മറ്റുള്ളവരുടെ വേദനകൾ കാണാവുന്ന കണ്ണടകൾ വേണം
ര​ണ്ട് ആ​ൺ​കു​ട്ടി​ക​ൾ ഒ​രു​മി​ച്ചു ക​ളി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. ആ​ദ്യം അ​വ​ർ​ക്കു ന​ല്ല ഉ​ഷാ​ർ ആ​യി​രു​ന്നു. കു​റെ ക​ഴി​ഞ്ഞ​പ്പോ​ൾ അ​വ​ർ മ​ടു​ത്തു. അ​ങ്ങ​നെ​യാ​ണ് അ​വ​ർ അ​വ​രു​ടെ ഓ​ട്ട​വും ചാ​ട്ട​വും മ​തി​യാ​ക്കി അ​ല്പ​സ​മ​യം അ​ട​ങ്ങി​യി​രി​ക്കാ​നി​ട​യാ​യ​ത്. അ​പ്പോ​ൾ അ​വ​രെ കേ​ൾ​ക്കാ​വു​ന്ന​ത്ര ദൂ​ര​ത്തി​ൽ അ​വ​രു​ടെ അ​മ്മ​മാ​രും അ​ടു​ത്തു​ണ്ടാ​യി​രു​ന്നു.

ക​ളി​ക​ഴി​ഞ്ഞു മ​ടു​ത്തി​രു​ന്ന അ​വ​ർ ഓ​രോ കാ​ര്യ​ങ്ങ​ളെ​ക്കു​റി​ച്ചു സം​സാ​രി​ക്കു​വാ​ൻ തു​ട​ങ്ങി. അ​പ്പോ​ൾ അ​വ​രി​ലൊ​രാ​ൾ ക​ളി​ക്കൂ​ട്ടു​കാ​ര​നോ​ടു ചോ​ദി​ച്ചു: ""എ​പ്പോ​ഴും ക​ണ്ണ​ട​ധ​രി​ച്ചു​കൊ​ണ്ടു ന​ട​ക്കു​ന്ന​തു നി​ന​ക്കു ബു​ദ്ധി​മു​ട്ടു​ള്ള കാ​ര്യ​മ​ല്ലേ?'' അ​പ്പോ​ൾ കൂ​ട്ടു​കാ​ര​ൻ പ​റ​ഞ്ഞു: ""അ​ല്ല. പ്ര​ത്യേ​കി​ച്ചും എ​ന്‍റെ വ​ല്യ​മ്മ​ച്ചി​യു​ടേ​തു​പോ​ലെ​യു​ള്ള ക​ണ്ണ​ട​യാ​ണെ​ങ്കി​ൽ.''

ഉ​ട​നെ അ​വ​ന്‍റെ കൂ​ട്ടു​കാ​ര​ൻ ചോ​ദി​ച്ചു: ""എ​ന്താ​ണു വ​ല്യ​മ്മ​ച്ചി​യു​ടെ ക​ണ്ണ​ട​യു​ടെ പ്ര​ത്യേ​ക​ത?'' അ​പ്പോ​ൾ മ​റ്റ​വ​ൻ പ​റ​ഞ്ഞു: ""വ​ല്യ​മ്മ​ച്ചി​യു​ടെ ക​ണ്ണ​ട​യ്ക്ക് എ​ന്തോ പ്ര​ത്യേ​ക​ത​യു​ണ്ട്.''

തെ​ല്ലി​ട ആ​ലോ​ചി​ച്ച​തി​നു ശേ​ഷം അ​വ​ൻ തു​ട​ർ​ന്നു: ""ആ​ർ​ക്കെ​ങ്കി​ലും എ​ന്തെ​ങ്കി​ലും വി​ഷ​മ​മു​ണ്ടെ​ങ്കി​ൽ വ​ല്യ​മ്മ​ച്ചി അ​തു പെ​ട്ടെ​ന്നു കാ​ണും. അ​പ്പോ​ൾ​ത്ത​ന്നെ അ​വ​രു​ടെ വി​ഷ​മം മാ​റ്റാ​ൻ എ​ന്തെ​ങ്കി​ലും ന​ല്ല വാ​ക്കു​ക​ൾ പ​റ​യു​ക​യോ എ​ന്തെ​ങ്കി​ലും ന​ല്ല കാ​ര്യം ചെ​യ്യു​ക​യോ ചെ​യ്യും.''

