ല​ണ്ട​നി​ലെ മ​ല്ലു ഷെ​ഫ്
ല​ണ്ട​ൻ ന​ഗ​ര​ത്തി​ലെ ഒ​രു ഫൈ​വ് സ്റ്റാ​ർ ഹോ​ട്ട​ലി​ലേ​ക്ക് എ​ത്തു​ന്ന ഇം​ഗ്ലീ​ഷു​കാ​ർ മ​ല​യാ​ളി​ക​ളു​ടെ നാ​ട​ൻ വി​ഭ​വ​ങ്ങ​ളാ​യ ക​പ്പ​യും മീ​നും ചേ​ന്പും ച​മ്മ​ന്തി​യും മ​ത്തി പൊ​രി​ച്ച​തും ചെ​മ്മീ​ൻ തീ​യ​ലു​മൊ​ക്കെ ചോ​ദി​ച്ചു വാ​ങ്ങി ക​ഴി​ക്കു​ന്നു! പി​ന്നി​ൽ ഒ​രു മ​ല​യാ​ളി ഷെ​ഫി​ന്‍റെ കൈ​പ്പു​ണ്യം, മാ​വേ​ലി​ക്ക​ര​ക്കാ​ര​ൻ ജോ​മോ​ൻ കു​ര്യാ​ക്കോ​സ്... ചി​ല പൊ​ടി​ക്കൈ​ക​ൾ പ്ര​യോ​ഗി​ച്ചാ​ണ് അ​ദ്ദേ​ഹം നാ​ട​ൻ കേ​ര​ള വി​ഭ​വ​ങ്ങ​ൾ ല​ണ്ട​നി​ൽ ഹി​റ്റാ​ക്കി മാ​റ്റു​ന്ന​ത്...

ഇ​ത്തി​രി ക​പ്പ കി​ട്ടി​യി​രു​ന്നെ​ങ്കി​ൽ? ഒ​ര​ല്പം ച​മ്മ​ന്തി​കൂ​ട്ടി ചോ​റു​ണ്ടി​ട്ട് എ​ത്ര കാ​ല​മാ​യി? മീ​ൻ​ക​റി​യെ​ന്നു കേ​ൾ​ക്കു​ന്പോ​ൾ​ത്ത​ന്നെ നാ​വി​ൽ വെ​ള്ളം​വ​രു​ന്നു, ചേ​ന്പ് പു​ഴു​ങ്ങി​യ​തി​ന്‍റെ രു​ചി ഒ​ന്നു വേ​റെ ത​ന്നെ... ജോ​ലി​ക്കും പ​ഠ​ന​ത്തി​നു​മൊ​ക്കെ​യാ​യി മ​റു​നാ​ടു​ക​ളി​ലേ​ക്ക്, പ്ര​ത്യേ​കി​ച്ച് പാ​ശ്ചാ​ത്യ​രാ​ജ്യ​ങ്ങ​ളി​ലേ​ക്കു പോ​യ​വ​രി​ൽ പ​ല​ർ​ക്കും പ​ല​പ്പോ​ഴും തോ​ന്നി​യി​ട്ടു​ള്ള കാ​ര്യ​ങ്ങ​ളാ​ണ് ഇ​തൊ​ക്കെ.

ഇ​തി​ൽ ചി​ല​തൊ​ക്കെ ആ ​രാ​ജ്യ​ങ്ങ​ളി​ലും വാ​ങ്ങാ​ൻ കി​ട്ടു​മെ​ങ്കി​ലും കൂ​ടി​യ വി​ല​യും ഉ​ണ്ടാ​ക്കാ​നു​ള്ള സാ​ഹ​ച​ര്യ​ങ്ങ​ളു​മൊ​ക്കെ ചി​ന്തി​ക്കു​ന്പോ​ൾ ഇ​തൊ​ക്കെ സ്വ​പ്നം ക​ണ്ടു ദി​വ​സ​ങ്ങ​ൾ ത​ള്ളി​നീ​ക്കു​ന്ന​വ​രാ​യി​രി​ക്കാം പ​ല​രും. എ​ന്നാ​ൽ, ഇ​വി​ടൊ​രു മ​ല​യാ​ളി പാ​ച​ക​ക​ല​യു​മാ​യി ല​ണ്ട​നി​ലേ​ക്കു പ​റ​ന്നു, അ​വി​ട​ത്തെ സ്റ്റാ​ർ ഹോ​ട്ട​ലി​ൽ ഷെ​ഫ് ജോ​ലി​യും നേ​ടി. ഇ​പ്പോ​ൾ കേ​ര​ള​ത്തി​ന്‍റെ ത​നി നാ​ട​ൻ വി​ഭ​വ​ങ്ങ​ളെ മ​ല​യാ​ളി​ക​ൾ​ക്കു മാ​ത്ര​മ​ല്ല സാ​യി​പ്പ​ൻ​മാ​ർ​ക്കും മ​ദാ​മ്മ​മാ​ർ​ക്കും ഇ​ഷ്ട​വി​ഭ​വ​മാ​ക്കി പാ​ച​ക​ത്തി​ന്‍റെ മാ​ജി​ക് കാ​ണി​ച്ചു​ത​രി​ക​യാ​ണ് അ​ദ്ദേ​ഹം.

ന​മ്മു​ടെ ത​നി നാ​ട​ൻ വി​ഭ​വ​ങ്ങ​ളി​ൽ ചെ​റി​യ ചി​ല മി​നു​ക്കു​പ​ണി​ക​ൾ ന​ട​ത്തി​യാ​ണ് അ​ദ്ദേ​ഹം വി​ദേ​ശി​ക​ളു​ടെ​യും പ്രി​യ​വി​ഭ​വ​ങ്ങ​ളാ​ക്കി മാ​റ്റി​യി​രി​ക്കു​ന്ന​ത്. ല​ണ്ട​നി​ലെ മ​ല​യാ​ളി ഷെ​ഫ് ജോ​മോ​ൻ കു​ര്യാ​ക്കോ​സ് വി​ള​ന്പു​ന്ന ല​ണ്ട​നി​ലെ മ​ല്ലു വി​ഭ​വ​ങ്ങ​ളി​ലേ​ക്കു സ്വാ​ഗ​തം.

