സ്മാ​ർ​ട് വാ​ച്ചു​ക​ൾ വി​പ​ണി കീ​ഴ​ട​ക്കു​ന്ന കാ​ല​മാ​ണി​പ്പോ​ൾ. 2020 ലെ ​ക​ണ​ക്ക​നു​സ​രി​ച്ച്, ആ​പ്പി​ൾ സ്മാ​ർ​ട് വാ​ച്ചു​ക​ളു​ടെ ആ​ഗോ​ള വി​റ്റു​വ​ര​വ് മു​പ്പ​തി​ലേ​റെ ബി​ല്യ​ൺ ഡോ​ള​റാ​യി​രു​ന്നു. സ്വി​സ് വാ​ച്ച് ഇ​ൻ​ഡ​സ്ട്രി​യു​ടെ മൊ​ത്ത​വ​രു​മാ​ന​മാ​ക​ട്ടെ പ​തി​ന​ഞ്ച് ബി​ല്യ​ൺ ഡോ​ള​ർ മാ​ത്ര​വും. എ​ന്നാ​ൽ അ​തു​കൊ​ണ്ട് സ്വി​സ് വാ​ച്ച് വ്യ​വ​സാ​യം ത​ള​ർ​ന്നു​പോ​യി എ​ന്നു ക​രു​തേ​ണ്ട. സ്ഥി​തി​വി​വ​ര​ക്ക​ണ​ക്ക​നു​സ​രി​ച്ച് ആ​യി​ര​ത്തി​ലേ​റെ ഡോ​ള​ർ വി​ല​വ​രു​ന്ന വാ​ച്ചു​ക​ളു​ടെ 95 ശ​ത​മാ​ന​വും ഇ​പ്പോ​ഴും നി​ർ​മി​ക്കു​ന്ന​ത് സ്വി​റ്റ്സ​ർ​ല​ൻ​ഡ് ആ​ണ​ത്രേ. അ​താ​യ​ത് വാ​ച്ചു​ക​ളു​ടെ ആ​ഡം​ബ​ര വി​പ​ണി ഇ​പ്പോ​ഴും സ്വി​സ് ക​ന്പ​നി​ക​ളു​ടെ കൈ​ക​ളി​ലാ​ണെ​ന്നു സാ​രം.

ന​മ്മെ പ​ല പാ​ഠ​ങ്ങ​ളും പ​ഠി​പ്പി​ക്കു​ന്ന ക​ഥ​യാ​ണ് സ്വി​സ് വാ​ച്ച് വ്യ​വ​സാ​യ​ത്തി​നു​ള്ള​ത്. സ്വി​റ്റ്സ​ർ​ല​ൻ​ഡു​കാ​ർ വാ​ച്ച് വ്യ​വ​സാ​യ​ത്തി​ലേ​ക്കു ക​ട​ക്കു​ന്ന​ത് പ​തി​നാ​റാം നൂ​റ്റാ​ണ്ടി​ലാ​ണ്. അ​ക്കാ​ല​ത്ത് ജ​നീ​വ ന​ഗ​ര​ത്തി​ലെ പ്ര​ധാ​ന വ്യ​വ​സാ​യം ജൂ​വ​ല​റി ആ​യി​രു​ന്നു. എ​ന്നാ​ൽ, പ്രോ​ട്ട​സ്റ്റ​ന്‍റ് ന​വോ​ത്ഥാ​ന നേ​താ​ക്ക​ളി​ലൊ​രാ​ളാ​യി​രു​ന്ന ജോ​ൺ കാ​ൽ​വി​ന്‍റെ നി​യ​ന്ത്ര​ണ​ത്തി​ൽ ജ​നീ​വ വ​ന്ന​പ്പോ​ൾ ആ​ഭ​ര​ണ​ങ്ങ​ളു​ടെ ഉ​പ​യോ​ഗം നി​രോ​ധി​ക്ക​പ്പെ​ട്ടു. അ​പ്പോ​ൾ ജൂ​വ​ല​റി നി​ർ​മി​ച്ചി​രു​ന്ന​വ​ർ പ​ട്ടി​ണി​യി​ലാ​യി​പ്പോ​യി​ല്ല.