കൂ​ട്ടു​കാ​ര​ൻ താ​ത്പ​ര്യ​പൂ​ർ​വം കേ​ട്ടി​രി​ക്കു​ന്പോ​ൾ അ​വ​ൻ തു​ട​ർ​ന്നു: ""എ​ങ്ങ​നെ​യാ​ണു മ​റ്റു​ള്ള​വ​രു​ടെ ദുഃ​ഖം വ​ള​രെ പെ​ട്ടെ​ന്നു കാ​ണാ​ൻ സാ​ധി​ക്കു​ന്ന​തെ​ന്ന് ഒ​രി​ക്ക​ൽ ഞാ​ൻ വ​ല്യ​മ്മ​ച്ചി​യോ​ടു ചോ​ദി​ച്ചു. അ​പ്പോ​ൾ വ​ല്യ​മ്മ​ച്ചി പ​റ​ഞ്ഞ​തെ​ന്താ​ണെ​ന്നോ? പ്രാ​യം വ​ർ​ധി​ച്ച​പ്പോ​ഴാ​ണ് വ​ല്യ​മ്മ​ച്ചി​ക്ക് അ​ങ്ങ​നെ കാ​ണാ​ൻ സാ​ധി​ച്ച​തെ​ന്ന്!''

ഉ​ട​നെ കൂ​ട്ടു​കാ​ര​ൻ പ​റ​ഞ്ഞു: ""അ​തെ, നീ ​പ​റ​ഞ്ഞ​തു ശ​രി​യാ​യി​രി​ക്ക​ണം. നി​ന്‍റെ വ​ല്യ​മ്മ​ച്ചി​യു​ടെ ക​ണ്ണ​ട​യാ​ണ് അ​തി​നു കാ​ര​ണം.''

ക​ണ്ണ​ട ധ​രി​ച്ചാ​ൽ കാ​ഴ്ച​ശ​ക്തി​കു​റ​ഞ്ഞ​വ​രു​ടെ കാ​ഴ്ച​ശ​ക്തി മെ​ച്ച​പ്പെ​ടു​മെ​ന്ന സാ മാ​ന്യ​വി​വ​രം അ​വ​ർ​ക്കു​ണ്ടാ​യി​രു​ന്നു. ത​ന്മൂ​ല​മാ​ണു വ​ല്യ​മ്മ​ച്ചി​ക്കു മ​റ്റു​ള്ള​വ​രു​ടെ ദുഃ​ഖം എ​ളു​പ്പ​ത്തി​ൽ കാ​ണു​വാ​ൻ സാ​ധി​ക്കു​ന്നു​ണ്ടെ​ങ്കി​ൽ അ​തി​ന്‍റെ കാ​ര​ണം വ​ല്യ​മ്മ​ച്ചി​യു​ടെ​ക​ണ്ണ​ട​യാ​ണെ​ന്ന് അ​വ​ർ അ​നു​മാ​നി​ച്ച​ത്.

നാം ​ക​ണ്ണ​ട​ധ​രി​ക്കു​ന്ന​വ​രാ​കാം. അ​ല്ലാ​ത്ത​വ​രാ​കാം. എ​ങ്കി​ലും ഈ ​ക​ഥ​യി​ലെ വ​ല്യ​മ്മ​ച്ചി​യു​ടേ​തു​പോ​ലെ​യു​ള​ള ഒ​രു ക​ണ്ണ​ട എ​പ്പോ​ഴും ന​മു​ക്കു​ണ്ടാ​യി​രി​ക്ക​ണം. അ​താ​യ​ത്, മ​റ്റു​ള്ള​വ​രു​ടെ ദുഃ​ഖം എ​പ്പോ​ഴും കാ​ണാ​നും അ​തി​നു പ​രി​ഹാ​രം കാ​ണു​വാ​നു​മു​ള്ള മ​നോ​ഭാ​വം എ​പ്പോ​ഴും ന​മു​ക്കു​ണ്ടാ​യി​രി​ക്ക​ണ​മെ​ന്നു സാ​രം.

