അമ്മ മലയാളത്തിന്‍റെ പൊന്നോമന
അ​മ്മ,
എ​ന്തു​ര​സ​മാ​ണ​ല്ലേ ആ ​വാ​ക്ക്. മ​ല​യാ​ള​ത്തി​ലെ ആ​ദ്യാ​ക്ഷ​ര​ത്തി​ല്‍ തു​ട​ങ്ങു​ന്ന, ചു​ണ്ടു​ക​ളി​ല്‍ ആ​ദ്യ​മാ​യി മു​ഴ​ങ്ങു​ന്ന, അ​നു​ഭ​വ​ത്തി​ന്‍റെ അ​മ്മി​ഞ്ഞ​പ്പാ​ല്‍ കി​നി​യു​ന്ന, സ്‌​നേ​ഹ​ത്തി​ന്‍റെ ആ​ദ്യാ​ക്ഷ​ര​മാ​ണ് ആ ​വാ​ക്ക്. അ​തു​കൊ​ണ്ട് മ​ല​യാ​ള​ത്തി​ല്‍ എ​നി​ക്കേ​റ്റ​വും ഇ​ഷ്ട​പ്പെ​ട്ട വാ​ക്കാ​ണ​ത്.
ത​സ്മ പ​റ​ഞ്ഞു​നി​ര്‍​ത്തി,
അ​വി​ടെ നി​ന്നും തു​ട​ങ്ങാം...

ത​സ്മ​യെ ന​മ്മ​ള്‍ മു​മ്പൊ​രി​ക്ക​ല്‍ ക​ണ്ടി​രു​ന്നു. ര​ണ്ട​ര വ​ര്‍​ഷം മു​മ്പ് ഇ​റ​ങ്ങി​യ സൺഡേ ദീപികയിലായിരുന്നു അ​ത്. കാ​സ​ര്‍​ഗോ​ഡ് ജി​ല്ല​യി​ലെ പാ​ണ​ത്തൂ​രി​ന​ടു​ത്ത് ക​ല്ല​പ്പ​ള്ളി ക​മ്മാ​ടി​യി​ലെ ഏ​കാ​ധ്യാ​പ​ക വി​ദ്യാ​ല​യ​ത്തി​ലെ മൂ​ന്നാം ക്ലാ​സു​കാ​രി​യാ​യി​രു​ന്നു അ​ന്ന​വ​ള്‍. സ്വ​ന്തം വീ​ടി​രി​ക്കു​ന്ന ക​ല്ല​പ്പ​ള്ളി​യി​ല്‍ നി​ന്ന് ആ​റ് കി​ലോ​മീ​റ്റ​ര്‍ അ​ക​ലെ​യു​ള്ള ക​മ്മാ​ടി​യി​ലെ സ്‌​കൂ​ളി​ലേ​ക്കു​ള്ള യാ​ത്ര​പോ​ലും ആ ​കു​ട്ടി​യു​ടെ മ​ല​യാ​ള​ത്തോ​ടു​ള്ള ഇ​ഷ്ട​ത്തി​ന്‍റെ ഭാ​ഗ​മാ​യി​രു​ന്നു. സെ​റി​ബ്ര​ല്‍ പാൾസി പി​ടി​പെ​ട്ട് കൈ​കാ​ലു​ക​ള്‍​ക്ക് ശ​ക്തി ന​ഷ്ട​പ്പെ​ട്ടി​രു​ന്ന​തി​നാ​ല്‍ അ​വ​ളു​ടെ അ​ച്ഛ​ന്‍ സീ​താ​രാ​മ മ​ക​ള്‍​ക്ക് പ​ഠി​ക്കാ​ന്‍ വേ​ണ്ടി മാ​ത്രം ലോ​ണെ​ടു​ത്തു വാ​ങ്ങി​യ ജീ​പ്പി​ലാ​യി​രു​ന്നു അ​ന്ന​വ​ളു​ടെ യാ​ത്ര.

സെ​റി​ബ്ര​ല്‍ പാൾസി വ​ന്ന് താ​ളം തെ​റ്റി​യ ശ​രീ​ര​ത്തെ​യും കൂ​ട്ടു​പി​ടി​ച്ച് എ​ന്‍റെ മ​ല​യാ​ള​ത്തെ​ക്കു​റി​ച്ച് അ​ന്ന​വ​ള്‍ പ​റ​ഞ്ഞ​പ്പോ​ള്‍ ഏ​റെ അ​ഭി​മാ​നം തോ​ന്നി. ശ​രീ​ര​ത്തി​ന്‍റെ അ​വ​ശ​ത​ക​ളെ മ​ല​യാ​ള പ​ഠ​നം കൊ​ണ്ട് മ​റി​ക​ട​ക്കു​ക​യാ​ണെ​ന്ന് അ​റി​ഞ്ഞ​പ്പോ​ള്‍ അ​ദ്ഭുത​വും. മ​ല​യാ​ളം പ​ഠി​ക്കാ​ത്ത അ​ച്ഛ​ന്‍ ത​ന്നെ മ​ല​യാ​ളം പ​ഠി​പ്പി​ക്കാ​നാ​യി ജീ​പ്പ് മേ​ടി​ച്ച് ക​ഷ്ട​പ്പെ​ടു​ന്ന ക​ഥ വി​കാ​ര​വാ​യ്‌​പോ​ടെ പ​റ​ഞ്ഞു​ത​ന്ന​പ്പോ​ള്‍ പോ​ലും അ​വ​ള്‍ മ​ല​യാ​ള​ത്തി​ല്‍ ചി​രി​ച്ച​തു ക​ണ്ടു.

