ചി​ത്ര​ക​ല​യു​ടെ വേ​റി​ട്ട വ​ഴി​ക​ളി​ലൂ​ടെ​യാ​ണ് ടി.​ആ​ർ. ഉ​ദ​യ​കു​മാ​റി​ന്‍റെ സ​ഞ്ചാ​രം. പ്ര​മു​ഖ​രു​ടെ അ​ട​ക്കം ര​ണ്ടാ​യി​ര​ത്തോ​ളം പു​സ്ത​ക​ങ്ങ​ളു​ടെ ക​വ​ർ ചെ​യ്ത ചി​ത്ര​കാ​ര​ൻ. ഒ​ന്നു​മി​ല്ലാ​യ്മ​യി​ൽ​നി​ന്നു ജീ​വി​ത​ചി​ത്ര​ത്തി​നു നി​റം കൊ​ടു​ത്ത​യാ​ൾ. കേ​ര​ള ല​ളി​ത​ക​ലാ അ​ക്കാ​ദ​മി മു​ൻ നി​ർ​വാ​ഹ​ക​സ​മി​തി​യം​ഗം. ചി​ത്ര​ക​ല​യി​ൽ 40 വ​ര്‍​ഷം പൂ​ര്‍​ത്തി​യാ​ക്കു​ന്ന ഉ​ദ​യ​കു​മാ​ർ സ​ൺ​ഡേ ദീ​പി​ക​യോ​ടു സം​സാ​രി​ക്കു​ന്നു.

എ​ങ്ങ​നെ​യാ​ണ് ചി​ത്ര​ര​ച​ന​യി​ലേ​ക്ക് എ​ത്തി​യ​ത്?

എ​ഴു​പ​തു​ക​ളു​ടെ അ​വ​സാ​നം ഏ​ഴി​ലോ എ​ട്ടി​ലോ പ​ഠി​ക്കു​ന്ന കാ​ല​ത്ത് അ​ധ്യാ​പ​ക​ൻ മാ​മ്മ​ന്‍ സാ​ർ പ​ടം വ​ര​യ്ക്കു​മാ​യി​രു​ന്നു. പോ​ർ​ട്രേ​റ്റ് ചി​ത്ര​ങ്ങ​ളാ​ണ് പ​ല​തും. ചി​ല​പ്പോ​ൾ സ്കൂ​ളി​ൽ വ​ച്ചും വ​ര​യ്ക്കും. അ​തു ക​ണ്ടി​ട്ട് പ​ടം വ​ര​യ്ക്ക​ണ​മെ​ന്ന മോ​ഹം തോ​ന്നി.

കോ​ട്ട​യം വൈ​എം​സി​എ​യി​ലും ശ​നി​യും ഞാ​യ​റും വീ​ട്ടി​ലും മാ​മ്മ​ന്‍ സാ​ർ ക്ലാ​സെ​ടു​ത്തി​രു​ന്നു. ഇ​തി​ലൊ​ക്കെ ഞാ​നും പ​ങ്കെ​ടു​ത്തു. എ​സ്എ​സ്എ​ല്‍​സി ക​ഴി​ഞ്ഞ് മാ​വേ​ലി​ക്ക​ര ഫൈ​ന്‍ ആ​ര്‍​ട്‌​സ് കോ​ള​ജി​ല്‍ ചി​ത്ര​ക​ല പ​ഠി​ക്കാ​ന്‍ ചേ​ര്‍​ന്നു. അ​വി​ടെ അ​ഞ്ചു വ​ര്‍​ഷം പ​ഠി​ച്ചു.

മാ​വേ​ലി​ക്ക​ര രാ​ജാ​ര​വി​വ​ര്‍​മ ഫൈ​ന്‍ ആ​ര്‍​ട്‌​സ് കോ​ള​ജി​ല്‍ പ​ഠി​ക്കു​ക വ​ലി​യ കാ​ര്യ​മാ​യി​രു​ന്ന​ല്ലോ? അ​ന്ന​ത്തെ ജീ​വി​തം?

വ​ലി​യ കാ​ര്യം ത​ന്നെ​യാ​യി​രു​ന്നു. പ​ല​വ​ട്ടം ശ്ര​മി​ച്ചി​ട്ടും അ​ഡ്മി​ഷ​ൻ കി​ട്ടാ​ത്ത​വ​ർ ഉ​ണ്ടാ​യി​രു​ന്നു. എ​നി​ക്ക് ആ​ദ്യ അ​വ​സ​ര​ത്തി​ല്‍​ത്ത​ന്നെ 1981ൽ ​അ​ഡ്മി​ഷ​ന്‍ കി​ട്ടി. ദി​വ​സ​വും പോ​യി​വ​രി​ക​യാ​യി​രു​ന്നു.

അ​ന്നു സാ​മ്പ​ത്തി​കം വ​ലി​യ പ്ര​ശ്‌​നം. ഒ​രു തു​ണ്ട് ഭൂ​മി​യോ വീ​ടോ ഇ​ല്ലാ​തി​രു​ന്ന കാ​ലം. വാ​ഴ​ത്തോ​ട്ട​ങ്ങ​ളി​ല്‍​നി​ന്നു വാ​ഴ​യി​ല വെ​ട്ടി ഹോ​ട്ട​ലി​ല്‍ കൊ​ടു​ക്കു​ന്ന ജോ​ലി​യാ​യി​രു​ന്നു അ​ച്ഛ​ന്.

ആ ​തു​ച്ഛ വ​രു​മാ​ന​ത്തി​ലാ​യി​രു​ന്നു ഞ​ങ്ങ​ളു​ടെ ജീ​വി​തം. അ​മ്മ​യു​ടെ ചേ​ച്ചി​യു​ടെ വീ​ട്ടി​ൽ താ​മ​സം. പി​ന്നീ​ട്, അ​മ്മ​യും ചേ​ച്ചി​യും ത​മ്മി​ല്‍ അ​ഭി​പ്രാ​യ വ്യ​ത്യാ​സ​മു​ണ്ടാ​യി അ​വി​ടെ​നി​ന്നു മാ​റേ​ണ്ടി വ​ന്നു. വ​ർ​ഷ​ങ്ങ​ളോ​ളം പി​ന്നെ വാ​ട​ക വീ​ടു​ക​ളി​ൽ.​ഫൈ​ന്‍ ആ​ര്‍​ട്‌​സ് കോ​ള​ജി​ല്‍ ചേ​രു​മ്പോ​ള്‍ കൊ​ള്ളാ​വു​ന്ന ഒ​രു ഷ​ര്‍​ട്ടോ മു​ണ്ടോ ചെ​രു​പ്പോ ഒ​ന്നും ഇ​ല്ലാ​യി​രു​ന്നു.

കീ​റി​പ്പ​റി​ഞ്ഞ ഉ​ടു​പ്പും മു​ണ്ടും ധ​രി​ച്ചാ​യി​രു​ന്നു പോ​ക്ക്. ചെ​രി​പ്പു പോ​ലും ഇ​ല്ലാ​തെ​യാ​ണ് കോ​ട്ട​യ​ത്തു​നി​ന്നു മാ​വേ​ലി​ക്ക​ര​യ്ക്കു പോ​യി​വ​ന്നി​രു​ന്ന​ത്.
ര​ണ്ടാം വ​ര്‍​ഷം പ​ഠി​ക്കു​മ്പോ​ഴാ​ണ് മ​റ്റൊ​രു വ​രു​മാ​നം ഇ​ല്ലാ​തെ മു​ന്നോ​ട്ടു പോ​കാ​നാ​വി​ല്ലെ​ന്നു തി​രി​ച്ച​റി​യു​ന്ന​ത്. അ​ങ്ങ​നെ ബു​ക്ക് ക​വ​ര്‍ ഡി​സൈ​നിം​ഗി​ലേ​ക്കു തി​രി​ഞ്ഞു. അ​ത്ത​രം ജോ​ലി തേ​ടി ഡി​സി ബു​ക്‌​സി​ലെ​ത്തി.

അ​ന്നു കി​ളി​രൂ​ര്‍ രാ​ധാ​കൃ​ഷ്ണ​ന്‍ സാ​റാ​ണ് ക​റ​ന്‍റ് ബു​ക്‌​സി​ന്‍റെ അ​ഡ്മി​നി​സ്‌​ട്രേ​ഷ​ന്‍ മാ​നേ​ജ​ര്‍. അ​വി​ടെ​നി​ന്നു കി​ട്ടി​യ പ്ര​തി​ഫ​ലം​കൊ​ണ്ടാ​ണ് സീ​സ​ണ്‍ ടി​ക്ക​റ്റൊ​ക്കെ എ​ടു​ക്കാ​നാ​യ​ത്. എ​ഴു​ത്തു​കാ​ര​ന്‍ രാ​ജാ​മ​ണി​യു​ടെ മ​ഴ​മേ​ഘ​ങ്ങ​ള്‍ എ​ന്ന പു​സ്ത​ക​ത്തി​നാ​ണ് ആ​ദ്യ​മാ​യി ക​വ​ര്‍ ഡി​സൈ​ന്‍ ചെ​യ്ത​ത്. അ​റു​പ​തു രൂ​പ​യോ മ​റ്റോ ആ​ണ് അ​ന്ന​ത്തെ പ്ര​തി​ഫ​ല​മെ​ന്നാ​ണ് ഒാ​ർ​മ.

ക​വ​ർ ഡി​സൈ​ന​ർ ആ​യി ഏ​റെ​ക്കാ​ലം ജോ​ലി ചെ​യ്തി​ല്ലേ? എ​ത്ര ക​വ​ർ ചെ​യ്തി​ട്ടു​ണ്ടാ​കും?

ചി​ത്ര​കാ​ര​ൻ എ​ന്ന​റി​യ​പ്പെ​ടു​ന്ന​തി​നു മു​ന്പ് പ​തി​ന​ഞ്ചു വ​ർ​ഷ​ത്തോ​ളം ഞാ​ന്‍ ക​വ​ര്‍ ഡി​സൈ​ന​ര്‍ ആ​യി​രു​ന്നു. പു​സ്ത​ക​ത്തി​ന്‍റെ മു​ഖ​മാ​ണ് ക​വ​ര്‍. മു​ഖം ന​ന്നാ​വു​ക​യെ​ന്ന​ത് വ​ള​രെ പ്ര​ധാ​നം. അ​തി​നാ​ൽ ക​വ​ർ ഡി​സൈ​നിം​ഗ് വ​ലി​യ ഉ​ത്ത​ര​വാ​ദി​ത്വ​മാ​ണ്. കം​പ്യൂ​ട്ട​റോ സാ​ങ്കേ​തി​ക വി​ദ്യ​ക​ളോ ഒ​ന്നു​മി​ല്ല.

കൈ​കൊ​ണ്ടു വ​ര​യ്ക്കു​ക​യാ​യി​രു​ന്നു ഏ​ക മാ​ര്‍​ഗം. പ​ല​ത​വ​ണ മാ​റ്റി​യും വ​ര​ച്ചു​മാ​ണ് ക​വ​ര്‍ രൂ​പ​പ്പെ​ടു​ത്തു​ന്ന​ത്. ദി​വ​സ​ങ്ങ​ൾ മു​ത​ൽ ആ​ഴ്ച​യും മാ​സ​ങ്ങ​ളും എ​ടു​ക്കു​ന്ന പ​ണി. ക​വ​ർ എ​ന്നു പ​റ​യു​മെ​ങ്കി​ലും അ​തു ശ​രി​ക്കും പെ​യി​ന്‍റിം​ഗ് ത​ന്നെ​യാ​യി​രു​ന്നു. ഇ​ന്നു മ​ണി​ക്കൂ​റു​ക​ൾ മ​തി​യാ​കും ഒ​രു ക​വ​ർ ഡി​സൈ​ൻ ചെ​യ്യാ​ൻ.

