ഒ​മ്പ​ത് ദി​വ​സ​ത്തെ ദു​ർ​ഗ്ഗാ പൂ​ജ മ​ഹോ​ത്സ​വം വി​ജ​യ​ദ​ശ​മി​യോ​ടു​കൂ​ടി ഭം​ഗി​യാ​യി സ​മാ​പി​ച്ചു. രാ​മാ​യ​ണ ക​ഥാ​ഭാ​ഗ​ങ്ങ​ൾ പു​ന​രാ​വി​ഷ്ക​രി​ക്കു​ന്ന രാ​മ​ലീ​ല പ​രി​പാ​ടി​ക​ൾ വി​വി​ധ​യി​ട​ങ്ങ​ളി​ൽ അ​ര​ങ്ങേ​റു​ക​യും, ഉ​ത്സ​വ​ത്തി​ന്‍റെ പ​രി​സ​മാ​പ്തി​യി​ൽ തി​ന്മ​യു​ടെ പ്ര​തീ​ക​മാ​യി രാ​വ​ണ​ന്‍റെ കോ​ലം ക​ത്തി​ക്കു​ക​യും ചെ​യ്തു.

ഇ​ത്ത​ര​ത്തി​ൽ രാ​മ​ലീ​ല​യു​ടെ അ​വ​സാ​ന​ഘ​ട്ട പ്ര​ക​ട​ന​ത്തി​ന് തൊ​ട്ടു​മു​മ്പ് സം​ഭ​വി​ച്ച ര​സ​ക​ര​മാ​യ ഒ​രു രം​ഗ​മാ​ണ് ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ വൈ​റ​ലാ​യി​ക്കൊ​ണ്ടി​രി​ക്കു​ന്ന​ത്. രാ​മ​ലീ​ല​യി​ൽ ഹ​നു​മാ​ന്‍റെ വേ​ഷ​മ​ണി​ഞ്ഞ ക​ലാ​കാ​ര​ൻ തി​ര​ക്കി​ട്ട യാ​ത്ര​യ്‌​ക്കാ​യി റോ​ഡ​രി​കി​ൽ കാ​ത്തു​നി​ൽ​ക്കു​ന്ന​താ​യി​രു​ന്നു ആ ​രം​ഗം.

ആ​രെ​യോ പ്ര​തീ​ക്ഷി​ച്ചു നി​ൽ​ക്കു​ന്ന അ​ദ്ദേ​ഹ​ത്തെ ക​ണ്ട​പ്പോ​ഴാ​ണ് കാ​ര്യം വ്യ​ക്ത​മാ​യ​ത്. രാ​മ​ലീ​ല​യു​ടെ വേ​ദി​യി​ലെ​ത്താ​ൻ വൈ​കി​യ​തു​കൊ​ണ്ട്, സ​മ​യം ലാ​ഭി​ക്കു​ന്ന​തി​നാ​യി അ​ദ്ദേ​ഹം റാ​പ്പി​ഡോ ബൈ​ക്ക് ടാ​ക്സി ബു​ക്ക് ചെ​യ്യു​ക​യാ​യി​രു​ന്നു.

ക്ലി​പ്പി​ൽ, ഹ​നു​മാ​ൻ വേ​ഷ​മ​ണി​ഞ്ഞ​യാ​ൾ ക്ഷ​മ​യോ​ടെ കാ​ത്തു​നി​ൽ​ക്കു​ക​യും, താ​മ​സി​യാ​തെ ഇ​രു​ച​ക്ര​വാ​ഹ​ന​ത്തി​ലെ​ത്തി​യ റൈ​ഡ​ർ ഒ​ടി​പി ന​ൽ​കി യാ​ത്ര ഉ​റ​പ്പി​ക്കു​ക​യും ചെ​യ്യു​ന്ന ദൃ​ശ്യ​ങ്ങ​ൾ കാ​ണാം.

എ​ന്നാ​ൽ, ഈ ​സം​ഭ​വ​ത്തി​ലെ ഏ​റ്റ​വും ര​സ​ക​ര​മാ​യ മു​ഹൂ​ർ​ത്തം, സ്കൂ​ട്ട​റി​ന്‍റെ പി​ന്നി​ൽ ക​യ​റി​യ ഉ​ട​ൻ ത​ന്നെ, ഹ​നു​മാ​ൻ, താ​ൻ പോ​കേ​ണ്ട ദി​ശ​യി​ലേ​ക്ക് ത​ന്‍റെ ക​യ്യി​ലു​ള്ള ഗ​ദ ചൂ​ണ്ടി റൈ​ഡ​ർ​ക്ക് വ​ഴി കാ​ണി​ച്ച​താ​ണ്. വീഡിയോ ഇതിനോടകം തന്നെ 19 മില്യണിലധികം കാഴ്ചക്കാരിലേക്കെത്തി.




"രാ​മ​ലീ​ല​ക്ക് വേ​ഗ​ത്തി​ലെ​ത്താ​ൻ ഹ​നു​മാ​ൻ​ജി റാ​പ്പി​ഡോ ബു​ക്ക് ചെ​യ്തു' എ​ന്ന ത​ല​ക്കെ​ട്ടോ​ടെ ഇ​ൻ​സ്റ്റ​ഗ്രാ​മി​ൽ പ​ങ്കു​വെ​ച്ച ഈ ​വീ​ഡി​യോ​ക്ക് ര​സ​ക​ര​മാ​യ ക​മ​ന്‍റു​ക​ളു​മാ​യി നി​ര​വ​ധി ആ​ളു​ക​ൾ രം​ഗ​ത്തെ​ത്തി. ഈ ​ആ​ധു​നി​ക സം​ഭ​വ​ത്തി​ന് സ​മാ​ന​മാ​യി, ക​ഴി​ഞ്ഞ വ​ർ​ഷം ശ്രീ​ല​ങ്ക​യി​ൽ ഒ​രു കു​ര​ങ്ങ​ൻ കാ​ര​ണം രാ​ജ്യ​വ്യാ​പ​ക​മാ​യി വൈ​ദ്യു​തി ത​ട​സ്സ​മു​ണ്ടാ​യ സം​ഭ​വ​ത്തെ​യും ഒ​രു വാ​യ​ന​ക്കാ​ര​ൻ ഓ​ർ​മ്മി​പ്പി​ച്ചു.

സീ​താ​ന്വേ​ഷ​ണ​ത്തി​ന് ല​ങ്ക​യി​ലെ​ത്തി​യ ഹ​നു​മാ​ൻ തീ​യി​ട്ട​തു​പോ​ലെ, കു​ര​ങ്ങ​ൻ ഒ​രു പ​വ​ർ സ്റ്റേ​ഷ​നി​ലെ ട്രാ​ൻ​സ്ഫോ​ർ​മ​റി​ൽ ക​യ​റി വൈ​ദ്യു​തി വി​ത​ര​ണം ത​ട​സ​പ്പെ​ടു​ത്തി എ​ന്ന താ​ര​ത​മ്യ​വും ശ്ര​ദ്ധേ​യ​മാ​യി.