നാ​ലാം ക്ലാ​സ് ക​ഴി​യു​മ്പോ​ള്‍ ക​മ്മാ​ടി​യി​ലെ സ്‌​കൂ​ളി​ലെ പ​ഠ​നം ക​ഴി​യു​മെ​ന്നും പി​ന്നെ മ​ല​യാ​ളം പ​ഠി​ക്കാ​ന്‍ 20 കി​ലോ​മീ​റ്റ​ര്‍ അ​ക​ലെ​യു​ള്ള പാ​ണ​ത്തൂ​ര്‍ ഗ​വ. സ്‌​കൂ​ളി​ല്‍ എ​ത്ത​ണ​മെ​ന്നും അ​ന്ന​വ​ള്‍ ആ​ശ​ങ്ക​പ്പെ​ട്ടി​രു​ന്നു. ക​ര്‍​ഷ​ക​നാ​യ സീ​താ​രാ​മ​യ്ക്ക് എ​ന്നും ഇ​ത്ര ദൂ​രം വ​ണ്ടി​യോ​ടി​ച്ചെ​ത്തി മ​ക​ളെ പ​ഠി​പ്പി​ക്കാ​ന്‍ സാ​മ്പ​ത്തി​ക ശേ​ഷി അ​നു​വ​ദി​ക്കു​മോ​യെ​ന്നും സം​ശ​യി​ച്ചു. അ​തു​കൊ​ണ്ട് കൂ​ടു​ത​ല്‍ സു​ര​ക്ഷി​ത മാ​ര്‍​ഗ​മാ​യി ര​ണ്ടു​കി​ലോ​മീ​റ്റ​ര്‍ മാ​ത്രം അ​ക​ലെ​യു​ള്ള ക​ന്ന​ഡ​മീ​ഡി​യം സ്‌​കൂ​ളി​ല്‍ ചേ​ര്‍​ക്കു​മോ എ​ന്നും ആ​ശ​ങ്ക​യാ​യി​രു​ന്നു. അ​ങ്ങ​നെ സം​ഭ​വി​ച്ചാ​ല്‍ അ​മ്മ സ്‌​നേ​ഹം ന​ല്‍​കി​യ മ​ല​യാ​ള​ത്തി​ന്‍റെ കൈ​യി​ല്‍ നി​ന്നും അ​വ​ള്‍ വ​ഴു​തി​പ്പോ​കു​മോ എ​ന്നും പ​ഠ​ന​ത്തി​ലൂ​ന്നി ഉ​റ​ച്ചു​ച്ചു​റ​ച്ച് വ​രു​ന്ന അ​വ​ളു​ടെ കൈ​കാ​ലു​ക​ള്‍​ക്ക് ശ​ക്തി ചോ​രു​മോ എ​ന്നും ഓ​ര്‍​ത്ത് ഭീ​തി​യോ​ടെ പ​റ​ഞ്ഞു​നി​ര്‍​ത്തി​യി​രു​ന്നു അ​ന്ന്.

ശ്രേഷ്ഠ ഭാ​ഷാ​വ​ര്‍​ഷ​ത്തി​ല്‍ ക​ഥ​യ​റി​ഞ്ഞ ന​മു​ക്ക് അ​ന്ന​വ​ള്‍ വ​ര​ദാന​മാ​യി​രു​ന്നു, അ​ഭി​മാ​ന​വും അ​ഹ​ങ്കാ​ര​വു​മാ​യി​രു​ന്നു. വാ​ക്കു​ക​ളി​ലെ സ്‌​നേ​ഹം ഒ​ഴു​കി​യി​റ​ങ്ങി​യ​പ്പോ​ള്‍ ന​മ്മ​ള്‍ അ​വ​ളെ മ​റ​ന്നു. മ​ല​യാ​ള​ക്ക​ര​യി​ല്‍ അ​വ​ള്‍ വീ​ണ്ടും ഒ​റ്റ​യ്ക്കാ​യി. ഋ​തു​ഭേ​ദ​ങ്ങ​ള്‍ മാ​റി​മ​റ​ഞ്ഞ് കാ​ലം അ​തി​ന്‍റെ പ്ര​യാ​ണ​ത്തോ​ടൊ​പ്പം ര​ണ്ട​ര വ​ര്‍​ഷ​വും കൂ​ടി ചേ​ര്‍​ത്ത​പ്പോ​ള്‍ ആ ​പ​ഴ​യ ഓ​ര്‍​മ​ക​ള്‍ വീ​ണ്ടും തി​രി​ച്ചെ​ത്തു​ന്നു.

