രാ​ജ്യം ഏ​റെ ആ​കാം​ക്ഷ​യോ​ടെ കാ​ത്തി​രു​ന്ന നി​മി​ഷ​മാ​ണ് ച​ന്ദ്ര​യാ​ൻ-2 ദൗ​ത്യം. ലാ​ൻ​ഡ​ർ ച​ന്ദ്രോ​പ​രി​ത​ല​ത്തി​ൽ സ്പ​ർ​ശി​ക്കു​ന്ന​തി​ന് നി​മി​ഷ​ങ്ങ​ൾ മു​മ്പ് ലാ​ൻ​ഡ​റും ഇസ്രോ കേ​ന്ദ്ര​വും ത​മ്മി​ലു​ള്ള ആ​ശ​യ​വി​നി​മ​യം ന​ഷ്ട​മാ​കു​ക​യാ​യി​രു​ന്നു.

ച​ന്ദ്രോ​പ​രി​ത​ല​ത്തി​ന് 2.1 കി​ലോ​മീ​റ്റ​ർ മു​ക​ളി​ൽ വ​ച്ചാ​ണ് ലാ​ൻ​ഡ​റി​ന് ബ​ന്ധം ന​ഷ്ട​പ്പെ​ട്ട​ത്. നിരാശയോടെ പൊ​ട്ടി​ക്ക​ര​ഞ്ഞ ഐ​എ​സ്ആ​ർ​ഒ ചെ​യ​ർ​മാ​ൻ ഡോ. ​കെ. ശി​വ​നെ പ്ര​ധാ​ന​മ​ന്ത്രി ന​രേ​ന്ദ്ര മോദി കെ​ട്ടി​പ്പിടി​ച്ച് ആ​ശ്വ​സി​പ്പി​ക്കുന്ന ദൃശ്യങ്ങൾ വൈറലായി മാറിയിരുന്നു. ഇ​പ്പോ​ഴി​താ ഇ​തു​മാ​യി ബ​ന്ധ​പ്പെ​ട്ട് കാ​ഷ്മീ​ർ സ്വ​ദേ​ശി​യാ​യ ഒ​രു യു​വാ​വ് ഐ​എ​സ്ആ​ർ​ഒ ചെ​യ​ർ​മാ​ന് എ​ഴു​തി​യാ​ണ് ക​ത്താ​ണ് ഏ​റെ ശ്ര​ദ്ധ​യാ​ക​ർ​ഷി​ക്കു​ന്ന​ത്. ഫൈ​സാ​ൻ ബു​ഖാ​രി എ​ന്നാ​ണ് ഈ ​യു​വാ​വി​ന്‍റെ പേ​ര്.

ഫൈ​സാ​ൻ ബു​ഖാ​രി​യു​ടെ കു​റി​പ്പ്

പ്രി​യ​പ്പെ​ട്ട ഡോ. ​കെ. ശി​വ​ൻ,

മി​ക​ച്ച നേ​ട്ടം കൈ​വ​രി​ച്ച നി​ങ്ങ​ളേ​യും നി​ങ്ങ​ളു​ടെ ടീ​മി​നേ​യും ആ​ദ്യ​മാ​യി ഞാ​ൻ അ​ഭി​ന​ന്ദി​ക്കു​ന്നു. ച​ന്ദ്ര​യാ​ൻ-2 വി​ജ​യ​മാ​ക്കാ​ൻ നി​ങ്ങ​ൾ ശ​രി​ക്കും ക​ഠി​നാ​ധ്വാ​നം ചെ​യ്തു, പ​ക്ഷേ നി​ർ​ഭാ​ഗ്യ​വ​ശാ​ൽ, ച​ന്ദ്ര​ന്‍റെ ദ​ക്ഷി​ണധ്രു​വ​ത്തി​ന് അ​രി​കെ ലാ​ൻ​ഡ് ചെ​യ്യാ​ൻ നി​മി​ഷ​ങ്ങ​ൾ ബാ​ക്കി നി​ൽ​ക്കെ ച​ന്ദ്ര​യാ​ൻ 2വി​ന്‍റെ ലാ​ൻ​ഡ​ർ വി​ക്ര​വു​മാ​യു​ള്ള ബ​ന്ധം ന​ഷ്ട​പ്പെ​ട്ടു.

