ല​ണ്ട​ൻ: ഇം​ഗ്ല​ണ്ടി​ന് എ​തി​രാ​യ അ​ഞ്ചാം ടെ​സ്റ്റ് ക്രി​ക്ക​റ്റി​ന്‍റെ ഒ​ന്നാം ഇ​ന്നിം​ഗ്സി​ൽ ഇ​ന്ത്യ​ൻ പൊ​രു​തു​ന്നു. മ​ഴ ത​ട​സ​പ്പെ​ടു​ത്തി​യ ക​ളി​യി​ൽ 204 റ​ണ്‍​സി​നി​ടെ ഇ​ന്ത്യ​യ്ക്ക് അ​ഞ്ച് വി​ക്ക​റ്റു​ക​ളാ​ണ് ന​ഷ്ട​മാ​യ​ത്. ക​രു​ണ്‍ നാ​യ​രു​ടെ അ​ർ​ധ സെ​ഞ്ചു​റി പ്ര​ക​ട​നം മാ​ത്ര​മാ​ണ് ആ​ദ്യ​ദി​നം ഇ​ന്ത്യ​യ്ക്ക് ആ​ശ്വാ​സ​മാ​യ​ത്.

നാ​ലാം ഓ​വ​റി​ന്‍റെ ആ​ദ്യ പ​ന്തി​ൽ ഓ​പ്പ​ണ​ർ യ​ശ​സ്വി ജ​യ്സ് വാ​ൾ (2) വി​ക്ക​റ്റി​നു മു​ന്നി​ൽ കു​ടു​ങ്ങി. സ്കോ​ർ 38ൽ ​നി​ൽ​ക്കു​ന്പോ​ൾ കെ.​എ​ൽ. രാ​ഹു​ൽ (14) ബൗ​ൾ​ഡ്. സാ​യ് സു​ദ​ർ​ശ​നും ശു​ഭ്മാ​ൻ ഗി​ല്ലും പ​തു​ക്കെ സ്കോ​ർ​ബോ​ർ​ഡ് ച​ലി​പ്പി​ക്കു​ന്ന​തി​നി​ടെ മ​ഴ​യെ​ത്തി. 23 ഓ​വ​റി​ൽ 72/2 എ​ന്ന നി​ല​യി​ൽ മ​ത്സ​രം നി​ർ​ത്തി​വ​ച്ചു.

മ​ത്സ​രം പു​ന​രാ​രം​ഭി​ച്ച​പ്പോ​ൾ നി​ർ​ഭാ​ഗ്യ റ​ണ്ണൗ​ട്ടി​ന്‍റെ രൂ​പ​ത്തി​ൽ ഗി​ല്ലി​നെ (21) ഇ​ന്ത്യ​ക്കു ന​ഷ്ട​മാ​യി. ഇ​തോ​ടെ ഇ​ന്ത്യ 83/3. സാ​യ് സു​ദ​ർ​ശ​നു കൂ​ട്ടാ​യി ക​രു​ണ്‍ നാ​യ​ർ എ​ത്തി. ര​ണ്ടു റ​ണ്‍​സ് കൂ​ടി ചേ​ർ​ത്ത​പ്പോ​ഴേ​ക്കും വീ​ണ്ടും മ​ഴ, മ​ത്സ​രം നി​ർ​ത്തി.

മ​ഴ മാ​റി ക​ളി പു​ന​രാ​രം​ഭി​ച്ച​പ്പോ​ൾ ഇ​ന്ത്യ​ക്കു വീ​ണ്ടും തി​രി​ച്ച​ടി നേ​രി​ട്ടു. പൊ​രു​തി നി​ന്ന സാ​യ് സു​ദ​ർ​ശ​നെ ജോ​ഷ് ട​ങ് പു​റ​ത്താ​ക്കി. 108 പ​ന്തി​ൽ 38 റ​ണ്‍​സ് നേ​ടി​യ സാ​യ് സു​ദ​ർ​ശ​ൻ വി​ക്ക​റ്റി​നു പി​ന്നി​ൽ ജേ​മി സ്മി​ത്തി​നു ക്യാ​ച്ച് ന​ൽ​കി​യാ​ണ് മ​ട​ങ്ങി​യ​ത്. ര​വീ​ന്ദ്ര ജ​ഡേ​ജ (9), ധ്രു​വ് ജു​റെ​ൽ (19) എ​ന്നി​വ​ർ​ക്കു പ്ര​തി​രോ​ധം തീ​ർ​ക്കാ​നാ​യി​ല്ല.

ഒ​ന്നാം ദി​നം ക​ളി അ​വ​സാ​നി​ച്ച​പ്പോ​ൾ 52 റ​ണ്‍​സു​മാ​യി ക​രു​ണ്‍ നാ​യ​രും 19 റ​ണ്‍​സു​മാ​യി വാ​ഷിം​ഗ്ട​ണ്‍ സു​ന്ദ​റു​മാ​ണ് ക്രീ​സി​ൽ.