അ​മ്പ​ല​പ്പു​ഴ: പൊ​ങ്ങു​വ​ള്ള​ത്തി​ല്‍ ക​ട​ലി​ല്‍ കാ​ണാ​താ​യ മ​ത്സ്യ​ത്തൊ​ഴി​ലാ​ളി​യു​ടെ മൃ​ത​ദേ​ഹം ക​ണ്ടെ​ത്തി. പു​ന്ന​പ്ര വ​ട​ക്ക് ഗ്രാ​മ​പ​ഞ്ചാ​യ​ത്ത് 12-ാം വാ​ര്‍​ഡി​ല്‍ പ​റ​വൂ​ര്‍ ചാ​ണി​യി​ല്‍ സ്റ്റീ​ഫ​ന്‍റെ (റോ​ക്കി-56) മൃ​ത​ദേ​ഹ​മാ​ണ് ക​ണ്ടെ​ത്തി​യ​ത്.

കാ​ണാ​താ​യ സ്ഥ​ല​ത്തു​നി​ന്ന് 12 കി​ലോ​മീ​റ്റ​ര്‍ തെ​ക്കു​മാ​റി പു​റ​ക്കാ​ട് തീ​ര​ത്തി​ന​ടു​ത്താ​ണ് ഞാ​യ​റാ​ഴ്ച രാ​വി​ലെ മൃ​ത​ദേ​ഹം ക​ണ്ടെ​ത്തി​യ​ത്. മ​ത്സ്യ​ബ​ന്ധ​ന വ​കു​പ്പി​ന്‍റെ ര​ക്ഷാ​ബോ​ട്ടി​ല്‍ തോ​ട്ട​പ്പ​ള്ളി തു​റ​മു​ഖ​ത്ത് കൊ​ണ്ടു​വ​ന്ന മൃ​ത​ദേ​ഹം ആം​ബു​ല​ന്‍​സി​ല്‍ ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി മോ​ര്‍​ച്ച​റി​യി​ലേ​ക്ക് മാ​റ്റി. തോ​ട്ട​പ്പ​ള്ളി തീ​ര​ദേ​ശ പോ​ലീ​സ് മേ​ല്‍​ന​ട​പ​ടി സ്വീ​ക​രി​ച്ച് പോ​സ്റ്റു​മോ​ര്‍​ട്ട​ത്തി​ന് ശേ​ഷം മൃ​ത​ദേ​ഹം ബ​ന്ധു​ക്ക​ള്‍​ക്ക് വി​ട്ടു​കൊ​ടു​ക്കും.

വെ​ള്ളി​യാ​ഴ്ച പു​ല​ര്‍​ച്ചെ പ​റ​വൂ​ര്‍ പ​ടി​ഞ്ഞാ​റ് പ​ന്ത്ര​ണ്ടാം വാ​ര്‍​ഡ് ന​ര്‍​ബോ​ണാ​പ​ള്ളി​ക്ക് പ​ടി​ഞ്ഞാ​റ് നി​ന്നും പൊ​ങ്ങു​വ​ള്ള​ത്തി​ല്‍ മ​ത്സ്യ​ബ​ന്ധ​ന​ത്തി​ന് പോ​യ റോ​ക്കി​യെ കാ​ണാ​താ​വു​ക​യാ​യി​രു​ന്നു. വ​ള്ളം ക​ട​ലി​ല്‍ ഒ​ഴു​കി​ന​ട​ക്കു​ന്ന​തു ക​ണ്ടാ​ണ് ഇ​ദ്ദേ​ഹ​ത്തെ കാ​ണാ​താ​യ​താ​യി മ​ന​സി​ലാ​യ​ത്. തു​ട​ർ​ന്ന് പു​ന്ന​പ്ര പോ​ലീ​സും കോ​സ്റ്റ​ല്‍ പോ​ലീ​സും, ഫി​ഷ​റീ​സും മ​ത്സ്യ​ത്തൊ​ഴി​ലാ​ളി​ക​ളും തി​ര​ച്ചി​ല്‍ ആ​രം​ഭി​ക്കു​ക​യാ​യി​രു​ന്നു.