ന​മു​ക്കു പ്രാ​യം വ​ർ​ധി​ക്കു​ന്തോ​റും മ​റ്റു​ള്ള​വ​രു​ടെ ദുഃ​ഖ​ങ്ങ​ൾ ന​മു​ക്കു വേ​ഗം മ​ന​സി​ലാ​ക്കു​വാ​നാ​കും. അ​തി​നു കാ​ര​ണം ന​മ്മു​ടെ ജീ​വി​താ​നു​ഭ​വ​ങ്ങ​ൾ ത​ന്നെ. എ​ന്നാ​ൽ, മ​റ്റു​ള്ള​വ​രു​ടെ ദുഃ​ഖ​ങ്ങ​ൾ മ​ന​സി​ലാ​ക്കി​യ​തു​കൊ​ണ്ടു മാ​ത്രം അ​വ​രെ നാം ​സ​ഹാ​യി​ച്ചു എ​ന്നു​വ​രി​ല്ല. അ​തി​നു മ​റ്റു​ള്ള​വ​രെ സ​ഹാ​യി​ക്കാ​നു​ള്ള സ​ന്മ​ന​സു​കൂ​ടി വേ​ണം. പ്രാ​യം വ​ർ​ധി​ച്ച​തു​കൊ​ണ്ടു മാ​ത്രം ആ ​സ​ന്മ​ന​സ് ഉ​ണ്ടാ​വ​ണ​മെ​ന്നി​ല്ല. അ​തി​നു ബോ​ധ​പൂ​ർ​വ​ക​മാ​യ പ​രി​ശ്ര​മം ആ​വ​ശ്യ​മാ​ണ്.

മ​റ്റു​ള്ള​വ​രെ സ​ഹാ​യി​ക്കു​ന്ന കാ​ര്യം വ​രു​ന്പോ​ൾ ചി​ല​ർ​ക്ക​ത് എ​ളു​പ്പ​മാ​ണ്. കാ​ര​ണം, അ​വ​ർ അ​തു ത​ങ്ങ​ളു​ടെ ജീ​വി​ത ദൗ​ത്യ​മാ​യി കാ​ണു​ന്നു. വി​ശു​ദ്ധ മ​ദ​ർ തെ​രേ​സ​യെ​പ്പോ​ലെ​യു​ള്ള​വ​ർ ഇ​തി​ന്‍റെ മി​ക​ച്ച ഉ​ദാ​ഹ​ര​ണ​ങ്ങ​ളാ​ണ​ല്ലോ. മ​ദ​ർ​തെ​രേ​സ ചെ​റു​പ്പ​കാ​ല​ത്തു ക​ൽ​ക്ക​ട്ട​യി​ലെ​ത്തി​യ​പ്പോ​ൾ അ​വി​ടെ ക​ണ്ട​തു മു​ഴു​വ​ൻ മ​റ്റു​ള്ള​വ​രു​ടെ ദുഃ​ഖ​മാ​യി​രു​ന്നു.

എ​ന്നാ​ൽ പ​ല​രും സാ​ധാ​ര​ണ ചെ​യ്യു​ന്ന​തു​പോ​ലെ മ​ദ​ർ തെ​രേ​സ അ​വി​ടെ ക​ണ്ട ദുഃ​ഖ​ത്തി​നു നേ​രേ ക​ണ്ണ​ട​ച്ചി​ല്ല. അ​തി​നു പ​ക​രം ആ ​വി​ശു​ദ്ധ മ​റ്റു​ള്ള​വ​രു​ടെ ദുഃ​ഖ​ത്തി​നു പ​രി​ഹാ​രം തേ​ടി​യ​ല​ഞ്ഞു. അ​ക്കാ​ര്യ​ത്തി​ൽ വ​ലി​യൊ​രു പ​രി​ധി​വ​രെ മ​ദ​ർ വി​ജ​യി​ക്കു​ക​യും ചെ​യ്തു.