മ​ല​യാ​ള​ത്തി​ന്‍ മ​ധു​രം
മ​ന​സി​ല്‍ നി​റ​ഞ്ഞ​പ്പോ​ള്‍
മ​ല​യാ​ണ്മ​യോ​ടൊ​പ്പ​മ​വ​ള്‍
മ​ല​യി​റ​ങ്ങി

ക​മ്മാ​ടി​യി​ലെ നാ​ലാം ക്ലാ​സ് പ​ഠ​ന​ത്തി​നൊ​ടു​വി​ല്‍ വ​ലി​യ പ്ര​തി​സ​ന്ധി​യാ​ണ് ത​സ്മ​യെ പി​ടി​കൂ​ടി​യ​ത്. അ​മ്മ സ്‌​നേ​ഹ​ത്തിനൊ​പ്പം ഇ​നി​യും കൂ​ട്ടു​കൂ​ടാ​നാ​കു​മോ എ​ന്നാ​യി ആ​ശ​ങ്ക. മ​ല​യാ​ളം ഇ​നി പ​ഠി​ക്ക​ണ​മെ​ങ്കി​ല്‍ 20 കി​ലോ​മീ​റ്റ​ര്‍ ദൂ​ര​ത്തി​ലു​ള്ള പാ​ണ​ത്തൂ​ര്‍ ഗ​വ. ഹൈ​സ്‌​കൂ​ളി​ലെ​ത്ത​ണം. അ​ച്ഛ​ന്‍ സീ​താ​രാ​മ​യ്ക്ക് അ​ത്ര​യും​ദൂ​രം ജീ​പ്പോ​ടി​ച്ച് പോ​യി തി​രി​ച്ചു​വ​രാ​ന്‍ പ്രാ​യോ​ഗി​ക ബു​ദ്ധ​മു​ട്ടേ​റെ​യാ​യി​രു​ന്നു. അ​മ്മ സ്‌​നേ​ഹം ത​ന്ന മ​ല​യാ​ള​ത്തോ​ടൊ​പ്പം ഇ​നി​യും തു​ട​ര​ണോ അ​തോ നി​സ​ഹാ​യ​ത നി​ഴ​ലി​ച്ച അ​ച്ഛ​ന​മ്മ​മാ​രു​ടെ മു​ഖ​മി​നി നി​രാ​ലം​ബ​മാ​ക്കി മാ​റ്റ​ണോ എ​ന്ന് അ​വ​ള്‍ ആ​ശ​ങ്ക​പ്പെ​ട്ടു.

മ​ല​യാ​ണ്‍​മ​യോ​ടു​ള്ള സ്‌​നേ​ഹം നി​ഴ​ലി​ച്ചു​നി​ന്ന ത​സ്മ​യു​ടെ ക​ണ്ണു​ക​ളി​ല്‍ നോ​ക്കി അ​ച്ഛ​ന്‍ സീ​താ​രാ​മ​യ്ക്ക് മ​റി​ച്ചൊ​രു തീ​രു​മാ​ന​മെ​ടു​ക്കാ​നാ​കു​മാ​യി​രു​ന്നി​ല്ല. മ​ല​യാ​ള​ത്തെ വി​ടാ​ന്‍ അ​വ​ളെ പ്രേ​രി​പ്പി​ച്ചാ​ല്‍ സെ​റി​ബ്ര​ല്‍ പാൾസി​യെ ചെ​റു​ത്തു​തോ​ല്‍​പ്പി​ച്ച അ​വ​ളു​ടെ കു​ഞ്ഞു​മ​ന​സ് ഇ​ട​റു​മെ​ന്ന് ആ ​പി​തൃ​മ​ന​സ് ഭ​യ​പ്പെ​ട്ടു. അ​ങ്ങ​നെ അ​ദ്ദേഹം അ​വ​ള്‍​ക്കു​വേ​ണ്ടി ഒ​രു സു​പ്ര​ധാ​ന തീ​രു​മാ​ന​മെ​ടു​ത്തു. എ​ന്തു​വ​ന്നാ​ലും അ​വ​ളെ മ​ല​യാ​ളം സ്‌​കൂ​ളി​ല്‍ ചേ​ര്‍​ക്കു​ക.

