കൊ​റോ​ണ​യെ ത​ട​യാ​ൻ ഹി​ന്ദു​മ​ഹാ​സഭ​യു​ടെ "ശ​ക്തി​മ​രു​ന്ന്': ഗോ​മൂ​ത്രം, ചാ​ണ​ക​മി​ശ്രി​തം
കൊ​റോ​ണ വൈ​റ​സ് ബാ​ധ​യെ പ്ര​തി​രോ​ധി​ക്കാ​ൻ "​ഗോ​മൂ​ത്ര പാ​ർ​ട്ടി’ ന​ട​ത്തി ഹി​ന്ദു മ​ഹാ​സ​ഭ. ഡ​ൽ​ഹി​യി​ലെ മ​ന്ദി​ർ മാ​ർ​ഗി​ലു​ള്ള അ​ഖി​ൽ ഭാ​ര​ത് ഹി​ന്ദു മ​ഹാ​സ​ഭ​യു​ടെ ഓ​ഫീ​സി​ലാ​ണു ആ​ദ്യ ഗോ​മൂ​ത്ര പാ​ർ​ട്ടി സം​ഘ​ടി​പ്പി​ച്ച​ത്.

ഹി​ന്ദു മ​ഹാ​സ​ഭ അ​ധ്യ​ക്ഷ​ൻ സ്വാ​മി ച​ക്ര​പാ​ണി മ​ഹാ​രാ​ജ് ഉ​ൾ​പ്പെ​ടെ​യു​ള്ള​വ​ർ പാ​ർ​ട്ടി​യി​ൽ പ​ങ്കെ​ടു​ത്തു. പാ​ർ​ട്ടി​യി​ൽ പ​ങ്കെ​ടു​ത്ത​വ​ർ​ക്കു ഗോ​മൂ​ത്ര​വും ചാ​ണ​ക​മി​ശ്രി​തം അ​ട​ങ്ങി​യ പ​ഞ്ച​ഗ​വ്യ​വും ന​ൽ​കി. ചാ​ണ​കം, ഗോ​മൂ​ത്രം, പാ​ൽ, തൈ​ര്, നെ​യ്യ് എ​ന്നി​വ ഉ​പ​യോ​ഗി​ച്ചാ​ണ് പ​ഞ്ച​ഗ​വ്യം നി​ർ​മി​ക്കു​ന്ന​ത്.

200 പേ​ർ പ​രി​പാ​ടി​യി​ൽ പ​ങ്കെ​ടു​ത്ത​താ​യി അ​ന്താ​രാ​ഷ്ട്ര വാ​ർ​ത്താ ഏ​ജ​ൻ​സി​യാ​യ റോ​യി​ട്ടേ​ഴ്സ് റി​പോ​ർ​ട്ട് ചെ​യ്തു. രാ​ജ്യ​ത്തെ മ​റ്റു സ്ഥ​ല​ങ്ങ​ളി​ലേ​ക്കു ഇ​ത്ത​രം പ​രി​പാ​ടി​ക​ൾ വ്യാ​പി​പ്പി​ക്കാ​നാ​ണു തീ​രു​മാ​നം. കൊ​റോ​ണ വൈ​റ​സി​നെ പ്ര​തി​രോ​ധി​ക്കാ​നു​ള്ള വാ​ക്സി​ൻ വി​ക​സി​പ്പി​ക്കാ​നു​ള്ള തീ​വ്ര​ശ്ര​മ​ത്തി​ലാ​ണ് ആ​രോ​ഗ്യ രം​ഗ​ത്തെ വി​ദ​ഗ്ധ​ർ. ഇ​തി​നി​ട​യി​ലാ​ണ് ഹി​ന്ദു മ​ഹാ​സ​ഭ​യു​ടെ ഗോ​മൂ​ത്ര പാ​ർ​ട്ടി​യു​മാ​യി രം​ഗ​ത്തെ​ത്തു​ന്ന​ത്. ഗോ​മൂ​ത്ര​ത്തി​ന് ഒൗ​ഷ​ധ ഗു​ണ​മു​ണ്ടെ​ന്ന വാ​ദ​ത്തെ ശാ​സ്ത്ര​ലോ​കം ത​ള്ളി​യി​ട്ടു​ണ്ട്.

കൊ​റോ​ണ വൈ​റ​സി​നെ ഗോ​മൂ​ത്രം കു​ടി​ച്ച് കൊ​ല്ലാ​മെ​ന്നു ച​ക്ര​പാ​ണി മ​ഹാ​രാ​ജ് നേ​ര​ത്തെ പ​റ​ഞ്ഞി​രു​ന്നു. സ​ഹാ​യ​ത്തി​നു വേ​ണ്ടി​യു​ള്ള മൃ​ഗ​ങ്ങ​ളു​ടെ ക​ര​ച്ചി​ൽ കേ​ട്ടാ​ണു കൊ​റോ​ണ ഇ​ന്ത്യ​യി​ലെ​ത്തി​യ​തെ​ന്നും മാം​സം ഭ​ക്ഷി​ക്കു​ന്ന​വ​രെ ശി​ക്ഷി​ക്കാ​നെ​ത്തി​യ അ​വ​താ​ര​മാ​ണ് കൊ​റോ​ണ​യെ​ന്നും ച​ക്ര​പാ​ണി മ​ഹാ​രാ​ജ് പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.