ഡി​സി​യി​ൽ തു​ട​ങ്ങി പി​ന്നീ​ട്, പ്ര​ഭാ​ത് ബു​ക്ക് ഹൗ​സ്, ക​റ​ന്‍റ് ബു​ക്‌​സ്, സാ​ഹി​ത്യ പ്ര​വ​ര്‍​ത്ത​ക സ​ഹ​ക​ര​ണ സം​ഘം, സാ​ഹി​ത്യ അ​ക്കാ​ദ​മി, കേ​ര​ള ബാ​ല​സാ​ഹി​ത്യ ഇ​ന്‍​സ്റ്റി​റ്റ്യൂ​ട്ട് എ​ന്നി​വ​യ്ക്കു പു​റ​മേ മ​റ്റ് നി​ര​വ​ധി പ്ര​സാ​ധ​ക​ര്‍​ക്കു വേ​ണ്ടി​യും ക​വ​ർ ഡി​സൈ​ൻ ചെ​യ്തു. കു​റ​ഞ്ഞ​ത് ര​ണ്ടാ​യി​ര​ത്തി​ല​ധി​കം പു​സ്ത​ക​ങ്ങ​ളു​ടെ ക​വ​റു​ക​ള്‍ രൂ​പ​ക​ല്പ​ന ചെ​യ്തു.

എം.​ടി. വാ​സു​ദേ​വ​ന്‍ നാ​യ​ര്‍, ഒ.​വി. വി​ജ​യ​ന്‍, എം. ​മു​കു​ന്ദ​ന്‍, സേ​തു, സി.​വി. ബാ​ല​കൃ​ഷ്ണ​ന്‍, കാ​ക്ക​നാ​ട​ന്‍, സ​ക്ക​റി​യ, മാ​ധ​വി​ക്കു​ട്ടി, ടി.​വി. കൊ​ച്ചു​ബാ​വ തു​ട​ങ്ങി​യ പ്ര​ശ​സ്ത​രാ​യ എ​ഴു​ത്തു​കാ​രു​ടെ പു​സ്ത​ക​ങ്ങ​ളു​ടെ ക​വ​റു​ക​ൾ ഒ​രു​ക്കാ​ൻ ഭാ​ഗ്യം കി​ട്ടി. ഗു​രു​സാ​ഗ​ര​ത്തി​ന്‍റെ ക​വ​ര്‍ ഡി​സൈ​ന്‍ ഇ​ഷ്ട​പ്പെ​ട്ടി​ട്ട് ഒ.​വി. വി​ജ​യ​ൻ അ​ഭി​ന​ന്ദി​ച്ച​ത് മ​റ​ക്കാ​നാ​വി​ല്ല.

ക​വ​ര്‍ ചെ​യ്യു​ന്ന​തി​നു മു​ന്പ് കൈ​യെ​ഴു​ത്തു പ്ര​തി​ക​ൾ വാ​യി​ക്കു​മാ​യി​രു​ന്നു. അ​തി​നാ​ൽ മ​ല​യാ​ള​ത്തി​ലെ ഒ​ട്ടു​മി​ക്ക എ​ഴു​ത്തു​കാ​രു​ടെ​യും കൈ​യെ​ഴു​ത്തു പ്ര​തി​ക​ള്‍ വാ​യി​ക്കാ​ന്‍ ഭാ​ഗ്യം കി​ട്ടി. അ​തു​പോ​ലെ എ​ഴു​ത്തു​കാ​രു​മാ​യി കൂ​ടി​ക്കാ​ഴ്ച ന​ട​ത്താ​നും സം​വ​ദി​ക്കാ​നും ക​ഴി​ഞ്ഞു.

