ബോ​ഗാ​ട്ട: കൊ​ളം​ബി​യ​ൻ വാ​ഹ​ന ബോം​ബ് പൊ​ട്ടി​ത്തെ​റി​ച്ച് അ​ഞ്ചു പേ​ർ കൊ​ല്ല​പ്പെ​ട്ടു. 36 പേ​ർ​ക്ക് പ​രി​ക്കേ​റ്റ​താ​യാ​ണ് വി​വ​രം. കൊ​ളം​ബി​യ​ൻ ന​ഗ​ര​മാ​യ കാ​ലി​യി​ൽ വി​മാ​ന​ത്താ​ള​ന​ത്തി​നു സ​മീ​പ​മു​ള്ള തി​ര​ക്കേ​റി​യ തെ​രു​വി​ലാ​ണ് സ്ഫോ​ട​ന​മു​ണ്ടാ​യ​ത്.

ന​ഗ​ര​ത്തി​ന്‍റെ വ​ട​ക്ക് ഭാ​ഗ​ത്തു​ള്ള മാ​ർ​ക്കോ ഫി​ഡ​ൽ സു​വാ​ര​സ് മി​ലി​ട്ട​റി ഏ​വി​യേ​ഷ​ൻ സ്കൂ​ളി​നെ ല​ക്ഷ്യ​മി​ട്ടാ​ണ് ബോം​ബ് സ്ഫോ​ട​നം ന​ട​ന്ന​തെ​ന്നാ​ണ് സൂ​ച​ന. 2026ൽ ​പൊ​തു​തെ​ര​ഞ്ഞെ​ടു​പ്പ് ന​ട​ക്കാ​നാ​രി​ക്കെ​യു​ണ്ടാ​യ സ്ഫോ​ട​നം രാ​ജ്യ​ത്തി​ന്‍റെ സ​മാ​ധാ​ന അ​ന്ത​രീ​ക്ഷ​ത്തി​നു ഭീ​ഷ​ണി​യാ​ണെ​ന്നാ​ണ് വി​ല​യി​രു​ത്ത​ൽ.

പ്ര​ദേ​ശ​ത്തെ നി​ര​വ​ധി വീ​ടു​ക​ൾ​ക്ക് കേ​ടു​പാ​ടു​ക​ൾ സം​ഭ​വി​ച്ചു. നി​ര​വ​ധി കെ​ട്ടി​ട​ങ്ങ​ളും സ്കൂ​ളും ഒ​ഴി​പ്പി​ച്ചു. കൂ​ടു​ത​ൽ സ്ഫോ​ട​ന​ങ്ങ​ൾ ഭ​യ​ന്ന് വ​ലി​യ ട്ര​ക്കു​ക​ൾ ന​ഗ​ര​ത്തി​ലേ​ക്ക് പ്ര​വേ​ശി​ക്കു​ന്ന​ത് നി​രോ​ധി​ച്ചി​രി​ക്കു​ക​യാ​ണ്. സ്ഫോ​ട​ന​ത്തെ​പ്പ​റ്റി വി​വ​ര​ങ്ങ​ൾ ന​ൽ​കു​ന്ന​വ​ർ​ക്ക് 10,000 യു​എ​സ് ഡോ​ള​ർ പാ​രി​തോ​ഷി​ക​വും പ്ര​ഖ്യാ​പി​ച്ചു.

ന​ട​ന്ന​ത് ഭീ​ക​രാ​ക്ര​മ​ണ​മാ​ണെ​ന്നും ഭീ​ക​ര​ത ന​മ്മ​ളെ പ​രാ​ജ​യ​പ്പെ​ടു​ത്തി​ല്ലെ​ന്നും റീ​ജ​ണ​ൽ ഗ​വ​ർ​ണ​ർ ഡി​ലി​യ​ൻ ഫ്രാ​ൻ​സി​സ്ക പ്ര​തി​ക​രി​ച്ചു. ജൂ​ണി​ൽ കാ​ലി​യി​ലും പ​രി​സ​ര പ്ര​ദേ​ശ​ങ്ങ​ളി​ലും ന​ട​ന്ന സ്ഫോ​ട​ന​ത്തി​ന്‍റെ ഉ​ത്ത​ര​വാ​ദി​ത്തം ഇ​ട​തു​പ​ക്ഷ ഗ​റി​ല്ല​ക​ൾ ഏ​റ്റെ​ടു​ത്തി​രു​ന്നു. അ​ന്ന​ത്തെ സ്ഫോ​ട​ന​ത്തി​ൽ ഏ​ഴു പേ​രാ​ണ് കൊ​ല്ല​പ്പെ​ട്ട​ത്.