ല​ണ്ട​ൻ ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്തു സ്ഥി​തി​ചെ​യ്യു​ന്ന The Lalit London എ​ന്ന പ​ഞ്ച​ന​ക്ഷ​ത്ര ഹോ​ട്ട​ലി​ലെ ഹെ​ഡ് ഷെ​ഫ് മാ​വേ​ലി​ക്ക​ര​ക്കാ​ര​ൻ ജോ​മോ​ൻ കു​ര്യാ​ക്കോ​സ് ആ​ണ് കേ​ര​ള​ത്തി​ന്‍റെ ത​നി നാ​ട​ൻ വി​ഭ​വ​ങ്ങ​ളെ ഇം​ഗ്ലീ​ഷു​കാ​രു​ടെ പ​ഞ്ച​ന​ക്ഷ​ത്ര ഹോ​ട്ട​ലി​ലെ ഹോ​ട്ട് വി​ഭ​വ​മാ​ക്കി മാ​റ്റി​യി​രി​ക്കു​ന്ന​ത്. ജോ​മോ​നെ പ​രി​ച​യ​പ്പെ​ട്ടാ​ൽ അ​വി​യ​ലും എ​രി​ശേ​രി​യും പു​ളി​ശേ​രി​യും പ​ച്ച​ടി​യും പു​ളി​യി​ഞ്ചി​യും കാ​ള​നും ഓ​ല​നും മെ​ഴു​ക്കു​പു​ര​ട്ടി​യു​മൊ​ക്കെ ശ​രി​ക്കു​മെ​ങ്ങ​നെ പാ​കം ചെ​യ്യ​ണ​മെ​ന്ന​റി​യാ​ൻ ല​ണ്ട​നി​ൽ പോ​കേ​ണ്ടി​വ​രു​മെ​ന്നു പോ​ലും തോ​ന്നി​യേ​ക്കാം...

ഫി​ഷ്മോ​ളി​യു​ടെ ക​ഥ!

ന​മ്മു​ടെ ത​ന​താ​യ വി​വ​ഭ​വ​ങ്ങ​ൾ മ​റ്റു​ള്ള​വ​ർ​കൂ​ടി ആ​സ്വ​ദി​ക്ക​ണ​മെ​ങ്കി​ൽ അ​വ​യി​ൽ ല​ളി​ത​മാ​യ ചി​ല മാ​റ്റ​ങ്ങ​ൾ മാ​ത്രം വ​രു​ത്തി​യാ​ൽ മ​തി​യെ​ന്നു ജോ​മോ​ൻ പ​റ​യു​ന്നു. മ​ല​യാ​ളി​ക​ൾ പൊ​തു​വേ എ​രി​വ് ക​ഴി​ച്ചു ശീ​ലി​ച്ച​വ​രാ​ണ്. എ​ന്നാ​ൽ, വി​ദേ​ശി​ക​ൾ​ക്കു മാ​ത്ര​മ​ല്ല, രാ​ജ്യ​ത്തെ മ​റ്റു സം​സ്ഥാ​ന​ക്കാ​ർ​ക്കു പോ​ലും നാം ​ക​റി​ക​ളി​ൽ ചേ​ർ​ക്കു​ന്ന എ​രി​വി​നു മു​ന്നി​ൽ പി​ടി​ച്ചു​നി​ൽ​ക്കാ​നാ​വി​ല്ല. ഇ​തു വ്യ​ക്ത​മാ​ക്കു​ന്ന ഒ​രു ക​ഥ​യു​ണ്ട്. തേ​ങ്ങാ​പ്പാ​ലി​ൽ ത​യാ​റാ​ക്കു​ന്ന ഫി​ഷ് മോ​ളി ലോ​ക​പ്ര​ശ​സ്ത​മാ​ണ്.

ന​മ്മു​ടെ സ്വ​ന്തം മീ​ൻ സ്പെ​ഷ്യ​ൽ ആ​ണ​ത്. പോ​ർ​ച്ചു​ഗീ​സു​കാ​ർ പ​ണ്ട് കേ​ര​ള​ത്തി​ൽ വ​ന്ന​പ്പോ​ൾ, ആ​തി​ഥ്യ​മ​ര്യാ​ദ​യ്ക്കു പി​ന്നി​ല​ല്ലാ​ത്ത ന​മ്മ​ൾ വി​ള​മ്പി​ക്കൊ​ടു​ത്ത മീ​ൻ ക​റി​യി​ലെ എ​രി​വ് അ​വ​ർ​ക്കു സ​ഹി​ക്കാ​നാ​യി​ല്ല. തൊ​ണ്ട​യി​ൽ തീ​പി​ടി​ച്ചു വി​ദേ​ശ അ​തി​ഥി​ക​ൾ പി​ട​യു​ന്ന​തു കാ​ണാ​നി​ട​യാ​യ നാ​ട്ടു​കാ​രി മോ​ളി ഓ​ടി​യെ​ത്തി മീ​ൻ ക​റി​യി​ൽ തേ​ങ്ങാ​പ്പാ​ൽ പി​ഴി​ഞ്ഞൊ​ഴി​ച്ച് ഉ​ട​ന​ടി എ​രി​വ് കു​റ​ച്ച​ത്രേ.