അ​തി​ന്‍റെ കാ​ര​ണം അ​വ​ർ അ​വ​സ​ര​ത്തി​നൊ​ത്തു​യ​ർ​ന്നു എ​ന്ന​താ​യി​രു​ന്നു. അ​വ​രു​ടെ മു​ന്പി​ൽ ഒ​രു വാ​തി​ല​ട​ഞ്ഞ​പ്പോ​ൾ മ​റ്റൊ​ന്നു തു​റ​ന്നു. അ​ങ്ങ​നെ​യാ​ണ് അ​ക്കാ​ല​ത്ത് ജ​ർ​മ​നി​യി​ൽ തു​ട​ക്ക​മി​ട്ട ക്ലോ​ക്കും ടൈം​പീ​സു​മൊ​ക്കെ നി​ർ​മി​ക്കാ​ൻ ജ​നീ​വ​യി​ലെ ത​ട്ടാ​ൻ​മാ​ർ ആ​രം​ഭി​ച്ച​ത്. അ​തി​ൽ അ​വ​ർ വി​ജ​യി​ക്കു​ക​യും ചെ​യ്തു.

നൂ​റ്റാ​ണ്ടു​ക​ൾ പി​ന്നി​ട്ട​പ്പോ​ൾ സ്വി​സ് വാ​ച്ച് വ്യ​വ​സാ​യം ന​ന്പ​ർ വ​ൺ ആ​യി മാ​റി. 1968 ആ​യ​പ്പോ​ഴേ​ക്കും ആ​ഗോ​ള​ത​ല​ത്തി​ൽ വി​റ്റ​ഴി​ക്ക​പ്പെ​ട്ടി​രു​ന്ന വാ​ച്ചു​ക​ളു​ടെ 65 ശ​ത​മാ​ന​വും സ്വി​റ്റ്സ​ർ​ല​ൻ​ഡി​ൽ നി​ർ​മി​ച്ച​വ ആ​യി​രു​ന്നു. എ​ന്നാ​ൽ, 1980 ആ​യ​പ്പോ​ഴേ​ക്കും ആ​ഗോ​ള വാ​ച്ച് വി​പ​ണി​യു​ടെ പ​ത്തു​ശ​ത​മാ​ന​മാ​യി അ​വ​ർ ചു​രു​ങ്ങി. എ​ന്തു​കൊ​ണ്ടാ​ണ് അ​തു സം​ഭ​വി​ച്ച​ത്?

കാ​ല​ത്തി​ന്‍റെ മാ​റ്റ​ങ്ങ​ൾ​ക്കൊ​ത്തു നീ​ങ്ങാ​ൻ സ്വി​സ് വാ​ച്ച് വ്യ​വ​സാ​യം മ​ടി​ച്ചു​നി​ന്നു. ത​ന്മൂ​ലം സ്വി​സ് വാ​ച്ചു​ക​ൾ​ക്കു മാ​ർ​ക്ക​റ്റി​ൽ ഡി​മാ​ൻ​ഡി​ല്ലാ​താ​യി. അ​ക്കാ​ല​ത്ത് സ്വി​സ് ക​ന്പ​നി​ക​ൾ നി​ർ​മി​ച്ചി​രു​ന്ന​ത് മെ​ക്കാ​നി​ക്ക​ൽ വാ​ച്ചു​ക​ളാ​യി​രു​ന്നു. എ​ന്നാ​ൽ, ജ​ന​ത്തി​ന് ആ​വ​ശ്യ​മാ​യി​രു​ന്ന​ത് കൂ​ടു​ത​ൽ കൃ​ത്യ​ത​യു​ള്ള ക്വാ​ർ​ട്സ് വാ​ച്ചു​ക​ളും. അ​ങ്ങ​നെ​യു​ള്ള വാ​ച്ചു​ക​ൾ നി​ർ​മി​ക്കു​ന്ന​തി​ൽ മു​ന്നി​ട്ടു​നി​ന്ന​ത് ജാ​പ്പ​നീ​സ് ക​ന്പ​നി​ക​ളും. അ​വ​ർ വേ​ഗം വി​പ​ണി​യു​ടെ മു​ൻ​പ​ന്തി​യി​ൽ എ​ത്തു​ക​യും ചെ​യ്തു.