അ​ങ്ങ​നെ ത​സ്മ​യെ​യും കൂ​ട്ടി അ​ദ്ദേഹം പാ​ണ​ത്തൂ​രേ​ക്ക് പു​റ​പ്പെ​ട്ടു. കി​ലോ​മീ​റ്റ​റു​ക​ള്‍ താ​ണ്ടി പാ​ണ​ത്തൂ​ര്‍ ഗ​വ. സ്‌​കൂ​ളി​ല്‍ എ​ത്തി​യ​പ്പോ​ള്‍ അ​വി​ടു​ള്ള അ​ധ്യാ​പ​ക​ര്‍​ക്കാ​കെ ആ​ശ്ച​ര്യം. സ​മീ​പ​ത്തു​ള്ള പ​ല കു​ട്ടി​ക​ളും ഇം​ഗ്ലീ​ഷ് മീ​ഡി​യം സ്‌​കൂ​ള്‍ തേ​ടി​പ്പോ​കു​മ്പോ​ള്‍ മ​ല​യാ​ളം പ​ഠി​ക്കാ​ന്‍ മ​ല​യി​റ​ങ്ങി വ​ന്ന അ​ച്ഛ​നെ​യും മ​ക​ളെ​യും ക​ണ്‍​കു​ളി​ര്‍​ക്കെ അ​വ​ര്‍ ക​ണ്ടു. പി​ന്നെ അ​ഭി​മാ​ന​ത്തോ​ടെ അ​വ​രെ സ്‌​കൂ​ള്‍ ഓ​ഫീ​സി​ല്‍ വി​ളി​ച്ചി​രു​ത്തി അ​ഡ്മി​ഷ​ന് വേ​ണ്ട എ​ല്ലാ സൗ​ക​ര്യ​ങ്ങ​ളും ചെ​യ്തു കൊ​ടു​ത്തു. ഇ​റ​ങ്ങാ​ന്‍ നേ​രം ത​സ്മ​യു​ടെ ചു​മ​ലി​ല്‍ ത​ട്ടി ഒ​ര​ധ്യാ​പ​ക​ന്‍ ചോ​ദി​ച്ചി​രു​ന്നു പോ​ലും, ‘മ​ല​യാ​ള​ത്തോ​ടെ​ന്തേ ഇ​ത്ര​മാ​ത്രം സ്‌​നേ​ഹ​മെ​ന്ന്’ അ​മ്മസ്‌​നേ​ഹ​ത്തി​ല്‍ വി​ട​ര്‍​ന്ന ചു​ണ്ടു​ക​ള്‍ ഇ​ത്ര മാ​ത്രം മൊ​ഴി​ഞ്ഞു.

"മ​ല​യാ​ള​മാ​ണെ​ന്നെ ന​ട​ത്തി​യ​ത്. അ​തു​കൊ​ണ്ട് മ​ല​യാ​ണ്‍​മ​യെ എ​നി​ക്ക് പി​രി​യാ​നാ​കി​ല്ല.'
മോ​ഹം മ​ഹ​ത്വ വ​ത്കരി​ക്ക​പ്പെ​ടു​മ്പോ​ള്‍
മ​ന​വും മ​ഹ​ത്വ​വും
മ​ല​യാ​ള​ത്തോ​ടൊ​പ്പം

അ​ഞ്ചാം ക്ലാ​സ് പ​ഠ​ന​ത്തി​ന്‍റെ ആ​ദ്യ​ഘ​ട്ട​ത്തി​ല്‍ സീ​താ​രാ​മ മ​ക​ളെ​യും കൂ​ട്ടി ജീ​പ്പി​ല്‍ 20 കി​ലോ​മീ​റ്റ​ര്‍ അ​ക​ലെ​യു​ള്ള മ​ല​യ​ടി​വാ​ര​ത്തെ സ്‌​കൂ​ളി​ല്‍ എ​ത്തി​യി​രു​ന്നു. രാ​വി​ലെ വീ​ട്ടി​ല്‍​നി​ന്നും യാ​ത്ര തി​രി​ച്ച് സ്‌​കൂ​ളി​ലെ​ത്തി ത​സ്മ​യെ ക്ലാ​സി​ലാ​ക്കി​യ​ശേ​ഷം അ​ദ്ദേ​ഹം പാ​ണ​ത്തൂ​രി​ലൂ​ടെ വെ​റു​തെ ചു​റ്റി​ന​ട​ന്നു. ക്ലാ​സ് ക​ഴി​യു​മ്പോ​ള്‍ ത​സ്മ​യെ​യും കൂ​ട്ടി വീ​ണ്ടും മ​ല ക​യ​റി. അ​ത്യാ​വ​ശ്യ ഘ​ട്ട​ങ്ങ​ളി​ല്‍ മാ​ത്രം രാ​വി​ലെ കു​ട്ടി​യെ സ്‌​കൂ​ളി​ല്‍ ആ​ക്കി​യ ശേ​ഷം വീ​ണ്ടും മ​ല ക​യ​റു​ക​യും വൈ​കു​ന്നേ​രം തി​രി​ച്ചു കൂ​ട്ടാ​ന്‍ വ​രി​ക​യും ചെ​യ്തു.