മോ​ളി​യു​ടെ പ​രീ​ക്ഷ​ണം അ​ന്നു മു​ത​ൽ "ഫി​ഷ് മോ​ളി' എ​ന്ന് അ​റി​യ​പ്പെ​ടാ​ൻ തു​ട​ങ്ങി! കൈ​പ്പു​ണ്യ​മു​ള്ള മോ​ളി​ച്ചേ​ച്ചി​യി​ൽ​നി​ന്നു ഞാ​നൊ​രു പോ​യി​ന്‍റ് ക​ട​മെ​ടു​ത്തു. മീ​നി​ൽ മാ​ത്ര​മ​ല്ല, എ​ല്ലാ റെ​സി​പീ​ക​ളി​ലും എ​രി​വ് കു​റ​ച്ചു. മി​ത​മാ​യി മു​ള​കു ചേ​ർ​ത്ത ന​മ്മു​ടെ ഐ​റ്റം​സ് ബ്രി​ട്ടീ​ഷു​കാ​ർ​ക്കു ഹൃ​ദ്യ​മാ​യി മാ​റി​യ​ത്, ചേ​രു​വ​ക​ളി​ൽ വ​ലി​യ മാ​റ്റ​ങ്ങ​ൾ വ​രു​ത്താ​ൻ എ​നി​ക്കു പ്ര​ചോ​ദ​ന​മാ​യി.

മു​ള്ളി​നെ പേ​ടി​ച്ച സാ​യി​പ്പ്

എ​രി​വ് കു​റ​ച്ച​തോ​ടെ മീ​ൻ​ക​റി​ക​ളും ഫ്രൈ​ക​ളും വെ​ള്ള​ക്കാ​ർ ധാ​രാ​ളം ക​ഴി​ച്ചു​തു​ട​ങ്ങി. ആ​യി​ട​യ്ക്കാ​ണ് ഡി​ന്ന​റി​നെ​ത്തി​യ സാ​യി​പ്പു ദ​മ്പ​തി​ക​ൾ മ​ത്തി പൊ​രി​ച്ച​ത് വ​ള​രെ ഇ​ഷ്ട​പ്പെ​ട്ടെ​ന്ന​റി​യി​ച്ച​ത്. എ​ന്നാ​ൽ, മ​ത്തി​യു​ടെ മു​ള്ള് ക​ടി​ച്ചു തി​ന്നു​മ്പോ​ൾ ഭ​യം തോ​ന്നു​ന്ന​താ​യി അ​വ​ർ ആ​വ​ലാ​തി​പ്പെ​ട്ടു. മു​ള്ള​ന്‍റെ മു​ള്ളു പോ​ലും ക​റു​മു​റാ ച​വ​ച്ചി​റ​ക്കു​ന്ന മ​ല​യാ​ളി​ക​ൾ​ക്കു മ​ത്തി​യു​ടെ മൊ​രി​ഞ്ഞ മു​ള്ള് ഒ​രു ഭീ​ഷ​ണി​യേ​യ​ല്ല.

പ​ക്ഷേ, ല​ണ്ട​നി​ലെ ഒ​രു പ്ര​ശ​സ്ത ഹോ​ട്ട​ലി​ൽ ബ്രി​ട്ടീ​ഷു​കാ​രു​ടെ താ​ത്പ​ര്യ​ങ്ങ​ൾ​ക്ക​ല്ലേ പ്ര​സ​ക്തി. ഫ്രൈ ​അ​പ്പ്സും പൈ ​ആ​ൻ​ഡ് മാ​ഷും റോ​സ്റ്റ് ഡി​ന്ന​റും ക​ഴി​ച്ചു വ​ഴ​ക്ക​മു​ള്ള​വ​ർ​ക്ക​ല്ലേ ന​മ്മു​ടെ നാ​ട​ൻ സാ​ധ​ന​ങ്ങ​ൾ വി​ള​മ്പു​ന്ന​ത്! മീ​ൻ​മു​ള്ള് ആ​ഹാ​ര ആ​ഗോ​ള​വ​ത്ക​ര​ണ​ത്തി​നു വി​ല​ങ്ങു​ത​ടി​യാ​ക​രു​ത​ല്ലോ. മീ​ൻ വെ​ട്ടി​ന്‍റെ ബാ​ല​പാ​ഠം എ​ന്നെ പ​ഠി​പ്പി​ച്ച കാ​ര​ണ​വ​ന്മാ​രെ ഓ​ർ​ത്തു​കൊ​ണ്ട്, മീ​നി​ന് അ​ത്ര പ​രി​ക്കി​ല്ലാ​ത്ത രീ​തി​യി​ൽ അ​വ​യു​ടെ മു​ള്ളു​ക​ൾ ഞാ​ൻ മു​റി​ച്ചു​നീ​ക്കി.

കോ​ട്ടി​ട്ട മ​ത്തി!

മു​ള്ളി​ല്ലാ​തെ മു​റി​ച്ചെ​ടു​ത്ത മ​ത്തി​കൊ​ണ്ട് പു​ത്ത​ൻ ഒ​രു ഐ​റ്റം എ​ന്തു​കൊ​ണ്ടു ത​യാ​റാ​ക്കി​ക്കൂ​ടാ എ​ന്നു ചി​ന്തി​ച്ചു. വെ​ളി​ച്ചെ​ണ്ണ​യി​ൽ മു​ള​കു​പൊ​ടി​യും മ​ഞ്ഞ​ൾ​പ്പൊ​ടി​യും വെ​ളു​ത്തു​ള്ളി​യും അ​ര​ച്ചു പേ​സ്റ്റാ​ക്കി, അ​തി​ൽ ക​റി​വേ​പ്പി​ല അ​രി​ഞ്ഞ​തും നാ​ര​ങ്ങാ​നീ​രും ക​ല്ലു​പ്പും ചേ​ർ​ത്തു മാ​രി​നേ​റ്റ് ചെ​യ്തു വാ​ഴ​യി​ല​യി​ൽ അ​ടു​ക്കി​വ​ച്ചു മൊ​രി​ച്ചെ​ടു​ത്തു.

