കു​ടി​വെ​ള്ള​ത്തി​നാ​യി അ​വ​ര്‍ കി​ണ​റ്റി​ലി​റ​ങ്ങി!
Wednesday, June 23, 2021 7:31 PM IST
കു​ടി​വെ​ള്ള​ക്ഷാ​മം എ​ന്ന​ത് പു​തി​യ കാ​ര്യ​മ​ല്ല. എ​ല്ലാ​യി​ട​ത്തും അ​തു​ണ്ട് എ​ന്ന​താ​ണ് സ​ത്യം. അ​തി​നെ എ​ങ്ങ​നെ പ​രി​ഹ​രി​ക്കാം എ​ന്ന​താ​ണ​ല്ലോ പ്ര​ധാ​നം. ചി​ല​പ്പോ​ള്‍ അ​ധി​കാ​രി​ക​ള്‍ ത​ന്നെ ഒ​രു വ​ഴി ക​ണ്ടെ​ത്തും.

വെ​ള്ള​മു​ള്ള​യി​ട​ത്തു​നി​ന്നൊ​രു പൈ​പ്പ് ക​ണ​ക്ഷ​നോ, ലോ​റി​ക​ളി​ൽ വെ​ള്ള​മെ​ത്തി​ച്ചോ അ​ങ്ങ​നെ പ്ര​ശ്‌​നം പ​രി​ഹ​രി​ക്കാ​ന്‍ വ​ഴി​ക​ള്‍ ഏ​റെ​യു​ണ്ട്. എ​ന്നാ​ല്‍ അ​ധി​കാ​രി​ക​ള്‍ കൈ​യ്യൊ​ഴി​ഞ്ഞ ഒ​രു കു​ടി​വെ​ള്ള പ്ര​ശ്‌​നം ജ​ന​ങ്ങ​ള്‍ കൈ​കാ​ര്യം ചെ​യ്ത വാ​ര്‍​ത്ത​യാ​ണ് ഇ​പ്പോ​ള്‍ മ​ധ്യ​പ്ര​ദേ​ശി​ല്‍ നി​ന്നും വ​രു​ന്ന​ത്.

ഇ​ത​ല്ലാ​തെ വേ​റെ വ​ഴി​യി​ല്ല

സം​ഭ​വം ന​ട​ക്കു​ന്ന​ത് മ​ധ്യ​പ്ര​ദേ​ശി​ലെ ബൊ​ര്‍​ഖേ​ഡി എ​ന്ന ഗ്രാ​മ​ത്തി​ലാ​ണ്. വേ​ന​ല്‍ ക​ന​ത്താ​ല്‍ ഇ​വി​ടെ കു​ടി​വെ​ള്ള ക്ഷാ​മം രൂ​ക്ഷ​മാ​കും. അ​റു​ന്നൂ​റോ​ളം പേ​ര​ട​ങ്ങു​ന്ന ഗ്രാ​മീ​ണ ജ​ന​ത​യ്ക്ക് പി​ന്നെ നെ​ട്ടോ​ട്ട​മാ​ണ്. ഇ​വി​ടെ ആ​ശ്ര​യ​മാ​യി ഉ​ണ്ടാ​യി​രു​ന്ന​താ​ക​ട്ടെ ഒ​രു കു​ഴ​ല്‍ കി​ണ​ര്‍ മാ​ത്രം.

എ​ന്നാ​ല്‍ അ​തി​ലും വെ​ള്ളം ല​ഭി​ക്കാ​താ​യ​തോ​ടെ​യാ​ണ് പ്ര​ശ്‌​നം ഗു​രു​ത​ര​മാ​യ​ത്. എ​ന്തു​ചെ​യ്യും. ഗ്രാ​മീ​ണ​ജ​ന​ത ത​ല​പു​ക​ഞ്ഞാ​ലോ​ചി​ച്ചു. പി​ന്നെ​യു​ള്ള ജ​ന​സം​ഭ​ര​ണി ഗ്രാ​മ​ത്തി​ല്‍ നി​ന്നും കു​റ​ച്ച​ക​ലെ​യു​ള്ള ആ​ഴ​മു​ള്ള ഒ​രു കി​ണ​റാ​ണ്. അ​തി​ലും വെ​ള്ളം കു​റ​വാ​ണ്. അ​തി​നാ​ല്‍ കോ​രി​യെ​ടു​ക്കു​ക എ​ന്ന​തൊ​ക്കെ അ​സാ​ധ്യ​വു​മാ​ണ്. അ​ങ്ങ​നെ അ​വ​ര്‍ ഒ​രു​വ​ഴി ക​ണ്ടെ​ത്തി.