പ്ര​സാ​ധ​ക​രും എ​ഴു​ത്തു​കാ​രും കൃ​തി വാ​യി​ക്ക​ണ​മെ​ന്നു നി​ർ​ദേ​ശി​ച്ചി​രു​ന്നു. അ​തു​വ​ഴി കൃ​തി​യു​ടെ മൗ​ലി​ക​ത പ്ര​തി​ഫ​ലി​പ്പി​ക്കു​ന്ന ക​വ​ർ ഉ​ണ്ടാ​കു​മെ​ന്ന​വ​ർ ക​രു​തി. ഇ​ന്നി​പ്പോ​ള്‍ ഒ​റ്റ നി​ർ​ബ​ന്ധ​മേ​യു​ള്ളൂ, പു​സ്ത​കം വി​ല്‍​ക്കാ​ന്‍ സ​ഹാ​യി​ക്കു​ന്ന​താ​ക​ണം ക​വ​ര്‍. പി​ന്നെ, ഉ​ള്ള​ട​ക്ക​വു​മാ​യി എ​ന്തെ​ങ്കി​ലും ബ​ന്ധ​മു​ണ്ടെ​ങ്കി​ല്‍ അ​ത്ര​യും ന​ല്ല​തെ​ന്നു മാ​ത്രം.

പ​ഠ​ന​കാ​ലം, ചി​ത്ര​കാ​ര​ൻ എ​ന്ന നി​ല​യി​ലു​ള്ള മേ​ൽ​വി​ലാ​സം?

ചി​ത്ര​കാ​ര​ൻ എ​ന്ന​റി​യ​പ്പെ​ടാ​ൻ തു​ട​ര്‍​ച്ച​യാ​യി വ​ര്‍​ക്കു​ക​ള്‍ ചെ​യ്യ​ണം. അ​തു പ്ര​ദ​ര്‍​ശി​പ്പി​ക്ക​ണം. പ​ക്ഷേ, കൈ​യി​ല്‍ കാ​ല​ണ​യി​ല്ലാ​ത്ത​വ​ന് അ​തൊ​ക്കെ എ​ളു​പ്പ​മ​ല്ല. പ​ഠ​ന​ത്തി​ന്‍റെ മൂ​ന്നാം വ​ര്‍​ഷം ര​ണ്ട് അ​ധ്യാ​പ​ക​ര്‍ കോ​ള​ജി​ലെ​ത്തി. ഒ​രാ​ള്‍ ബാ​ല​കൃ​ഷ്ണ​ക്കു​റു​പ്പ്.

അ​ദ്ദേ​ഹം കോ​ല്‍​ക്ക​ത്ത ശാ​ന്തി​നി​കേ​ത​നി​ല്‍​നി​ന്നു ചി​ത്ര​ര​ച​ന പ​ഠി​ച്ചി​ട്ടാ​ണ് വ​രു​ന്ന​ത്. മ​റ്റൊ​രാ​ള്‍ ജി. ​ഉ​ണ്ണി​ക്കൃ​ഷ്ണ​ന്‍. ഇ​വ​ർ വ​ന്ന​തോ​ടെ കോ​ള​ജി​ന്‍റെ അ​ന്ത​രീ​ക്ഷം​ത​ന്നെ മാ​റി. പ​ഠി​പ്പി​ക്കു​ന്ന ശൈ​ലി മാ​റി. അ​ക്കാ​ല​ത്ത് അ​ധ്യാ​പ​ക​ര്‍ വി​ദ്യാ​ര്‍​ഥി​ക​ളോ​ടൊ​പ്പം ഇ​രു​ന്നു വ​ര​യ്ക്കു​ന്ന രീ​തി​യി​ല്ല. എ​ന്നാ​ൽ, ഇ​വ​ർ ഞ​ങ്ങ​ൾ​ക്കൊ​പ്പ​മി​രു​ന്നു വ​ര​ച്ചു.

അ​ക്കാ​ല​ത്തു കേ​ര​ള​ത്തി​ലെ നാ​ലു ഫൈ​ന്‍ ആ​ര്‍​ട്സ് കോ​ള​ജു​ക​ളി​ല്‍​നി​ന്ന് വ​ര്‍​ഷം പ​ത്തി​രു​നൂ​റു പേ​രാ​ണു പ​ഠി​ച്ചി​റ​ങ്ങു​ന്ന​ത്. പെ​യി​ന്‍റ​ര്‍ എ​ന്ന നി​ല​യി​ല്‍ നി​ല്‍​ക്കു​ന്ന​വ​ർ വ​ള​രെ കു​റ​വ്. മി​ക്ക​വ​രും ചി​ത്ര​ക​ലാ അ​ധ്യാ​പ​ക​രാ​യോ ഇ​ത​ര ജോ​ലി​ക​ളി​ലേ​ക്കോ തി​രി​യും. കാ​ര​ണം, മ​റ്റു സാ​ധ്യ​ത​ക​ള്‍ വ​ള​രെ കു​റ​വ്.