കൂ​ടെ അ​ല്പം ച​മ്മ​ന്തി​പ്പൊ​ടി​യും പ​ർ​പ്പി​ൾ പൊ​ട്ട​റ്റോ സ്റ്റി​ർ-​ഫ്രൈ ആ​ക്കി​യ​തും! പി​റ​ന്നു വീ​ണ​തോ, Sardine Fillet Grilled on Banana Leaves! (വാ​ഴ​യി​ല​യി​ൽ പൊ​രി​ച്ച മ​ത്തി​യെ​ന്നു മ​ല​യാ​ളം). പേ​രി​ലും വേ​ണ്ടേ ഒ​രു പു​തു​മ! മെ​നു കാ​ർ​ഡി​ൽ പു​തി​യ​താ​യി പ്ര​ത്യ​ക്ഷ​പ്പെ​ട്ട സാ​ധ​നം വെ​ള്ള​ക്കാ​രു​ടെ ഒ​രു ദൗ​ർ​ബ​ല്യ​മാ​യി മാ​റി​യ​ത് ഹോ​ട്ട​ൽ മാ​നേ​ജ്മെ​ന്‍റി​നെ​പ്പോ​ലും അ​ദ്ഭു​ത​പ്പെ​ടു​ത്തി.

ഒ​രു കി​ണ്ണം ചോ​റു​ണ്ണാ​ൻ അ​മ്മ​ച്ചി എ​നി​ക്കു പ​തി​വാ​യി ഉ​ണ്ടാ​ക്കി​ത്ത​ന്നി​രു​ന്ന ചാ​ള പൊ​രി​ച്ച​തു ത​ന്നെ​യാ​ണി​തെ​ന്ന് തി​രി​ച്ച​റി​യാ​ൻ ആ​ർ​ക്കും ക​ഴി​യാ​തെ​യാ​യി! പേ​രും പ​രി​വേ​ഷ​വും പ​രി​വ​ർ​ത്ത​ന​ങ്ങ​ൾ​ക്കു വി​ധേ​യ​മാ​യി​ല്ലേ! "ഇ​ന്‍റ​ർ​കാ​ണ്ടി​നെ​ന്‍റ​ൽ' എ​ന്ന വി​ശേ​ഷ​ണം ഒ​രു​പ​ക്ഷേ ഏ​റ്റ​വു​മ​ധി​കം ഉ​പ​യോ​ഗി​ക്ക​പ്പെ​ട്ടി​ട്ടു​ള്ള​ത് "ഫു​ഡ്' എ​ന്ന പ​ദ​ത്തോ​ടൊ​പ്പ​മാ​യി​രി​ക്കും.

ക​പ്പ​യും മീ​ൻ​ക​റി​യും

സാ​ർ​ഡീ​ൻ ഫി​ല്ലെ​റ്റി​ന്‍റെ വി​ജ​യ​ത്തി​നു ശേ​ഷം, ന​മ്മു​ടെ മ​റ്റൊ​രു ജ​ന​കീ​യ ഭ​ക്ഷ​ണ​മാ​യ ക​പ്പ​യും മീ​ൻ​ക​റി​യും പ​ഞ്ച​ന​ക്ഷ​ത്ര തീ​ൻ​മേ​ശ​യി​ൽ ക​യ​റ്റ​ണ​മെ​ന്നു മോ​ഹ​മാ​യി. ബ്ര​സീ​ലു​കാ​ര​ൻ മ​ര​ച്ചീ​നി ഇം​ഗ്ല​ണ്ടി​ല​ത്ര പ്ര​സി​ദ്ധ​ന​ല്ല. പ​ക്ഷേ, അ​തി​ന്‍റെ പ്ര​ത്യേ​ക സ്വാ​ദ് എ​ല്ലാ​വ​ർ​ക്കും ഇ​ഷ്ട​പ്പെ​ടു​മെ​ന്നു ഞാ​ൻ തി​രി​ച്ച​റി​ഞ്ഞി​രു​ന്നു.

ചേ​രു​വ​ക​ളി​ൽ അ​ല്പം വ്യ​ത്യാ​സം വ​രു​ത്തി, കാ​ഴ്ച​യി​ൽ മ​നോ​ഹാ​രി​ത കൂ​ട്ടി ക​പ്പ​യെ അ​വ​ത​രി​പ്പി​ച്ചു. വ​ലി​യ ത​രം മീ​നു​ക​ളു​ടെ മു​ള്ളു​ക​ളി​ല്ലാ​ത്ത ക​ഷ​ണ​ങ്ങ​ൾ ചേ​ർ​ത്തു​ള്ള ക​റി​യാ​ണ് ക​പ്പ​യ്ക്കു കൂ​ടെ ന​ൽ​കു​ന്ന​ത്. ക​പ്പ​യും മീ​ൻ​ക​റി​യും എ​ന്ന നാ​മ​ധേ​യം പ​ഴ​ഞ്ച​ന​ല്ലേ! അ​തു​കൊ​ണ്ട് "Cassava Mash with Seared Red Mullet' എ​ന്നു പേ​രി​ട്ട​തോ​ടെ വെ​ള്ള​ക്കാ​ർ​ക്കു മാ​ത്ര​മ​ല്ല, ഹോ​ട്ട​ലി​ലെ​ത്തു​ന്ന ഇ​ന്ത്യ​ൻ അ​തി​ഥി​ക​ൾ​ക്കും സം​ഭ​വം ഇ​ഷ്ട​പ്പെ​ട്ടു.