ക​ൽ​ക്ക​ട്ട​യി​ൽ ക​ണ്ട​വ​രു​ടെ മാ​ത്രം ദുഃ​ഖം അ​ക​റ്റു​ന്ന​തി​ല​ല്ല മ​ദ​ർ ശ്ര​ദ്ധി​ച്ച​ത്. ലോ​ക​മെ​ന്പാ​ടു​മു​ള്ള​വ​രു​ടെ ദുഃ​ഖ​മ​ക​റ്റു​വാ​ൻ മ​ദ​ർ ശ്ര​മി​ച്ചു. അ​ങ്ങ​നെ​യാ​ണു മി​ഷ​ണ​റീ​സ് ഓ​ഫ് ചാ​രി​റ്റി എ​ന്ന സ​ന്യാ​സ​സ​ഭ​യ്ക്കു ജ​ന്മം ന​ൽ​കി​ക്കൊ​ണ്ടു മ​ദ​ർ ത​ന്‍റെ പ്ര​വ​ർ​ത്ത​ന​ങ്ങ​ൾ ലോ​കം മു​ഴു​വ​ൻ വ്യാ​പി​പ്പി​ച്ച​ത്. അ​തി​ൽ മ​ദ​ർ നേ​ടി​യ വി​ജ​യം അ​ദ്ഭു​താ​വ​ഹം​ത​ന്നെ.

എ​ല്ലാ​വ​ർ​ക്കും മ​ദ​ർ തെ​രേ​സ ആ​വാ​നാ​വി​ല്ല. കാ​ര​ണം, മ​ദ​ർ ഒ​രു അ​പൂ​ർ​വ​സം​ഭ​വ​മാ​ണ്. ദൈ​വം ലോ​ക​ത്തി​നു ന​ൽ​കി​യ വ​ലി​യ ഒ​രു സ​മ്മാ​നം. എ​ന്നാ​ൽ മ​ദ​റി​ന്‍റെ മാ​തൃ​ക ഒ​രു പ​രി​ധി​വ​രെ ആ​ർ​ക്കും അ​നു​ക​രി​ക്കാം എ​ന്ന​താ​ണു യാ​ഥാ​ർ​ഥ്യം. എ​ന്നാ​ൽ അ​തി​നു മു​ക​ളി​ൽ കൊ​ടു​ത്തി​രി​ക്കു​ന്ന ക​ഥ​യി​ലെ വ​ല്യ​മ്മ​ച്ചി​യു​ടേ​തു​പോ​ലെ​യു​ള്ള ഒ​രു ക​ണ്ണ​ട ന​മു​ക്കു​ണ്ടാ​യി​രി​ക്ക​ണ​മെ​ന്നു മാ​ത്രം. അ​താ​യ​ത്, മ​റ്റു​ള്ള​വ​രു​ടെ ദുഃ​ഖ​ത്തി​ൽ അ​വ​രെ സ​ഹാ​യി​ക്കാ​ൻ ഓ​ടി​യെ​ത്തു​വാ​നു​ള്ള ഒ​രു മ​ന​സ് ന​മു​ക്കു വേ​ണ​മെ​ന്നു ചു​രു​ക്കം.

ന​മു​ക്കെ​ന്തെ​ങ്കി​ലും ദുഃ​ഖ​മോ വി​ഷ​മ​മോ ഉ​ണ്ടാ​കു​ന്പോ​ൾ മ​റ്റു​ള്ള​വ​ർ ന​മ്മെ സ​ഹാ​യി​ക്കാ​ൻ ഓ​ടി​യെ​ത്ത​ണ​മെ​ന്നു നാം ​ആ​ഗ്ര​ഹി​ക്കാ​റി​ല്ലേ? അ​ങ്ങ​നെ സം​ഭ​വി​ക്കു​ക​യാ​ണെ​ങ്കി​ൽ എ​ന്തൊ​രാ​ശ്വാ​സ​മാ​യി​രി​ക്കും നാം ​അ​പ്പോ​ൾ അ​നു​ഭ​വി​ക്കു​ക! എ​ന്നാ​ൽ ന​മ്മു​ടെ വി​ഷ​മ​സ​ന്ധി​ക​ളി​ൽ ന​മ്മെ സ​ഹാ​യി​ക്കു​വാ​ൻ ആ​രും വ​രു​ന്നി​ല്ലെ​ന്നു വി​ചാ​രി​ക്കു​ക. അ​പ്പോ​ൾ ന​മ്മു​ടെ വി​ഷ​മം ഏ​റെ വ​ർ​ധി​ക്കു​ക​യി​ല്ലേ?