കോ​ട്ട​യ​ത്താ​യി​രു​ന്ന​തു​കൊ​ണ്ടാ​ണ് എ​നി​ക്കു പ്ര​സാ​ധ​ക​രു​മാ​യും മാ​ധ്യ​മ​ങ്ങ​ളു​മാ​യും ബ​ന്ധം സ്ഥാ​പി​ക്കാ​നാ​യ​ത്. അ​തു ചി​ത്ര​കാ​ര​നെ​ന്ന നി​ല​യി​ൽ അ​വ​സ​ര​മൊ​രു​ക്കി.​ഫൈ​ന​ല്‍ പ​രീ​ക്ഷ സ​മ​യ​ത്ത് കോ​ട്ട​യ​ത്ത് മാ​ധ്യ​മ സ്ഥാ​പ​ന​ത്തി​ല്‍ ജോ​ലി ല​ഭി​ച്ചു.

നാ​ല​ഞ്ചു വ​ര്‍​ഷ​ങ്ങ​ള്‍​ക്കു ശേ​ഷം മ​റ്റൊ​രു മാ​ധ്യ​മ​ത്തി​ലും ജോ​ലി ചെ​യ്തു. പ​ത്ര​ത്തി​ൽ അ​വ​രു​ടെ ആ​വ​ശ്യ​ത്തി​ന് അ​നു​സ​രി​ച്ചു​ള്ള വ​ര​ക​ൾ​ക്കാ​ണ് സാ​ധ്യ​ത. അ​തു പോ​രെ​ന്നു തോ​ന്നി​യ​പ്പോ​ൾ മാ​ധ്യ​മ​രം​ഗം വി​ട്ടു. പ​ക്ഷേ, പ​ല സൗ​ഹൃ​ദ​ങ്ങ​ളും ത​ന്ന​ത് മാ​ധ്യ​മ​ലോ​ക​മാ​ണ്.

പ​ക്ഷേ, ഇ​ന്നു പ​ഠി​ച്ചി​റ​ങ്ങു​ന്ന​വ​ര്‍ ലൈ​വാ​യി ഈ ​മേ​ഖ​ല​യി​ലു​ണ്ട്. പ​ഠ​ന​ശേ​ഷം വൈ​വി​ധ്യ​മാ​ര്‍​ന്ന ര​ച​നാ രീ​തി​ക​ള്‍ സ്വാ​യ​ത്ത​മാ​ക്കാ​നും ശ്ര​മി​ക്കു​ന്നു​ണ്ട്. പ​ണ്ട് ഇ​ത്ത​രം സാ​ധ്യ​ത​ക​ളും അ​വ​സ​ര​ങ്ങ​ളും കു​റ​വാ​യി​രു​ന്നു.

എ​ന്തു​കൊ​ണ്ടാ​ണ് ന​മ്മു​ടെ നാ​ട്ടി​ല്‍ ക​ലാ​കാ​ര​ന്‍​മാ​ര്‍​ക്ക് അ​ര്‍​ഹ​മാ​യ പ്ര​തി​ഫ​ലം കി​ട്ടാ​തെ പോ​കു​ന്ന​ത് ?