ക്വാ​ർ​ട്സ് വാ​ച്ചു​ക​ൾ നി​ർ​മി​ക്കു​ന്ന​തി​ന്‍റെ തു​ട​ക്ക​ത്തി​ൽ സ്വി​സ് ക​ന്പ​നി​ക​ളു​ണ്ടാ​യി​രു​ന്നെ​ങ്കി​ലും അ​വ​യു​ടെ വി​ജ​യ​സാ​ധ്യ​ത മ​ന​സി​ലാ​ക്കി അ​വ വ​ൻ​തോ​തി​ൽ വി​പ​ണി​യി​ലെ​ത്തി​ക്കു​ന്ന​തി​ൽ വ​ള​രെ​ക്കാ​ലം അ​വ​ർ മ​ടി​ച്ചു​നി​ന്നു. വാ​ച്ചു​ക​ളു​ടെ ആ​ഗോ​ള​വി​പ​ണി മു​ഴു​വ​നും ന​ഷ്‌​ട​പ്പെ​ടു​മെ​ന്ന അ​വ​സ്ഥ വ​ന്ന​പ്പോ​ഴാ​ണ് അ​വ​ർ ക്വാ​ർ​ട്സ് വാ​ച്ച് നി​ർ​മാ​ണം ഗൗ​ര​വ​മാ​യി എ​ടു​ത്ത​ത്.

സ്വി​സ് വാ​ച്ച് വ്യ​വ​സാ​യ​ത്തി​ന്‍റെ ക​ഥ ത​ത്കാ​ലം ഇ​വി​ടെ നി​ൽ​ക്ക​ട്ടെ. ന​മ്മു​ടെ ക​ഥ​യും പ​ല​പ്പോ​ഴും ഇ​തു​പോ​ലെ​യ​ല്ലേ? ശീ​ലി​ച്ച​തേ പാ​ലി​ക്കൂ എ​ന്നു ശ​ഠി​ക്കു​ന്ന​വ​ര​ല്ലേ ന​മ്മി​ൽ ഭൂ​രി​ഭാ​ഗ​വും. ത​ന്മൂ​ല​മ​ല്ലേ സ​മൂ​ഹ​ത്തി​ന്‍റെ ന​ന്മ​യ്ക്കു സ​ഹാ​യി​ക്കു​ന്ന പ​ല ന​ല്ല​കാ​ര്യ​ങ്ങ​ളും നാം ​വേ​ണ്ടെ​ന്നു വ​യ്ക്കു​ന്ന​ത്.

ന​മ്മു​ടെ നാ​ട്ടി​ൽ കം​പ്യൂ​ട്ട​ർ ഉ​പ​യോ​ഗം ആ​രം​ഭി​ച്ച​പ്പോ​ഴു​ണ്ടാ​യ പ്ര​ശ്ന​ങ്ങ​ൾ ന​മു​ക്ക് മ​റ​ക്കാ​റാ​യി​ട്ടി​ല്ല​ല്ലോ. അ​ജ്ഞ​ത​യു​ടെ പേ​രി​ലാ​യാ​ലും എ​ത്ര​യോ ആ​ളു​ക​ളാ​ണ് ഗ​വ​ൺ​മെ​ന്‍റി​ന്‍റെ​യും ക​ന്പ​നി​ക​ളു​ടെ​യു​മൊ​ക്കെ കം​പ്യൂ​ട്ട​ർ​വ​ത്ക​ര​ണ​ത്തെ അ​ന്ന് എ​തി​ർ​ത്ത​ത്. ആ ​എ​തി​ർ​പ്പ് എ​ത്ര​യോ വ​ർ​ഷ​ങ്ങ​ൾ നീ​ണ്ടു​നി​ന്നു. അ​തു​വ​ഴി ന​മു​ക്കു​ണ്ടാ​യ ന​ഷ്‌​ടം ന​മു​ക്ക് ക​ണ​ക്കു​കൂ​ട്ടാ​നാ​വു​മോ?

