പ്രതീകാത്മക ചിത്രം - എഐ
തിരുവനന്തപുരം: സംസ്ഥാനത്തെ സർക്കാർ, എയ്ഡഡ് സ്കൂളുകളിലെ ഒന്നു മുതൽ പന്ത്രണ്ടു വരെ ക്ലാസുകളിലെ കുട്ടികളിൽ സമ്പാദ്യശീലം വളർത്തുന്ന സ്റ്റുഡന്റ്സ് സേവിംഗ്സ് സ്കീം ഇനി പൂർണമായും ഓൺലൈനിൽ.
കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എജ്യുക്കേഷൻ (കൈറ്റ്) തയാറാക്കിയ studentssaving .kite.kerala.gov.in എന്ന പോർട്ടൽ മുഖ്യമന്ത്രി വി.ഡി. സതീശൻ ഉദ്ഘാടനം ചെയ്തു.തിരുവനന്തപുരം വിളപ്പിൽ ഗവ. എൽപിഎസിലെ വിദ്യാർഥികളായ എ.ആർ.ഹൃഷികേശ് , അനിഘ ആർ. സൂരജ്, എസ്. ഹർഷിത കിരൺ എന്നിവർക്ക് മുഖ്യമന്ത്രി ഡിജിറ്റൽ പാസ്ബുക്കിന്റെ പകർപ്പ് വിതരണം ചെയ്തു.
ക്ലാസ് അധ്യാപകർ മുതൽ നാഷണൽ സേവിംഗ്സ് ഡയറക്ടർ വരെയുള്ള ഉദ്യോഗസ്ഥർക്ക് പോർട്ടലിൽ ലോഗിൻ ചെയ്യാം. നിക്ഷേപം, പിൻവലിക്കൽ, പലിശ എന്നിവ രേഖപ്പെടുത്തിയ ഡിജിറ്റൽ പാസ്ബുക്ക്, രക്ഷിതാക്കൾക്കുള്ള എസ്എംഎസ് അറിയിപ്പ്, ട്രഷറി പേഇൻ സ്ലിപ്പ്, സ്ഥിരനിക്ഷേപ വിവരങ്ങൾ, അക്കൗണ്ട് ക്ലോഷർ വരെയുള്ള എല്ലാ നടപടികളും ഇതിലൂടെ നിർവഹിക്കാം. സ്കൂളുകളിലെ പണമിടപാടുകളും റിപ്പോർട്ടുകളും ഡാഷ്ബോർഡുകൾ വഴി ജില്ലാ, സംസ്ഥാന ഓഫീസുകൾക്ക് തത്സമയം ലഭ്യമാകും.
Tags : Childrens Savings Digital Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash