സോ​മ​ന്‍റെ താമസം "സൈ​ക്കി​ൾ വീ​ട്ടി​ൽ'
കോ​ട്ടൂ​ർ സുനിൽ
സൈ​ക്കി​ൾ ഒ​രു വീ​ടാ​ക്കി അ​തി​ൽ അ​ന്തി​യു​റ​ങ്ങു​ന്ന ഒ​രു വ​യോ​ധി​ക​ൻ. റോ​ഡ​രി​കി​ൽ റ​ബർ​മ​ര​ങ്ങ​ളു​ടെ ത​ണ​ലി​നു​താ​ഴെ സൈ​ക്കി​ളി​ൽ കാ​ട്ടു​ക​മ്പു​ക​ളും മു​ള​യും ഉ​പ​യോ​ഗി​ച്ച് ടാ​ർ​പ്പോ​ളി​ൻ വ​ലി​ച്ചു​കെ​ട്ടി​യ കൂ​ടാ​രത്തി​ലാ​ണ് കാ​ട്ടാ​ക്ക​ട ചാ​രു​പാ​റ സ്വ​ദേ​ശി​യാ​യ സോ​മ​ൻ ക​ഴി​യു​ന്ന​ത്.

കൂ​ലി​പ്പ​ണി​ക്കാ​ര​നാ​യി​രു​ന്നു സോ​മ​ൻ. സോ​മ​ൻ വ​ർ​ഷ​ങ്ങ​ളാ​യി സ്വ​ന്തം നാ​ട്ടി​ൽ അ​ഭ​യാ​ർ​ഥി​യാ​ണ്.​ കാ​ള​വ​ണ്ടി​ക്കാ​ര​നാ​യ കു​ട്ടന്‍റെ​യും മീ​നാ​ക്ഷി​യു​ടെ​യും നാ​ലു​മ​ക്ക​ളി​ൽ ഏ​റ്റ​വും ഇ​ള​യ​ ആ​ളാ​യ സോ​മ​ൻ ബാ​ല്യം​മു​ത​ലേ അ​ച്ഛ​നോ​ടൊ​പ്പം ചി​ല്ല​റ പ​ണി​ക​ൾ ചെ​യ്താ​ണ് ജീ​വി​ച്ച​ത്.

അ​ന്ന​ന്ന് കി​ട്ടു​ന്ന​ത് അ​ന്ന​ത്തി​ന് പോ​ലും തി​ക​യാ​തെ വ​ന്ന​തോ​ടെ നാ​ലാം ക്ലാ​സി​ൽ പ​ഠ​നം ഉ​പേ​ക്ഷി​ച്ച് കോ​ട്ടൂ​ർ വ​ന​ത്തി​ൽ വി​റ​ക് ശേ​ഖ​രി​ക്കു​ന്ന​വ​ർ​ക്കൊ​പ്പം കൂ​ടി.

വി​റ​ക് ശേ​ഖ​രി​ച്ച് ഹോ​ട്ട​ലു​ക​ൾ​ക്കും മ​റ്റാ​വ​ശ്യ​ക്കാ​ർ​ക്കും വി​ൽ​ക്ക​ലാ​യി​രു​ന്നു ദീ​ർ​ഘ​നാ​ൾ ജോ​ലി. കു​ടും​ബം ഭാ​ഗംവ​ച്ച​പ്പോ​ൾ 10 സെ​ന്‍റ് ഭൂ​മി കി​ട്ടി. ഭാ​ഗം പി​രി​ഞ്ഞ​തോ​ടെ സ​ഹോ​ദ​ര​ങ്ങ​ളും പ​ല​വ​ഴി​ക്കാ​യി.

സൈ​ക്കി​ളി​ൽത​ന്നെ കി​ട​ക്കയൊരുക്കി ഈ​റ ഓ​ല​ക​ൾ കൊ​ണ്ട് മ​റ​യും തീ​ർ​ത്തു. പി​ന്നെ താ​മ​സ​വും തു​ട​ങ്ങി. നാ​ട്ടു​കാ​ർ ന​ൽ​കു​ന്ന സ​ഹാ​യ​മാ​ണ് സോ​മ​ന്‍റെ വ​രു​മാ​ന​മാ​ർ​ഗം. പെ​ൻ​ഷ​ൻ ഇ​ല്ല. ഭ​ക്ഷ​ണം ന​ൽ​കു​ന്ന​തും നാ​ട്ടു​കാ​ർ ത​ന്നെ.

സ​മ​യ​ത്തി​ന് ഭ​ക്ഷ​ണം കി​ട്ടാ​തെ വ​ല​ഞ്ഞി​ട്ടു​ണ്ടെ​ന്നും ആ​ഴ്ച​ക​ളോ​ളം കോ​വി​ഡ് കാ​ല​ത്ത് ഭ​ക്ഷ​ണ​മി​ല്ലാ​തെ ക​ഴി​ഞ്ഞു​കൂ​ടി​യെ​ന്നും സോ​മ​ൻ പ​റ​ഞ്ഞു. ക​ഴി​ഞ്ഞ മ​ഴക്കാ​ല​ത്ത് പോ​ലും സൈ​ക്കി​ളി​ലാ​ണ് സോ​മ​ൻ ക​ഴി​ഞ്ഞു കൂ​ടി​യ​ത്.

സോ​മ​ന്‍റെ അ​വ​സ്ഥ നാ​ട്ടു​കാ​ർ കു​റ്റി​ച്ച​ൽ പ​ഞ്ചാ​യ​ത്തി​നെ അ​റി​യി​ച്ചെ​ങ്കി​ലും അ​വ​ർ തി​രി​ഞ്ഞു​നോ​ക്കി​യി​ല്ലെ​ന്ന് പ​രാ​തി​യു​ണ്ട്. ഈ ​വ​യോ​ധി​ക​ന് സു​ര​ക്ഷി​ത​മാ​യൊ​രി​ടം ക​ണ്ടെ​ത്തി ന​ൽ​കാ​ൻ ബ​ന്ധ​പ്പെ​ട്ട​വ​ർ ത​യാ​റാ​ക​ണ​മെ​ന്ന് പ​ര​ക്കെ ആ​വ​ശ്യം ഉയ​ർ​ന്നി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.