ചേ​മ്പും ച​മ്മ​ന്തി​യും

ചി​ല ചേ​മ്പു​ക​ളു​ടെ കി​ഴ​ങ്ങും മു​ള​ക​ളും പു​ഴു​ങ്ങി​യെ​ടു​ത്താ​ൽ വെ​ണ്ണ പോ​ലെ​യി​രി​ക്കും. മെ​നു​വി​നാ​വ​ശ്യ​മാ​യ പ​ച്ച​ക്ക​റി​ക​ൾ കി​ച്ച​ൺ സ്റ്റോ​റി​ലെ​ത്തി​യാ​ൽ അ​വ​യു​ടെ അ​വ​സ്ഥ​യും നി​ല​വാ​ര​വും പ​രി​ശോ​ധി​ക്കും. പു​ഴു​ക്കി​ന് യോ​ജ്യ​മാ​ണ് ചേ​മ്പെ​ങ്കി​ൽ, അ​ന്നു മെ​നു​വി​ൽ Colocasia and Chutney പ്ര​ത്യ​ക്ഷ​പ്പെ​ടും. ച​മ്മ​ന്തി​ക്കു വേ​ണ്ട തേ​ങ്ങ​യും പ​ച്ച​മാ​ങ്ങ​യും വേ​പ്പി​ല​യും ഫ്ര​ഷ് ത​ന്നെ വേ​ണം. നാ​ട​ൻ പ​ച്ച​ക്ക​റി​ക​ൾ ഇം​ഗ്ല​ണ്ടി​ൽ കൃ​ഷി ചെ​യ്യു​ന്നി​ല്ല.

അ​തി​നാ​ൽ, മ​ത്തി പൊ​രി​ക്കാ​നു​ള്ള വാ​ഴ​യി​ല മു​ത​ൽ അ​വി​യ​ലി​നാ​വ​ശ്യ​മാ​യ മു​രി​ങ്ങ​ക്ക​യും നേ​ന്ത്ര​ക്കാ​യും പ​ച്ച​പ്പ​യ​റും വ​രെ​യു​ള്ള​വ കേ​ര​ള​ത്തി​ൽ​നി​ന്ന് എ​ത്ത​ണം. പൊ​ടി​യു​ള്ള മ​ത്ത​നും രു​ചി​യു​ള്ള പ​യ​റും ഉ​ണ്ടെ​ങ്കി​ലേ എ​രി​ശേ​രി മെ​നു​വി​ലെ​ത്തൂ. ഓ​ല​ന് ഒ​ന്നാം ത​രം കു​മ്പ​ള​ങ്ങ​യും ധാ​രാ​ളം പാ​ലു​ള്ള നാ​ളി​കേ​ര​വും വേ​ണം. കാ​ർ​ഗോ​യി​ൽ താ​മ​സം നേ​രി​ട്ടാ​ൽ, അ​വി​യ​ലി​ന്‍റെ​യും ഓ​ല​ന്‍റെ​യും എ​രി​ശേ​രി​യു​ടെ​യും "സ്റ്റാ​ർ വാ​ല്യു' കു​റ​യും!

കൊ​ഞ്ച് തീ​യ​ൽ

ഒ​ടു​വി​ൽ മെ​നു​വി​ലെ​ത്തി​ച്ച ഐ​റ്റ​മാ​ണ് കൊ​ഞ്ച് തീ​യ​ൽ. അ​തി​വി​ടെ വ​ള​രെ പെ​ട്ടെ​ന്ന് ഹി​റ്റാ​യി. കു​ഞ്ഞു​ന്നാ​ളി​ൽ എ​ന്നെ വ​ല്ലാ​തെ ആ​ക​ർ​ഷി​ച്ച സാ​ധ​നം ല​ണ്ട​നി​ലൊ​ന്നു ട്രൈ ​ചെ​യ്യാ​ൻ തീ​രു​മാ​നി​ച്ച​ത്, അ​മ്മ​ച്ചി ഉ​ണ്ടാ​ക്കി ത​ന്നി​രു​ന്ന​തി​ന്‍റെ രു​ചി ഇ​പ്പോ​ഴും നാ​വി​ലു​ള്ള​തി​നാ​ലാ​ണ്. പി​ന്നെ താ​മ​സി​ച്ചി​ല്ല, അ​മ്മ​ച്ചി​യോ​ടു വോ​യ്സ് അ​യ​ച്ചു ത​രാ​ൻ പ​റ​ഞ്ഞു.

മൂ​ന്നാം നാ​ൾ Char-grilled Lobster മെ​നു​വി​ലെ​ത്തി! റെ​സി​പീ​യി​ൽ കാ​ര്യ​മാ​യ വ്യ​ത്യാ​സ​ങ്ങ​ളൊ​ന്നു​മി​ല്ലാ​തെ​ത​ന്നെ ന​മ്മു​ടെ തീ​യ​ൽ യൂ​റോ​പ്പി​ലേ​ക്കു പ​റി​ച്ചു​ന​ട്ടു. തൊ​ട്ടു​കൂ​ട്ടാ​ൻ ഈ​ന്ത​പ്പ​ഴം അ​ച്ചാ​ർ ന​ൽ​കു​ന്നു. ഒ​രൊ​റ്റ വ​ലി​യ കൊ​ഞ്ചാ​ണ് പ്ലേ​റ്റി​ൽ ഉ​ണ്ടാ​കു​ക. വി​ല 30 ബ്രി​ട്ടീ​ഷ് പൗ​ണ്ട്! മു​പ്പ​തു ബ്രി​ട്ടീ​ഷ് പൗ​ണ്ടെ​ന്നാ​ൽ ഇ​ന്ത്യ​യി​ൽ മൂ​വാ​യി​ര​ത്തി​ലേ​റെ രൂ​പ. റോ​യ​ൽ​റ്റി ന​ൽ​കേ​ണ്ട​ത് പ്രി​യ അ​മ്മ​ച്ചി​ക്ക്!

