റാ​ഞ്ചി: ജാ​ർ​ഖ​ണ്ഡി​ൽ ഭൂ​മി ത​ർ​ക്ക​ത്തെ തു​ട​ർ​ന്ന് മൂ​ന്ന് കു​ട്ടി​ക​ൾ ഉ​ൾ​പ്പ​ടെ ഒ​രു കു​ടും​ബ​ത്തി​ലെ അ​ഞ്ച് പേ​രെ കൊ​ല​പ്പെ​ടു​ത്തി​യ കേ​സി​ൽ പ്ര​തി​ക്ക് വ​ധ​ശി​ക്ഷ. 2019 ഫെ​ബ്രു​വ​രി 23 ന് ​സെ​റൈ​കേ​ല-​ഖ​ർ​സ്വാ​ൻ ജി​ല്ല​യി​ലെ ചാ​ൻ​ഡി​ൽ സ​ബ് ഡി​വി​ഷ​നി​ലെ പു​ഡി​സി​ലി ഗ്രാ​മ​ത്തി​ലാ​ണ് സം​ഭ​വം ന​ട​ന്ന​ത്.

ചു​ന്നു മാ​ഞ്ചി എ​ന്ന​യാ​ളെ​യാ​ണ് കോ​ട​തി ശി​ക്ഷി​ച്ച​ത്. ഐ​പി​സി സെ​ക്ഷ​ൻ 302 (കൊ​ല​പാ​ത​കം) പ്ര​കാ​രം ചു​ന്നു മാ​ഞ്ചി കു​റ്റ​ക്കാ​ര​നാ​ണെ​ന്ന് അ​ഡീ​ഷ​ണ​ൽ സെ​ഷ​ൻ​സ് ജ​ഡ്ജി സ​ചീ​ന്ദ്ര നാ​ഥ് സി​ൻ​ഹ വി​ധി​ച്ചു.

കു​ടും​ബ​ത്തി​ന്‍റെ കൈ​വ​ശ​മു​ണ്ടാ​യി​രു​ന്ന ഒ​രു സ്ഥ​ലം വി​റ്റി​രു​ന്നു. വി​റ്റ് കി​ട്ടി​യ പ​ണം നാ​ല് സ​ഹോ​ദ​ര​ന്മാ​ർ പ​ങ്കു​വ​ച്ചു. എ​ന്നാ​ൽ ത​നി​ക്ക് കു​റ​ച്ചു പ​ണം മാ​ത്ര​മേ ല​ഭി​ച്ചു​വെ​ന്ന തോ​ന്ന​തി​ലാ​ണ് പ്ര​തി കൃ​ത്യം ന​ട​ത്തി​യ​തെ​ന്ന് പ്രോ​സി​ക്യൂ​ഷ​ൻ വാ​ദി​ച്ചു.

വാ​ക്കു​ത​ർ​ക്ക​ത്തെ തു​ട​ർ​ന്ന് ചു​ന്നു, ത​ന്‍റെ സ​ഹോ​ദ​ര​ൻ ര​വി​യെ​യും ഭാ​ര്യ ക​ൽ​പ​ന​യെ​യും അ​വ​രു​ടെ മൂ​ന്ന് കു​ട്ടി​ക​ളെ​യും കൊ​ല​പ്പെ​ടു​ത്തി. പി​ന്നീ​ട് അ​യാ​ൾ മ​റ്റൊ​രു സ​ഹോ​ദ​ര​നാ​യ സി​ദ്ധു​വി​നെ വീ​ട്ടി​ലെ​ത്തി കോ​ടാ​ലി കൊ​ണ്ട് വെ​ട്ടി.

ചു​ന്നു അ​മ്മ​യെ​യും കോ​ടാ​ലി കൊ​ണ്ട് ആ​ക്ര​മി​ച്ചു, കൂ​ടാ​തെ വീ​ടും ഇ​രു​ച​ക്ര​വാ​ഹ​ന​വും ക​ത്തി​ച്ചു. സം​ഭ​വ​സ്ഥ​ല​ത്ത് നി​ന്നും ചു​ന്നു​വി​നെ പോ​ലീ​സ് അ​റ​സ്റ്റ് ചെ​യ്തി​രു​ന്നു.

സം​ഭ​വം ക്രൂ​ര​വും അ​പൂ​ർ​വ​ങ്ങ​ളി​ൽ അ​പൂ​ർ​വ​വു​മാ​ണെ​ന്നും കോ​ട​തി നി​രീ​ക്ഷി​ച്ചു. പ്ര​തി​യെ മ​ര​ണം വ​രെ തൂ​ക്കി​ലേ​റ്റാ​ൻ വി​ധി​ച്ചു​വെ​ന്ന് അ​ഡീ​ഷ​ണ​ൽ പ​ബ്ലി​ക് പ്രോ​സി​ക്യൂ​ട്ട​ർ ഹ​ർ​ഷ് വ​ർ​ധ​ൻ പ​റ​ഞ്ഞു.

ഫോ​റ​ൻ​സി​ക് തെ​ളി​വു​ക​ളു​ടെ​യും 11 സാ​ക്ഷി​ക​ളു​ടെ മൊ​ഴി​ക​ളു​ടെ​യും അ​ടി​സ്ഥാ​ന​ത്തി​ലാ​ണ് ചു​ന്നു കു​റ്റ​ക്കാ​ര​നാ​ണെ​ന്ന് കോ​ട​തി വി​ധി​ച്ച​ത്.