അ​വ​ര്‍ എ​ന്നു പ​റ​ഞ്ഞാ​ല്‍ ഗ്രാ​മ​ത്തി​ലെ സ്ത്രീ​ക​ള്‍ എ​ന്ന് പ​റ​യു​ന്ന​താ​കും ശ​രി. അ​ങ്ങ​നെ ഗ്രാ​മ​ത്തി​ലെ സ്ത്രീ​ക​ളും കു​ട്ടി​ക​ളും ഒ​ന്ന​ട​ങ്കം കി​ണ​റി​ന​ടു​ത്തേ​ക്ക് പോ​യി. കൈ​യി​ല്‍ ബ​ക്ക​റ്റും വെ​ള്ളം ശേ​ഖ​രി​ക്കാ​നു​ള്ള മ​റ്റ് പാ​ത്ര​ങ്ങ​ളും. കി​ണ​റി​ലി​റ​ങ്ങി വെ​ള്ള​മെ​ടു​ത്ത് ഓ​രോ​രു​ത്ത​രാ​യി വീ​ടു​ക​ളി​ലേ​ക്ക് പോ​കു​ക എ​ന്ന​ത് പ്ര​യാ​സ​മാ​യി​രു​ന്നു. അ​തി​നാ​ല്‍ അ​വ​ര്‍ ഒ​രു വ​ഴി ക​ണ്ടെ​ത്തി. സം​ഘ​ത്തി​ലെ ചു​റു​ചു​റു​ക്കു​ള്ള യു​വ​തി​ക​ള്‍ കി​ണ​റി​ലി​റ​ങ്ങി.

ഇ​നി​യെ​ങ്കി​ലും പ​രി​ഹാ​രം ഉ​ണ്ടാ​കു​മോ‍?

അ​വ​ര്‍ കി​ണ​റി​ലെ ഓ​രോ പ​ട​ക​ളി​ലും നി​ല​യു​റ​പ്പി​ച്ചു. കു​റ​ച്ചു​പേ​ര്‍ കി​ണ​റി​ലെ ആ​ഴ​ത്തി​ലി​റ​ങ്ങി. കൈ​യി​ലെ പാ​ത്ര​ങ്ങ​ളി​ല്‍ ഏ​റ്റ​വും താ​ഴെ നി​ന്ന​വ​ര്‍ വെ​ള്ളം ശേ​ഖ​രി​ച്ച് പ​ട​വു​ക​ളി​ല്‍ ഉ​ള്ള​വ​ര്‍​ക്ക് കൊ​ടു​ത്തു. അ​വ​ര്‍ ഒ​രു ച​ങ്ങ​ല പോ​ലെ പാ​ത്ര​ങ്ങ​ള്‍ കൈ​മാ​റി മു​ക​ളി​ലെ​ത്തി​ച്ചു. അ​ങ്ങ​നെ കൊ​ണ്ടു​വ​ന്ന എ​ല്ലാ പാ​ത്ര​ങ്ങ​ളി​ലും അ​വ​ര്‍ വെ​ള്ളം ശേ​ഖ​രി​ച്ചു.

ഏ​റെ സാ​ഹ​സ​പ്പെ​ട്ടാ​ണ് യു​വ​തി​ക​ള്‍ കി​ണ​റി​ലി​റ​ങ്ങി വെ​ള്ളം എ​ടു​ത്ത് മു​ക​ളി​ലെ​ത്തി​ച്ച​ത്. സം​ഭ​വം അ​ങ്ങ​നെ വി​ജ​യം​ക​ണ്ടു. ഗ്രാ​മ​ത്തി​ലെ കു​ടി​വെ​ള്ള പ്ര​ശ്‌​ന​ത്തി​ന് അ​ങ്ങ​നെ താ​ത്കാ​ലി​ക പ​രി​ഹാ​ര​മാ​യി. ഗ്രാ​മീ​ണ​സ്ത്രീ​ക​ളു​ടെ ഈ ​സാ​ഹ​സി​ക പ്ര​വൃ​ത്തി വാ​ര്‍​ത്ത​ക​ളി​ല്‍ വ​ന്ന​തോ​ടെ എ​ല്ലാ​വ​രു​ടേ​യും ശ്ര​ദ്ധ അ​ധി​കാ​രി​ക​ളി​ലേ​ക്കാ​ണ്. ഇ​നി​യെ​ങ്കി​ലും ഇ​വി​ടു​ത്തെ കു​ടി​വെ​ള്ള പ്ര​ശ്‌​നം പ​രി​ഹ​രി​ക്കാ​ന്‍ അ​വ​ര്‍ മു​ന്‍​കൈ​യ്യെ​ടു​ക്കു​മോ എ​ന്നാ​ണ് എ​ല്ലാ​വ​രും നോ​ക്കു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.