ക​ട്ട്‌​ല​റി ഒ​രു കൂ​ടി​യ കാ​ര്യം

ആ​ഹാ​ര സാ​ധ​ന​ങ്ങ​ൾ രൂ​പ​പ്പെ​ടു​ത്താ​നും മു​റി​ച്ചോ കോ​രി​യെ​ടു​ത്തോ ക​ഴി​ക്കാ​നു​മാ​ണ് പാ​ശ്ചാ​ത്യ​ർ ഫോ​ർ​ക്ക്, ക​ത്തി, സ്പൂ​ൺ മു​ത​ലാ​യ ക​ട്ട്‌​ല​റി ഉ​പ​യോ​ഗി​ക്കു​ന്ന​ത്. പ​ര​മ്പ​രാ​ഗ​ത​മാ​യി അ​വ​രു​ടെ ഭ​ക്ഷ​ണ​ങ്ങ​ളും ഭ​ക്ഷ്യ​രീ​തി​യും ക​ട്ട്‌​ല​റി​യോ​ടു ബ​ന്ധ​പ്പെ​ട്ട​താ​ണ്. ഭോ​ജ​ന സ​ഹാ​യ സാ​മ​ഗ്രി​ക​ൾ ഉ​പ​യോ​ഗി​ക്കാ​തെ​യു​ള്ള ഭോ​ജ്യ​രീ​തി നി​ല​വാ​രം കു​റ​ഞ്ഞ​തെ​ന്നു​ള്ള പൊ​തു​ധാ​ര​ണ​യും ചി​ല​പ്പോ​ൾ പാ​ശ്ചാ​ത്യ​രെ മാ​തൃ​ക​യാ​യി നാം ​ക​രു​തു​ന്ന​തു കൊ​ണ്ടാ​കാം.

എ​ന്നാ​ൽ, പൊ​രി​ച്ച മീ​നോ ക​റി​യി​ലെ മീ​നോ നു​ള്ളി​യെ​ടു​ത്തു ക​ഴി​ക്കാ​നോ പു​ട്ട് പ​ഴം ചേ​ർ​ത്തു കു​ഴ​യ്ക്കാ​നോ ന​മു​ക്കു വി​ര​ലു​ക​ൾ നേ​രി​ട്ട് ഉ​പ​യോ​ഗി​ക്കേ​ണ്ടേ? മീ​ൻ നു​ള്ളി​യെ​ടു​ത്താ​ണ് ക​ഴി​ക്കു​ന്ന​തെ​ങ്കി​ൽ, അ​തി​ന്‍റെ മു​ള്ള് ഒ​രു ഭീ​ഷ​ണി​യാ​കു​ന്നി​ല്ല​ല്ലോ. ന​മ്മു​ടെ ഭ​ക്ഷ​ണ​സാ​ധ​ന​ങ്ങ​ൾ പാ​ശ്ചാ​ത്യ​ർ​ക്കു ന​ൽ​കു​മ്പോ​ൾ നേ​രി​ടേ​ണ്ടി വ​രു​ന്ന വ​ലി​യ പ്ര​ശ്ന​വു​മി​താ​ണ്. പ​റ്റു​ന്ന​ത്ര ക​ട്ട്‌​ല​റി ഉ​പ​യോ​ഗി​ച്ചു ക​ഴി​ക്കാ​ൻ ക​ഴി​യു​ന്ന രൂ​പ​ത്തി​ലാ​ക്കി​യാ​ണ് വെ​ള്ള​ക്കാ​രു​ടെ മു​ന്നി​ൽ ന​മ്മു​ടെ ഐ​റ്റം​സ് എ​ത്തി​ക്കു​ന്ന​ത്.

കൊ​ള്ളാ​മ​ല്ലോ ഇം​ഗ്ലീ​ഷ്!

മ​ല​യാ​ളം ത​ന്നെ ത​പ്പി​ത്ത​ട​ഞ്ഞാ​ണ് കു​ഞ്ഞു​നാ​ളി​ൽ പ​റ​ഞ്ഞി​രു​ന്ന​ത്. നാ​ട്ടി​ൻ​പു​റ​ത്തെ മ​ല​യാ​ളം മീ​ഡി​യം സ്കൂ​ളി​ൽ പ​ഠി​ച്ചു​വ​ള​ർ​ന്ന എ​നി​ക്ക് ഇം​ഗ്ലീ​ഷാ​യി​രു​ന്നു ഏ​റ്റ​വും വ​ലി​യ ഭീ​ഷ​ണി. മാ​വേ​ലി​ക്ക​ര​യി​ലെ ബി​ഷ​പ് ഹോ​ഡ്ജ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ (BHHSS) അ​ധ്യാ​പ​ക​ൻ ഡേ​വി​ഡ് ജേ​ക്ക​ബ് സാ​റി​ന് അ​തു ന​ന്നാ​യി അ​റി​യാ​മാ​യി​രു​ന്നു.