ന​മ്മു​ടെ നാ​ട്ടി​ല്‍ ന​ല്ല ക​ലാ​കാ​ര​ന്‍​മാ​രു​ണ്ട്. പ​ക്ഷേ, ന​ല്ല ക​ലാ​സ്വാ​ദ​ക​ർ കു​റ​വാ​ണ്. ന​മ്മു​ടെ വി​ദ്യാ​ഭ്യാ​സ​രീ​തി സ​ർ​ഗാ​ത്മ​ക മൂ​ല്യ​ങ്ങ​ളി​ലേ​ക്കു ന​യി​ക്കു​ന്നി​ല്ല. ന​മ്മു​ടെ നാ​ട്ടി​ലെ ഒ​രു ആ​ര്‍​ട്ടി​സ്റ്റി​ന്‍റെ കൈ​യി​ല്‍​നി​ന്ന് ഒ​രു പെ​യി​ന്‍റി​ങ്ങോ ശി​ല്പ​മോ വാ​ങ്ങു​ന്ന​വ​ർ വ​ള​രെ കു​റ​വ്.

പ​ക​രം ശി​വ​കാ​ശി​യി​ലെ ലോ​ക്ക​ല്‍ പ്ര​സി​ല്‍ അ​ച്ച​ടി​ച്ച പ​ടം നാ​ലേ​മു​ക്കാ​ല്‍ രൂ​പ​യ്ക്കു വാ​ങ്ങി ഫ്രെ​യിം ചെ​യ്തു ഭി​ത്തി​യി​ല്‍ തൂ​ക്കു​ന്ന​വ​രാ​ണ് പ​ല​രും. ഇ​ന്ത്യ​യി​ല്‍ വി​വി​ധ​യി​ട​ങ്ങ​ളി​ല്‍ ആ​ര്‍​ട്ട് ലേ​ലം ന​ട​ക്കു​ന്നു​ണ്ട്. കേ​ര​ള​ത്തി​ല്‍ ഇ​ല്ല. പ​ക്ഷേ, കേ​ര​ള​ത്തി​ലെ ചി​ത്ര​കാ​ര​ന്‍​മാ​ര്‍ കേ​ര​ള​ത്തി​നു പു​റ​ത്തു​ള്ള ലേ​ല​ത്തി​ല്‍ പ​ങ്കെ​ടു​ക്കു​ന്നു​ണ്ട്. മാ​റ്റ​ങ്ങ​ൾ വ​രു​മെ​ന്നു ക​രു​താം.


ല​ളി​ത​ക​ലാ അ​ക്കാ​ദ​മി പ്ര​വ​ർ​ത്ത​ന​ങ്ങ​ൾ?


സാ​മ്പ​ത്തി​ക​മാ​യി പി​ന്നാ​ക്കം നി​ല്‍​ക്കു​ന്ന നി​ര​വ​ധി ക​ലാ​കാ​ര​ന്‍​മാ​രു​ണ്ട്. അ​വ​ർ​ക്കു ക​ലാ​പ്ര​വ​ര്‍​ത്ത​നം ന​ട​ത്താ​നു​ള്ള ഇ​ട​ങ്ങ​ളും സൗ​ക​ര്യ​ങ്ങ​ളും അ​ക്കാ​ദ​മി ഒ​രു​ക്ക​ണം. അ​ക്കാ​ദ​മി ധാ​രാ​ളം ചി​ത്ര​ര​ച​നാ ക്യാ​മ്പു​ക​ള്‍ ന​ട​ത്തു​ന്നു​ണ്ട്.

ക്യാ​മ്പു​ക​ളേ​ക്കാ​ള്‍ പ്ര​ദ​ര്‍​ശ​ന​ങ്ങ​ൾ വേ​ണം. അ​തി​ലെ വ​രു​മാ​നം ചി​ത്ര​കാ​ര​ന്‍​മാ​ര്‍​ക്ക് ആ​ര്‍​ട്ട് മെ​റ്റീ​രി​യ​ലു​ക​ള്‍ വാ​ങ്ങാ​ന്‍ ന​ല്‍​ക​ണം. നി​ല​വി​ല്‍ പ്ര​ദ​ര്‍​ശ​ന​ങ്ങ​ളു​ടെ പ്ര​തി​ഫ​ലം വ​ര്‍​ധി​പ്പി​ച്ച​തു ന​ല്ല കാ​ര്യ​മാ​ണ്.