ന​മ്മു​ടെ വി​ദ്യാ​ഭ്യാ​സ​മേ​ഖ​ല​യു​ടെ പി​ന്നാ​ക്കാ​വ​സ്ഥ​യു​ടെ കാ​ര​ണ​വും പു​തി​യ കാ​ര്യ​ങ്ങ​ൾ സ്വീ​ക​രി​ക്കു​ന്ന​തി​നു​ള്ള വി​മു​ഖ​ത ആ​യി​രു​ന്നി​ല്ലേ? എ​ത്ര​യോ കാ​ലം പ​ട​പൊ​രു​തി​യി​ട്ടാ​ണ് ഉ​ന്ന​ത വി​ദ്യാ​ഭ്യാ​സ​രം​ഗ​ത്ത് പ്ര​യോ​ജ​ന​പ്ര​ദ​മാ​യ കോ​ഴ്സു​ക​ളും അ​വ ന​ൽ​കു​ന്ന സ്ഥാ​പ​ന​ങ്ങ​ളു​മു​ണ്ടാ​യ​ത്. ഇ​ക്കാ​ര്യ​ത്തി​ൽ ന​മ്മ​ൾ ഇ​പ്പോ​ഴും ഏ​റെ പി​ന്നി​ല​ല്ലേ?

കാ​ലം മാ​റു​ന്ന​ത​നു​സ​രി​ച്ച് പ​ല കാ​ര്യ​ങ്ങ​ളി​ലും മാ​റ്റ​ങ്ങ​ളു​ണ്ടാ​കും. പ്ര​ത്യേ​കി​ച്ചു മ​നു​ഷ്യ​രു​ടെ ചി​ന്താ​ഗ​തി​യു​ടെ കാ​ര്യ​ത്തി​ൽ. അ​തൊ​ക്കെ മ​ന​സി​ലാ​ക്കി വി​ജ​യ​ക​ര​മാ​യ മാ​ർ​ഗ​ങ്ങ​ൾ തെ​ര​ഞ്ഞെ​ടു​ക്കു​ന്ന​വ​ര​ല്ലേ വി​വേ​ക​ശാ​ലി​ക​ളും ബു​ദ്ധി​യു​ള്ള​വ​രും?

സ്വി​സ് വാ​ച്ച് വ്യ​വ​സാ​യ​ത്തി​ന്‍റെ ക​ഥ​യി​ലേ​ക്കു മ​ട​ങ്ങി​വ​ര​ട്ടെ. ക്വാ​ർ​ട്സ് വി​പ്ല​വ​ത്തി​ന്‍റെ ആ​രം​ഭ​ഘ​ട്ട​ത്തി​ൽ അ​തി​നോ​ട് പ്ര​തി​ക​രി​ക്കു​ന്ന​തി​ൽ സ്വി​സ് ക​ന്പ​നി​ക​ൾ ഏ​റെ പി​ന്നി​ൽ പോ​യി. എ​ന്നാ​ൽ, അ​വ​ർ ത​ങ്ങ​ളു​ടെ തെ​റ്റ് തി​രു​ത്തി ക്വാ​ർ​ട്സ് വാ​ച്ചു​ക​ളു​ടെ നി​ർ​മാ​ണ​വും വ​ൻ​തോ​തി​ൽ ആ​രം​ഭി​ച്ചു. അ​ക്കൂ​ട്ട​ത്തി​ൽ ഏ​റെ ശ്ര​ദ്ധ​വ​ച്ച​ത് ആ​ഡം​ബ​ര വാ​ച്ചു​ക​ളു​ടെ വി​പ​ണി​യി​ലാ​യി​രു​ന്നു. ത​ന്മൂ​ലം സ്മാ​ർ​ട് വാ​ച്ചു​ക​ൾ വി​പ​ണി​യി​ലെ​ത്തി​യ​പ്പോ​ൾ സ്വി​സ് ക​ന്പ​നി​ക​ൾ പി​ടി​ച്ചു​നി​ന്നു.