ല​ണ്ട​നി​ലെ ഒ​രു ത​ണു​ത്ത പ്ര​ഭാ​ത​ത്തി​ൽ, അ​ദ്ദേ​ഹം ഈ​യി​ടെ ഫോ​ണി​ൽ വി​ളി​ച്ച്, “ജോ​മോ​നേ, കൊ​ള്ളാ​മ​ല്ലൊ നി​ന്‍റെ ഇ​ഗ്ലീ​ഷ്” എ​ന്ന് ആ​ഹ്ലാ​ദ​ത്തോ​ടെ പ​റ​ഞ്ഞ​പ്പോ​ൾ മ​ന​സു​നി​റ​ഞ്ഞു! BBC പ്ര​ക്ഷേ​പ​ണം ചെ​യ്ത "Celebrity Master Chef ' പ​രി​പാ​ടി അ​ദ്ദേ​ഹം ത​ലേ​ന്നു രാ​ത്രി ക​ണ്ടി​രു​ന്ന​ത്രെ! ഇ​രു​പ​തു വി​ദ​ഗ്‌​ധ​രു​ടെ​യും മൂ​ന്നു കാ​മ​റ​ക​ളു​ടെ​യും മു​ന്നി​ൽ, ഡി​ജി​ടെ​ക് എ​ൽ​ഇ​ഡി ലൈ​റ്റു​ക​ളു​ടെ ക​ണ്ണ​ഞ്ചി​ക്കു​ന്ന പ്ര​കാ​ശ​ത്തി​ൽ, ഷെ​ഫ് കോ​ട്ട് ധ​രി​ച്ചു ഷൂ​ട്ടി​ന് നി​ന്ന​പ്പോ​ൾ എ​നി​ക്കി​ത്ര​യും ന​ന്നാ​യി ആം​ഗ​ലേ​യം പ​റ​യാ​നാ​യോ, അ​റി​യി​ല്ല.

2021ൽ ​ദേ​ശീ​യ പു​ര​സ്കാ​രം

ബ്രി​ട്ട​നി​ലെ ഏ​റ്റ​വും വ​ലി​യ കു​ക്ക​റി ആ​ൻ​ഡ് ഫു​ഡ് അ​സോ​സി​യേ​ഷ​നി​ൽ​നി​ന്ന്, ക​ഴി​ഞ്ഞ വ​ർ​ഷ​ത്തെ നാ​ഷ​ണ​ൽ ഷെ​ഫ് പു​ര​സ്കാ​രം ജോ​മോ​നെ തേ​ടി​യെ​ത്തി. കേ​ര​ള ട്രെ​ഡീ​ഷ​ണ​ൽ ഐ​റ്റം​സും വാ​ഴ​യി​ല​യി​ൽ പൊ​ള്ളി​ച്ച മീ​നും നി​ര​വ​ധി രു​ചി​വി​ദ​ഗ്‌​ധ​ർ (Gourmets) മാ​റ്റു​നോ​ക്കി​യാ​ണ് മി​ക​ച്ച ദേ​ശീ​യ​ത​ല ഷെ​ഫ് പ​ദ​വി​യി​ലേ​ക്കു തെ​ര​ഞ്ഞെ​ടു​ത്ത​ത്. പ്ര​ശ​സ്ത​രാ​യ അ​നേ​കം ഷെ​ഫു​മാ​ർ മ​ത്സ​ര​ത്തി​ൽ പ​ങ്കെ​ടു​ത്തി​രു​ന്നു.

1965ൽ ​സ്ഥാ​പി​ത​മാ​യ Craft Guild of Chefs എ​ന്ന സം​ഘ​ട​ന ന​ൽ​കു​ന്ന വാ​ർ​ഷി​ക അം​ഗീ​കാ​ര​മാ​ണി​ത്. 2019ൽ, ‘​ബ്രി​ട്ടീ​ഷ് മ​ല​യാ​ളി' പു​ര​സ്കാ​ര​ത്തി​നാ​യി (News Person of the Year) തെ​ര​ഞ്ഞെ​ടു​ക്ക​പ്പെ​ട്ട​പ്പോ​ൾ, ഗാ​യ​ക​ൻ ജി.​വേ​ണു​ഗോ​പാ​ൽ നാ​ട്ടി​ൽ​നി​ന്നെ​ത്തി ശി​ല്പം സ​മ്മാ​നി​ച്ചു. ബ്രി​ട്ട​നി​ൽ ഏ​റ്റ​വും സ്വാ​ധീ​നം ചെ​ലു​ത്തി​യ 100 മ​ല​യാ​ളി​ക​ളി​ൽ ഒ​രാ​ളാ​യി തെ​ര​ഞ്ഞെ​ടു​ത്തു, പൊ​ന്നാ​ട അ​ണി​യി​ക്ക​പ്പെ​ട്ട​ത് മ​റ്റൊ​രു അ​ഭി​മാ​ന നി​മി​ഷം. പ​ഠി​ക്കാ​ൻ ആ​ശി​ച്ച കോ​ള​ജു​ക​ളി​ൽ, പാ​ച​കം പ​ഠി​പ്പി​ക്കാ​ൻ ഗ​സ്റ്റ് ല​ക്ച​റ​റാ​യി പോ​കാ​ൻ ക​ഴി​ഞ്ഞ​ത് ഭാ​ഗ്യ​മ​ല്ലാ​തെ മ​റ്റെ​ന്താ​ണ്!

അ​പ്ര​തീ​ക്ഷി​തം

ഹോ​ട്ട​ൽ മാ​നേ​ജ്മെ​ന്‍റി​ൽ ഡി​ഗ്രി ക​ഴി​ഞ്ഞ​തി​നു ശേ​ഷം, ഒ​രു സ്റ്റു​ഡ​ന്‍റ് വീ​സ​യെ​ടു​ത്ത് 2008ൽ ​ല​ണ്ട​നി​ലെ ഹി​ത്രോ എ​യ​ർ​പോ​ർ​ട്ടി​ൽ വി​മാ​ന​മി​റ​ങ്ങി​യ​പ്പോ​ൾ, ഇ​ത്ര​യൊ​ന്നും പ്ര​തീ​ക്ഷി​ച്ചി​രു​ന്നി​ല്ല. പാ​ച​ക​മേ​ഖ​ല​യി​ൽ താ​ത്പ​ര്യം കാ​ണി​ച്ച​പ്പോ​ൾ, എ​ന്നെ പ​ഠി​പ്പി​ച്ചു വ​ലു​താ​ക്കി​യ​ത് കു​ശി​നി​ക്കാ​ര​നാ​ക്കാ​ന​ല്ലെ​ന്നു നി​രൂ​പി​ച്ച അ​പ്പ​ച്ച​നോ​ട് ഞാ​ൻ നീ​തി പു​ല​ർ​ത്തി​യി​ല്ലേ?