ര​ണ്ടു മാ​സ​ത്തോ​ളം ഇ​ങ്ങ​നെ പോ​യി. രാ​വി​ലെ​യും വൈ​കു​ന്നേ​ര​വു​മു​ള്ള ഈ ​ദീ​ര്‍​ഘ​യാ​ത്ര ത​സ്മ​യെ പ​തി​യെ​പ്പ​തി​യെ ബു​ദ്ധി​മു​ട്ടി​ലാ​ക്കി. എ​ങ്കി​ലും അ​വ​ള​ത് ആ​രോ​ടും പ​റ​ഞ്ഞി​ല്ല. ത​ന്‍റെ അ​സ്വ​സ്ഥ​ത​ക​ള്‍ മൂ​ലം പ​ഠ​ന​മു​പേ​ക്ഷി​ക്കേ​ണ്ടി​വ​ന്നാ​ല്‍ അ​ത​വ​ള്‍​ക്ക് ചി​ന്തി​ക്കാ​ന്‍ പോ​ലും ക​ഴി​യാ​ത്ത അ​വ​സ്ഥ​യാ​യി​രു​ന്നു. പ​ക്ഷെ സ്നേ​ഹ​നി​ധി​യാ​യ അ​ച്ഛ​ൻ ഇ​തൊ​ക്കെ മ​ന​സി​ലാ​ക്കു​ന്നു​ണ്ടാ​യി​രു​ന്നു. ആ ​ആ​ശ​ങ്ക അ​ദ്ദേ​ഹം ഭാ​ര്യ ആ​ശ​യോ​ട് ഇ​ട​യ്ക്കി​ടെ പ​ങ്കു​വ​യ്ക്കു​ക​യും ചെ​യ്തു.

പ്ര​ശ്‌​ന​ത്തി​ന് പ​രി​ഹാ​രം നി​ർ​ദേ​ശി​ച്ച​ത് ഭാ​ര്യ​യാ​ണ്. മോ​ള്‍​ക്ക് താ​മ​സി​ച്ചു പ​ഠി​ക്കാ​ന്‍ പാ​ണ​ത്തൂ​ര് ഒ​രു ചെ​റി​യ വീ​ട് വാ​ങ്ങി​യാ​ലോ എ​ന്ന നി​ര്‍​ദേ​ശം അ​വ​ര്‍ മു​ന്നോ​ട്ടു​വ​ച്ചു. ല​ളി​ത​മാ​യി ഭാ​ര്യ ഒ​രു പ്ര​തി​വി​ധി പ​റ​ഞ്ഞു​വെ​ങ്കി​ലും സീ​താ​രാ​മ​യു​ടെ ഉ​ള്ളു പി​ട​യു​ക​യാ​യി​രു​ന്നു. വീ​ട് മേ​ടി​ക്കാ​നു​ള്ള സാ​മ്പ​ത്തി​കം ഒ​രു ക​ര്‍​ഷ​ക​നാ​യ അ​ദ്ദേഹ​ത്തി​ന് വ​ലി​യൊ​രു പ്ര​ശ്‌​ന​മാ​യി​രു​ന്നു. എ​ന്തു പ്ര​തി​വി​ധി എ​ന്ന ചോ​ദ്യ​ത്തി​നു​മു​ന്നി​ല്‍ കു​ഴ​ങ്ങി​നി​ന്നു അ​വ​സാ​നം ഒ​രു വാ​ട​ക​വീ​ട് എ​ടു​ക്കാ​മെ​ന്ന തീ​രു​മാ​ന​ത്തി​ലേ​ക്ക് അ​ദ്ദേഹ​മെ​ത്തി.

