പ്രായമൊക്കെ എന്ത്; ഒരുപറ്റം സ്ത്രീകളുടെ അടിപൊളി നൃത്തം കാണാം
Tuesday, January 17, 2023 2:05 PM IST
സോഷ്യല്‍ മീഡിയയുടെ വരവോടെ നിരവധിപേരുടെ കഴിവുകള്‍ പെട്ടെന്നുതന്നെ മറ്റുള്ളവരിലേക്ക് എത്താറുണ്ട്. അവയില്‍ ചിലത് വൈറലാകാറുണ്ട്. അത്തരത്തിലൊരു നൃത്തമാണ് ഇന്‍സ്റ്റഗ്രാമില്‍ വ്യാപകമായി പ്രചരിക്കുന്നത്.

വീഡിയോയില്‍ ഒരുപറ്റം സ്ത്രീകള്‍ ഒരു ടൂറിസ്റ്റ് ബസില്‍ യാത്ര ചെയ്യുന്നതാണുള്ളത്. അവര്‍ ഈ യാത്ര നന്നായി ആസ്വദിക്കുകയാണ്. സാധാരണ വിനോദയാത്രകളില്‍ ചിലരൊക്കെ പാട്ടിന് നൃത്തം ചെയ്യാറുണ്ടല്ലൊ. മിക്കപ്പോഴും കുട്ടികളൊ യുവാക്കളൊ ഒക്കെയാണ് ഇത്തരത്തില്‍ ചുവട്‌വയ്ക്കുക.

എന്നാല്‍ ഈ സ്ത്രീകളും വളരെ നല്ല രീതിയില്‍ തങ്ങളുടെ സഞ്ചാരം ആഘോഷമാക്കുകയാണ്. വര്‍ഷങ്ങള്‍ക്ക് മുന്‍പ് സൈ പാടി ഹിറ്റാക്കിയ ഗന്നം സ്റ്റൈല്‍ എന്ന ഗാനം ബസില്‍ കേള്‍ക്കാം. ഈ ഗാനത്തിന് കിടിലം ചുവടുകള്‍ വയ്ക്കുകയാണ് ഇവരില്‍ ചിലര്‍. മറ്റുള്ളവര്‍ അവരെ കൈയടിച്ചും മറ്റും പ്രോത്സാഹിപ്പിക്കുകയാണ്.

കൂട്ടത്തിലൊരാള്‍ തകര്‍പ്പനായി ചുവടുകള്‍ വയ്ക്കകുകയാണ്. സംഭവം ഏതായാലും വെെറലായി മാറി. അനവധി റീപോസ്റ്റുകളും ഉണ്ടായി. നിരവധി അഭിപ്രായങ്ങളും വീഡിയോയ്ക്ക് ലഭിക്കുകയുണ്ടായി. നൃത്തം നന്നായെന്നാണ് മിക്കവരും കുറിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.