പൂച്ചക്കുഞ്ഞുങ്ങൾക്ക് ചിറകിൻകീഴിൽ അഭയം നൽകി തള്ളക്കോഴി:വൈറല്‍ ചിത്രം
ഹൃദയസ്പര്‍ശിയായ ഒരു ചിത്രമാണ് ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുന്നത്. ഒരു തള്ളക്കോഴി തന്‍റെ ചിറകിന് കീഴില്‍ അഭയം നല്‍കിയിരിക്കുന്നത് രണ്ട് പൂച്ചക്കുഞ്ഞുങ്ങള്‍ക്കാണ്.

പുറത്ത് വലിയ കൊടുങ്കാറ്റും ഇടിമിന്നലും ഉണ്ടായപ്പോള്‍ പേടിച്ചരണ്ട് പോയ പൂച്ചക്കുഞ്ഞുങ്ങള്‍ക്ക് അമ്മയെപ്പോലെ തന്‍റെ ചിറകിൻകീഴിലാണ് ആ തള്ളക്കോഴി സുരക്ഷിതത്വം നല്‍കിയത്.

ട്വിറ്ററില്‍ പങ്കുവച്ച ഈ ചിത്രം നിരവധി പേരാണ് ഇതിനോടകം കണ്ടുകഴിഞ്ഞത്. 74000ലധികം ലൈക്കുകളാണ് ഈ ചിത്രത്തിന് ലഭിച്ചത്. അത്രയധികം ഹൃദയസ്പര്‍ശിയാണ് ഈ ചിത്രം. അമ്മ എന്നും ഒരു അമ്മ തന്നെയായിരിക്കും എന്നാണ് ചിത്രം കണ്ടിട്ട് ഒരാള്‍ എഴുതിയത്.

ശക്തന്‍ ബലഹീനരെ സംരക്ഷിക്കുന്നു. അത്ഭുതകരമായ സഹാനുഭൂതിയോടെ വ്യത്യസ്തമായ കാഴ്ചകള്‍. മൃഗങ്ങളില്‍ നിന്ന് മനുഷ്യര്‍ക്ക് വളരെയധികം പഠിക്കാനാകും. ഒരാള്‍ കുറിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.