വാ​ട​ക​വീ​ട് ബാ​ധ്യ​ത​യാ​യി​രി​ക്കു​മെ​ന്നും ലോ​ണെ​ടു​ത്തെ​ങ്കി​ലും ഒ​രു ചെ​റി​യ വീ​ട് സ്വ​ന്ത​മാ​ക്കു​ന്ന​താണു നല്ലതെന്നും ഭാ​ര്യ വീ​ണ്ടും ഉ​പ​ദേ​ശി​ച്ചു. കൂ​ട്ടി​യും കി​ഴി​ച്ചും നോ​ക്കി​യ​പ്പോ​ള്‍ അ​തു​ത​ന്നെ മെ​ച്ചം. അ​ങ്ങ​നെ​യാ​ണ് മ​ല​യാ​ള​ത്തി​ന്‍റെ മ​ണ​മു​ള്ള നാ​ട്ടി​ല്‍ മ​ക​ള്‍​ക്കാ​യൊ​രു കു​ഞ്ഞു​വീ​ട് സ്വ​ന്ത​മാ​ക്കു​ന്ന​ത്. പാ​ണ​ത്തൂ​ര് ഗ​വ. സ്‌​കൂ​ളി​ല്‍​നി​ന്നും 50 മീ​റ്റ​ര്‍ മാ​ത്രം അ​ക​ലെ വാ​ങ്ങി​യ ഒ​രു കൊ​ച്ചു​വീ​ടാ​യി​രു​ന്നു അ​ത്. ത​ന്‍റെ ചെ​റി​യ സ​മ്പാ​ദ്യ​വും ബാ​ക്കി ബാ​ങ്ക് ലോ​ണു​മെ​ടു​ത്ത് 15 ല​ക്ഷം രൂ​പ​യ്ക്കാ​ണ് വീ​ട് സ്വ​ന്ത​മാ​ക്കി​യ​ത്.

അ​പ്പോ​ഴും ഒ​രു ബു​ദ്ധി​മു​ട്ട് നി​ഴ​ലി​ച്ചി​രു​ന്നു. ആ ​വീ​ട്ടി​ലേ​ക്ക് ക​യ​റി​പ്പോ​കാ​ന്‍ ചെ​റി​യൊ​രു ഇ​ട​വ​ഴി മാ​ത്ര​മേ ഉ​ള്ളു എ​ന്ന ബു​ദ്ധി​മു​ട്ട്. സ്‌​നേ​ഹ​വാ​നാ​യ അ​ച്ഛ​ന് ആ ​ബു​ദ്ധി​മു​ട്ടും കൂ​ടി മ​ക​ൾ​ക്ക് ന​ല്‍​കാ​ല്‍ താ​ത്പ​ര്യ​മു​ണ്ടാ​യി​രു​ന്ന​ത​ല്ല. സാ​മ്പ​ത്തി​കം, അ​താ​യി​രു​ന്ന​ല്ലോ എ​ല്ലാം നി​യ​ന്ത്രി​ച്ചി​രു​ന്ന​ത്.

മൗ​നം വി​തു​മ്പി​യി​ല്ല
മ​നം വി​ങ്ങി​യി​ല്ല
മ​ന​സി​ന്‍റെ മ​ണി​യ​റ​യി​ല്‍
മ​ല​യാ​ള​മി​ന്നും മു​ഴ​ങ്ങു​ന്നു

വീ​ടെ​ടു​ത്ത ആ​ദ്യ കാ​ല​ഘ​ട്ട​ങ്ങ​ളി​ല്‍ അ​ച്ഛ​നോ അ​മ്മ​യോ മാ​റി​മാ​റി ത​സ്മ​യ്ക്ക് സ​ഹാ​യ​മാ​യി നി​ന്നു. രാ​വി​ലെ ത​സ്മ​യെ സ്‌​കൂ​ളി​ലേ​ക്ക് കൊ​ണ്ടു​പോ​കു​ക​യും വൈ​കു​ന്നേ​രം തി​രി​കെ​ക്കൊ​ണ്ടു​വ​രി​ക​യും ചെ​യ്തു. ത​സ്മ സ​ന്തോ​ഷ​വ​തി​യാ​യി ക​ണ്ട​പ്പോ​ള്‍ അ​വ​ര്‍ ത​ങ്ങ​ളു​ടെ ബു​ദ്ധി​മു​ട്ടു​ക​ള്‍ പോ​ലും മ​റ​ന്നു.

പ​ക്ഷേ ഈ ​പ്ര​ക്രി​യ അ​ധി​ക​കാ​ലം മു​ന്നോ​ട്ടു​കൊ​ണ്ടു​പോ​കാ​ന്‍ ക​ഴി​യു​മാ​യി​രു​ന്നി​ല്ല. മ​ല​മു​ക​ളി​ലെ വീ​ട്ടി​ല്‍ 80 പി​ന്നി​ട്ട മാ​താ​പി​താ​ക്ക​ളും ത​സ്മ​യു​ടെ കു​ഞ്ഞ​നു​ജ​ന്‍ ഹാ​ര്‍​ദി​ക്കും നി​രാ​ലം​ബ​രാ​യി​രു​ന്നു. അ​ങ്ങ​നെ​യാ​ണ് ത​സ്മ​യ്ക്ക് സ​ഹാ​യി​യാ​യി ഒ​രാ​ളെ നി​ര്‍​ത്താ​ന്‍ തീ​രു​മാ​നി​ക്കു​ന്ന​ത്. 6000 രൂ​പ മാ​സ ശ​മ്പ​ള​ത്തി​ല്‍ ഒ​രു സ്ത്രീ​യെ ത​സ്മ​യ്ക്ക് കൂ​ട്ടാ​യി നി​ര്‍​ത്തി ഇ​രു​വ​രും മ​ല​ക​യ​റി. എ​ങ്കി​ലും ആ​ഴ്ച​യി​ല്‍ ര​ണ്ടോ മൂ​ന്നോ ദി​വ​സം ത​സ്മ​യ്‌​ക്കൊ​പ്പം നി​ല്‍​ക്കാ​ന്‍ അ​വ​രെ​പ്പോ​ഴും വ​ന്നു​കൊ​ണ്ടി​രു​ന്നു.