ന​മ്മു​ടെ ജീ​വി​ത​ത്തി​ലെ ഒ​ട്ടേ​റെ പ്ര​ശ്ന​ങ്ങ​ൾ​ക്കു ന​മ്മു​ടെ ക​ഴി​വും സാ​മ​ർ​ഥ്യ​വും​കൊ​ണ്ടു മാ​ത്രം ന​മു​ക്കു പ​രി​ഹാ​രം കാ​ണാ​നാ​വി​ല്ല. അ​തി​നു ദൈ​വ​ത്തി​ന്‍റെ ത​ന്നെ ഇ​ട​പെ​ട​ൽ ആ​വ​ശ്യ​മാ​ണ്. എ​ന്നാ​ൽ, ദൈ​വം പ​ല​പ്പോ​ഴും ഇ​ട​പെ​ടു​ന്ന​തു ന​മ്മി​ൽ​ക്കൂ​ടി​യാ​ണെ​ന്ന​തു നാം ​മ​റ​ന്നു​പോ​ക​രു​ത്. എ​ന്നാ​ൽ, ദൈ​വം ന​മ്മി​ൽ ഇ​ട​പെ​ടാ​ൻ പ​ല​പ്പോ​ഴും നാം ​സ​മ്മ​തി​ക്കു​ന്നി​ല്ല എ​ന്നു​മാ​ത്രം. അ​തി​നു കാ​ര​ണ​മാ​ക​ട്ടെ ന​മ്മെ വ​രി​ഞ്ഞു​മു​റു​ക്കു​ന്ന ന​മ്മു​ടെ സ്വാ​ർ​ഥ​ത​യും.

മ​റ്റു​ള്ള​വ​രു​ടെ ദുഃ​ഖ​ത്തി​ൽ അ​വ​രെ സ​ഹാ​യി​ക്കു​വാ​ൻ ദൈ​വം പ​ല രീ​തി​യി​ൽ ന​മ്മെ ഓ​ർ​മി​പ്പി​ക്കാ​റി​ല്ലേ? ചി​ല​പ്പോ​ൾ ദൈ​വ​വ​ച​നം വ​ഴി​യാ​കാം. മ​റ്റു​ചി​ല​പ്പോ​ൾ മ​റ്റു​ള്ള​വ​രു​ടെ സ​ന്മാ​തൃ​ക വ​ഴി​യാ​കാം. വേ​റെ ചി​ല​പ്പോ​ൾ ദൈ​വം ന​മ്മു​ടെ മ​ന​സി​ൽ തോ​ന്നി​പ്പി​ക്കു​ന്ന പ്ര​ചോ​ദ​നം​വ​ഴി​യാ​കാം. പ​ക്ഷേ, ഈ ​ഓ​ർ​മി​പ്പി​ക്ക​ലു​ക​ൾ നാം ​പ​ല​പ്പോ​ഴും അ​ത്ര ഗൗ​ര​വ​മാ​യി എ​ടു​ക്കാ​റു​ണ്ടോ? ഇ​ല്ല എ​ന്ന​ത​ല്ലേ വാ​സ്ത​വം? ത​ന്മൂ​ല​മ​ല്ലേ ന​മ്മി​ൽ പ​ല​രു​ടെ​യും ദുഃ​ഖ ദു​രി​ത​ങ്ങ​ളി​ൽ ന​മു​ക്കാ​ശ്വാ​സം ല​ഭി​ക്കാ​തെ​പോ​കു​ന്ന​ത്?

ന​മു​ക്കു ചെ​റു​പ്പ​മാ​യി​രി​ക്കാം. അ​ല്ലെ​ങ്കി​ൽ പ്രാ​യം വ​ർ​ധി​ച്ചി​രി​ക്കാം. എ​ന്നാ​ൽ, "വ​ല്യ​മ്മ​ച്ചി​യു​ടെ ക​ണ്ണ​ട'​യു​ടെ കാ​ര്യം വ​രു​ന്പോ​ൾ പ്രാ​യ​ത്തി​ന്‍റെ കാ​ര്യം നാം ​ഓ​ർ​മി​ക്കേ​ണ്ട​തി​ല്ല. ന​മു​ക്ക് അ​മ്മാ​തി​രി​യൊ​രു "ക​ണ്ണ​ട' അ​ല്ലെ​ങ്കി​ൽ കാ​ഴ്ച​പ്പാ​ട് ഉ​ണ്ട് എ​ന്നു നാം ​ഉ​റ​പ്പു​വ​രു​ത്തു​ക​യും അ​ത​നു​സ​രി​ച്ചു പ്ര​വ​ർ​ത്തി​ക്കു​ക​യും ചെ​യ്താ​ൽ മ​തി.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.