രാ​ജ്യ​ത്തെ അ​ഭി​മാ​ന​ത്തി​ലേ​ക്ക് ഉ​യ​ർ​ത്താ​ൻ താ​ങ്ക​ൾ​ക്ക് ആ​ഗ്ര​ഹ​മു​ണ്ടാ​യി​രു​ന്നു​വെ​ന്ന് എ​നി​ക്ക​റി​യാം. ആ​ർ​ക്കാ​ണ് അ​തി​ല്ലാ​ത്ത​ത്?. വ​ള​രെ അ​ടു​ത്ത് നി​ൽ​ക്കു​ന്ന ആ​ശ​യ​വി​നി​മ​യം ന​ഷ്ട​മാ​കു​ന്ന​ത് എ​ത്ര​ത്തോ​ളം വേ​ദ​നാ​ജ​ന​ക​മാ​ണെ​ന്ന് എ​നി​ക്ക് അ​റി​യാം. വ​ള​രെ ന​ന്നാ​യി​ട്ട് അ​ത് അ​റി​യാം. എ​നി​ക്ക് എ​ന്‍റെ ച​ന്ദ്ര​നു​മാ​യും, എ​നി​ക്ക് എ​ന്‍റെ അ​മ്മ​യു​മാ​യു​ള്ള ആ​ശ​യ​വി​നി​മ​യം ഒ​രു​മാ​സം മു​ന്പേ ന​ഷ്ട​മാ​യ​താ​ണ്. എ​ന്‍റെ അ​മ്മ താ​മ​സി​ക്കു​ന്ന​ത് ജ​മ്മു​കാഷ്മീ​രി​ലെ ബു​ദ്ഗാ​മി​ലാ​ണ്. ആ​ഴ്ച​ക​ളാ​യി ഞാ​ന​വ​രോ​ട് സം​സാ​രി​ച്ചി​ട്ടി​ല്ല.

താ​ങ്ക​ൾ വ​ലി​യൊ​രു ശാ​സ്ത്ര​ജ്ഞ​നാ​ണ് എ​ല്ലാം എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന് താ​ങ്ക​ൾ​ക്ക​റി​യാം, എ​ന്നി​ട്ടും താ​ങ്ക​ൾ പ്ര​ധാ​ന​മ​ന്ത്രി​യു​ടെ മു​ന്പി​ൽ പൊ​ട്ടി​ക്ക​ര​ഞ്ഞു. ബ​ന്ധ​ങ്ങ​ൾ ന​ഷ്ട​മാ​കു​ന്പോ​ൾ ന​മ്മ​ളു​മാ​യി അ​ടു​ത്ത് നി​ൽ​ക്കു​ന്ന​വ​രു​മാ​യി ആ​ശ​യ​വി​നി​മ​യം ന​ട​ത്താ​ൻ ക​ഴി​യാ​തെ വ​രു​ന്ന​ത് ന​മ്മ​ളെ വ​ള​രെ​യ​ധി​കം വേ​ദ​നി​പ്പി​ക്കും.


സ​ർ, നി​ങ്ങ​ൾ വ​ള​രെ ഭാ​ഗ്യ​വാ​നാ​ണ്. കാ​ര​ണം താ​ങ്ക​ളെ ചേ​ർ​ത്തു​നി​ർ​ത്തി ആ​ശ്വ​സി​പ്പി​ച്ച് എ​ല്ലാം ശ​രി​യാ​വു​മെ​ന്ന് പ​റ​യാ​ൻ പ്ര​ധാ​ന​മ​ന്ത്രി​യു​ണ്ടാ​യി​രു​ന്നു. പ​ക്ഷേ എ​ന്‍റെ കാ​ര്യം നോ​ക്കൂ, ഞാ​ന​ത്രെ ഭാ​ഗ്യം ഇ​ല്ലാ​ത്ത​വ​നാ​ണ്.​എ​നി​ക്ക് എ​ന്‍റെ കു​ടും​ബ​വു​മാ​യു​ള്ള എ​ല്ലാ ആ​ശ​യ​വി​നി​മ​യ​വും ന​ഷ്ട​മാ​യി​ട്ട് ഒ​രു​മാ​സ​ത്തി​ലേ​റെ​യാ​യി. എ​ന്നി​ട്ടും എ​ന്നെ ആ​ശ്വ​സി​പ്പി​ക്കാ​നോ സ​മാ​ധാ​നി​പ്പി​ക്കാ​നോ ഒ​രാ​ൾ​പ്പോ​ലും വ​ന്നി​ട്ടി​ല്ല.

