നാ​ൽ​പ്പ​തി​ന്‍റെ നി​റ​വി​ൽ പ്രി​യ​ദ​ർ​ശി​നി ബ​സ്
Sunday, August 10, 2025 6:00 AM IST
ക​ൽ​പ്പ​റ്റ: പ​ഴ​യ പ്ര​താ​പ​മി​ല്ലെ​ങ്കി​ലും ക്ല​ച്ച് ച​വി​ട്ടി, ഗി​യ​ർ മാ​റ്റി 40-ാം വ​ർ​ഷ​ത്തി​ലേ​ക്ക് വ​ള​യം തി​രി​ക്കു​ക​യാ​ണ് ജി​ല്ലാ പ​ട്ടി​ക​ജാ​തി-​വ​ർ​ഗ സ​ഹ​ക​ര​ണ സം​ഘ​ത്തി​ന്‍റെ പ്രി​യ​ദ​ർ​ശി​നി ബ​സ് സ​ർ​വീ​സ്. ഒ​രു കാ​ല​ത്ത് വ​യ​നാ​ട​ൻ റോ​ഡു​ക​ളി​ൽ പേ​രു​കേ​ട്ട പ്രി​യ​ദ​ർ​ശി​നി ബ​സു​ക​ൾ ഇ​പ്പോ​ഴും മൂ​ന്നെ​ണ്ണം നി​ര​ത്തി​ലു​ള്ള​പ്പോ​ൾ മ​റ്റു ജി​ല്ല​ക​ളി​ൽ സ​ർ​വീ​സ് അ​വ​സാ​നി​ച്ചി​ട്ട് വ​ർ​ഷ​ങ്ങ​ളാ​യി.

മാ​ന​ന്ത​വാ​ടി-​കോ​ഴി​ക്കോ​ട്, മാ​ന​ന്ത​വാ​ടി-​ബ​ത്തേ​രി, മാ​ന​ന്ത​വാ​ടി-​വാ​ളാ​ട് റൂ​ട്ടു​ക​ളി​ലാ​ണ് നി​ല​വി​ൽ ബ​സു​ക​ൾ ഓ​ടു​ന്ന​ത്. 1985ൽ ​എ​ല്ലാ ജി​ല്ല​ക​ളി​ലും ആ​രം​ഭി​ച്ച പ​ട്ടി​ക​ജാ​തി-​വ​ർ​ഗ സ​ഹ​ക​ര​ണ ട്രാ​ൻ​സ്പോ​ർ​ട്ട് സം​ഘം പി​റ്റേ വ​ർ​ഷ​മാ​ണ് ബ​സു​ക​ൾ വാ​ങ്ങി സ​ർ​വീ​സ് തു​ട​ങ്ങി​യ​ത്. 2016ൽ ​ജി​ല്ല​യി​ൽ എ​ട്ട് പ്രി​യ​ദ​ർ​ശി​നി ബ​സു​ക​ളാ​ണ് ഓ​ടി​യി​രു​ന്ന​ത്.

ജി​ല്ലാ ക​ള​ക്ട​ർ ചെ​യ​ർ​മാ​നും സ​ബ് ക​ള​ക്ട​ർ എം​ഡി​യു​മാ​യു​ള്ള സം​ഘ​ത്തി​ന്‍റെ ബ​സു​ക​ൾ കെ​എ​സ്ആ​ർ​ടി​സി, സ്വ​കാ​ര്യ ബ​സ് പ​ണി​മു​ട​ക്കു​ള്ള ദി​വ​സ​ങ്ങ​ളി​ലും ഓ​ടി​യി​രു​ന്നു. 2012ൽ ​സം​ഘം ടൂ​റി​സ്റ്റ് ബ​സു​ക​ളും ഇ​റ​ക്കി.

പി​ന്നീ​ട് വ​രു​മാ​ന​ത്ത​ക​ർ​ച്ച ഉ​ൾ​പ്പെ​ടെ കാ​ര​ണ​ങ്ങ​ളാ​ൽ സ​ർ​വീ​സു​ക​ൾ ഒ​ന്നൊ​ന്നാ​യി നി​ല​ച്ചു. ഒ​രു വ​ർ​ഷ​മാ​യി തൊ​ഴി​ലാ​ളി​ക​ൾ​ക്ക് ലീ​സി​ന് ന​ൽ​കി​യാ​ണ് പ്രി​യ​ദ​ർ​ശി​നി ബ​സു​ക​ൾ ഓ​ടു​ന്ന​ത്. നി​ല​വി​ൽ മൂ​ന്ന് ബ​സു​ക​ളി​ലാ​യി 18 തൊ​ഴി​ലാ​ളി​ക​ളു​ണ്ട്.
Copyright @ 2018 , Rashtra Deepika Ltd.