വ​ട​ക്ക​ഞ്ചേ​രി (പാ​ല​ക്കാ​ട്): പു​തി​യ റി​ക്കാ​ർ​ഡു​ക​ൾ സൃ​ഷ്ടി​ച്ച് നാ​ളി​കേ​ര​ത്തി​ന്‍റെ​യും വെ​ളി​ച്ചെ​ണ്ണ​യു​ടെ​യും വി​ല​ക​ൾ കു​തി​ച്ചു​പാ​യു​ന്നു. കേ​ര​ക​ർ​ഷ​ക​രെ​പോ​ലും ഞെ​ട്ടി​ച്ച് നാ​ളി​കേ​ര​ത്തി​ന്‍റെ ചി​ല്ല​റ വി​ല്പ​ന​വി​ല കി​ലോ​ക്ക് 75 രൂ​പ​യാ​യി. ചി​ല​യി​ട​ങ്ങ​ളി​ൽ ഇ​തി​ലും ഉ​യ​ർ​ന്ന വി​ല​യു​ണ്ട്.

ക​ർ​ഷ​ക​രി​ൽ​നി​ന്നും 65 രൂ​പ​യ്ക്കു​വ​രെ നാ​ളി​കേ​രം എ​ടു​ക്കു​ന്ന സ്ഥി​തി​യി​ലേ​ക്ക് കാ​ര്യ​ങ്ങ​ൾ മാ​റി. വെ​ളി​ച്ചെ​ണ്ണ വി​ല കി​ലോ​യ്ക്ക് 430 രൂ​പ​യാ​യി ഉ​യ​ർ​ന്നു. നാ​ളി​കേ​ര വി​ല കി​ലോ​യ്ക്ക് 100 രൂ​പ​യാ​കു​മെ​ന്നാ​ണു വ്യാ​പാ​രി​ക​ളു​ടെ ക​ണ​ക്കു​കൂ​ട്ട​ൽ. വെ​ളി​ച്ചെ​ണ്ണ​വി​ല കി​ലോ​യ്ക്ക് 500 രൂ​പ​യാ​കാ​ൻ ഇ​നി അ​ധി​ക ദൂ​ര​മി​ല്ല. വെ​ളി​ച്ചെ​ണ്ണ​വി​ല റോ​ക്ക​റ്റ് പോ​ലെ കു​തി​ച്ചു​യ​രാ​ൻ തു​ട​ങ്ങി​യ​തോ​ടെ മാ​യം​ക​ല​ർ​ന്ന വെ​ളി​ച്ചെ​ണ്ണ വ്യാ​പ​ക​മാ​യി​രി​ക്കു​ക​യാ​ണ്.

കാ​ര്യ​ക്ഷ​മ​മാ​യ പ​രി​ശോ​ധ​ന​ക​ളൊ​ന്നും ഇ​ല്ലാ​ത്ത​തും വ്യാ​ജ​ൻ​മാ​ർ​ക്ക് വി​പ​ണി കൈ​യ​ട​ക്കാ​ൻ എ​ളു​പ്പ​മാ​യി​ട്ടു​ണ്ട്. വേ​യ്സ്റ്റ് ഓ​യി​ലി​ൽ​നി​ന്നു​വ​രെ വെ​ളി​ച്ചെ​ണ്ണ​യു​ണ്ടാ​ക്കി സ​ർ​വ​ത്ര​മാ​യം ക​ല​ർ​ന്ന വെ​ളി​ച്ചെ​ണ്ണ വി​ല്പ​ന​യും ത​കൃ​തി​യാ​ണ്. ശു​ദ്ധ​മാ​യ വെ​ളി​ച്ചെ​ണ്ണ​യു​ടെ പ​കു​തി വി​ല​യ്ക്കാ​ണ് ഇ​ത്ത​രം വ്യാ​ജ​വെ​ളി​ച്ചെ​ണ്ണ​യു​ടെ വി​ല്പ​ന ന​ട​ക്കു​ന്ന​ത്.

വെ​ള്ളീ​ച്ച ഉ​ൾ​പ്പെ​ടെ തെ​ങ്ങു​ക​ളി​ൽ വ്യാ​പ​ക​മാ​യ രോ​ഗ​ബാ​ധ​മൂ​ലം നാ​ളി​കേ​ര ഉ​ത്പാ​ദ​നം പ​കു​തി​യി​ൽ താ​ഴെ​യാ​യി കു​റ​ഞ്ഞ​തും നാ​ളി​കേ​ര​ത്തി​ന്‍റെ​യും വെ​ളി​ച്ചെ​ണ്ണ​യു​ടെ​യും ഉ​പ​യോ​ഗം കൂ​ടി​യ​തും വി​ല​ക​ൾ പി​ടി​വി​ട്ട് പോ​കാ​ൻ കാ​ര​ണ​മാ​യ​താ​യി ചൂ​ണ്ടി​ക്കാ​ട്ടു​ന്നു.