ന​മ്മു​ടെ ബ​ഹു​മാ​ന്യ​നാ​യ പ്ര​ധാ​ന​മ​ന്ത്രി എ​ന്നെ​പ്പോ​ല കു​ടും​ബ​വു​മാ​യു​ള്ള ബ​ന്ധം ന​ഷ്ട​പ്പെ​ട്ട ആ​ളു​ക​ളോ​ട് ഒ​രു​വാ​ക്കു​പോ​ലും പ​റ​ഞ്ഞി​ട്ടി​ല്ല. സ​ർ, ഒ​രു​ത​ര​ത്തി​ൽ പ​റ​ഞ്ഞാ​ൽ ഞാ​നും നി​ങ്ങ​ളും ഒ​രേ വ​ള്ള​ത്തി​ലെ യാ​ത്ര​ക്കാ​രാ​ണ്. എ​നി​ക്കു ഇ​പ്പോ​ൾ തോ​ന്നു​ന്ന​ത്, എ​ന്‍റെ കു​ടും​ബ​വു​മാ​യു​ള്ള ബ​ന്ധം പു​ന​സ്ഥാ​പി​ക്ക​പ്പെ​ടാ​നു​ള്ള​തി​നേ​ക്കാ​ൾ കൂ​ടു​ത​ൽ സാ​ധ്യ​ത ലാ​ൻ​ഡ​റു​മാ​യു​ള്ള ബ​ന്ധം പു​നഃ​സ്ഥാ​പി​ച്ചു​കി​ട്ടു​ന്ന​തി​നാ​ണ്.

സാ​ർ, ഏ​റ്റ​വും അ​ധി​കം വേ​ദ​ന​യെ​ന്ത​ന്ന് അ​റി​യാ​മോ?. സ്വ​ന്തം രാ​ജ്യ​ത്തു​ള്ള​വ​ർ ന​മ്മ​ളെ ആ​ശ്വ​സി​പ്പി​ക്കാ​നി​ല്ലാ​ത്ത അ​വ​സ്ഥ​യാ​ണ​ത്. സ​ർ, ഞാ​ൻ വീ​ണ്ടും പ​റ​യു​ന്നു, താ​ങ്ക​ൾ ഭാ​ഗ്യ​വാ​നാ​ണ്. ലാ​ൻ​ഡ​റു​മാ​യു​ള്ള ബ​ന്ധം വി​ച്ഛേ​ദി​ക്ക​പ്പെ​ട്ടെ​ന്ന് പ​റ​ഞ്ഞ​പ്പോ​ൾ സോ​ഷ്യ​ൽ മീ​ഡി​യ​യി​ൽ നി​ങ്ങ​ളെ പ്രോ​ത്സാ​ഹി​പ്പി​ച്ചും പി​ന്തു​ണ​ച്ചു​മു​ള്ള സ​ന്ദേ​ശ​ങ്ങ​ൾ പ്ര​വ​ഹി​ക്കു​ക​യാ​യി​രു​ന്നു. പ​ക്ഷെ ഞാ​ൻ ഇ​വി​ടെ ഒ​റ്റ​യ്ക്കി​രു​ന്ന് താ​ങ്ക​ൾ​ക്ക് ഈ ​ക​ത്തെ​ഴു​തു​ക​യാ​ണ്.