അ​തോ​ടൊ​പ്പം സ്വി​സ് ക​ന്പ​നി​ക​ളും സ്മാ​ർ​ട് വാ​ച്ചു​ക​ളു​ടെ നി​ർ​മാ​ണം ആ​രം​ഭി​ച്ചു. ഇ​നി​യു​ള്ള കു​റേ വ​ർ​ഷ​ങ്ങ​ളെ​ങ്കി​ലും സ്മാ​ർ​ട് വാ​ച്ചു​ക​ളാ​യി​രി​ക്കും വി​പ​ണി​യി​ൽ മു​ന്നി​ട്ടു​നി​ൽ​ക്കാ​ൻ പോ​കു​ന്ന​ത്. ത​ന്മൂ​ലം ആ​പ്പി​ളി​നെ വെ​ല്ലു​ന്ന സ്മാ​ർ​ട് വാ​ച്ചു​ക​ൾ സ്വി​സ് ക​ന്പ​നി​ക​ൾ നി​ർ​മി​ക്കാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​വി​ല്ല.

ഒ​രു വാ​തി​ല​ട​യു​ന്പോ​ൾ മ​റ്റൊ​ന്നു തു​റ​ക്കു​ന്ന ച​രി​ത്ര​മാ​ണ് സ്വി​സ് വാ​ച്ച് ക​ന്പ​നി​ക​ളു​ടേ​ത്. ഈ ​ച​രി​ത്രം എ​പ്പോ​ഴും അ​ങ്ങ​നെ ആ​യി​രു​ന്നി​ല്ല എ​ന്ന​തും ശ​രി​ത​ന്നെ. എ​ന്നാ​ൽ, വ​ൻ​പ​രാ​ജ​യം ഏ​റ്റു​വാ​ങ്ങു​ന്ന​തി​നു മു​ന്പ് അ​വ​ർ തെ​റ്റു​തി​രു​ത്തി പു​തി​യ ത​ന്ത്ര​ങ്ങ​ൾ ആ​വി​ഷ്ക​രി​ക്കു​ന്ന​തി​ൽ വി​ജ​യി​ച്ചു. അ​ങ്ങ​നെ​യാ​ണ് അ​വ​ർ ഇ​പ്പോ​ഴും വാ​ച്ചു​ക​ളു​ടെ ആ​ഗോ​ള​വി​പ​ണി​യി​ൽ ത​ല ഉ​യ​ർ​ത്തി​നി​ൽ​ക്കു​ന്ന​ത്.

വ്യ​ക്തി​ക​ളും കു​ടും​ബ​ങ്ങ​ളും സ്ഥാ​പ​ന​ങ്ങ​ളും സ​മൂ​ഹ​ങ്ങ​ളും രാ​ജ്യ​ങ്ങ​ളു​മൊ​ക്കെ കാ​ല​ത്തി​നൊ​ത്ത് നേ​രാ​യ മാ​ർ​ഗ​ത്തി​ലൂ​ടെ ച​ലി​ക്ക​ണം. പു​ത്ത​ൻ വി​ജ​യ​പാ​ത​ക​ൾ ക​ണ്ടെ​ത്ത​ണം. അ​തി​നു സ​ഹാ​യി​ക്കു​ന്ന ആ​ത്മ​വി​ശ​ക​ല​ന​ത്തി​നും ആ​ത്മ​വി​മ​ർ​ശ​ന​ത്തി​നും ത​യാ​റാ​ക​ണം. വ്യ​ക്തി​പ​ര​മാ​യ ഇ​ഷ്‌​ടാ​നി​ഷ്‌​ട​ങ്ങ​ൾ അ​തി​നു ത​ട​സ​മാ​കാ​ൻ അ​നു​വ​ദി​ക്ക​രു​ത്. എ​ങ്കി​ലേ ന​മു​ക്ക് വ​ള​ർ​ച്ച​യു​ണ്ടാ​കൂ. നാം ​ജീ​വി​ത​ത്തി​ൽ വി​ജ​യി​ക്കൂ. ന​മ്മു​ടെ സ​മൂ​ഹ​വും രാ​ജ്യ​വു​മൊ​ക്കെ ന​ല്ല​രീ​തി​യി​ൽ മു​ന്നോ​ട്ടു​പോ​കൂ.

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