സ​മൂ​ഹ​ത്തി​ൽ മാ​ന്യ​സ്ഥാ​ന​മു​ള്ള പി.​സി. കു​ര്യാ​ക്കോ​സി​നു ത​ന്‍റെ പു​ത്ര​നാ​ൽ സ​ത്പേ​ര് മാ​ത്ര​മേ വ​രാ​വൂ! പ​ഠി​പ്പി​നേ​ക്കാ​ൾ മ​ക​ന് താ​ൽ​പ​ര്യം തീ​റ്റ​യി​ലാ​ണെ​ന്ന്, അ​ധ്യാ​പ​ക​ൻ സു​നി​ൽ ഡി. ​കു​രു​വി​ള​യോ​ട് പ​രാ​തി​പ്പെ​ട്ട​പ്പോ​ൾ, "അ​വ​ന്‍റെ തീ​റ്റ​പ്രേ​മം അ​വ​ന്‍റെ ജീ​വി​ത മാ​ർ​ഗ​മാ​വ​ട്ടെ''​യെ​ന്നാ​ണ് അ​ദ്ദേ​ഹം അ​മ്മ​ച്ചി​ക്കു മ​റു​പ​ടി​കൊ​ടു​ത്ത​ത്. മ​റ​ക്കാ​നാ​കു​മോ സു​നി​ൽ സാ​റി​നെ​യും എ​ല്ലാ "കു​റു​മ്പി'​നും ഒ​പ്പം നി​ന്ന അ​നി​യ​ൻ ജി​ജോ​മോ​നെ​യും!

അ​രി​ഞ്ഞു ചേ​ർ​ക്കാം

സെ​ലി​ൻ ചേ​ച്ചി​യെ അ​യ​ൽ​ക്കാ​ർ​ക്കെ​ല്ലാം ഇ​ഷ്ട​മാ​ണ്. കാ​ര​ണം, ല​ളി​തം. ജോ​മോ​ന്‍റെ​യും ജി​ജോ​മോ​ന്‍റെ​യും ഈ ​അ​മ്മ​ച്ചി പ​റ​യു​ന്ന​തി​ലെ​യും പ്ര​വ​ർ​ത്തി​ക്കു​ന്ന​തി​ലെ​യും പ്ര​ധാ​ന ചേ​രു​വ സ്നേ​ഹ​മാ​ണ്! നി​ന്നെ​പ്പോ​ലെ നി​ന്‍റെ അ​യ​ൽ​ക്കാ​ര​നെ​യും സ്നേ​ഹി​ക്കു​ക​യെ​ന്ന​താ​ണ് അ​മ്മ​ച്ചി​യു​ടെ വേ​ദ​വാ​ക്യം! “ജോ​മോ​നേ, ലാ​ഭ​ക്ക​ണ​ക്ക് നീ ​പാ​ച​ക​ത്തി​ൽ ചേ​ർ​ക്ക​രു​ത്. നീ ​ഉ​ണ്ടാ​ക്കു​ന്ന ഭ​ക്ഷ​ണം ക​ഴി​ക്കാ​നെ​ത്തു​ന്ന​ത് നി​ന്‍റെ ബ​ന്ധു​ക്ക​ളും സ്നേ​ഹി​ത​രും സ്നേ​ഹി​ത​രാ​കാ​ൻ പോ​കു​ന്ന​വ​രു​മാ​ണെ​ന്ന് എ​പ്പോ​ഴും ഓ​ർ​ക്ക​ണം.

ആ​യ​തി​നാ​ൽ, പാ​ച​കം ചെ​യ്യു​മ്പോ​ൾ അ​തി​ൽ അ​ല്പം സ്നേ​ഹം കൂ​ടി നീ ​അ​രി​ഞ്ഞു ചേ​ർ​ക്ക​ണം!” അ​മ്മ​ച്ചി ഇ​ട​യ്ക്കി​ടെ ഓ​ർ​മ​പ്പെ​ടു​ത്താ​റു​ണ്ട്. ഹോ​ട്ട​ലി​ലെ മാ​ത്ര​മ​ല്ല, Jo's Nest എ​ന്ന ഞ​ങ്ങ​ളു​ടെ ഭ​വ​ന​ത്തി​ലും ഹെ​ഡ് ഷെ​ഫ് ഞാ​ൻ ത​ന്നെ​യാ​ണെ​ന്ന​തി​നാ​ൽ അ​മ്മ​ച്ചി​യു​ടെ മാ​ർ​ഗ​നി​ർ​ദേ​ശം എ​ന്നും മ​ന​സി​ലു​ണ്ട്. പ​ത്നി ലി​ൻ​ജോ, മ​ക്ക​ളാ​യ ജോ​വി​യാ​ൻ, ജോ​ഷേ​ൽ, ജോ​ഷ്‌​ലീ​ൻ എ​ന്നി​വ​ർ ഉ​ൾ​പ്പെ​ട്ട​താ​ണ് എ​ന്‍റെ കി​ളി​ക്കൂ​ട്. കി​ച്ച​ൺ ബാ​ല​ൻ​സി​ൽ വ​ച്ചു തൂ​ക്കി നോ​ക്കാ​തെ ഓ​രോ ഐ​റ്റ​ത്തി​ലും സ്നേ​ഹം ചേ​ർ​ത്തു​കൊ​ണ്ട് ജോ​മോ​ൻ വീ​ണ്ടും അ​ടു​ക്ക​ള​യി​ലേ​ക്ക്.

വി​ജ​യ് സി​യെ​ച്ച്