ക്യാ​മ്പു​ക​ളി​ലൂ​ടെ ല​ഭി​ക്കു​ന്ന ചി​ത്ര​ങ്ങ​ള്‍ സ​ര്‍​ക്കാ​ര്‍ മ​ന്ദി​ര​ങ്ങ​ളി​ലും ഓ​ഫീ​സു​ക​ളി​ലും പ്ര​ദ​ര്‍​ശി​പ്പി​ക്കാ​നു​ള്ള ശ്ര​മ​ങ്ങ​ളും ന​ട​ത്താം. ചി​ത്ര​ങ്ങ​ൾ സു​ര​ക്ഷി​ത​മാ​യി സൂ​ക്ഷി​ക്കാ​ൻ കൂ​ടു​ത​ൽ പ്രി​സ​ര്‍​വേ​ഷ​ന്‍ ഗാ​ല​റി​ക​ള്‍ സ്ഥാ​പി​ക്കേ​ണ്ട​തു​ണ്ട്.

ന​മ്മു​ടെ സ്‌​കൂ​ളു​ക​ളി​ലെ ഡ്രോ​യിം​ഗ് ക്ലാ​സു​ക​ൾ?

ക​ലാ​പ​ഠ​ന​വും റീ​ഡിം​ഗും വെ​റും വി​നോ​ദ​മാ​യി കാ​ണു​ന്ന​തൊ​രു പ്ര​ശ്ന​മാ​ണ്. അ​തു പ​ഠ​ന​വി​ഷ​യം ത​ന്നെ​യാ​ക്കി മാ​റ്റ​ണം. അ​പ്പോ​ൾ ന​ല്ല ക​ലാ​സ്വാ​ദ​ക​ർ ഉ​ണ്ടാ​കും. പ​ലേ​ട​ത്തും ക​ലാ​പ്ര​വ​ർ​ത്ത​ന​ങ്ങ​ൾ​ക്ക് പീ​രി​യ​ഡ് ഉ​ണ്ട്. പ​ക്ഷേ, അ​ധ്യാ​പ​ക​രും പ​രി​ശീ​ല​ന​വും കു​റ​വാ​യി​രു​ന്നു. ഇ​പ്പോ​ൾ കു​റ​ച്ചൊ​ക്കെ മാ​റ്റം വ​രു​ന്നു​ണ്ട്. മി​ക​ച്ചൊ​രു പ​ഠ​ന​ക്ര​മം​കൂ​ടി രൂ​പ​പ്പെ​ടേ​ണ്ട​തു​ണ്ട്.- ഉ​ദ​യ​ൻ പ​റ​ഞ്ഞു നി​ർ​ത്തി.

മു​ഴ​വ​ൻ സ​മ​യ പ്ര​ഫ​ഷ​ണ​ൽ ചി​ത്ര​ര​ച​ന​യി​ൽ സ​ജീ​വ​മാ​യ ഉ​ദ​യ​നു പി​ന്തു​ണ​യു​മാ​യി ഭാ​ര്യ മി​നി​യും മ​ക്ക​ളാ​യ ചി​ന്തു, ആ​തി​ര എ​ന്നി​വ​രു​മു​ണ്ട്. മ​ക​ൻ ചി​ന്തു ബം​ഗ​ളൂ​രൂ​വി​ലും ആ​തി​ര പോ​സ്റ്റ​ൽ ഡി​പ്പാ​ർ​ട്ട്മെ​ന്‍റി​ലും ജോ​ലി ചെ​യ്യു​ന്നു. കോ​ട്ട​യം ആ​ർ​ട്ട്‌ ഫൗ​ണ്ടേ​ഷ​ന്‍റെ പ്ര​സി​ഡ​ന്‍റ് കൂ​ടി​യാ​യ ഉ​ദ​യ​ൻ മ​ൺ​സൂ​ൺ ആ​ർ​ട്ട് ഫെ​സ്റ്റി​ന്‍റെ മു​ഖ്യ​സം​ഘാ​ട​ക​നു​മാ​ണ്.