x
ad
Fri, 20 November 2026
Facebook X Instagram Youtube
Deepika
Deepika
E-Paper
ad

ADVERTISEMENT

സ്പ്ലെൻഡർ: വെറുമൊരു വണ്ടിയല്ല

വെബ്ഡെസ്ക്
Published: November 19, 2026 02:14 PM IST | Updated: November 19, 2026 02:14 PM IST

പ്രതീകാത്മക ചിത്രം

 

കോടികൾ വിലയുള്ള സൂപ്പർ ബൈക്കുകളുണ്ട്. സിനിമയിൽ കാണുന്ന പോലെ ശബ്ദമുണ്ടാക്കുന്ന ബുള്ളറ്റുകളുണ്ട്. പക്ഷെ, ഇന്ത്യയുടെ ഹൃദയത്തിൽ ഇടം പിടിച്ച ഒരു വണ്ടിയുണ്ട്. പേര് - ഹീറോ സ്പ്ലെൻഡർ.

ലോകത്തിലേറ്റവും കൂടുതൽ വിറ്റഴിക്കപ്പെടുന്ന ബൈക്ക് ഏതാണ് എന്ന് ചോദിച്ചാൽ ഉത്തരം ഒന്നേയുള്ളൂ. സ്പ്ലെൻഡർ.സ്പ്ലെൻഡർ വെറുമൊരു വണ്ടിയല്ല. ഒരു തലമുറയുടെ ഓർമ്മയാണ്.

അച്ഛൻ ഓഫീസിൽ പോയിരുന്ന വണ്ടി. ചേട്ടൻ കോളേജിൽ പോയിരുന്ന വണ്ടി. കല്യാണം കഴിഞ്ഞ് ഭാര്യയെ ആദ്യമായി വീട്ടിൽ കൊണ്ടുവന്ന വണ്ടി. മകനെ ആദ്യമായി സ്കൂളിൽ കൊണ്ടുപോയ വണ്ടി.ഒരു വീട്ടിൽ മൂന്ന് തലമുറ കയറിയ വണ്ടിയാണ് സ്പ്ലെൻഡർ.

മൈലേജ് ചോദിച്ചാൽ 70-80 കിലോമീറ്റർ. പെട്രോൾ വില കൂടിയാലും പേടിക്കണ്ട. മെയിന്‍റനൻസ് എന്നാൽ വെറും ചില്ലറ ചെലവ്. എവിടെ കേടായാലും നന്നാക്കാൻ ഒരു മെക്കാനിക്കിനെ കിട്ടും. അതാണ് സ്പ്ലെൻഡറിന്‍റ മാജിക്.

കാസർകോട് മുതൽ തിരുവനന്തപുരം വരെ, ഒരു സാധാരണക്കാരന് സ്പ്ലെൻഡർ എന്നാൽ അഭിമാനമാണ്.കടയിൽ പോകാനും, പാടത്ത് പോകാനും, കാമുകിയെ കാണാൻ പോകാനും, സുഹൃത്തുക്കളോടൊപ്പം ട്രിപ്പ് പോകാനും ഒരേ വണ്ടി. അതാണ് സ്പ്ലെൻഡർ.

കാലം എത്ര മാറിയാലും, എത്ര പുതിയ മോഡലുകൾ വന്നാലും, സ്പ്ലെൻഡറിന്‍റെ KL 01 2827 എന്ന നമ്പർ പ്ലേറ്റ് കാണുമ്പോൾ ഇന്നും മലയാളിയുടെ മനസ്സിൽ ഒരു ചിരി വരും.കാരണം, സ്പ്ലെൻഡർ വെറുമൊരു വണ്ടിയല്ല. അതൊരു വികാരമാണ്,ഒരു തലമുറയുടെ മുഴുവൻ സ്വപ്നങ്ങളെയും ചുമന്ന് ഓടിയ ഒരു കാലഘട്ടത്തിന്‍റെ ഹൃദയമിടിപ്പാണ്.

Tags : auto story

Recent News

Corehub Up