ത​സ്മ​യു​ടെ സ്‌​കൂ​ള്‍ യാ​ത്ര​യാ​യി​രു​ന്നു പി​ന്നീ​ടു​ള്ള ദു​രി​തം. സ്‌​കൂ​ള്‍ അ​ടു​ത്താ​യി​രു​ന്നെ​ങ്കി​ലും അ​വി​ടേ​ക്കു​ള്ള യാ​ത്ര ദു​രി​ത​പൂ​ര്‍​ണ​മാ​യി​രു​ന്നു. സെ​റി​ബ്ര​ല്‍ പാ​ൾസി​യെ തോ​ല്‍​പ്പി​ച്ച പി​ച്ചവ​യ്ക്കു​ന്ന കാ​ലു​ക​ളും ശ​ക്തി നേ​ടു​ന്ന ശ​രീ​ര​വു​മാ​യി അ​വ​ള്‍ ഓരോ ദി​വ​സ​വും പോ​രാ​ടേ​ണ്ടി വ​ന്നു. ഇ​ട​വ​ഴി​ക​ളി​ല്‍ ഇ​ട​യ്ക്ക് ത​ള​ര്‍​ന്നി​രി​ക്കേ​ണ്ടി വ​രു​മ്പോ​ള്‍ സ​ഹാ​യ​ത്തി​നു​ള്ള ആ​ന്‍റി​മാ​ര്‍ അ​വ​ളെ​യെ​ടു​ത്ത് സ്‌​കൂ​ളി​ലെ​ത്തി​ക്കും. എ​ങ്കി​ലു​മ​വ​ള്‍ പ​ര​മാ​വ​ധി മ​റ്റു​ള്ള​വ​രെ ബു​ദ്ധി​മു​ട്ടി​ക്കാ​തെ സ്വ​ന്തം കാ​ലി​ല്‍ നി​ല്‍​ക്കാ​നാ​ണ് പ​രി​ശ്ര​മി​ച്ച​ത്.

സ്‌​കൂ​ളി​ല്‍ ത​സ്മ​യ്ക്ക് അ​ധ്യാ​പ​ക​രും സ​ഹ​പാ​ഠി​ക​ളും വ​ലി​യ പ്രോ​ത്സാ​ഹ​ന​മാ​ണ് ന​ല്‍​കി​യ​ത്. അ​വ​ളു​ടെ മ​ല​യാ​ള സ്‌​നേ​ഹ​ത്തെ അ​ധ്യാ​പ​ക​ര്‍ കൂ​ടെ​ക്കൂ​ടെ വാ​ഴ്ത്തി​യ​പ്പോ​ള്‍ സ​ഹ​പാ​ഠി​ക​ള്‍ ഒ​ന്ന​ട​ങ്കം അ​ഭി​മാ​നം കൊ​ള്ളു​ക​യാ​ണ്. അ​ങ്ങ​നെ ആ കു​ഞ്ഞി​ളം മ​ന​സു​ക​ളി​ല്‍ മ​ല​യാ​ളം തി​ള​ങ്ങു​ന്നു.

മ​ല​യാ​ള​ക്ക​ര​യേ മി​ഴി​തു​റ​ക്കു​ക
മ​നം നി​റ​യെ​യ​ങ്ങ​നെ
മ​ല​യാ​ള​മ​ങ്ക​യെ കാ​ണു​ക

ഇ​ന്ന​വ​ള്‍ ആ​റാം ക്ലാ​സി​ലാ​ണ്. ജീ​വി​ത​ത്തി​ലെ പ​ല ദു​ര്‍​ഘ​ട വ​ഴി​ക​ളും മ​ല​യാ​ള​ത്തോ​ടൊ​പ്പം പി​ന്നി​ട്ട് അ​വ​ളി​ന്നും ഒ​ന്നാ​മ​താ​ണ്. ക്ലാ​സി​ലെ ഒ​ന്നാം സ്ഥാ​നം ആ​ര്‍​ക്ക് സ​മ​ര്‍​പ്പി​ക്കു​ന്നു​വെ​ന്നു ചോ​ദി​ക്കു​മ്പോ​ള്‍ ഉ​ത്ത​രം ഒ​ന്നു​മാ​ത്രം. എ​ന്‍റെ മ​ല​യാ​ണ്‍​മ​യ്ക്ക്.

