"ജെറുസലേമാ...’ തകര്‍ത്താടി ഒരു കൂട്ടം കുട്ടികള്‍; ഈ വീഡിയോ കാണാതെ പോകരുത്
സമൂഹ മാധ്യമങ്ങളില്‍ ദിവസേന പലതരം വീഡിയോകള്‍ വൈറലാകാറുണ്ടെങ്കിലും അതുക്കും മേലെ എന്ന് പറയാവുന്ന വീഡിയോകള്‍ കുറവായിരിക്കും. എന്നാല്‍ അത്തരത്തില്‍ സമൂഹ മാധ്യമങ്ങളില്‍ തരംഗമായി മാറിയ ഒരു വീഡിയോയുടെ കാര്യമാണിത്.

യൂട്യൂബില്‍ 91 മില്ല്യണും ട്വിറ്ററില്‍ 4.3 മില്ല്യണും കാഴ്ചക്കാരാണ് ഇതുവരെ ഈ വീഡിയോയ്ക്കുള്ളത്. പറഞ്ഞു വരുന്നത് ആഫ്രിക്കയില്‍ നിന്നുള്ള ഒരു കൂട്ടം കുട്ടികളുടെ നൃത്തത്തിന്‍റെ വീഡിയോയുടെ കാര്യമാണ്.

ദക്ഷിണാഫ്രിക്കയില്‍ നിന്നുള്ള പ്രശസ്ത സംഗീതജ്ഞനാണ് മാസ്റ്റര്‍ കെജി. അദ്ദേഹത്തിന്‍റെ ഏറ്റവും പ്രശസ്തമായ സൃഷ്ടികളിലൊന്നാണ് "ജെറുസലേമാ' എന്ന ഗാനം. ആ ഗാനത്തിനായി ചുവടുവച്ചാണ് ഈ കുട്ടികള്‍ തരംഗമായി മാറിയത്.

ഉഗാണ്ട ആസ്ഥാനമാക്കി പ്രവര്‍ത്തിക്കുന്ന "മസാക്ക കിഡ്സ് ആഫ്രിക്കാനാ' എന്ന എന്‍ജിഒ ആണ് ഈ ദൃശ്യങ്ങളാദ്യം തങ്ങളുടെ സമൂഹ മാധ്യമങ്ങളില്‍ പങ്കുവച്ചത്. വീഡിയോയില്‍ കുറേ കുട്ടികള്‍ ഈ ഗാനത്തിനൊത്ത ചുവടുകള്‍ ഒരു വീടിന് മുന്നില്‍ നിന്നും മറ്റും വയ്ക്കുന്നതാണുള്ളത്.

ഏറെ വെെറലായി തീര്‍ന്ന ഈ നൃത്തത്തിന് നിരവധി ആരാധകരാണ് ലോകത്തിന്‍റെ വിവിധ ഭാഗങ്ങളില്‍ നിന്നുണ്ടായിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.