കൊ​ച്ചി: നെ​ടു​മ്പാ​ശേ​രി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ മു​ന്ന​റി​യി​പ്പി​ല്ലാ​തെ വി​മാ​നം റ​ദ്ദാ​ക്കി. കൊ​ച്ചി​യി​ൽ​നി​ന്ന് ദു​ബാ​യി​ലേ​ക്ക് രാ​ത്രി 10.40 ന് ​പു​റ​പ്പെ​ടേ​ണ്ട സ്പൈ​സ് ജെ​റ്റ് വി​മാ​ന​മാ​ണ് റ​ദ്ദാ​ക്കി​യ​ത്. ഇ​തോ​ടെ നൂ​റി​ല​ധി​കം യാ​ത്ര​ക്കാ​ർ വി​മാ​ന​ത്താ​വ​ള​ത്തി​ൽ കു​ടു​ങ്ങി.

സാ​ങ്കേ​തി​ക കാ​ര​ണം മൂ​ല​മാ​ണ് വി​മാ​നം റ​ദ്ദാ​ക്കി​യ​തെ​ന്ന് വി​ശ​ദീ​ക​ര​ണം. വി​മാ​നം ശ​നി​യാ​ഴ്ച വൈ​കു​ന്നേ​രം അ​ഞ്ച​ര​യ്ക്ക് മാ​ത്ര​മേ പു​റ​പ്പെ​ടു​ക​യു​ള്ളൂ​വെ​ന്ന് സ്പൈ​സ് ജെ​റ്റ് അ​ധി​കൃ​ത​ർ അ​റി​യി​ച്ച​താ​യി യാ​ത്ര​ക്കാ​ർ പ​റ​യു​ന്നു.

ദു​ബാ​യി​ൽ നി​ന്ന് കൊ​ച്ചി​യി​ലെ​ത്തി തി​രി​കെ ദു​ബാ​യി​ലേ​ക്ക് സ​ർ​വീ​സ് ന​ട​ത്തേ​ണ്ട വി​മാ​ന​മാ​ണി​ത്. പ​ക്ഷേ മോ​ശം കാ​ലാ​വ​സ്ഥ​യെ തു​ട​ർ​ന്ന് വി​മാ​നം കോ​യ​മ്പ​ത്തൂ​രി​ലേ​ക്ക് വ​ഴി തി​രി​ച്ചു​വി​ടു​ക​യും ചെ​യ്തു.

അ​വി​ടെ​വ​ച്ച് വി​മാ​ന​ത്തി​ന് സാ​ങ്കേ​തി​ക ത​ക​രാ​ർ നേ​രി​ട്ടു​വെ​ന്നാ​ണ് അ​ധി​കൃ​ത​ർ യാ​ത്ര​ക്കാ​രെ അ​റി​യി​ച്ചി​രി​ക്കു​ന്ന​ത്. എ​ട്ടു മ​ണി​യോ​ടെ യാ​ത്ര​ക്കാ​ർ നെ​ടു​മ്പാ​ശേ​രി​യി​ൽ എ​ത്തി​യി​രു​ന്നു. ആ​ദ്യം വി​മാ​നം 11.40 ന് ​പു​റ​പ്പെ​ടു​മെ​ന്ന് അ​റി​യി​ച്ചി​രു​ന്നു. പി​ന്നാ​ലെ വി​മാ​നം റ​ദ്ദാ​ക്കി​യ​താ​യി വി​വ​രം യാ​ത്ര​ക്കാ​ർ​ക്ക് ല​ഭി​ക്കു​ന്ന​ത്.