കൊ​ച്ചി: അ​രു​ന്ധ​തി റോ​യ് ര​ചി​ച്ച "മ​ദ​ര്‍ മേ​രി കം​സ് റ്റു ​മി' എ​ന്ന പു​സ്ത​ക​ത്തി​ന്‍റെ വി​ല്പ​ന ത​ട​യ​ണ​മെ​ന്ന ആ​വ​ശ്യം ഹൈ​ക്കോ​ട​തി അ​നു​വ​ദി​ച്ചി​ല്ല. പു​സ്ത​ക​ത്തി​ന്‍റെ പി​ന്നി​ല്‍ പു​ക​വ​ലി​ക്കെ​തി​രേ​യു​ള്ള മു​ന്ന​റി​യി​പ്പ് രേ​ഖ​പ്പെ​ടു​ത്തി​യി​ട്ടു​ണ്ടെ​ന്ന് പ്ര​സാ​ധ​ക​ര്‍ കോ​ട​തി​യെ അ​റി​യി​ച്ചു.

പു​റം​ച​ട്ട​യി​ല്‍ ഒ​രു ചി​ത്രീ​ക​ര​ണം എ​ന്ന നി​ല​യി​ല്‍ മാ​ത്ര​മാ​ണ് എ​ഴു​ത്തു​കാ​രി പു​ക​വ​ലി​ക്കു​ന്ന ചി​ത്രം ന​ല്‍​കി​യ​തെ​ന്നും പു​ക​വ​ലി​യെ പ്രോ​ത്സാ​ഹി​പ്പി​ക്കു​ന്ന​ത​ല്ലെ​ന്നു​ള്ള നി​ഷേ​ധ​ക്കു​റി​പ്പ് ശ്ര​ദ്ധി​ക്കാ​തെ​യാ​ണു മു​ഖ​ചി​ത്ര​ത്തി​നെ​തി​രേ ഹ​ര്‍​ജി ന​ല്‍​കി​യ​തെ​ന്നും പ്ര​സാ​ധ​ക​ര്‍ കോ​ട​തി​യെ ബോ​ധി​പ്പി​ച്ചു. ഇ​ക്കാ​ര​ണ​ത്താ​ല്‍ ഹ​ര്‍​ജി​ക്കാ​ര​ന് പി​ഴ ചു​മ​ത്ത​ണ​മെ​ന്നും ആ​വ​ശ്യ​പ്പെ​ട്ടു.

പു​റം​ച​ട്ട​യി​ലെ നി​ഷേ​ധ​ക്കു​റി​പ്പ് ക​ണ്ടി​ല്ലേ​യെ​ന്നു ചീ​ഫ് ജ​സ്റ്റീ​സ് നി​തി​ന് ജാം​ദാ​ര്‍, ജ​സ്റ്റീ​സ് ബ​സ​ന്ത് ബാ​ലാ​ജി എ​ന്നി​വ​ര​ട​ങ്ങി​യ ഡി​വി​ഷ​ന്‍ ബെ​ഞ്ച് ഹ​ര്‍​ജി​ക്കാ​ര​നോ​ട് ചോ​ദി​ച്ചു. ഹ​ര്‍​ജി​യു​മാ​യി മു​ന്നോ​ട്ടു​പോ​കു​ന്നു​ണ്ടോ അ​തോ സി​ഗ​ര​റ്റ്‌​സ് ആ​ന്‍​ഡ് ടു​ബാ​ക്കോ പ്രോ​ഡ​ക്ട്സ് നി​യ​ന്ത്ര​ണ നി​യ​മ പ്ര​കാ​ര​മു​ള്ള അ​ഥോ​റി​റ്റി​യെ സ​മീ​പി​ക്കു​ക​യാ​ണോ​യെ​ന്നും ഹ​ര്‍​ജി​ക്കാ​ര​നോ​ട് ചോ​ദി​ച്ചു.

ഹ​ര്‍​ജി​യു​മാ​യി മു​ന്നോ​ട്ടു​പോ​കു​ക​യാ​ണെ​ന്ന് ഹ​ര്‍​ജി​ക്കാ​ര​ന്‍റെ അ​ഭി​ഭാ​ഷ​ക​ൻ അ​റി​യി​ച്ചു. തു​ട​ര്‍​ന്ന് വി​ഷ​യം ഒ​ക്ടോ​ബ​ര്‍ ഏ​ഴി​നു പ​രി​ഗ​ണി​ക്കാ​ന്‍ മാ​റ്റി.