ആ​ഴ്ച​യ​വ​സാ​നം മ​ല​യാ​ണ്‍​മ​യു​മാ​യി മ​ല ക​യ​റി​വ​രു​ന്ന ത​സ്മ​യെ​ക്കാ​ത്ത് പ​ടി​വാ​തി​ല്‍​ക്ക​ല്‍ ഒ​രു പി​ഞ്ചു​മ​ന​സ് കാ​ത്തി​രി​ക്കു​ന്നു​ണ്ടാ​കും. മ​റ്റാ​രു​മ​ല്ല; അ​വ​ളു​ടെ കു​ഞ്ഞ​നു​ജ​ന്‍ ഹാ​ര്‍​ദി​ക്ക്. അ​വ​നി​ന്ന് ത​സ്മ തേ​ടി​പ്പോ​യ വ​ഴി​ക​ളി​ലൂ​ടെ ന​ട​ക്കു​ന്നു​ണ്ട്. മ​ല​യാ​ളം പ​ഠി​പ്പി​ക്കു​ന്ന ക​മ്മാ​ടി​യി​ലെ അ​ങ്ക​ണ​വാ​ടി​യി​ലാ​ണ് ഇ​ന്ന​വ​ന്‍റെ പ​ഠ​നം. ചേ​ച്ചി വ​രു​മ്പോ​ള്‍ പാ​ട്ടു​പാ​ടി​ത്ത​രു​മെ​ന്ന ഉ​റ​പ്പോ​ടെ അ​വ​നെ​ല്ലാ വെ​ള്ളി​യാ​ഴ്ച​ക​ളി​ലും വൈ​കു​ന്നേ​ര​ങ്ങ​ളി​ല്‍ ഉ​ണ്ണാ​തെ​യു​റ​ങ്ങ​തെ കാ​ത്തി​രി​ക്കു​ന്നു. ചേ​ച്ചി വ​ന്നാ​ല്‍, ഈ​ണ​ത്തി​ലു​ള്ള ആ ​പാ​ട്ട് കേ​ട്ടാ​ല്‍ മ​ധു​രം തു​ളു​മ്പു​ന്ന ആ ​സം​സാ​ര​മ​റി​ഞ്ഞാ​ല്‍ അ​വ​ന്‍ സ​ന്തോ​ഷ​വാ​നാ​കും. പി​ന്നെ തൊ​ടി​യി​ലൂ​ടെ​യും വീ​ട്ടി​ലൂ​ടെ​യും അ​വ​ര്‍ ക​ളി​ച്ചു​ചി​രി​ച്ച് പ​ഠി​ച്ച​ങ്ങ​നെ ജീ​വി​ക്കും.

ഇ​റ​ങ്ങാ​ന്‍ നേ​രം ഹാ​ര്‍​ദി​ക്കി​ന് പാ​ടി​ക്കൊ​ടു​ക്കാ​റു​ള്ള ആ ​പാ​ട്ട് പാ​ടു​മോ എ​ന്നു ചോ​ദി​ച്ചു. ചി​രി​ക്കു​ക മാ​ത്രം ചെ​യ്തു അ​വ​ള്‍. പ​ല​കു​റി പ​ല​രും നി​ര്‍​ബ​ന്ധി​ച്ചി​ട്ടും അ​വ​ളു​ടെ ചു​ണ്ടി​ല്‍ മ​ല​യാ​ള​പു​ഞ്ചി​രി മാ​ത്രം. ഒ​ടു​വി ല്‍​ആ ചി​രി​യി​ല​മ​ര്‍​ന്ന് മ​ല​യി​റ​ങ്ങി. കു​റ​ച്ചു​ദൂ​രം പി​ന്നി​ട്ട​പ്പോ​ള്‍ പി​ന്നി​ലാ പാ​ട്ടു മു​ഴ​ങ്ങി.

മ​ല​യാ​ള​മേ മ​ധു​ര​മേ
മ​ധു​നി​റ​യ്ക്കു​ക
മ​തി​വ​രു​വോ​ളം...

അ​ത​വ​ളു​ടെ പാ​ട്ടാ​ണ്.
ന​മ്മു​ടെ സ്വ​ന്തം മ​ല​യാ​ളി​പ്പെ​ണ്ണി​ന്‍റെ....

വി​നി​ല്‍ ജോ​സ​ഫ്
ോചിത്രങ്ങൾ: സ്റ്റെ​നി​സ​ണ്‍ ബേ​ബി
Copyright @ 2018 , Rashtra Deepika Ltd.