി​ച്ച​ത്. മാ​വേ​ലി​ക്ക​ര കോ​ട​തി​യി​ൽ നി​ന്നു​ള്ള രേ​ഖ​ക​ൾ ജ​യി​ലി​ൽ ഹാ​ജ​രാ​ക്കി അ​ഭി​ഭാ​ഷ​ക​ർ ന​ട​പ​ടി​ക​ൾ പൂ​ർ​ത്തി​ക​രി​ച്ച​തോ​ടെ​യാ​ണ് ഗ്രീ​ഷ്മ പു​റ​ത്തി​റ​ങ്ങി​യ​ത്.

കേ​സി​ല്‍ അ​ന്വേ​ഷ​ണം പൂ​ര്‍​ത്തി​യാ​ക്കി കു​റ്റ​പ​ത്രം സ​മ​ര്‍​പ്പി​ച്ച സാ​ഹ​ച​ര്യ​ത്തി​ല്‍ വി​ചാ​ര​ണ നീ​ളാ​നു​ള്ള സാ​ധ്യ​ത​യു​ണ്ടെ​ന്നും ഇ​തി​നാ​ൽ ജാ​മ്യം അ​നു​വ​ദി​ക്ക​ണ​മെ​ന്നു​മാ​ണ് ഗ്രീ​ഷ്മ​യു​ടെ അ​ഭി​ഭാ​ഷ​ക​ർ വാ​ദി​ച്ച​ത്. ഈ ​വാ​ദം അം​ഗീ​ക​രി​ച്ചാ​ണ് കോ​ട​തി ജാ​മ്യം അ​നു​വ​ദി​ച്ച​ത്.

കേ​സി​ലെ മ​റ്റ് പ്ര​തി​ക​ളാ​യ ഗ്രീ​ഷ്മ​യു​ടെ അ​മ്മ​യ്ക്കും അ​മ്മാ​വ​നും കോ​ട​തി നേ​ര​ത്തേ ജാ​മ്യം അ​നു​വ​ദി​ച്ചി​രു​ന്നു.

ആ​ണ്‍​സു​ഹൃ​ത്താ​യ ഷാ​രോ​ണി​നെ ക​ഷാ​യ​ത്തി​ല്‍ വി​ഷം ക​ല​ര്‍​ത്തി ന​ൽ​കി ഗ്രീ​ഷ്മ കൊ​ല​പ്പെ​ടു​ത്തി​യെ​ന്നാ​ണ് കേ​സ്. ഗ്രീ​ഷ്മ​യ്ക്ക് മ​റ്റൊ​രു വി​വാ​ഹ ആ​ലോ​ച​ന വ​ന്ന​പ്പോ​ള്‍ ഷാ​രോ​ണി​നെ ഒ​ഴി​വാ​ക്കാ​നാ​യി​രു​ന്നു കൊ​ല​പാ​ത​കം. 2022 ഒ​ക്ടോ​ബ​ര്‍ 31നാ​ണ് ഗ്രീ​ഷ്മ അ​റ​സ്റ്റി​ലാ​യ​ത്.